کورونا وائرس ویکسین برطانیہ کے اسپتالوں میں پہنچنا شروع کردیا ہے۔

باغی ٹی وی برطانیہ میں‌کورونا ویکسین کا سلسلہ شروع ہو چکا ہے . علاج کی تقریبا 530،000 خوراکیں پیر سے برطانیہ بھر میں رول آؤٹ کے لئے دستیاب ہوں گی ،وییکسین کی دستیابی ان کمزور لوگوں اور گروہوں‌ کو ہو گی جن کو پہلے ہی حفاظتی طور پر شناخت کیا گیا ہے
یہ ویکسین برطانیہ میں آکسفورڈ یونیورسٹی اور دوا ساز کمپنی دیو آسٹرا زینیکا نے تیار کی ہے۔
یہ رول آؤٹ انگلینڈ کے چیف میڈیکل آفیسر کرس وائٹی کے انتباہ کے بعد شروع ہوگا جب ویکسین کی کمی سے "کئی مہینوں” تک پریشانی پیدا ہوجاتی ہے۔

انہوں نے کہا کہ برطانیہ کو فوری طور پر ویکسین پلانے والے افراد کی تعداد کو زیادہ سے زیادہ کرنے کی ضرورت ہے ، لیکن انہوں نے مزید کہا کہ عالمی سامان کی کمی کی وجہ سے 2021 کے پہلے حصے میں قوم کی حفاظت کے لئے کی جانے والی کوششوں میں رکاوٹ پیدا ہوگی۔

پبلک ہیلتھ انگلینڈ (پی ایچ ای) نے کہا ہے کہ وہ ممکنہ قلت کے خدشات کے درمیان مختلف سپلائرز سے کوروناوائرس ویکسین کو آپس میں ملا دینے کی سفارش نہیں کی جائے گی .

دنیا میں کورونا کے 6 کروڑ 93 ہزار سے زائد مریض صحتیاب ہو چکے اور 2 کروڑ 30 لاکھ 38 ہزار سے زائد زیر علاج ہیں۔

امریکہ میں کورونا کی صورتحال سب سے خوفناک ہے جہاں 3 لاکھ 58 ہزار 682 اموات ہو چکی ہیں اور 2 کروڑ 9 لاکھ 4 ہزار سے زائد کیسز رپورٹ ہو چکے ہیں۔

بھارت کورونا کیسز کے اعتبار سے دنیا میں دوسرے نمبر پر ہے جہاں اموات کی تعداد ایک لاکھ 49 ہزار 471 اور ایک کروڑ 3 لاکھ 24 ہزار سے زائد افراد میں وائرس کی تشخیص ہو چکی ہے۔برازیل میں کورونا سے ہونے والی اموات کی مجموعی تعداد ایک لاکھ 95 ہزار 742 اور 77 لاکھ 16 ہزار سے زائد افراد متاثر ہیں۔

روس میں 32 لاکھ 12 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد 58 ہزار 2 ہے۔

فرانس میں 26 لاکھ 43 ہزار سے زائد افراد متاثر اور 64 ہزار 921 جان کی بازی ہار چکے ہیں۔ برطانیہ میں 25 لاکھ 99 ہزار سے زائد افراد کورونا کیسز اور 74 ہزار 570 اموات رپورٹ ہوئی ہیں۔

ترکی میں 22 لاکھ 32 ہزار 35 افراد متاثر اور 21 ہزار 295 ہلاک ہو چکے ہیں۔ اٹلی میں بھی 21 لاکھ 41 ہزار سے زائد افراد متاثر ہیں جبکہ 74 ہزار 985 افراد ہلاک ہوچکے ہیں۔

پہلی ایک لاکھ اموات 89 روز میں رپورٹ ہوئیں۔ 5 جون کواموات 4 لاکھ کا ہندسہ عبور کرگئیں۔ 20اگست کو اموات کی تعداد 8 لاکھ ہوگئی۔چار لاکھ سے آٹھ لاکھ اموات ہونے میں 76 دن لگے۔ 8 لاکھ سے 10 لاکھ اموات 37 دنوں میں سامنے آئیں۔ اگلی دو لاکھ اموات 35 دنوں میں رپورٹ ہوئیں۔ آخری دو لاکھ اموات صرف 24 دنوں میں سامنے آئیں۔

