کورونا وائرس کی نئی قسم سے برطانیہ میں خوف وہراس ، سینکڑوں میل گاڑیوں‌ کی لائنیں لگ گئیں

باغی ٹی وی رپورٹ کے مطابق ، برطانیہ میں کرونا وائرس کی وجہ سے شدید لاک ڈاؤن ہے جس کی وجہ سے برطانیہ کی سرحد پر پندرہ سو کلومیٹر تک لاریوں اور سامان رسد کی گاڑیوں کی لائنیں‌لگ گئی ہیں.

کورونا وائرس کی نئی قسم سے برطانیہ میں خوف وہراس پھیل گیا، لندن سے نکلنے کے لیے گاڑیوں کی قطاریں لگ گئیں، بارہ ممالک نے سفری پابندیاں عائد کر دیں، صورتحال پر غور کیلئے برطانیہ اور یورپی یونین کے اہم اجلاس آج ہوں گے۔

کورونا وائرس کی نئی قسم نے برطانیہ میں افراتفری پھیلا دی، وائرس کی یہ نئی شکل لندن اور جنوب مشرقی برطانیہ میں تیزی سے پھیل گئی ہے۔ اٹلی میں بھی برطانیہ میں سامنے آنے والے نئی شکل کے کورونا وائرس کے پہلے کیس کی تشخیص ہو گئی۔

https://twitter.com/BaaghiTV/status/1341638077123600389?s=20
برطانی وزیر صحت میٹ ہینکوک نے کہا ہے کہ نیا وائرس قابو سے باہر ہے، شہریوں اور سیاحوں کی بڑی تعداد لندن چھوڑ رہی ہے۔ ہزاروں افراد ائیر پورٹس، سڑکوں اور ریلوے اسٹیشنز پر پھنس گئے۔ سڑکوں پر گاڑیوں کی لمبی قطاریں لگ گئیں، ائیرپورٹس اور ریلوے اسٹیشنز پر رش ہے۔ جرمنی، فرانس، آئرلینڈ، اٹلی، نیدرزلینڈ اور بیلجیئم سمیت بارہ ملکوں نے پروازیں معطل کر دیں۔

زیادہ تر ممالک کی طرف سے یہ پابندیاں ابتدائی طور پر قلیل مدتی ہیں،فرانس نے برطانیہ کے لیے خوراک کی سپلائی بھی معطل کردی۔ آج یورپی یونین کے ہونے والے اجلاس میں مزید مربوط اقدامات پر تبادلہ خیال کیا جائے گا۔ صورتحال پر برطانوی وزیراعظم بورس جانس نے بھی ہنگامی اجلاس طلب کرلیا۔ وزیراعظم نے متاثرہ علاقوں میں پابندیاں نرم کی تھیں جس سے لاکھوں افراد متاثر ہوئے ہیں۔

کابل: انسداد کرونا ٹیم دھماکے کا شکارہوگئی:ڈاکٹروں سمیت کئی ارکان جاں بحق ،اطلاعات کے مطابق افغانستان کے دارالحکومت میں سڑک کنارے نصب بم دھماکا ہوا جس کے نتیجے میں تین ڈاکٹرز سمیت پانچ افراد جاں بحق ہوئے، طبی ماہرین کی یہ ٹیم کرونا کی روک تھام کے حوالے سے سرگرم تھی۔

بین الاقوامی میڈیا رپورٹ کے مطابق منگل کی صبح کابل میں ہونے والے دھماکے میں طبی عملے کی گاڑی کو اُس وقت نشانہ بنایا گیا جب ڈاکٹرز ڈیوٹی پر جارہے تھے۔

رپورٹ کے مطابق جاں بحق ہونے والے ڈاکٹر پل چرکی جیل میں قیدیوں کا علاج کرتے تھے، وہ معمول کے مطابق ڈیوٹی پر جیل جارہے تھے کہ اسی دوران دھماکا ہوا۔

