Baaghi TV

Category: کاروبار

  • سونے کی قیمت میں ناقابل یقین کمی

    سونے کی قیمت میں ناقابل یقین کمی

    لاہور: سونے کی قیمت 200 روپے کم ہونے سے88 ہزار کی سطح سے نیچے آگئی.

    تفصیلات کے مطابق سونے کی قیمت مزید 200 روپے کمی سے 88 ہزار کی سطح سے نیچے آگئی، بین الاقوامی مارکیٹ میں بھی سونے کے نرخ 4 ڈالر گرگئے۔ مقامی مارکیٹ میں گزشتہ ہفتے سونے کے فی تولہ نرخ تاریخ کی بلند ترین سطح 89 ہزار روپے پر پہنچ گئے تھے، جس کے بعد قیمتوں میں اتار چڑھاؤ کا سلسلہ جاری ہے۔ کراچی صراف اینڈ جیولرز ایسوسی ایشن کے مطابق آج (جمعرات کو) مقامی مارکیٹ میں فی تولہ سونا 200 روپے سستا ہوکر 87 ہزار 900 روپے کا ہوگیا، 10 گرام سونے کے نرخ 172 روپے کم ہوکر 75 ہزار 360 روپے ہوگئے۔ کے ایس جے اے کے مطابق عالمی مارکیٹ میں بھی سونے کے نرخ مزید 4 ڈالر گرگئے، جس کے بعد قیمت 1496 ڈالر ہوگئی۔

    دوسری جانب ملک بھر میں فی تولہ چاندی 1120 روپے جبکہ 10 گرام 960 روپے میں فروخت ہورہی ہے، عالمی مارکیٹ میں چاندی کی قیمت 17 ڈالر فی اونس ہوگئی۔

  • جلدی سے سونا خرید لیں ، کیونکہ سونا سستا ہوگیا

    جلدی سے سونا خرید لیں ، کیونکہ سونا سستا ہوگیا

    کراچی: پاکستان میں‌سونے کی قیمتیں کم ہونے لگیں، تفصیلات کے مطابق عالمی مارکیٹ میں سونے کی قیمت میں کمی کے باعث پاکستان میں بھی سونا مزید سستا ہو گیا، فی تولہ قیمت دو سو روپے کم ہو گئی۔

    کراچی سے ذرائع کے مطابق سندھ صرافہ جیولرز ایسوسی ایشن کے مطابق پاکستان میں سونے کی فی تولہ قیمت دو سو روپے کی کمی سے87 ہزار نو سو روپے رہ گئی، دس گرام سونا ایک سو بہتر روپے کی کمی سے75 ہزار تین سو ساٹھ روپے کا ہو گیا جبکہ 22 کیرٹ سونے کی قیمت 69 ہزار اسی روپے فی دس گرام ہو گئی۔

  • سالانہ انتخابات سرگودہا چیمبر آف کامرس اینڈ انڈسٹری

    سالانہ انتخابات سرگودہا چیمبر آف کامرس اینڈ انڈسٹری

    سرگودھا(نمائندہ باغی ٹی وی) سرگودھا چیمبر آف کامرس اینڈ انڈسٹری کے سالانہ انتخابات کے خلاف بزنس الائنس گروپ کی طرف سے لگائے جانے والے6کے 6اعتراضات مسترد، بزنس الائنس کوقانونی تقاضے پورے نہ کرنے پر برہمی کا اظہار، الیکشن کمیشن پر اْٹھائے جانے والے اعتراضات مسترد کرتے ہوئے کہا ہے کہ ایگزیکٹو باڈی ہی انتخابات کروانے اور الیکشن کمیشن بنانے کا اختیار رکھتی ہے، ذرائع کے مطابق سرگودھا چیمبر آف کامرس کے سالانہ انتخابات 2019-20پر بزنس الائنس گروپ نے DGTO اسلام آباد رافع بشیر شاہ کو 6درخواستیں دی تھی جس میں اْنہوں نے الیکشن کمیشن کے ساتھ ساتھ مختلف اعتراضات اْٹھائے تھے جس کی سماعت کے بعد DGTOنے لگائے جانے والے تمام اعتراضات کو یکسر مسترد کر تے ہوئے بزنس الائنس گروپ پر برہمی کا اظہار کرتے ہوئے کہا کہ کسی بھی شکایت کے لئے قانون کے مطابق فورم استعمال کیا جائے۔ جس کے لئے قانون کے مطابق درخواستیں دی جانی ہوتی ہیں مفروضوں پر شکایات یا الزامات نہیں لگائے جاتے۔ کسی بھی شکایت کا ثبوت فراہم کرنا قانونی تقاضہ ہوتا ہے مگر آپ کی جانب سے لگائے جانے والے 6کے 6اعتراضات مفروضوں پر مبنی ہیں۔ DGTOنے یہ بھی کہا کہ چیمبر کے الیکشن کے لئے ایگزیکٹو باڈی کے پاس ہی اختیار ہوتا ہے کہ وہ الیکشن کروانے کے لئے الیکشن کمیشن بنائے۔ سرگودھا چیمبر آف کامرس اینڈ انڈسٹری کے سالانہ انتخابات 2019-20، 17ستمبر کو کارپوریٹ کلاس جبکہ 18ستمبر کو ایسوسی ایٹ کلاس کی پولنگ منعقد ہو گی۔ جس کے لئے 21اگست سے کاغذاتِ نامزدگی کا سلسلہ شروع ہو گا۔ جس کے لئے سرگودھا چیمبر نے شفقت علی چیمہ کو چیئرمین، خلیق احمد خان کو سیکرٹری الیکشن کمیشن، نصیر احمد خان اور رانا محمد کاشف کو ممبران الیکشن کمیشن بنایا ہے۔

