Category: کرونا اپڈیٹس

پیپر:کرونا وائرس سے لڑنے کے لیے گدھی کا دودھ اکسیر:9 ہزارفی لیٹرفروخت ہونے لگا ،اطلاعات کے مطابق یورپ سمیت کئی دیگرملکوں میں کرونا وائرس کے خلاف اکیسر کے طورپرگدھی کا دودھ بطورعلاج استعمال ہونے لگا،

جہاں ایک طرف دنیا عالمی وبا کرونا وائرس کے دنوں میں صحت کے بارے میں حساس ہے اور توانائی سے بھرپور غذا ان کی ترجیح ہے۔ ایسے میں البانیہ میں گدھی کے دودھ کی طلب میں زبردست اضافہ ہو رہا ہے۔

خبر رساں ادارے ‘اے ایف پی’ کے مطابق گدھی کے دودھ کے حصول کے لیے باڑوں پر شہریوں کی قطاریں لگ جاتی ہیں۔ کیوں کہ مقامی افراد اس دودھ کے بارے میں کہہ رہے ہیں کہ یہ وٹامنز سے بھرپور ہے اور انسان کے مدافعتی نظام کو مضبوط بناتا ہے۔

ایک فارم پر گدھوں کی افزائش کی جا رہی ہے۔ جب کہ گدھی کے دودھ کے خریداروں کا ایک ہجوم ایک بوتل کے حصول کے لیے اس فارم کے باہر موجود ہوتا ہے۔ مقامی میڈیا کے مطابق البانیہ میں بہت سے لوگ اپنی صحت کو بہتر رکھنے کے جتن کرتے نظر آتے ہیں۔

پیپر نامی گاؤں کے ایک چھوٹے سے فارم میں درجنوں چوپائے موجود ہیں۔ فارم کے 37 سالہ مینیجر ایلٹن ککیا کا کہنا ہے کہ گدھی کے دودھ کی طلب میں تیزی سے اضافہ ہو رہا ہے۔

دودھ کی طلب میں اضافہ گدھوں کی افزائش کرنے والوں کے لیے اچھی خبر ثابت ہوئی ہے۔ جب کہ گدھوں کو بھی اب آرام دہ ماحول میں باڑوں میں رکھا جا رہا ہے۔ جب کہ بوجھ اٹھانے اور بار برداری جیسا روایتی مشکل کام ان سے نہیں لیا جا رہا۔

البانیہ میں گدھے سے عام طور پر پہاڑی راستوں پر بھاری بھر کم گدھا گاڑیاں کھینچنے کا کام لیا جاتا ہے۔

ایلٹن ککیا کا کہنا ہے کہ اس سخت کام کے باوجود گدھا ایک نفیس جانور ہے۔ جب کہ گدھی سے دودھ کے حصول کے لیے اس کو محبت اور نرمی کی ضرورت رہتی ہے۔

ایلٹن ککیا نے دو سال قبل صحافت کو خیرباد کہا تھا اور خاندانی باڑہ سنبھال لیا تھا۔ دودھ کے حصول کے مقصد سے البانیہ میں گدھوں کی افزائش کے صرف دو باڑے ہیں جن میں سے ایک ایلٹن ککیا کی ملکیت ہے۔

البانیہ میں گدھے کے دودھ کی فی لیٹر قیمت 50 یورو (لگ بھگ ساڑھے نو ہزار پاکستانی روپے) ہے۔

ایک ایسے ملک میں جہاں میں اوسط آمدن 400 یوروز ہو۔ وہاں یہ قیمت بہت زیادہ ہے۔ لیکن کرونا کے خوف کے سبب گدھی کے دودھ کی طلب میں بہت زیادہ اضافہ ہوا ہے۔

اگرچہ کوئی بھی شخص گدھی کے دودھ کو کرونا وائرس کا علاج ہونے کا دعویٰ نہیں کر رہا۔ لیکن کئی لوگ اس دودھ میں موجود غذائیت کے قائل ہیں۔