افغانستان کے وزارت صحت کی ترجمان معصومہ جعفری نے بتایا کہ ’دھماکے کے نتیجے میں تین ڈاکٹرز جاں بحق ہوئے جن میں دو خواتین بھی شامل تھیں علاوہ ازیں دو نرسنگ کے شعبے سے وابستہ تھے، طبی ماہرین کی یہ ٹیم جیل میں کرونا وائرس کے پھیلاؤ کو روکنے کے حوالے سے کام کررہی تھی‘۔

انہوں نے افسوس کا اظہار کرتے ہوئے کہا کہ ’اب دشمنوں نے طبی عملے کو بھی نشانہ بنانا شروع کردیا ہے جبکہ ڈاکٹرز اور طبی عملے کو تو امن قائم کرنے والوں میں شمار کیا جاتا ہے‘۔

کابل پولیس کے مطابق دھماکے کی زد میں آنے والی گاڑی سفید رنگ کی تھی جس پر طبی عملے کی پہچان کا کوئی نشان موجود نہیں تھا، دھماکے کے نتیجے میں گاڑی مکمل تباہ ہوگئی۔

کابل پولیس کے سربراہ فردوس فرامرز کے مطابق اس حملے میں طبی عملے کے دو رضاکار بھی زخمی ہوئے۔ جیل انتظامیہ کے ترجمان کا کہنا تھا کہ مرنے والوں میں جیل کی قائم مقام ہیلتھ ڈائریکٹر ناذیفہ ابراہیمی بھی شامل تھیں۔

کرونا کی نئی شکل سعودی عرب میں‌ کتنے افراد کو متاثر کر چکی ، اطلاعات آگئیں

باغی ٹی وی رپورٹ کے مطابق سعودی عرب میں کووِڈ-19 کی تبدیل شدہ نئی شکل سے متاثرہ کسی مریض کی ابھی تک تشخیص نہیں ہوئی ہے۔اس نئے وائرس کا حال ہی میں برطانیہ میں سراغ لگایا گیا ہے اور یہ وہاں سے دوسرے یورپی ممالک میں پھیلا ہے۔

سعودی وزارتِ صحت کے ترجمان ڈاکٹر محمدالعبدالعالی نے ایک ٹویٹ میں کہا ہے کہ ’’مملکت میں تبدیل شدہ کرونا وائرس کے نئے کیسوں سے متعلق اڑائی جانے والی افواہوں کی کوئی حقیقت نہیں ہے۔اب تک اس وائرس کی سعودی عرب میں موجودگی کا کوئی سراغ نہیں ملا ہے۔جاری مطالعات میں اس نئے وائرس کے جینیاتی سلسلہ کا سراغ لگایا جارہا ہے۔‘‘

برطانیہ اور دوسرے ملکوں میں اس نئے وائرس کے پھیلنے سے متعلق خبریں منظرعام پر آنے کے بعد سعودی عرب نے حفظ ماتقدم کے طورپر تمام تجارتی پروازیں معطل کردی ہیں،اپنے تمام برّی اور بحری راستے بند کر دیے ہیں،بندرگاہوں اور زمینی گذرگاہوں سے ملک میں داخلے پر پابندی عاید کردی ہے۔العربیہ کے مطابق سعودی دارالحکومت الریاض کے شاہ خالد بین الاقوامی ہوائی اڈے پر سوموار کی شب نیدرلینڈز سے آنے والے 34 مسافر اترے تھے۔ آمد کے بعد ان کے وہاں کووِڈ-19 کے ٹیسٹ کیے گئے ہیں اور ان کا نتیجہ منفی رہا ہے۔اس کے بعد انھیں 14 روز تک قرنطین میں رہنے کی ہدایت کی گئی ہے۔

واضح رہے کہ اس نئے وائرس کا ستمبر میں برطانیہ میں پہلی مرتبہ سراغ لگایا گیا تھا۔اس کے بعد نیدرلینڈز ، اٹلی اور آسٹریلیا میں دسمبر کے اوائل اور وسط میں کیسوں کا پتا چلا ہے۔

وائرس کی اس نئی شکل کے بارے میں ماہرین کا کہنا ہے کہ یہ پہلی شکل کے مقابلے میں 70 فی صد زیادہ تیزی پھیل سکتا ہے اور یہ اسپتالوں میں مریضوں کی زیادہ تعداد کی موجودگی کی وجہ سے پھیلا ہے