  • اوپن مارکیٹ میں ڈالر کی قیمت مستحکم

    اوپن مارکیٹ میں ڈالر کی قیمت مستحکم

    اوپن مارکیٹ میں ڈالر کی قیمت میں استحکام دیکھا جارہا ہے اور اس کی قیمت 158 روپے 90 پیسے پر برقرار ہے۔

    دوسری جانب انٹر بینک میں ڈالر 158.90 روپے میں فروخت ہورہا ہے۔ اس طرح اس کی قیمت میں 30 پسے اضافہ ہوا ہے۔

    یاد رہے کہ اگست 2018 میں پی ٹی آئی حکومت برسر اقتدار آئی تو ڈالر 122 روپے کا تھا۔

  • اسٹاک مارکیٹ میں مثبت رجحان، 100 انڈیکس میں 160 پوائنٹس کا اضافہ

    اسٹاک مارکیٹ میں مثبت رجحان، 100 انڈیکس میں 160 پوائنٹس کا اضافہ

    پاکستان اسٹاک مارکیٹ میں کاروباری ہفتے کے تیسرے روز کا آغاز مثبت زون میں ہوا ہے۔

    بدھ کے روز مارکیٹ 100 انڈیکس 30 ہزار 419 کی سطح پر کھلی اور کاروبار میں تیزی کا رجحان دیکھا گیا۔

    ابتدائی ایک گھنٹے کے دوران 100 انڈیکس 160.14 پوائنٹس اضافے کے بعد 30 ہزار 579 سطح پر پہنچ چکی ہے۔

  • بریکنگ نیوز: امریکی ڈالر 4.05 کا ہوگیا

    بریکنگ نیوز: امریکی ڈالر 4.05 کا ہوگیا

    برازیل: برازیل میں امریکی ڈالر 4.05 کا ہوگیا.

    تفصیلات کے مطابق برازیل میں امریکی ڈالر کی قیمت 4.05 ہوگئی ہے. جس سے وہاں کی معیشت کو کافی نقصان پہنچا ہے. ایک ماہ قبل برازیل میں ڈالر کی قیمت 3.80 تھی. برازیل میں ایک ماہ کے دوران ڈالر کی قیمت میں نمایاں اضافہ دیکھنے میں آیا ہے. وہاں کے معاشی مبصرین کہتے ہیں کہ ڈالر کی قدر میں اضافے سے ملک میں مہنگائی بھی ہوسکتی ہے. دوسری جانب برازیل کے معاشی مبصرین کا کہنا ہے کہ اگلے چند روز میں ڈالر کی قدر میں مزید اضافہ دیکھا جائے گا.

  • ڈالر مزید مہنگا ہو گیا

    ڈالر مزید مہنگا ہو گیا

    گزشتہ روز ڈالر کی قیمت میں کچھ کمی کے بعد آج ڈالر ایک مرتبہ پھر انٹر بینک میں 14 پیسے مہنگا ہوگیا۔

    فاریکس ڈیلرز کے مطابق انٹر بینک میں ڈالر 158.61 سے بڑھ کر 158.75 روپے پر فروخت ہورہا ہے۔
    گزشتہ روز انٹر بینک میں ڈالر کی قدر میں 50 پیسے کی کمی دیکھی گئی تھی۔

