Category: کاروبار

” سوزوکی ایوری ” ممکنہ طور پر 12 اکتوبر 2024 کو لانچ کی جائے گی ۔

باغٰ ٹی وی کی رپورٹ کے مطابق مپنی کی جانب سے اپنے ڈیلرز کو جاری کردہ نوٹیفکیشن کے مطابق لانچ ایونٹ ایکسپو سینٹر لاہور میں منعقد کیا جائے گا۔ مزید برآں، تمام سوزوکی ڈیلرشپ اگلے دن یعنی 13 اکتوبر 2024 (اتوار) کو گاڑی کی نمائش کے لیے کھلے رہیں گی۔یہ گاڑی 660 سی سی انجن کے ساتھ آتی ہے جو 49 ہارس پاور اور 62 نیوٹن میٹر ٹارک پیدا کرتی ہے، جو شہر کے اندر چھوٹے فاصلے اور ہلکے وزن کی ڈرائیونگ کے لیے بہترین ہے۔ اس کا فیول ٹینک 37 لیٹر کا ہے اور شہر کے اندر یہ گاڑی 19 کلومیٹر فی لیٹر جبکہ ہائی وے پر 21 کلومیٹر فی لیٹر کا مائلیج فراہم کرتی ہے۔

واضح رہے کہ اس سے قبل، کار ساز کمپنی نے سوزوکی بولان کا آخری یونٹ متعارف کرایا تھا جسے اب کمپنی کی جانب سے نئی پروڈکٹ کے لیے راستہ بنانے کے لیے اسمبلی لائنوں سے اتار دیا گیا ہے۔سوزوکی ایوری کی پاکستان میں قیمت تقریباً 26 لاکھ روپے متوقع ہے۔

کراچی میں بارشوں سے تباہ سڑکوں کا کام آئندہ ہفتے سے شروع ہو گا

کراچی: آج ملک بھر میں فی تولہ سونے کی قیمت میں 1100 روپے کی کمی ہوئی ہے۔

باغی ٹی وی: آل پاکستان جیمز اینڈ جیولرز ایسوسی ایشن کے مطابق 1100 روپے کی کمی کے بعد سونے کی فی تولہ قیمت 2 لاکھ 74 ہزار 400 روپے ہوگئی ہے 10 گرام سونے کی قیمت 943 روپے کم ہو کر 2 لاکھ 35 ہزار 254 روپے ہو گئی،اس کے علاوہ عالمی مارکیٹ میں 11 ڈالرز کی کمی کے بعد سونا فی اونس 2 ہزار 642 ڈالرز ہو گیا۔

دوسری جانب پاکستان اسٹاک ایکسچینج کا 100 انڈیکس 980 پوائنٹس اضافے سے ملکی تاریخ کی بلند ترین سطح پر پہنچ گیا،آج کاروبار کے آغاز سے ہی اسٹاک ایکسچینج میں تیزی دیکھی گئی اور ایک موقع پر 100 انڈیکس 980 پوائنٹس کے اضافے سے 82947 کی سطح پر پہنچ گیا۔

آرٹیکل 63 اے:پی ٹی آئی کی عدالتی کارروئی سے علیحدگی

واضح رہے کہ کچھ دنوں سے پی ایس ایکس 100 انڈیکس میں کاروبار کا مثبت رجحان دیکھنے کو مل رہا ہے اور اس حوالے سے معاشی تجزیہ کاروں کا کہنا ہے کہ اسٹاک ایکسچینج میں مثبت رجحان کی مختلف وجوہات ہو سکتی ہیں جن میں سے چیدہ چیدہ آئی ایم ایف سے معاہدہ، شرح سود میں کمی اور سرمایہ کاروں کا حکومت پر اعتماد ہو سکتا ہے۔

ڈی چوک پر پی ٹی آئی کا ممکنہ احتجاج،راولپنڈی پولیس کے 4 ہزار اہلکار تعینات …

کراچی: ملک بھر میں آج سونے کی فی تولہ قیمت میں معمولی کمی آئی ہے۔

باغی ٹی وی : آل پاکستان جیمز اینڈ جیولر ایسوسی ایشن کے مطابق ملک بھر میں سونے کی قیمت میں 300 روپے کی معمولی کمی آئی ہے جس کے بعد فی تولہ سونا 2 لاکھ 76 ہزار 700 روپے کا ہوگیا ہے اسی طرح 10 گرام سونے کا بھاؤ 256 روپے کم ہونے کے بعد 2 لاکھ 37 ہزار 226 روپے میں فروخت ہو رہا ہے،دوسری جانب بین الاقوامی مارکیٹ میں سونے کی قیمت میں دو ڈالرز کی کمی ہونے سے فی اونس قیمت 2663 ڈالرز ہو گئی ہے۔