کورونا کی نئی قسم نے مزید دہشت پھیلا دی خصوصا بچوں کے لیے تشویش ناک صورت حال کی وارننگ

باغی ٹی وی : کرونا وائرس کی نئی قسم نے جہاں‌ اپنا بھیس بدلہ ہے وہاں اس کی دہشت بھی زیادہ ہے. سائنسدانوں نے خدشہ ظاہر کیا ہے کہ کورونا وائرس کی نئی قسم بچوں کو پرانی اقسام کے مقابلے میں زیادہ آسانی سے متاثر کرسکتی ہے۔

غیرملکی خبر رساں ایجنسی کے مطابق اب تک کے ڈیٹا سے معلوم ہوتا ہے کہ کورونا وائرس کی نئی قسم بچوں میں دیگر اقسام کے مقابلے میں زیادہ تیزی سے پھیل سکتی ہے جبکہ برطانیہ میں 5 سے 6 ہفتوں کے دوران 15 سال سے کم عمر بچوں میں نئی قسم کے وائرس کو زیادہ دیکھا گیا ہے۔

ماہرین کی جانب سے وائرس کی نئی قسم کے بارے میں جاننے کے لیے تیزرفتاری سے کام کیا جارہا ہے تاکہ مریضوں اور ویکسینز پر اس کے اثرات کا تعین کیا جاسکے۔

برطانیہ کے امپرئیل کالج لندن کے پروفیسر نیل فرگوسن نے میڈیا سے بات کرتے ہوئے کہا کہ ساؤتھ ایسٹ لندن میں اس نئی قسم کے کیسز کا ڈیٹا دیکھنے سے معلوم ہوتا ہے کہ دیگر اقسام کے مقابلے میں یہ بچوں کو زیادہ بیمار کررہی ہے۔

انہوں نے بتایا کہ ایسا اشارہ ملتا ہے کہ وائرس کی یہ نئی قسم بچوں کو زیادہ متاثر کرنے کی صلاحیت رکھتی ہے، اس حوالے سے وضاحت کرنا تو ابھی ممکن نہیں مگر موصول ہونے والے ڈیٹا میں ہم نے ایسا دیکھا۔

ان کا کہنا تھا برطانیہ میں لاک ڈاؤن کے دوران ہم نے بچوں میں وائرس کے حوالے سے عمر کی تقسیم کو دیکھا تھا۔ یہ ذہن میں رکھنا چاہیے کہ لاک ڈاؤن کے دوران بالغ افراد کی سرگرمیاں محدود کی گئی ہیں مگر تعلیمی ادارے ابھی کھلے ہیں اور ہم نے 5 یا 6 ہفتوں کے دوران 15 سال سے کم عمر بچوں میں اس نئی قسم کے تسلسل کو دیکھا ہے۔

کرونا ویکسین کے ذریعے ہمارے جسم میں بندر کا ڈی این اے ڈالا جائے گا،شہری عدالت پہنچ گیا

لندن:”برطانوی کرونا”کاخوف "ہوکاعلم چھاگیا:اشیائے خوردو نوش میں قلت کا خدشہ ،اطلاعات کے اس وقت برطانیہ ہی میں‌ "برطانوی کرونا”کاخوف "ہوکاعلم چھاگیا:پورے ملک میں اشیائے خوردو نوش میں قلت کا خدشہ پیدا ہوگیا ہے

ادھر اس خطرناک وائرس کی تباہ کاریوں‌ سے خوفزدہ بوریس جانسن نے برطانوی عوام کو پرسکون رہنے کی ہدایت کرتے ہوئے انہیں خوراک و ادویات کی فراہمی کی یقین دہانی کرائی ہے۔

برطانیہ کے وزیراعظم بورس جانسن نے برطانیہ میں اشیاء خورد و نوش میں قلت سے متعلق خدشات دور کرتے ہوئے کہا ہے کہ عوام معمول کے مطابق شاپنگ کریں، خوراک، ادویات کی فراہمی متاثر نہیں ہوگی۔

