لاہور کی ضلعی انتظامیہ کے افسران متحرک ہو گئے ہیں۔ کورونا ایس او پیز پر عملدرآمد کروانے کے لئے شہر کے مختلف علاقوں کاروائیاں جاری ہیں۔ ڈی سی لاہور مدثر ریاض کے مطابق اس وقت شہر کے مختلف علاقوں میں مجموعی طور پر 48 دکانوں و سٹوروں و میرج ہالز سیل کئے گئے ہیں اور 10 ہزار روپے تک کا جرمانہ عائد کیا گیا ہے۔
اسسٹنٹ کمشنر سٹی فیصان احمد نے 12 ہوٹلز و ریسٹورنٹس اور 12 دکانوں و سٹوروں کو سیل کیا جب کہ اسسٹنٹ کمشنر کینٹ ذیشان نصر اللہ رانجھا نے 9 دکانوں و سٹوروں کو سیل کیا اور 10 ہزار روپے کا جرمانہ عائد کیا۔ اسسٹنٹ کمشنر شالیمار منصور قاضی نے بھی 11 دکانوں و سٹوروں اور 4 میرج ہالز کو سیل کیا۔
تحصیل سٹی میں امجد ہوٹل، حمزہ ہوٹل، وی آئی پی چکن پلاؤ، ضیاء سندھی بریانی، کراچی بریانی، بسم اللہ ہوٹل، حیدر ریسٹورنٹ، مکہ ریسٹورنٹ، ظہور شہید ہوٹل، باقر ہوٹل، حاجی سلطان حلیم، الکشمیر ہوٹل، بھورجن شوز، ہاپسکاچ گارمنٹس، مغل الیکٹرک، عائشہ ٹریڈ فوم، مغل ہارڈویئر، ایکس مین گارمنٹس، آئیز آپٹیکل شاپ، طارق موبائل سنٹر اقبال، بسم اللہ کولڈ کارنر، وسیم ٹک شاپ اور عظیم ٹائر شاپ کو سیل کیا گیا۔ تحصیل کینٹ میں جیدی شاپ، خرم اینڈ گائیز ہئیر سیلون، سٹون ورلڈ، مومو آٹو مارٹ، جردان کافی، کراچی نصیب بریانی، ماسٹر موبائلز اینڈ کمپیوٹر، یونائیٹڈ موبائل اور تمباکو ہب کو سیل کیا گیا.
تحصیل شالیمار میں فرنیچر شاپ جی ٹی روڈ اپوزیٹ شالیمار گارڈن، استاد جی پام شاپ، سحر پان شاپ، اعظم فوٹو سٹوڈیو، نثار ڈیجیٹیل سٹوڈیو، حسیب سٹوڈیو، یاسر بروسٹ ضرار شہید، کمال شنواری فتح گڑھ، ریحان پان شاپ، سنوکر کلب لعل پل، بلال میرج ہال چائنہ سکیم، مہک مارکی جی ٹی روڈ، مہر پیلس کنال روڈ سنگھ پورہ اور گولڈ پیلس چائنہ سکیم کو سیل کیا گیا۔ یہ تمام کاروائیاں ڈی سی لاہور مدثر ریاض کی ہدایت پر کی جا رہی ہیں۔
