Category: کرونا اپڈیٹس

برطانیہ نے 30 مملک کے شہریوں کے لیے انتہائی قدم اٹھالیا

باغی ٹی وی : برطانوی وزیر اعظم بورس جانسن آفیشل سے میٹنگ کر کے ایک اہم قدم اٹھانے جارہے ہیں. برطانیہ میں کورونا کے بڑھتے ہوئے کرونا کیس کیوجہ سے اب ملک میں داخل ہونے والے تیس ممالک کے شہریوں کو قرنطینہ کیا جائے گا. ان تیس ممالک میں افریقی ، جنوبی امریکا کے ممالک سمیت یورپ کے ممالک بھی شامل ہیں. ان شہریوں کو دس دن کے لیے ہوٹل میں‌ بطور قرنطینہ گزارنا ہوں گے .

ان ممالک میں میں پرتگال ، کینیا، ایتھوپیا ، نائجیریا ، یو اے ای سمیت دیگر ممالک شامل ہیں . برطانیہ میں کووڈ 19 کی وجہ سے ایک لاکھ سے زیادہ لوگوں کی موت ہوچکی ہے۔پچھلے سات دن سے، مرنے والوں کی تعداد کی اوسط، روزانہ ایک ہزار سےزیادہ ہوگئی ہے۔

وزیراعظم بورس جانسن نے کہاکہ وہ سرکاری کارروائیوں کیلئےپوری طرح ذمہ داری لیتے ہیں۔انہوں نے کہا کہ جو کچھ وہ کرسکتے تھے، اُنہوں نے صحیح معنوں میں کیاہے۔اُنہوں نے کہاکہ ہرایک جان کے ضائع ہونے پر اُنہیں گہرا افسوس ہے۔

برطانیہ میں مجموعی طور پر ایک لاکھ 162 اموات ریکارڈ کی گئی ہیں۔برطانیہ ایسا پانچواں ملک ہے جہاں ایک لاکھ سے زیادہ اموات ہوچکی ہیں۔اس سےپہلے امریکہ، برازیل، بھارت اور میکسیکو کا نمبر ہے۔اسکول بند ہیں اور ان کا کام کاج آن لائن چل رہا ہے،جس سے طلبہ اور اُن کے کام کرنے والے والدین کی زندگی کے معمولات میں رکاوٹ آئی ہے۔ صرف لازمی اشیاء کی دکانیں کھلی ہوئی ہیں۔انگلینڈ میں اپنے گھروں سے باہر لوگوں کے ملنے جلنے پرپابندی ہے۔البتہ یہ لوگ محض دو کی تعداد میں ورزش کیلئےجاسکتے ہیں۔

نئی دہلی: 5 ماہ میں 31 بار کورونا کا شکار ہونے کے باوجود خاتون صحت مند؟کیوں اورکیسے،اطلاعات کے مطابق بھارت میں 5 ماہ کے عرصے کے دوران 31 بار کورونا وائرس کا شکار ہونے والی خاتون عالمی وباء کے باوجود صحت مند زندگی گزارنے لگی ، ماہرین بھی حیران رہ گئے۔

بھارتی میڈیا کے مطابق بھارت کے علاقے راجستھان سے تعلق رکھنے والی خاتون کا 5 ماہ میں 31 بار کورونا وائرس کا ٹیسٹ مثبت آیا ، 32 سالہ خاتون کا گزشتہ سال اگست سے مسلسل کورونا وائرس کا ٹیسٹ مثبت آرہا تھا ،

بھارتی میڈیا کا کہنا ہے کہ اس دوران ان کے 14 بار آر ٹی پی سی آر ٹیسٹ کیے گئے جب کہ 17 بار اینٹی جن ٹیسٹ بھی کروائے گئے جن سب میں کورونا وائرس مثبت آیا تاہم مسلسل کورونا ٹیسٹ مثبت آنے کے باجوود اس خاتون میں موجود وائرس دوسروں کو متاثر نہیں کرسکا۔

بتایا گیا ہے کہ خاتون میں 24 اگست 2020 کو کورونا کی تشخیص ہوئی جس کے بعد وقفے وقفے سے کچھ عرصے کے بعد 31 بار ہونے والے اس کے کورونا وائرس کے ٹیسٹوں کے نتائج بھی مثبت آئے ، تاہم اب اس میں کورونا کی کوئی علامت نہیں پائی جاتی۔

خاتون کا علاج کرنے والے ڈاکٹر کپتان سنگھ نے کہا ہے کہ خاتون میں علامات نہ ہونے کی ایک وجہ یہ بھی ہوسکتی ہے کہ ٹیسٹ میں خاتون کی آنتوں اور جسم میں موجود غیر فعال وائرس کی شناخت ہورہی ہے۔

نیوزی لینڈ:کووڈ سے پاک نیوزی لینڈ کے دعوے دھرے کے دھرے رہ گئے اطلاعات کے مطابق آج نیوزی لینڈ میں 2 ماہ بعد کووڈ 19 کا پہلا کیس آگیا ہے جس نے حکومت اورعوام میں تشویش کی نئی لہر پیدا کردی ہے

ادھر نیوزی لینڈ حکام نے تصدیق کی ہے کہ کوویڈ ۔19 کا پہلا معاملہ دو مہینوں کے بعد سامنے آیا ہے جس نے خطرے کی گھنٹی بجادی ہے

New Zealand health officials on Sunday confirmed the first case of Covid-19 in the community for more than two months, sparking urgent contract-tracing efforts north of Aucklandhttps://t.co/0M6HP3feFO

— AFP News Agency (@AFP) January 24, 2021

ادھر اس حوالے سے صحت کے عہدیداروں نے بتایا کہ ایک 56 سالہ خاتون جو حال ہی میں یورپ سے واپس آئی تھی نے طبعیت کے خراب ہونے کی شکایت کی تھی تو چیک کرنے پرمعلوم ہوا کہ اسے کرونا ہوگیا ہے

دوسری طرف نیوزی لینڈ کی وزیراعظم کہتی ہیں کہ گھبرانے کی کوئی ضرورت نہیں اس واقعہ کے حقائق معلوم کیے جارہے ہیں اورکووڈ سے نمٹنے کےلیے مزید اقدامات کیئے جارہے ہیں‌