کلیا یامیری ایگرو انوائرمنٹل انجینئرنگ کی طالبہ ہیں۔ وہ پیپر گاؤں آئیں تاکہ کرونا وائرس سے متاثرہ والدین کے لیے گدھی کے دودھ کی دو بوتلیں خرید سکیں۔

کلیا یامیری نے خبر رساں ادارے ‘اے ایف پی’ سے گفتگو میں کہا کہ ادویات کے ساتھ ساتھ گدھی کا دودھ نظام تنفس کے لیے فطری دوا ہے۔

واشنگٹن :امریکہ میں 24 گھنٹوں میں کورونا سے 3700 جاں بحق،اطلاعا ت کے مطابق دنیا کا کوئی خطہ کورونا وائرس کی موذی وباء سے محفوظ نہیں اور اس کے مریضوں اور اموات میں مسلسل اضافہ جاری ہے۔ادھر امریکہ سے آنے والی اطلاعات میں کہا گیا ہے کہ امریکہ میں 24 گھنٹوں میں کورونا سے 3700 جاں بحق ہوگئے ہیں

کورونا وائرس کے وار دنیا بھر میں جاری ہیں جس کے باعث اموات اور عالمی وبا کے مریضوں میں اضافہ ہوتا جا رہا ہے تاہم امریکہ کورونا وائرس سے سب سے زیادہ متاثر ہوا ہے۔ امریکہ میں 24 گھنٹوں میں کورونا کے باعث ریکارڈ 3700 اموات ہوئیں جبکہ ڈھائی لاکھ مریض رپورٹ ہوئےہیں۔

واضح رہے کہ دنیا بھر میں کورونا وائرس سے متاثرہ افراد کی تعداد 7 کروڑ 52 لاکھ 82 ہزار 798 تک جا پہنچی ہے جبکہ اس موذی وائرس سے ہلاکتیں 16 لاکھ 68 ہزار 356 ہو گئیں۔

کورونا وائرس کے دنیا بھر میں 2 کروڑ 7 لاکھ 61 ہزار 840 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے ایک لاکھ 7 ہزار 205 کی حالت تشویش ناک ہے جبکہ 5 کروڑ 28 لاکھ 52 ہزار 602 کورونا مریض صحت یاب ہو چکے ہیں۔

کورونا وائرس کے کیسز اور اس سے اموات کے اعتبار سے 10 سرِ فہرست ممالک میں 33 کروڑ سے زائد آبادی کا حامل امریکہ پہلے نمبر پر ہے۔

ایک ارب سے زائد آبادی والا ملک ہندوستان کورونا وائرس کے مریضوں کی تعداد میں تیزی سے اضافے کے ساتھ اس فہرست میں دوسرے نمبر پر ہے اورکورونا وائرس کے مریضوں کی تعداد کے حوالے سے ممالک کی اس فہرست میں برازیل تیسرے نمبر پر ہے ۔

ریاض:سعودی عرب جیسے طاقتورملک کا کرونا نے معاشی دیوالیہ نکال دیا :پاکستان کس باغ کی مولی ،اطلاعات کے مطابق کرونا وبا نے دنیا کے معاشی طورپرطاقتورملکوں کا ستیا ناس کردیا ہے ، غریب ملکوں‌ کا کیا بنا ہوگا،

اس وقت دنیا پرحکمرانی کرنے والا امریکہ ، ایسے ہی دیگر ترقی یافتہ کہلانے والے معاشی طورپراس قدر تباہ ہوگئے ہیں کہ ان کی کمرٹوٹ گئی ہے اوران ملکوں کے معاشی ماہرین کا کہنا ہے کہ اگراس سال کے آخرتک کرونا وبا ختم بھی ہوجائے تو اگلے 20 سالوں تک معیشت کوسنھبالنے میں لگیں گے

لیکن کرونا وبا ابھی تو ختم ہونے کا نام نہیں لے رہی ، ادھرعرب دنیا میں معاشی طور پرمضبوط قراردیے جانے والے ملک سعودی عرب کا بھی معاشی دیوالیہ نکل گیا ہے،

