لاہور: اگرکوئی تنقیدکرے توسننےاوراصلاح کرنےکاحوصلہ بھی ہوناچاہیے:انضمام الحق نےحق بات کردی سچ بات کردی ،اطلاعات کےمطابق قومی ٹیم کے سابق کپتان اور چیف سلیکٹر انضمام الحق بھی شعیب ملک کے حق میں بول پڑے۔

تفصیلات کے مطابق سابق چیف سلیکٹر انضمام الحق نے کہا کہ کوئی کھلاڑی کسی پر تنقید کرتا ہے تو مینجمنٹ کو اسے مثبت لینا چاہیے، شعیب ملک سینئر کھلاڑی ہیں انہوں نے اگر بات کی ہے تو مینجمنٹ کو سوچنا چاہیے۔

انضمام الحق نے کہا کہ محمد عامر اور شعیب ملک نے مینجمنٹ پر تنقید کی، دونوں کھلاڑی جب ٹیم سے باہر ہوئے تب انہوں نے مینجمنٹ پر تنقید کی، ٹیم میں رہتے ہوئے ان مسائل کی نشاندہی کرنی چاہیے تھی۔

انہوں نے کہا کہ کوئی بھی کھلاڑی کسی پر تنقید کرتا ہے تو مینجمنٹ کو اسے مثبت لینا چاہیے۔

زمبابوے کے خلاف آخری میچ اور سیریز میں فتح کے بعد انضمام الحق نے کہا کہ ہار جیت ہوجاتی ہے اس میں کوئی بڑی بات نہیں لیکن ٹیم کا مڈل آرڈر کمزور ہے، اس کمبی نیشن کے ساتھ آگے چلنا مشکل ہوگا۔

انہوں نے کہا کہ موجودہ ٹیم کی سلیکشن ٹھیک نہیں ہوئی، ایک ہی نمبر کے 4 کھلاڑی سلیکٹ کیے گئے ہیں۔

انضمام الحق نے کہا کہ سلیکشن کے لیے متوازن ٹیم بنانا ہوتی ہے، ٹیم میں بیلنس کی کمی ہے، فخر کو نیچے بھیجا گیا حالانکہ اس سے اوپننگ کروانی چاہیے تھی

انضمام الحق نے کہا کہ اگر سوشل میڈیاکے دباو میں ٹیم کا انتخاب ہوتا ہے تو یہ غلط ہے ۔ سلیکٹرز کو کھلاڑیوں کا انتخاب کرتے وقت مستقبل کو بھی مدنظر رکھنا چاہیے ۔

اسلام آباد:ایک طرف کرونا کی تباہ کاریاں دوسری طرف بچوں کےامتحانات:وزیراعظم کے نام خط لکھ دیا گیا ،اطلاعات کے مطابق پاکستان میں ایک طرف کرونا کی وجہ سے ہرطرف پریشانیوں نے ڈیرے ڈال دیئے ہیں تودوسری طرف حکومت کی طرف سے کیمبرج کے امتحانات کا شیڈول بھی آگیا ہے

کرونا کی تباہ کاریوں کے دوران یہ امتحان کتنا خطرناک ہوسکتا ہے ، اس حوالے سے وزیراعظم عمران خان کوخط لکھ دیا گیا ہے ،یہ خط ڈاکٹرنزہا محمود نے لکھا ہے ، اس خط میں کیا لکھا ملاحظہ فرمائیں

قابل احترام وزیر اعظم عمران خان۔

دین اسلام کی پیروی کرنا حکومت یا کسی بھی دوسری وزارت کے پاس کیا اختیار ہے کہ وہ معصوم بچوں کو وبائی بیماری سے دوچار کرے

جب آپ کی اسمبلی اس صورتحال کی وجہ سے سیشن منسوخ کررہی ہے تو آپ بچوں کو بند ہال میں بیٹھنے پر کیوں مجبور کررہے ہیں !! جہاں موجودہ حالات میں شادیوں کا انعقاد مجرم ہے

جو میرے بیٹے کی زندگی کی ذمہ داری لے رہا ہے ، جبکہ میں مریضوں کے سامنے ان کی حفاظت کے لیے خود کوششیں کررہا ہوں ، کیا مجھے اپنی حکومت کی طرف سے اپنے بچے کو خطرے میں ڈالنے کی اذیت سے نوازا جارہا ہے؟

والدین کی حیثیت سے کوئی بھی امتحانات کی زحمت گوارا نہیں کرتا ہے …. اس کے بجائے ان کی زندگی انمول ہے

میں آپ سے توقع کرتا ہوں کہ آپ کارروائی کریں گے اور ان بچوں کو ان کے زندہ رہنے کا حق دیں گے جیسا کہ سب کو دیا جاتا ہے

کسی ایسے شہری کو مایوس نہ کریں جوکہ فرنٹ لائن فائٹر ہے لیکن وہ بھی کسی کی ضمانت نہیں دے سکتا

شکریہ

ڈاکٹر نزہا محمود

پشاور:خبردارہوشیار: بلاضرورت گلی میں پھرنے پرکارروائی ہوگی،لاک ڈاؤن کا نوٹیفکیشن جاری،اطلاعات کےمطابق صوبہ خیبرپختونخوا کےضلع مردان میں مکمل لاک ڈاؤن کانوٹیفکیشن جاری کردیا گیا۔

