Category: کرونا اپڈیٹس

نئی دہلی :بھارت میں کرونا سے امریکی سفارتی عملے دوافراد جاںبحق،100کی جانیں خطرےمیں:معاملات بگڑگئے،اطلاعات کے مطابق عالمی وباء کورونا وائرس کے باعث بھارت میں تعینات امریکی سفارتی عملے کے 2 افراد ہلاک ہوگئے جب کہ 100 سے زائد کا کورونا ٹیسٹ مثبت آگیا ۔

۔
رپورٹ میں ذرائع کے حوالے سے بتایا گیا کہ ہندوستان میں امریکی اہلکاروں ، ان کے خاندان کے افراد اور مقامی طور پر ملازمت والے عملے کو صرف گزشتہ 2 ہفتوں کے دوران ہی کورونا ویکسین لگائی گئی تھی ،

ذرائع کا کہنا ہے کہ کچھ سفارتی عملہ اس وجہ سے مایوس بھی تھا کہ انہیں امریکی سفارتی مشن کے ذریعے ویکسین کب ملیں گی اس بارے میں واضح معلومات نہیں دی گئیں اس کی وجہ سے انہیں لگا کہ انہیں ترجیح نہیں دی جارہی ہے

پیر کے روز چنئی میں امریکی قونصلیٹ نے ایک بیان میں کہا کہ موجودہ کورونا صورتحال کے پیش نظر قونصلیٹ میں تمام معمول کی خدمات 26 اپریل سے لے کر 15 مئی تک منسوخ کردی گئیں

انقرہ :دنیا کی زندگی خطرےمیں پڑگئی :دیگردنیا کی طرح تُرکی نےبھی مکمل لاک ڈاؤن کا اعلان کر دیا گیا ،اطلاعات کے مطابق عالمی وبا کورونا وائرس کے وار پوری دنیا میں جاری ہیں۔ کورونا وائرس کی تیسری لہر نے کئی ممالک کو اپنی لپیٹ میں لے لیا ہے۔ ان حالات میں یورپ کے دہانے پرموجودمسلم ملک ترکی بھی ملک بھرمیں مکمل لاک ڈاون پرمجبورہوگیا ہے

ذرائع کے مطابق تُرک صدر رجب طیب اردوان نے کابینہ کی تین گھنٹے طویل میٹنگ کے بعد میڈیا سے بات چیت کرتے ہوئے ملک میں لاک ڈاؤن کے نفاذ کا اعلان کیا۔

اس حوالے سے تُرک صدر طیب اردوان نے کہا کہ ترکی میں 29 اپریل سے 17 مئی تک کے لیے مکمل لاک ڈاؤن کا فیصلہ کیا گیا ہے۔

تُرک صدر نے اعلان کیا کہ 20 روز کے لیے تمام کاروباری ادارے اور مارکیٹیں مکمل طور پر بند رہیں گی،البتہ وزارت داخلہ کے ‏سرکلر میں آنےوالے ادارے پابندی سے مستثنیٰ ہوں گے

ترک وزارت داخلہ کی طرف سے کہا گیا ہے کہ صرف اشیائے ضرورت کے کاروبار کی اجازت ہوگی۔ بین الصوبائی آمدورفت حکومت کی اجازت سے مشروط ہوگی، اس کے علاوہ پبلک ٹرانسپورٹ میں بھی صرف محدود حد تک افراد بیٹھ سکیں گے۔

لاک ڈاؤن کے دوران تمام افراد گھروں میں رہنے کے پابند ہیں تاہم صرف علاج یا دوائی لینے کے لیے گھر سے باہر نکلنے کی اجازت ہوگی، اس کے علاوہ ایسے افراد جن کا تعلق میڈیسن، ایمرجنسی سروس اور اشیائے خورونوش کے محکموں سے ہے پابندیوں سے مستثنیٰ ہیں۔

ترکی میں گذشتہ چوبیس گھنٹوں کے دوران تُرکی میں کورونا کے 37 ہزار 312 نئے کیسز رپورٹ ہوئے جبکہ کورونا کے باعث 353 اموات ہوئیں جو اپریل کے مقابلے میں کم ہیں لیکن ابھی بھی دنیا میں چوتھے نمبر پر ہیں۔

لندن:لاشوں کےڈھیرلگ جائیں گے مگرمیں پھربھی یہ کام نہیں کروں گا، بورس جانسن کا بیان تنازعہ بن گیا،برطانوی وزیراعظم ایک اخبار میں چپھنے والے اپنے بیان کی تردید کی ہے جس میں کہا گیا ہے کہ بورس جانسن نے ایک اجلاس میں کہا تھا کہ لاشوں کے ڈھیر لگ جائیں لیکن اب لاک ڈاؤن نہیں لگے گا۔

برطانوی وزیراعظم بورس جانسن نے اپنے متنازع بیان کی تردید کرتے ہوئے کہا ہے کہ اخبار کی جانب سے لگائے گئے الزامات من گھڑت اور مضحکہ خیز ہیں، برطانیہ نے کووڈ کی وجہ سے گزشتہ سال پابندیوں اور لاک ڈاؤن میں ہی گزارا تھا تاہم ملک میں ویکسینیشن شروع ہونے کے بعد ان پابندیوں میں بالترتیب نرمی کی گئی ہے۔

ڈیلی میل کے مطابق گزشتہ سال اکتوبر جب کورونا کی صورتحال بے قابو تھی اور برطانیہ میں دوسری بار لاک ڈاؤن نافذ کیا گیا تھا تو وزیراعظم بورس جانسن نے اجلاس میں کہا تھا کہ ملک میں اب کوئی لاک ڈاؤن نہیں لگے گا چاہے لاشوں کے ڈھیر لگ جائیں۔ برطانوی اخبار کی خبر سامنے آنے کے بعد بورس جانسن کو شدید تنقید کا سامنا ہے اور اپوزیشن سمیت عوامی حلقوں نے وزیراعظم سے بیان پر وضاحت دینے کا مطالبہ کیا ہے۔

واضح رہے کہ برطانیہ میں کورونا وائرس کی صورتحال کافی خراب ہے، وبا کی وجہ سے اب تک ایک لاکھ 27 ہزار سے زائد اموات ریکارڈ ہوچکی ہیں جب کہ کورونا کے بڑھتے کیسز اور نئی اقسام سامنے آنے کے بعد اسپتالوں میں مشکل صورتحال کا سامنا ہے جب کہ کئی شہروں میں لاک ڈاؤن اور سخت پابندیاں بھی عائد کی گئی ہیں۔