لاہور: کرونا کی تباہ کاریاں جاری :پنجاب کے مزید 25 اضلاع کے تعلیمی ادارے بند کر دیئے گئے:نوٹی فکیشن جاری ،اطلاعات کے مطابق کورونا کیسز کے پھیلاؤ کے باعث صوبہ پنجاب کے مزید 25 اضلاع کے سکول بند کر دیئے گئے ۔

تفصیلات کے مطابق صوبائی وزیر تعلیم مراد راس کی جانب سے صوبے کے مزید 25 اضلاع کے تعلیمی اداروں کی بندش کا اعلان کرتے ہوئے نوٹی فکیشن بھی جاری کردیا گیا ،

پنجاب حکومت کی طرف سے جاری نوٹیفکیشن کے مطابق 25 اضلاع میں تمام سرکاری اور نجی اسکولوں کو فوری طور پر بند کردیا جائے گا اس کے علاوہ 9 ویں 10 ویں 11 ویں اور 12 ویں کلاسز کو بھی 26 اپریل بروز پیر سے ان اضلاع میں بند کردیا جائے گا ۔

NOTIFICATION:
All Public & Private Schools will be closed immediately in the Districts stated below in the Notification till further notice. Classes 9,10,11,12 will also be closed in these Districts starting Monday 26, 2021. pic.twitter.com/jeelRjVa2V

— Murad Raas (@MuradRaasMR) April 25, 2021

وزیر تعلیم پنجاب مراد راس کی جانب سے جاری کیے گئے نوٹی فکیشن کے مطابق جن اضلاع میں تعلیمی اداروں کو بند کیا گیا ہے ان میں بہاولپور ، بہاولنگر ، بھکر ، چکوال ، ڈیرہ غازی خان ، فیصل آباد ، گوجرنوالہ ، حافظ آباد ، جھنگ ، قصور ، خانیوال ، خوشاب ، لاہور ، لودھراں ، منڈی بہاؤالدین ، ملتان ، اوکاڑہ ، پاکپتن ، رحیم یار خان ، راولپنڈی ، ساہیوال ، سرگودھا ، شیکوپورہ ، سیالکوٹ اور ٹوبہ ٹیک سنگھ شامل ہیں ۔

خیال رہے کہ قومی رابطہ کمیٹی نے 5 فیصد سے زائد کورونا کیسز والے تمام اضلاع میں اسکول بند کرنے کا فیصلہ کیا تھا

لاہور:دعا ہے کہ اللہ تعالیٰ سب کوکورونا وبا سے نجات دیں:پاکستان ہویا بھارت انسانیت کوتڑپتے ہوئے نہیں دیکھ سکتی:اطلاعات کےمطابق پاکستان سمیت دنیا بھرمیں جس طرح کورونا وائرس کی وجہ سے تباہی پھیل رہی ہے اس پردرد دل رکھنے والے انسان اپنے جزبات پرقابونہ رکھ سکے

ان حالات میں جب کہ ہمارے ہمسائے میں بھارت جہاں انسانیت تڑپ تڑپ کرجان دے رہی ہے، ہر طرف بے بسی کی انتہا نے دنیا کوہلا کررکھ دیا ہے ، اس بے بسی اوربے چارگی کودیکھ کردنیا کی بڑی بڑی شخصیات بھارتیوں کے لیے دعا گو بھی ہیں اوران کی مدد کےلیے کوشاں بھی ہیں

ان حالات میں جہاں ایک طرف وزیراعظم پاکستان عمران خان بھارت کی اس حالت زارپرخاموش نہ رہ سکے اورمدد کی پیشکش کردی وہاں پاکستان سے دیگراہم شخصیات کی طرف سے بھی ہمدردی اورخیرخواہی کے جزبات سامنے آرہےہیں

اس سلسلے میں پاکستان کی صف اول کی معروف اداکارہ صوفیہ مرزا بھی بھارتیوں کی حالت زارپراپنے جزبات پرقابونہ پاسکیں اوربے ساختہ ایسی ایسی دعائیں کرنے لگیں‌ کہ جنہیں سن کرہردرد دل رکھنے والا انسان بھی متاثرہوا ہے

I really pray for people in India to recover from corona ameen . May Allah keep us all safe from corona @rekha_bhardwaj hope all is well at ur end 😇

— Sophia Mirza (@IamSophiaMirza) April 24, 2021

صوفیہ مرزا نے سماجی رابطے کی ویب سائٹ ٹویٹرکے ذریعے اپنے دعاوں بھرے پیغام میں کہا ہے کہ وہ ساری انسانیت کے لیے دعا گوہیں کہ اللہ تعالیٰ‌ سب کواس وبا سے نجات دیں‌، صحت دیں ،شفا دیں اورپریشانیوں کو بھی ختم کردیں‌

صوفیہ مرزا کہتی ہیں کہ بھارت میں جواس وقت کیفیت ہے وہ بہت ہی تکلیف دہ ہے ، وہ بے بسی کے نہیں دیکھ سکتیں ، جہاں سڑکوں پر، فٹ پاتھوں پرانسانیت تڑپ تڑپ کرمررہی ہے ،

صوفیہ مرزا کہتی ہیں کہ وہ اللہ سے دعاگوہیں کہ اللہ اپنی مخلوق پررحم فرما کران کواس بیماری سے نجات دیں‌

یاد رہےکہ اداکارہ صوفیہ مرزا کی طرف سے یہ دعا بھراپیغام اس وقت آیا ہے جب پاکستان کی حکومت ، وزیراعظم عمران خان ، وزیرخارجہ شاہ محمود قریشی کی طرف سے بھی انہیں جزبات کا اظہارکیا گیا ہے

اسلام آباد: ن لیگ نے کرونا سے بچاوکے لیے فوج کی مدد لینے کی مخالفت کردی ،حکومت نے عوام کوکورونا سے بچانے کے لیے فوج طلب کی ، احسن اقبال نے مخالفت کردی ،اطلاعات کے مطابق ن لیگ نے کورونا ایس او پیزپر عملدرآمد کیلئے فوج کی طلبی سول اداروں کی تباہی قرار دے دی۔

تفصیلات کے مطابق سماجی رابطوں کی ویب سائٹ ٹویٹر پر اپنے ایک ٹویٹ میں مسلم لیگ ن کے سینئر رہنما احسن اقبال نے کہا کہ پاک فوج کو کورونا ایس او پیز پر عمل درآمد کرنے کے لیے طلب کرنا سول اداروں کی تباہی ہے۔

احسن اقبال نے کہا ہےکہ فوج کو عوام کی مدد کرنے کے خلاف ہیں ،

انہو ں نے کہا اس سے قبل بھی حکومت ٹڈی دل اور کچرا صفائی جیسے مسائل کے لیے فوج کو طلب کر چکی ہے، جو کہ افسوسناک اقدام ہے۔

مسلم لیگ ن کے سیکرٹری جنرل احسن اقبال کا کہنا ہے کہ اس سے پہلے ٹڈی دل، کچرا صفائی جیسے مسائل پر بھی فوج طلب کی جاچکی ہے جن پر ماضی میں سول ادارے کامیابی سے کام کیا کرتے تھے۔