Category: کرونا اپڈیٹس

نیویارک :عالمی ادارہ صحت کی عالمی برادری سے اپیل،ویکسین کی تیاری کےلیے وسائل نہیں ، مدد کی ضرورت ہے ،اطلاعات کے مطابق عالمی ادارہ صحت نے کہا ہے کہ کورونا ویکسین کی تیاری کے لیے دنیا بھر کے ممالک کو کوششیں تیز کرنی ہوں گی۔

عالمی ادارہ صحت کے مطابق کورونا ویکسین کی تیاری کے لیے بنائے گئے پلیٹ فارم ’کو ویکس‘ کے ساتھ مختلف ممالک کام کررہے ہیں مگر مزید ممالک کو بھی آگے آنے اور فنڈنگ کرنے کی ضرورت ہے۔

ڈائریکٹر ڈبلیو ایچ او کا کہنا تھا کہ یہ پلیٹ فارم کورونا کے خاتمے میں اہم کردار ادا کرنے کے ساتھ ساتھ موثر ویکسین کی تیاری اور اس کی قیمت کم سے کم رکھنے کو یقینی بنائے گا۔انہوں نے کہا کہ ویکسین کی تیاری میں اپنا کردار ادا کرنے کے خواہشمند ممالک 31 اگست تک اس کا حصہ بن سکتے ہیں۔

باغی ٹی وی کی رپورٹ کے مطابق چین سے پھیلنے والے خطرناک کرونا وائرس کے وار دنیا بھر میں جاری ہیں،

دنیا کے تیز ترین شخص یوسین بولٹ بھی کرونا وائرس کا شکار ہو گئے ہیں جس کے بعد انہوں نے خود کو آئسولیٹ کر لیا ہے۔ خبر رساں ادارے کے مطابق دنیا کے تیز ترین قرار دیے جانے والے شخص یوسین بولٹ عالمی وبا قرار دیے جانے والے کورونا وائرس کا شکار بن گئے ہیں۔

یوسین بولـٹ نے 34 ویں سالگرہ کی خوشی میں مہلک وبا کے حوالے سے بتائے جانے والے ایس او پیز کو یکسر نظر انداز کردیا تھا۔ سالگرہ کی خوشی میں منعقد ہونے والی پارٹی میں نہ تو شرکا نے ماسکوں کا استعمال کیا اور نہ ہی سماجی فاصلوں کو ملحوظ خاطر رکھا، یوسین بولٹ کی جانب سے دی گئی پارٹی میں انگلش فٹ بالررحیم اسٹرلنگ بھی شریک تھے

میٹنگ میٹنگ ہو رہی ہے، کام نہیں ، ہسپتالوں کی اوپی ڈیز بند، مجھے اہلیہ کو چیک کروانے کیلئے کیا کرنا پڑا؟ چیف جسٹس برہم

ڈاکٹر ظفر مرزا کی کیا اہلیت، قابلیت ہے؟ عوام کو خدا کے رحم و کرم پر چھوڑ دیا گیا ، چیف جسٹس

دو سال سے دھکے کھانے والے ڈاکٹر کو سپریم کورٹ سے حق مل ہی گیا

کرونا از خود نوٹس کیس، وزارت صحت نے سپریم کورٹ میں جمع کروائی رپورٹ

کرونا وائرس، اخراجات کا آڈٹ ہو گا تو حقیقت سامنے آئے گی،سارے کام کاغذوں میں ہو رہے ہیں، چیف جسٹس

صوبائی وزیر کا دماغ بالکل آؤٹ، دماغ پر کیا چیز چڑھ گئی ہے پتہ نہیں، چیف جسٹس کے ریمارکس

تمام ایگزیکٹو ناکام، ضد سے حکومت نہیں چلتی، ایک ہفتے کا وقت دے رہے ہیں یہ کام کریں ورنہ..سپریم کورٹ برہم

کرونا نے حکومت سے وعدہ کر رکھا ہے کہ ہفتہ اتوار کو نہیں آئے گا؟ چیف جسٹس کا بڑا حکم

یوسین بولٹ کا جب کورونا ٹیسٹ کیا گیا تو وہ مثبت آیا جس کے بعد انہوں نے از خود سماجی تنہائی اختیار کرلی ہے۔

یوسین بولٹ کو دنیا کا تیز ترین انسان قرار دیا جاتا ہے۔ بے شمار ریکارڈز رکھنے والے بولٹ کی اوسط رفتار 23 میل فی گھنٹہ ہے جبکہ زیادہ سے زیادہ رفتار 27 میل فی گھنٹہ ہے۔ یہ رفتار دنیا کے چند جانوروں سے بھی زیادہ ہے۔