ریاض:موجاں ای موجاں :سعودی عرب نے سرحدیں کھول دیں ،اطلاعات کے مطابق سعودی عرب نے اپنی سرحدیں کھولنے کے ساتھ بین الاقوامی پروازیں بھی بحال کردیں۔

عرب میڈیا کے مطابق کورونا وائرس کی نئی شکل سامنے آنے کے بعد سعودی عرب نے بیرون ملک آمدورفت پر پابندی عائد کردی تھی جو اب کردی گئی ہے اور ساتھ ہی بین الاقوامی پروازیں بھی بحال کردی گئی ہیں۔

سعودی وزارت داخلہ کے مطابق وزارت صحت کی جانب سے جاری کردہ رپورٹ کے پیش نظر فیصلہ کیا گیا ہے کہ اب سرحدیں کرنے کے فیصلے میں مزید توسیع کی ضرورت نہیں لہذا آج سے تمام بین الاقوامی پروازیں بحال کر دی جائیں گی اور سمندری راستوں سے بھی آمد ورفت بھی بحال کردی گئیں۔

خیال رہے کہ سعودی عرب نے بین الاقوامی فضائی آپریشن بحال کرتے ہوئے اپنے فضائی، زمینی اور سمندری راستے کھول دیئے ہیں، اس سے قبل بیس دسمبر کو سعودی وزارت داخلہ نےکرونا وائرس کی نئی قسم آنے کے باعث ملک کی تمام سرحدیں نیز فضائی پروازیں ایک ہفتہ کے لیے بند کرنے کا حکم جاری کیا تھا۔

دریں اثنا سعودی وزارت داخلہ کی جانب سے جاری بیان میں کہا گیا ہے کہ صحت حکام کی جائزہ رپورٹ کے بعد فیصلہ کیا گیا ہے کہ سرحدیں بند کرنے کے فیصلے میں مزید توسیع کی ضرورت نہیں رہی، ’اس بنا پر آج اتوار صبح گیارہ بجے سے تمام سرحدیں کھولنے کے ساتھ بین الاقوامی پروازیں بحال کی جارہی ہیں

واضح رہے سعودی حکومت کی جانب سے یہ پابندی 20 دسمبر کو ایک ہفتے کے لیے لگائی گئی تھی تاہم اسے مزید ایک ہفتے کے لیے بڑھا دیا گیا تھا۔

نئی دہلی :بھارت نے چینی کرونا ویکسین کی بجائے دوسری ویکسین کی منظوری کیوں دی؟اہم خبر،اطلاعات کے مطابق بھارت نے چین کی کرونا ویکسین کومعیاری ہونے کے باوجود بھارت نے دشمنی کی آڑ میں قبول کرنے سے انکارکردیا ہے

ادھر ذرائع کے مطابق آسٹرا زینیکا اور آکسفورڈ کی تیارکردہ کورونا ویکسین کی منظوری دےدی,بھارتی ریگولیٹر نے کورونا ویکسین کے ایمرجنسی استعمال کی منظوری دی ہے،

اس سے پہلے برطانیہ میں آسٹرا زینیکا اور آکسفورڈ کی کورونا ویکسین کی منظوری دی گئی،

دوسری طرف عالمی ادارہ صحت نے بھی آکسفورڈ کی کرونا ویکسین کی منظوری دے کرپہلی عالمی سطح کی ویکسین ہونے کا اعزاد بھی دیا ہے

برطانیہ کی آکسفورڈ یونیورسٹی اور دواساز کمپنی آسٹرا زینیکا کی کورونا ویکسین کے بہتر نتائج آنا شروع ہوگئے، خصوصی طور پر معمر افراد پر اس کے مثبت اثرات مرتب ہوئے ہیں۔

اس حوالے سے آکسفورڈ ویکسین گروپ کے مطابق مذکورہ ویکسین70سال سے زائد عمر کے افراد کے لیے محفوظ اور کورونا وائرس کے خلاف مدافعتی ردعمل پیدا کرتی ہے۔

آکسفورڈ یونیورسٹی اور برطانوی دوا ساز کمپنی کے اشتراک سے بننے والی کورونا ویکسین کی آزمائش کا تیسرا مرحلہ جاری ہے،طبی جریدے دی لانسیٹ میں اس ویکسین کے ابتدائی ٹرائل کے حوصلہ افزا نتائج جاری کیے گئے ہیں۔