عالمی معاشی ماہرین کہتے ہیں کہ سال 2020دُنیا بھر کی معیشتوں کے لیے بربادی کا پیغام لے کر آیا ہے۔ سعودی عرب بھی اس وبا سے معاشی طور پر بُری طرح متاثر ہوا ہے جس کا نتیجہ سال 2021ء کے بجٹ پر بھی پڑا ہے۔

دُنیا کے مختلف ممالک میں لاک ڈاؤن اور صنعتوں کا پہیہ جام رہنے سے سعودی تیل کی آمدنی بھی رواں سال بہت کم رہی ہے جو کہ سعودی عرب کی کمائی کا بہت بڑا ذریعہ ہے۔

جس کا نتیجہ یہ ہوا کہ سعودی عرب کا مالی خسارہ1 کھرب 41 ارب ریال تک جا پہنچا ہے۔ العربیہ نیوز کے مطابق سعودیہ کے مالیاتی بجٹ میں اہم شاریے سامنے آئے ہیں۔ ان میں تیل کے شعبے میں 412 ارب ریال کی آمدن بھی شامل ہے۔

یہ بھی بتایا جارہا ہے کہ اس سال 2020ء میں مجموعی آمدنی میں تیل کی آمدن کا حصہ 53.5% رہا۔ اسی عرصے میں نان آئل ریونیو کا حجم 358 ارب ریال رہا۔یہ مملکت کی مجموعی آمدنی 770 ارب ریال کے 46.5% کے برابر ہے۔

نئے مالی سال کے لیے بجٹ میں 9 کھرب، 90 ارب ریال کی رقم مختص کی گئی ہے۔ سال 2021 کے بجٹ کے اعداد و شمار کیمطابق 990ارب ریال کے خرچ کے مقابلے میں 849 ارب ریال کی آمدن ہوئی ہے۔

سعودی ماہرین معاشیات نے خدشہ ظاہر کرتے ہوئے کہا ہے کہ اس کا مطلب یہ ہے کہ متوقع خسارہ اگلے سال ریکارڈ کیا جائے گا جو 141 ارب ریال تک ہوسکتا ہے۔ خسارے سے جی ڈی پی کا تناسب 4.9 فیصد تک پہنچ جائے گا۔ نئے مالی سال کے بجٹ میں 2021 میں متوقع کل عوامی قرض 937 ارب ریال ہو گا۔

دبئی : دُبئی میں کارکن کو ماں کے جنازے میں شرکت کے لیے چھُٹی نہ ملی:کیونکہ وہ عجمی تھا ،اطلاعات کے مطابق ایک بھارتی کارکن کو اپنی والدہ کی بیماری اور وفات پر فوری وطن واپس جانے کی اجازت نہ ملی تو اس نے غصے میں کارکنان کی واپسی کی فہرست تیار کرنے والے ساتھی ملازم کو شدید زخمی کر دیا۔

تفصیلات کے مطابق 38 سالہ بھارتی ملزم ایک کنسٹرکشن کمپنی میں ملازم ہے۔ لاک ڈاؤن کے دوران اس کی والدہ کی طبیعت بہت زیادہ خراب ہو گئی۔ کمپنی کی جانب سے اس دوران ملازمین کو خصوصی پروازوں کے ذریعے واپس بھجوایا جا رہا تھا۔

تاہم بھارتی کارکن کو والدہ کی وفات کے موقع پر واپس جانے کی اجازت نہ ملی، بلکہ اس کی جگہ دیگر 22 ملازمین کو وطن بھیج دیا گیا۔

اس بات پر طیش میں آ کر بھارتی کارکن نے اپنے ساتھی ملازم کو شدید زخمی کر دیا، کیونکہ اسے شک تھا کہ کارکنان کی فہرست اسی نے تیار کی تھی اور جان بوجھ کر اس کا نام شامل نہیں کیا تھا۔

ذرائع کے مطابق اس بھارتی نوجوان کو پولیس کے حوالے کردیا گیا ہے