بھارت میں کورونا وائرس کے آغاز میں مارچ میں بھارتی حکومت کی طرف سے نئی دہلی میں اپنے مرکزی دفتر میں رہائش پذیر دنیا کے 45 ممالک سے آئے ہوئے تبلیغی جماعت کے تمام ارکان کے خلاف کریک ڈاؤن کا حکم دینے کے پانچ ماہ بعد بھی یہ معاملہ مودی حکومت کے لئے سفارتی سر درد بن رہا ہے۔ بھارتی وزارت داخلہ امور نے اس سال مارچ میں حکم دیا تھا کہ تبلیغی جماعت کے ارکان بھارت میں کورونا پھیلانے کے مرتکب ہو رہے ہیں ان میں تقریبا 45 ممالک کے 2،550 انتہائی راسخ العقیدہ اسلامی مسلک سے تعلق رکھنے والے افراد شامل تھے اب بھی تحویل میں ہیں۔ نئی دہلی میں موجود سفارت کاروں نے بتایا ، کہ متعدد ممالک نے بھارت میں اپنے شہریوں کی مسلسل تحویل پر
بھارتی دفتر خارجہ کی سے اپنی تشویش کا اظہار کیا ہے۔
گزشتہ ہفتے کے آغاز میں بنگلہ دیش کے سیکرٹری خارجہ مسعود بن مومن نے کہا تھا کہ انہوں نے بدھ کے روز ڈھاکہ کے دورے پر آئے ہوئے بھارتی سیکرٹری خارجہ ہارش شرنگلا سے ملاقات کرتے ہوئے بھارت میں تقریبا 173 بنگلہ دیشی تبلیغی جماعت سے تعلق رکھنے والے افراد کا معاملہ اٹھایا تھا اور ان سے ان کی جلد واپسی کامطالبہ کیا تھا۔ سفارتی ذرائع کے مطابق اس حوالے سے بنگلہ دیش کی حکومت خاصی پریشان ہے کیوں کہ بھارت میں موجود ان بنگلہ دیشی ارکان کی اکثریت کے پاس پیسے ختم ہو چکے ہیں اور ان کے پاس بنگلہ دیش واپس جانے کے لئے پانچ سے دس ہزار روپے بھی موجود نہیں۔
بھارت دفتر خارجہ کے مطابق بنگلہ دیش کے سیکرٹری خارجہ نے بھارتی خارجہ سیکرٹری سے ملاقات کے دوران تسلیم کیا کہ ان کے کچھ شہری وطن واپس لوٹ چکے ہیں تاہم ابھی تک بھارت میں باقی موجود بنگلہ دیشی افراد کی جلد واپسی کو یقینی بنانے کے لئے اقدامات کئے جائیں۔ بھارتی دفتر خارجہ کے ترجمان انوراگ سریواستو نے کہا کہ تبلیغی جماعت کے لگ بھگ 550 غیر ملکی اب تک بھارت سے واپس جا چکے ہیں ، جب کہ عدالتوں کے ذریعہ 1،030 افراد کو بھارت سے جانے کی اجازت دی گئی ہے۔ نئی دہلی میں موجود انڈونیشیا اور ملائشین سفارتکاروں نے بھی تبلیغی جماعت میں شامل اپنے شہریوں کی واپسی کے لئے بھارت پر دباو بڑھا رکھا ہے۔انہوں نے یہ معاملہ آسیان کے حالیہ اجلاس میں بھی اٹھایا تھا حالانکہ آسیان کے اجلاس میں اس طرح کے معاملات شاذ و نادر ہی اٹھائے جاتے ہیں۔ نئی دہلی میں امریکی سفارت خانے نے بتایا کہ اس نے تقریبا چھ امریکی شہریوں کی گرفتاریوں پر بھارتی حکومت سے رابطہ کیا ہے اور بھارتی حکومت پر واضح کیا ہے کہ بھارت میں موجود امریکی شہریوں کی حفاظت بھارتی محکمہ خارجہ کی اولین ترجیح ہونی چاہئے۔ امریکی سفارتخانہ ان متعددشہریوں سے رابطے میں ہے جنھیں تبلیغی جماعت کے معاملے میں بھارتی حکام نے گرفتار کیا تھا۔ نئی دہلی میں موجود دیگر کئی دوسرے ممالک کے مشنوں نے کہا کہ ان کے کئی شہریوں نے تبلیغی جماعت میں بھی شرکت نہیں کی تھی۔ وہ صرف نئی دہلی میں موجود تھے انہیں بھی مودی حکومت نے کورونا کے پھیلانے کے الزام میں تحویل میں رکھا ہوا ہے۔ برازیل کے سفارت خانے کے مطابق 22 مارچ کو وزیر اعظم نریندر مودی کے اعلان کردہ "جنتا کرفیو” کی وجہ سے دہلی سے ان کی پرواز منسوخ ہونے پر ان کے چار شہری بھارت میں اپنی فلائیٹ مس کر چکے تھے اور انہوں نے دہلی کے نظام الدین میں تبلیغی مرکاز میں پناہ لے لی۔ پولیس نے نہ صرف انہیں اگلی پرواز لینے سے روکا ، بلکہ انہیں زبردستی قرنطینہ میں رکھا۔ وہ صرف چار ماہ بعد ہی وطن واپس جاسکے ، قبول کرنے کے بعد کہ انہوں نے ویزا کی خلاف ورزی کی ، جرمانے کی ادائیگی کی ، اور اب انہیں 10 سال تک ہندوستان واپس آنے سے منع کردیا گیا ہے اور انہیں بلیک لسٹ میں ڈال دیا گیا ہے۔