    یاد رہے کہ اگست 2018 میں پی ٹی آئی حکومت برسر اقتدار آئی تو ڈالر 122 روپےکا تھا۔

  • پاکستان اسٹاک ایکسچینج میں مثبت رحجان

    پاکستان اسٹاک ایکسچینج میں مثبت رحجان

    پاکستان اسٹاک ایکس چینج میں تیزی کا رجحان رہا.
    آج پاکستان اسٹاک ایکس چینج میں تیزی کا رجحان رہا.دوران کاروبارانڈیکس29ہزار817پر ٹریڈ کررہاہے،کاروبار کے دوران 100انڈیکس میں 264پوائنٹس کا اضافہ ہوا.100 انڈیکس 182.09 پوائنٹس اضافے کے بعد 29 ہزار 744 کی سطح پر پہنچ گیا ہے۔

  • عوام کے لیے خوشخبری سونا سستا ہوگیا

    عوام کے لیے خوشخبری سونا سستا ہوگیا

    عوام کے لیے خوشخبری سونا سستا ہو گیا. ملک میں سونے کی فی تولہ قیمت میں ایک ہزار روپے تک کمی واقع ہوئی ہے جبکہ انٹربینک میں ڈالر کی قدر میں بھی 50 پیسے کمی ہوئی۔

    سندھ صرافہ بازار جیولرز ایسوسی ایشن کے مطابق ایک ہزار روپے کمی کے بعد ملک میں ایک تولہ سونے کی قدر 88 ہزار روپے ہوگئی ہے۔

    10 گرام سونے کی قدر 865 روپے کم ہوکر 75 ہزار 439 روپے ہوگئی ہے جبکہ عالمی صرافہ مارکیٹ میں سونے کی قدر 16 ڈالر کم ہوکر 1498 ڈالر فی اونس ہوگئی ہے۔

  • ساہیوال:معروف کاروباری مرکز میں خوفناک آتشزدگی،کروڑوں کا سامان جل کر خاکستر

    ساہیوال:معروف کاروباری مرکز میں خوفناک آتشزدگی،کروڑوں کا سامان جل کر خاکستر

    ساہیوال:خوفناک آتشزدگی کے نتیجے میں کروڑوں روپے مالیت کا سامان جل کر خاکستر ہوگیا،آتشزدگی کا یہ خوفناک واقعہ ضلع ساہیوال کی نواحی تحصیل چیچہ وطنی کے کمبوہ چوک میں واقع مشہور کاروباری مرکز سرمہ والا کارپوریشن میں پیش آیا،تفصیلات کے مطابق آج منگل کے روز علی الصبح ہی چیچہ وطنی کے مشہور کاروباری مرکز سرمہ والا کارپوریشن کی بالائی منزل پر مبینہ طور پر بجلی کے شارٹ سرکٹ کی وجہ سے آگ بھڑک اٹھی جس نے دیکھتے ہی دیکھتے ہی پوری عمارت کو اپنی لپیٹ میں لے لیا،حادثے کی اطلاع ملتے ہی ریسکیو ٹیمیں اور آگ بجھانے والی گاڑیاں موقع پر پہنچ گئیں اور آگ بجھانے کا عمل شروع کردیا گیا،تاہم شدید محنت اور کوشش کے باوجود  آگ پر قابو پانے میں کم و بیش ڈیڑھ گھنٹا لگ گیا جس دوران عمارت میں موجود کروڑوں روپے مالیت کا سامان جل کر راکھ ہوگیا،

    واضح رہے کہ سرمہ والا کارپوریشن کے نام سے پاکستان کے کئی شہروں میں اقساط پر ضروریات زندگی کا سامان فروخت کیا جاتا ہے جو کہ زیادہ تر بیش قیمت ہوتا ہے،اس سامان میں الیکٹرانک و الیکٹرک کی مشہور کمپنیوں کی مختلف اشیاء، ریفریجیٹر،ایئرکنڈیشنر،ایل ای ڈیز،مائیکروویو اوونز اور موٹرسائیکلز وغیرہ شامل ہیں،
    یاد رہے کہ سرمہ والا کارپوریشن میں یہ کم عرصے کے دوران پیش آنے والا آتشزدگی کا دوسرا واقعہ ہے،
    یہاں یہ بات بھی قابل ذکر ہے عموماً ایسی عمارتوں میں فائر سیفٹی کا کوئی باقاعدہ انتظام نہیں ہوتا اور نہ ہی بجلی کی وائرنگ حفاظتی معیار کے مطابق ہوتی ہے،اکثر اوقات یہی عوامل آتشزدگی کا سبب ہونے کے ساتھ ساتھ آگ کو بھڑکانے کا باعث بھی بنتے ہیں،
    لیکن سول ڈیفنس سمیت متعلقہ ادارے اس معاملے سے چشم پوشی برتتے چلے آئے ہیں اور چند ایک نمائشی پروگرامات یا فوٹو سیشن کروانے کو ہی اعلی کارکردگی سمجھ لیا جاتا ہے