کورونا وائرس کی بگڑتی ہوئی صورت حال پر بورس جانسن نے پریس کانفرنس کرتے ہوئے کہا کہ بندرگاہ ڈوور پر بحران کے حل کیلئے فرانسیسی حکام سے گفتگو جاری ہے۔

بورس جانسن نے کہا کہ نئے وائرس سے متعلق مختلف ممالک کے تحفظات سے آگاہ ہیں، 5 لاکھ افراد کو ویکسین دی جا چکی ہے۔

انہوں نے کہا کہ ٹرک ڈرائیورز کے ذریعے وائرس پھیلنے کا امکان انتہائی کم ہے، بندرگاہ ڈوور سے آنے والی اشیاء، مجموعی مقدار کا صرف 20 فیصد ہیں۔

بورس جانسن نے کہا کہ فرانس کے صدر ایمانوئل میکرون سے بات ہوئی ہے اور مسئلے کا حل چند گھنٹوں میں سامنے آ سکتا ہے۔

ادھر بتایا جاتا ہے کہ شہریوں کو لندن سے باہر جانے سے روکنے کیلئے ریلوے اسٹیشن پر اضافی پولیس دستے تعینات کر دیئے گئے ہیں۔

فرانس، آئرلینڈ، نیدرلینڈز، جرمنی، بیلجیم، آسٹریا، بلغاریہ، ترکی، اٹلی، کینیڈا سمیت ایشیائی ملکوں نے برطانیہ پر سفری پابندیاں عائد کردیں ہیں۔ ہزاروں برطانوی شہری مختلف ممالک میں پھنس کر رہ گئے۔

لندن :دنیا والو : خبردارہوشیار ! ’کورونا‘ کے بعد اب "برطانوی کورونا”بے قابوہوگیا:برطانوی سیکرٹری ہیلتھ کا اعلان،اطلاعات کے مطابق برطانوی ہیلتھ سیکریٹری میٹ ہینکوک نے نئے کورونا وائرس کے پھیلاؤ کے بے قابو ہو جانے کا اعتراف کیا ہے۔

ادھر اس خطرناک ترین برطانوی کرونا کے متعلق عالمی ادارۂ صحت نے کہا ہے کہ برطانیہ میں کورونا کی نئی قسم کے پھیلاؤ کو بے قابو نہیں کہنا چاہیے اس سے دنیا میں بے چینی پھیل جائے گی، جبکہ برطانوی ہیلتھ سیکریٹری میٹ ہینکوک اعلان کرچکے ہیں کہ نئے کورونا وائرس کا پھیلاؤ بے قابو ہو چکا ہے۔

برطانیہ میں کورونا کی نئی قسم کے پھیلاؤ اور لندن میں پائی جانے والی سراسیمگی کے تعلق سے عالمی ادارۂ صحت نے کہا ہے کہ کورونا کی یہ نئی لہر کہ جس سے اس وقت برطانیہ دوچار ہے فی الحال زیر کنٹرول ہے،

ورلڈ ہیلتھ آرگنائزیشن کے سربراہ مائیکل ریان نے ایک پریس کانفرنس کے دوران کہا کہ کورونا کی نئی لہر پر پہلے کی طرح احتیاطی تدابیر سے قابو پایا جا سکتا ہے۔

ان کا یہ بیان ایک ایسے وقت سامنے آیا ہے کہ خود برطانوی ہیلتھ سیکریٹری میٹ ہینکوک نے کہا تھا کہ نئے کورونا وائرس کا پھیلاؤ بے قابو ہوچکا ہے۔

عالمی ادارۂ صحت کا کہنا ہے کہ ماضی کی طرح احتیاطی تدابیر اختیار کرنا ہونگی بلکہ اس سے کچھ زیادہ چوکنا رہنا ہوگا۔

تقریبا 30 ممالک نے برطانوی شہریوں کے لئے اپنی سرحدیں بند کر دی ہیں، بتایا جاتا ہے کہ جنوبی افریقہ میں بھی کورونا کی نئی قسم پھیلنا شروع ہو گئی ہے۔