علاوہ ازیں قیمتی پتھروں اور زیورات کی برآمدات میں جاری مالی سال کے پہلے دوماہ میں سالانہ بنیادوں پر اضافہ ریکارڈ کیا گیا ہے۔

اسٹیٹ بینک اور پاکستان بیورو برائے شماریات کی جانب سے جاری کردہ اعداد و شمارکے مطابق مالی سال کے پہلے دوماہ (جولائی تااگست) میں قیمتی پتھروں کی برآمدات سے ملک کو 1.479 ملین ڈالر زرمبادلہ حاصل ہوا،یہ زرمبادلہ گزشتہ مالی سال کی اسی مدت کے مقابلہ میں 137 فیصد زیادہ ہے، مالی سال 2024 کی اسی مدت میں قیمتی پتھروں کی برآمدات سے ملک کو 0.625 ملین ڈالر زرمبادلہ حاصل ہوا تھا۔

اگست میں قیمتی پتھروں کی برآمدات کا حجم 0.464 ملین ڈالر ریکارڈ کیا گیا جو جولائی میں 1.016 ملین ڈالر اور گزشتہ سال اگست میں 0.122 ملین ڈالر تھا،اعداد و شمار کے مطابق مالی سال کے پہلے دوماہ میں جیولری کی برآمدات کا حجم 2.362 ملین ڈالر ریکارڈ کیا گیا جوگزشتہ مالی سال کی اسی مدت کے مقابلہ میں 73 فیصد زیادہ ہے۔

مالی سال 2024کی اسی مدت میں جیولری کی برآمدات سے ملک کو 1.367 ملین ڈالرزرمبادلہ حاصل ہواتھا، اگست میں جیولری کی برآمدات کا حجم 0.690 ملین ڈالر ریکارڈ کیا گیا جوجولائی میں 1.672 ملین ڈالر اور گزشتہ سال اگست میں 0.907 ملین ڈالر تھا۔

کراچی: عالمی مالیاتی ادارے (آئی ایم ایف) ے معاہدے کے اثرات پاکستان اسٹاک ایکسچینج پر بھی دیکھے جا رہے ہیں اور آج کاروبار کے آغاز سے ہی 100 انڈیکس میں تیزی دیکھنے میں آ رہی ہے۔

باغی ٹی وی : کاروبار کے دوران ایک موقع 100 انڈیکس 658 پوائنٹس اضافے سے 82905 کی نئی ریکارڈ بلندی پر ٹریڈ کرتا دیکھا گیا، واضح رہے کہ گزشتہ روز بھی پاکستان اسٹاک ایکسچینج میں کاروبار کا مثبت دن رہا تھا اور 100 انڈیکس 764 پوائنٹس اضافے سے 82247 پر بند ہوا تھا، مارکیٹ میں 42 کروڑ شیئرز کے سودے 18.38 ارب روپے میں طے ہوئے تھے جب کہ مارکیٹ کیپٹلائزیشن 99 ارب رو پے بڑھ کر 10784 ارب روپے رہی تھی۔

واضح رہے کہ گزشتہ روز آئی ایم ایف نے پاکستان کی معاشی اصلاحات کی تعریف کرتے ہوئے پاکستان کے لیے 7 ارب ڈالر کے بیل آؤٹ پیکج کا اعلان کیا تھا، اس حوالے سے آئی ایم ایف کی منیجنگ ڈائریکٹر کرسٹا لینا جارجیوا کا کہنا تھا پاکستانی حکومت اور عوام کو مبارک ہو، پاکستان نے اصلاحات کی ہیں جس سے معیشت بہتر ہوئی، پاکستان کی معیشت درست سمت میں جارہی ہے، معیشت کی گروتھ اور مہنگائی میں کمی ہورہی ہے۔