لاہور:ہمیں پرانے طرز کے طریقہ انتخابات کے علاوہ کچھ منظورنہیں:الیکٹرانک ووٹنگ سے پرائیویسی نہیں رہے گی،اطلاعات کےمطابق پاکستان ملسم لیگ ن نے الیکٹرانک ووٹنگ کے خیال کو مسترد کرتے ہوئے اسے الیکشن چوری کرنے کا منصوبہ قرار دے دیا۔

مسلم لیگ ن کی ترجمان مریم اورنگزیب ‌کہتی ہیں کہ اس آڑ مین الیکٹرانک ووٹنگ مشین کا نیاشگوفہ الیکشن چوری کانیامنصوبہ ہے‘۔مریم اورنگزیب مزید کہتی ہیں کہ الیکٹرانک ووٹنگ سے پرائیویسی ختم ہونے کا امکان ہے

ن لیگ کی ترجمان مریم اورنگزیب کہتی ہیں‌کہ الیکشنز کے دوران آر ٹی ایس سسٹم جواب دے جاتا ہے تو الیکٹرانک مشین بے چاری کیا کرے گی

مریم اورنگزیب کہتی ہیں‌ کہ الیکٹرانک ووٹنگ مشین کا تجربہ پوری دنیا میں ناکام ہوچکا، الیکشن کمیشن کی تحقیق میں بھی یہی بات سامنے آئی تھی کہ الیکٹرانک ووٹنگ ناقابلِ عمل ہے۔

کراچی : کورنا کی تباہ کاریوں نے ضابطےہی بدل دیئے:فضائی مسافروں کی کیٹگری اے اور بی ختم کردی گئی،اطلاعات کے مطابق سول ایوی ایشن اتھارٹی نے تمام مسافروں کی کیٹکگری اے اور کیٹکگری بی ختم کرنے کا فیصلہ کیا ہے

سول ایوی ایشن اتھارٹی کے ڈائریکٹر ایئر ٹرانسپورٹ نے نیا سفری ہدایت نامہ جاری کردیا، بیرون ملک سے پاکستان آنے والے تمام مسافروں کا 72گھنٹے قبل کورونا ٹیسٹ لازمی قرار دیا گیا ہے۔

ذرائع کے مطابق پاکستان کے تمام بین الاقوامی ایئرپورٹس پر تمام مسافروں کا ریپڈ اینٹیجنٹ ٹیسٹ ہوگا، ریپڈ اینٹیجنٹ ٹیسٹ کی رپورٹ 20منٹ کے اندر اندر حاصل ہوگی۔

ٹیسٹ کی رپورٹ مثبت آنے پر مسافر کو اپنے خرچے پر قرنطینہ کیا جائے گا، 8دن بعد دوبارہ ٹیسٹ ہوگا منفی آنے پر گھر جانے کی اجازت ہوگی، نئی ٹریول ایڈوائزری این سی او سی فیصلوں کے تناظر میں جاری کی گئی۔

اس کے علاوہ کیٹیگری سی میں شامل 23 ممالک کے مسافروں کی آمد پرپابندی کی مدت میں توسیع کردی گئی ہے، کیٹیگری سی ممالک سے مسافروں کی آمد پرسفری پابندیاں5مئی سے تاحکم ثانی نافذالعمل رہیں گی۔

کیٹیگری سی میں جنوبی افریقہ، برزایل، زمبابوے، بھارت سمیت 23 ممالک شامل ہیں، سی کیٹیگری ممالک سے آمد کی اجازت این سی او سی کے این او سی سے مشروط قرار دی گئی ہے، ان ممالک میں موجود پاکستانی، نائیکوپ،پی او سی کارڈ ہولڈرز پاکستانی کی آمد پر بھی پابندی برقرار ہے۔

جہلم :جہلم میں آج مزید 3 افراد کورونا وائرس سے جانبحق ہوگئے ،اطلاعات کے مطابق اس وقت جہلم میں 73 کرونا وائرس سے متاثرہ مریض جن میں کرونا وائرس بیماری کی کوئی علامات نہیں ہیں ان افراد کو گھروں میں آئسولیٹ کیا گیا ہے اور 11 کرونا وائرس سے متاثرہ مریض ڈسٹرکٹ ہیڈ کوارٹر ہسپتال میں زیر علاج ہیں۔

کرونا وائرس کے 6 (Suspected) ممکنہ مریض ڈسٹرکٹ ہیڈ کوارٹر ہسپتال میں زیر علاج ہیں۔ تمام مریضوں کو علاج کی بہترین سہولیات فراہم کی جا رہی ہیں۔

محکمہ صحت جہلم نے گزشتہ روز تک کورونا کے مشت 85360 افراد کے نمونے لے کر لیبارٹری بھجوائے ہیں جن میں سے 2235 افراد کی رپورٹ مثبت آئی ہے۔

آج مزید 10 کرونا وائرس سے متاثرہ مریض صحت یاب ہوئے ہیں۔اب تک کل 2089 کرونا وائرس سے متاثرہ مریض صحت یاب ہو چکے ہیں۔

اس وقت کل کرونا وائرس سے 62 اموات ہوئی ہیں۔

کرونا وائرس کی تیسری لہر میں محکمہ صحت جہلم نے یکم مارچ 2021 سے اب تک کل کرونا وائرس کے مشتبہ 24199 افراد کے نمونے لے کر لیبارٹری بھجوائے ہیں جن میں 754 افراد کی رپورٹ مثبت موصول ہوئی کرونا وائرس کی تیسری لہر میں اب تک 21 اموات ہوئی ہیں۔

جہلم میں اب تک 70 میڈیکل اور پیرامیڈیکل سٹاف کرونا وائرس سے متاثر ہوا ہیں۔

اب تک 2246 فرنٹ لائن ہیلتھ ورکرز اور 13532 پچاس سال سے زائد عمر کے شہریوں کو کرونا وائرس سے بچاؤ کی ویکسینیشن کر دی گئی ہے۔

کراچی : فواد چوہدری کے بعد سعید غنی نے بھی ری پولنگ کروانے کا مطالبہ کردیا ،اطلاعات کے مطابق صوبہ سندھ کے وزیر تعلیم سعید غنی نے این اے 249 کے ضمنی الیکشن میں دوبارہ گنتی کی بجائے ری پولنگ کروانے کا مطالبہ کیا ہے

صوبہ سندھ کے وزیر تعلیم سعید غنی کہ یقین ہے این اے 249 کے ضمنی الیکشن میں دھاندلی نہیں ہوئی بلکہ ن لیگ والے اپنی بے نظمی کی وجہ سے ہارے ہیں۔

انہوں نے کہا کہ ن لیگ والوں کو درخواست دینے کا حق ہے، پارٹی کو تجویز دی ہے کہ این اے 249 کے پورے حلقے میں ری پولنگ کرائیں، یقین ہے ری پولنگ میں ان کو دوبارہ شکست ہوگی۔

ان کا کہنا تھاکہ ری پولنگ ہوگی تو مفتاح اسماعیل بری طرح ہاریں گے۔سعید غنی کا کہنا تھاکہ میں آر او کا دفاع نہیں کرتا، ہمارے فارم 45 ہمارے ایجنٹس نے ہمیں دیے، الیکشن کمیشن نے نہیں۔

یاد رہےکہ اس سے پہلے وفاقی وزیرفواد چوہدری بھی دوبارہ گنتی کی بجائے ری پولنگ کا مطالبہ کرچکے ہیں