آکسفورڈ ویکسین گروپ کے مطابق ویکسین سے کورونا سے پاک صحت مند معمر افراد میں مضبوط مدافعتی نظام بن رہا ہے۔70سال سے زیادہ عمر کے افراد میں ویکسین کے استعمال سے بہت جلد قوت مدافعت پیدا ہوسکتی ہے، ویکسین نتائج پر ابھی مزید تحقیق ہونا باقی ہے۔

اس ٹرائل میں 560 افراد شامل تھے اور ڈیٹا سے عندیہ ملتا ہے کہ ویکسین ہر عمر کے افراد کے لیے محفوظ اور نوجوان و معمر افراد کے مدافعتی نظام پر یکساں اثرات مرتب کرتی ہے۔

واشنگٹن :کووڈ 19 انسانی دماغ کے لیے کتنانقصان دہ ماہرین نے ڈرا دیا ،اطلاعات کے مطابق نئے کورونا وائرس سے ہونے والی بیماری کووڈ 19 کس طرح دماغ کو متاثر کرتی ہے، اس بارے میں ایک نئی تحقیق میں چونکا دینے والے انکشافات سامنے آئے ہیں۔

کووڈ 19 کے مریضوں پر مرتب دماغی اثرات کے حوالے سے گہرائی میں جاکر تحقیق کے دوران ماہرین نے بیماری کے نتیجے میں ہلاک ہونے والے مریضوں کے دماغ کی رگوں میں نقصان کو دریافت کیا۔

امریکا کے نیشنل انسٹیٹوٹس آف ہیلتھ کی اس تحقیق میں دماغی ٹشوز کے نمونوں میں کورونا وائرس کے آثار دریافت نہیں ہوسکے، جس سے عندیہ ملتا ہے کہ بیماری سے ہونے والا نقصان براہ راست وائرل حملے کا نتیجہ نہیں۔

طبی جریدے نیو انگلینڈ جرنل آف میڈیسین میں شائع تحقیق میں شامل ماہرین کا کہنا تھا کہ ہم نے دریافت کیا کہ کووڈ 19 سے متاثر مریضوں کی ننھی دماغی شریانوں کو نقصان پہنچنے کا خدشہ ہوتا ہے۔انہوں نے کہا کہ نتائج سے عندیہ ملتا ہے کہ یہ ممکنہ طور پر وائرس کے خلاف جسمانی ورم کے ردعمل کا نتیجہ ہوتا ہے۔

ماہرین طب کہتے ہیں کہ اگرچہ کووڈ 19 نظام تنفس کی بیماری ہے مگر اس کے مریضوں کو دماغی علامات جیسے سردرد، دماغی افعال کی تنزلی، بے ہوشی، تھکاوٹ اور سونگھنے یا چکھنے کی حسوس سے محرومی کا سامنا ہوتا ہے۔

اس بیماری کے باعث کچھ مریضوں کو فالج اور دیگر دماغی امراض کا سامنا بھی ہوسکتا ہے، کچھ تحقیقی رپورٹس میں یہ بھی دریافت کیا گیا کہ یہ وائرس دماغ تک رسائی حاصل کرلیتا ہے، مگر اب بھی اس حوالے سے کافی کچھ جاننا باقی ہے۔

اس نئی تحقیق کے دوران محققین نے مارچ سے جولائی 2020 کے دوران کووڈ سے ہلاک ہونے والے 19 مریضوں کے دماغی ٹشوز کے نمونوں کا تفصیلی تجزیہ کیا۔ان مریضوں کی عمریں 5 سے 73 سال کے درمیان تھی اور وہ بیماری کا شکار ہونے کے بعد بعد چند گھنٹوں سے 2 ماہ کے دوران ہلاک ہوئے تھے۔

دنیا بھر میں موذی وائرس سے ہلاکتیں 18 لاکھ 13 ہزار سے تجاوز کر گئیں

باغی ٹی وی رپورٹ کے مطابق دنیا کا کوئی خطہ کورونا وائرس کی موذی وباء سے محفوظ نہیں، اس کے مریضوں اور اموات میں مسلسل اضافہ جاری ہے۔

دنیا بھر میں کورونا وائرس سے متاثرہ افراد کی تعداد 8 کروڑ 31 لاکھ 34 ہزار 446 تک جا پہنچی ہے جبکہ اس موذی وائرس سے ہلاکتیں 18 لاکھ 13 ہزار 386 ہو گئیں۔