ذرائع کے مطابق اس حوالے سے ڈپٹی کمشنرحبیب عارف نے مکمل لاک ڈاؤن کا نوٹیفیکیشن جاری کیا جس کے مطابق بلاضرورت گلی میں پھرنے والوں کے خلاف کارروائی ہوگی جبکہ ٹھوس وجہ بتائے بغیر مردان میں کوئی داخل نہیں ہوسکے گا۔

نوٹیفکیشن کے مطابق نماز تراویح متعلقہ ایس اوپیز کے تحت ادا کی جائے گی، تراویح میں ایس او پیز کی خلاف ورزی پر صرف امام اور5 مقتدیوں کو نماز کی اجازت ہوگی۔

نوٹیفکیشن میں کہاگیا ہےکہ کھانےپینےکی چیزوں کی دکانیں شام 6 بجےکےبعد بند رہیں گی تاہم پیٹرول پمپس، ویکسینیشن سینٹرز، پنکچرز شاپس اورادویات کی دکانیں پابندی سے مستثنیٰ ہوں گی۔

خیال رہے کہ کورونا وائرس کا پھیلاؤ روکنے کیلئے صوبہ خیبرپخونخوا کے ضلع مردان میں ایک ہفتے کا لاک ڈاؤن لگانے کا فیصلہ کیا گیا ہے

اسلام آباد:پاکستان اسٹیل ملز کے بند آکسیجن پلانٹ کوآپریشنل کرنے کے لیے کوششیں شروع ،اطلاعات کے مطابق حکومت نے پاکستان اسٹیل ملز کے بند آکسیجن پلانٹ کا جائزہ لینے کا فیصلہ کیا ہے۔

ذرائع پاکستان اسٹیل کے مطابق تکنیکی ماہرین اور انجینئرز کل پاکستان اسٹیل ملز کے آکسیجن پلانٹ کا جائزہ لیں گے۔

ذرائع کا کہنا ہےکہ اسٹیل ملز پلانٹ کاجائزہ لینےکے لیے ملٹری انجینئرنگ سے بھی رابطہ کیا گیا ہے، جائزے کے بعد اندازہ ہو سکے گا کہ پلانٹ سے آکسیجن کس حد تک حاصل کرنا ممکن ہے ۔

ذرائع کا کہنا ہے کہ اسٹیل ملز کے پلانٹ سے بننے والی آکسیجن صرف سلنڈرز میں بھری جا سکتی ہے۔

خیال رہے کہ کورونا کیسز میں اضافے کے پیش نظر ملک میں آکسیجن کی کمی کا خدشہ ہے اور دوسری جانب پاکستان اسٹیل ملز میں آکسیجن کا بڑا پیداواری یونٹ موجود تو مگر بند پڑا ہے۔

اسلام آبا:وفاقی وزیرتعلیم نے کرونا کی تباہ کاریوں‌کے دوران امتحانات کی تاریخوں کا بھی اعلان کردیا ،اطلاعات کے مطابق وفاقی وزیر تعلیم شفقت محمود نے کہا ہےکل سے او لیول کے امتحانات شروع ہو رہے ہیں جب کہ میٹرک اور انٹر کےامتحانات مئی کے تیسرے یا چوتھے ہفتے میں ہوں گے۔

شفقت محمود کہتے ہیں کہ اس موقع پر کیمبرج نےکہاہےکہ اس سال پاکستان میں ٹیچرز اسسٹڈگریڈز نہیں ہوں گے۔

ذرائع کے مطابق جہاں ایک طرف ملک میں کرونا نے تباہی مچا رکھی ان حالات میں شفقت محمود کا کہنا تھا کہ صحت کا پہلو ہمیشہ مقدم ہوتاہے، این سی او سی میٹنگ میں صحت کی صورت حال کاجائزہ لیاجاتاہے، تعلیم کےلحاظ سےتمام صوبائی وزرائےتعلیم کامشورہ تھاکہ امتحانات ہونےچاہئیں۔

شفقت محمود کہتے ہیں کہ میٹرک اورانٹر کی کلاسز جاری رکھیں تاکہ امتحانات لیے جاسکیں لیکن صحت کی بنیاد پر فیصلہ میں نے نہیں کرنا، انہوں نے کرنا ہے جو میڈیکل فیلڈ سے وابستہ ہیں، پچھلے سال جو گریڈز کے ساتھ ہوا اس پر بہت تماشا ہوا۔

اسلام آباد:کورونا بے قابو:علامہ اقبال اوپن یونیورسٹی نے بھی ملک بھر میں جاری امتحانات ملتوی کر دیے،اطلاعات کے مطابق علامہ اقبال اوپن یونیورسٹی نے ملک بھر میں جاری امتحانات ملتوی کر دیے۔

یونیورسٹی انتظامیہ کے اعلامیے کے مطابق فیصلے کے تحت ایسوسی ایٹ ڈگری، بی ایڈ اور بی بی اے کے جاری امتحانات ملتوی کردیے گئے۔

اعلامیے میں کہا گیا کہ بی ایس اکاؤنٹنگ اینڈ فنانس اور بی ایس او ڈی ایل پروگراموں کے فائنل امتحانات بھی ملتوی کیے گئے ہیں۔

اعلامیے کے مطابق امتحانات کو ریجنل دفاتر کے ڈائریکٹرز کی تجاویز پر ملتوی کیا گیا جبکہ نئے شیڈول کا اعلان عید الفطر کی چھٹیوں کے بعد کیا جائے گا۔