Category: کاروبار

سینٹرل پاور پرچیزنگ کمپنی نے نیشنل الیکٹرک پاور ریگولیٹری اتھارٹی (نیپرا) کو فی یونٹ بجلی ایک روپے 93 پیسے مہنگی کرنے کی درخواست کی ہے۔

ذرائع نیپرا کے مطابق بجلی کی قیمت بڑھانے کی درخواست جولائی کی فیول پرائس ایڈجسٹمنٹ کی مد میں کی گئی ہے۔

ذرائع کا کہنا ہے کہ درخواست کی مکمل منظوری سے صارفین پر ساڑھے 26 ارب روپے سے زیادہ کا بوجھ پڑےگا۔

ذرائع کا بتانا ہے کہ جولائی میں کل 14 ارب 23 کروڑ یونٹ بجلی پیدا کی گئی، درخواست کے مطابق جولائی میں بجلی پیداوار پر 74 ارب 90 کروڑ روپے رہی۔

ذرائع کے مطابق نیپرا بجلی کی قیمت میں اضافے سے متعلق درخواست کی سماعت 4 ستمبر کو کرے گی۔
کے الیکٹرک کے لیے اضافے کی درخواست نہیں ہے.

جمعرات کے روز مارکیٹ 30 ہزار 637 کی سطح پر کھلی، 100 انڈیکس 203 پوائنٹس کی کمی کے بعد 30 ہزار 434 کی سطح پر موجود ہے۔

گزشتہ روز پاکستان اسٹاک مارکیٹ میں ملا جلا رجحان رہا اور اختتام پر 100 انڈیکس میں 52 پوائنٹس کا اضافہ دیکھا گیا۔

بدھ کے روز مارکیٹ 30 ہزار 584 کی سطح پر کھلی، ابتدا میں مسلسل تیزی دیکھی گئی جس کے سبب ایک وقت میں انڈیکس 31 ہزار 112 پر چلا گیا تاہم یہ رجحان برقرار نہ رہ سکا۔

عبد الحفیظ شیخ نے کہا ہے کہ پاکستان میں متعدد شعبوں میں سرمایہ کاری کے بہترین مواقع موجود ہیں، خطے کی ترقی کے لیے مواصلات اور رابطے بڑھانا ضروری ہے، ترقی ہوگی تو روزگار بڑھے گا۔

تفصیلات کے مطابق مشیر خزانہ ڈاکٹر عبدالحفیظ شیخ نے سیمینار سے خطاب کرتے ہوئے کہا خطے میں ترقی کی ضرورت ہے،
شیر خزانہ نے کہا کہ روزگار کی فراہمی کیلئے اقتصادی ترقی ناگزیر ہے ،عوام کی خوشحالی کیلئے نجی شعبے کاکردار بہت اہم ہے ، حکومت کا کام پالیسی سازی، سکیورٹی اور انصاف یقینی بنانا ہے،حکومت اینٹی کرپشن ایجنڈے پر کام کررہی ہے ،انہوں نے کہا کہ کرنٹ اکواکاونٹس خسارے میں کمی آئی جبکہ برآمدات میں اضافہ ہو رہا ہے۔عبدالحفیظ شیخ کا کہناتھا کہ آئی ایم ایف کے پروگرام میں 6ارب ڈالر کی اہمیت نہیں ہے،اہمیت صرف دنیا کی طرف سے پاکستان پر اعتماد کی ہے،تمام مالیاتی ادارے پاکستان کے ساتھ اشتراک چاہتے ہیں،انہوں نے کہا کہ خصوصی اقتصادی زونز تیار ہورہے ہیں،پاکستانیوں کو سی پیک سے بھرپور فائدہ اٹھانا چاہیے۔

کراچی: کاروباری ہفتے کے تیسرے روز انٹر بینک میں ڈالر 15 پیسے مہنگا ہوگیا۔
فاریکس ڈیلرز کے مطابق انٹر بینک میں ڈالر 157.25 سے بڑھ کر 157.40 روپے کا ہوگیا۔

ستمبر 2018 میں ڈالر 134 اور نومبر میں 142 پر ٹریڈ کررہا تھا ۔ گزشتہ سال کے اختتام پر ڈالر 139 روپے 40 پیسے کا ہوچکا تھا۔

2019 میں بھی ڈالر کی قیمت میں روپے کے مقابلے میں پیش رفت جاری رہی۔ جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے پر ٹریڈ کررہا تھا۔
اپریل 2019 میں ڈالر چھلانگ لگا کر 141 روپے 50پیسے پر آگیا۔ مئی میں 151 روپے اور جون میں تاریخ کی بلند ترین سطح 164روپے پر پہنچ گیا۔

جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا

اسلام آباد: پاکستان اسٹاک مارکیٹ میں کاروباری ہفتے کے تیسرے روز کا آغاز مثبت انداز میں ہوا ہے۔

بدھ کے روز مارکیٹ 30 ہزار 584 کی سطح پر کھلی اس دوران 100 انڈیکس 194 پوائنٹس اضافے کے بعد 30 ہزار 779 کی سطح پر دیکھا گیا ہے۔

گزشتہ ہفتے جمعہ کے روز پاکستان اسٹاک مارکیٹ میں شدید کساد بازاری رہی اور انڈیکس 500 سے زائد پوائنٹ نیچے آیا۔

مارکیٹ 31 ہزار 884 کی سطح پر کھلی اور ابتدائی ایک گھنٹے کے دوران کاروبار میں ملا جلا رجحان دیکھا گیا۔