کورونا وائرس کے دنیا بھر میں 2 کروڑ 23 لاکھ 88 ہزار 666 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 1 لاکھ 6 ہزار 618 کی حالت تشویش ناک ہے جبکہ 5 کروڑ 89 لاکھ 32 ہزار 394 کورونا مریض صحت یاب ہو چکے ہیں۔

کورونا وائرس کے کیسز اور اس سے اموات کے اعتبار سے 10 سرِ فہرست ممالک میں 33 کروڑ سے زائد آبادی کا حامل امریکا پہلے نمبر پر ہے جہاں اس وائرس سے اب تک 3 لاکھ 50 ہزار 778 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 2 کروڑ 2 لاکھ 16 ہزار 991 ہو چکی ہے۔

کورونا وائرس کے امریکا میں 78 لاکھ 67 ہزار 419مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 29 ہزار 312 کی حالت تشویش ناک ہے جبکہ 1 کروڑ 19 لاکھ 98 ہزار 794 کورونا مریض اب تک شفایاب ہو چکے ہیں۔1 ارب سے زائد آبادی والا ملک بھارت کورونا وائرس کے مریضوں کی تعداد میں تیزی سے اضافے کے ساتھ اس فہرست میں دوسرے نمبر پر ہے، جہاں اس سے 1 لاکھ 48 ہزار 774 ہلاکتیں ہو چکی ہیں جبکہ اس موذی وائرس سے متاثرہ مریضوں کی تعداد 1 کروڑ 2 لاکھ 67 ہزار 283 ہو گئی۔

کورونا وائرس کے مریضوں کی تعداد کے حوالے سے ممالک کی اس فہرست میں برازیل تیسرے نمبر پر ہے جہاں یہ جان لیوا وائرس 1 لاکھ 93 ہزار 940 زندگیاں نگِل چکا ہے جبکہ کورونا مریضوں کی تعداد 76 لاکھ 16 ہزار 970 تک جا پہنچی ہے۔

کورونا وائرس سے روس میں کل اموات 57 ہزار 19 ہو گئیں جبکہ اس کے مریضوں کی تعداد 31 لاکھ 59 ہزار 297 ہو چکی ہے۔فرانس میں کورونا وائرس کی وباء سے مجموعی اموات 64 ہزار 381 ہو چکی ہیں، جہاں اس کے اب تک کل کیسز 26 لاکھ 498 رپورٹ ہوئے ہیں۔

نیو یارک:آہ ! کیا بتاوں کتنے دکھ سہے اقوام متحدہ کے سیکرٹری جنرل نے درد بھری کہانی بیان کردی،اطلاعات کے مطابق یواین سیکرٹری جنرل انتونیو گوتیرس نے کہا کہ 2020 آزمائشوں اورسختیوں کا سال رہا اب امید کی کرن نظر آرہی ہے۔

اقوام متحدہ کے سیکرٹری جنرل انتونیو گوتیرس نے نئے سال کی آمد پروڈیوپیغام میں کہا کہ 2020 آزمائشوں اورسختیوں کا سال رہا، کووڈ 19 نے ہماری زندگیوں کومتاثرکیا اورتکالیف دیں، وبا پھیل رہی ہے جوموت نئی نئی شکلوں میں سامنے آرہی ہے۔ یواین سیکرٹری جنرل نے کہا کہ دنیا میں غربت، عدم مساوات اوربھوک بڑھ رہی ہے۔

یواین سیکرٹری جنرل نے کہا کہ عالمی وبا کے باعث ہرجگہ عدم تحفظ ہے، کتنے ہی لوگ اپنی نوکریوں سے ہاتھ دھوبیٹھے، کووڈ کی وجہ سے سب نے ایک دوسرے کی مدد کرنا سیکھا، ہمارے فرنٹ لائنرزنے ہمیں سہارا دیا، سائنسدانوں نے ویکسین کو کم وقت میں تیار کیا۔ اگر ہم متحد اور پر امن ہوکر کر ایک دوسرے کا ساتھ دیں تو دنیا بہتر ہوسکتی ہے۔ پوری دنیا کونیا سال مبارک ہو، نئے سال میں امید کی کرن نظرآرہی ہے۔

سیکرٹری جنرل نے کہا کہ کاربن سے پاک گیسوں کے اخراج کا ہدف 2050 تک حاصل کرنے کیلئے عالمی اتحاد قائم کیا جائے، آئیے مل کرماحولیاتی بحران کا مقابلہ کریں اورکورونا کے پھیلاؤ کوروکیں۔