واشنگٹن :امریکا، برازیل کے بعد بھارت میں سب سے زیادہ کورونا کے مریض،ایک ہی دن میں 70 ہزارسے زائد کیسز،اطلاعات کے مطابق امریکا اور برازیل کے بعد بھارت میں کورونا وائرس سے متاثرین کی تعداد 30 لاکھ سے تجاوز کرگئی۔

عالمی ذرائع ابلاغ کے مطابق گزشتہ 24 گھنٹے کے دوران مزید 70 ہزارسے زائد نئے کیسز منظر عام پر آچکے ہیں۔خیال رہے کہ بھارت میں لاک ڈاؤن ختم کرکے متعدد شعبوں کو دوبارہ کھول دیا ہے۔

بھارت میں لگا تار پانچویں دن بھی 60 ہزار سے زائد کیسز رپورٹ ہونےکے بعد وہاں وائرس سے متاثرین کی مجموعی تعداد 30 لاکھ سے تجاوزکرگئی ہے۔

واضح رہے کہ امریکا اور برازیل کے بعد بھارت کا نمبر آتا ہے جہاں سب سے زیادہ کیسز رپورٹ ہوئے.امریکا اور برازیل میں کورونا وائرس سے مجموعی طور پر بالترتیب 58 لاکھ 43 ہزار اور 35 لاکھ 83 ہزار افراد متاثر ہوچکے ہیں۔

علاوہ ازیں امریکا میں ایک لاکھ 80 ہزار جبکہ برازیل میں ایک لاکھ 14 ہزار افراد ہلاک ہوچکے ہیں۔بھارتی حکام کے مطابق کورونا وائرس سے بھارت میں مزید 912 اموات کے بعد مجموعی تعداد 56 ہزار 706 ہوگئی ہے۔

دوسری جانب بھارتی حکام سماجی فاصلہ برقرار رکھنے، ہجوم والی جگہوں پر جانے سے گریز اور سینیٹائزر کے استعمال پر زور دے رہے ہیں۔

بھارت کے وزیر اطلاعات و نشریات پرکاش جاوڈیکر نے ایک ٹوئٹ میں کہا کہ ایس او پیز پر عمل کرکے صعنت اور صنعتی عملے کے لیے سازگار ماحول پیداکرسکیں گے۔

واضح رہے کہ بھارت کے دارالحکومت ممبئی کی فلم انڈسٹری پروڈیوسر، تقسیم کاروں اور اداکاروں نے کہا تھا کہ کورونا وائرس سے میں ہونے والے معاشی نقصان کے ازالے میں کم از کم دو سال لگیں گے۔

بھارتی وزیر اعظم نریندر مودی نے مارچ میں کورونا کے پھیلاؤ کو روکنے کے لیے 2 ماہ سے زیادہ طویل لاک ڈاؤن کے بعد فلم کی تیاری اور تھیٹر بند کردیے تھے۔بعدازاں بھارتی حکومت نے معیشت کی بتدریج بحالی کے لیے اسمارٹ لاک ڈاؤن کی حکمت عملی اختیار کی۔

جنیوا:ہندوستان میں بی جے پی حکومت اورانتہاپسندہندوتنظیمیں مسلمانوں کو نسلی امتیاز اور منافرت کا نشانہ بنا رہی ہیں،اطلاعات کے مطابق اقوام متحدہ کے سیکریٹری جنرل نے ہندوستان میں مسلمانوں کے خلاف نسلی امتیاز برتنے پر کڑی نکتہ چینی کی ہے۔

آئی آر آئی بی کی رپورٹ کے مطابق اقوام متحدہ کے سیکریٹری جنرل اینٹونیو گوتریش نے ہندوستان میں کورونا وائرس کی آڑ میں حکمراں جماعت بھارتیہ جنتا پارٹی کے اعلی حکام کی جانب سے مسلمانوں کو نسلی امتیاز اور منافرت کا نشانہ بنانے پر متنبہ کرتے ہوئے کہا کہ ہندوستان کی حکمران جماعت اور حکومت کا حامی میڈیا مسلمانوں کو کورونا وبا کے پھیلاؤ کا ذمہ دار قرار دے رہا ہے۔

انہوں نے کہا کہ ہندوستان کے مسلمانوں کو کورونا وائرس کے خوف کے نام پر طبی سہولتوں سے بھی محروم رکھا جا رہا ہے۔واضح رہے کہ گزشتہ ایک سال کے دوران انتہا پسند ہندووں کی جانب سے مسلمانوں کے خلاف ہونے والے اقدامات کے خلاف اس ملک میں بڑے پیمانے پر احتجاج ہوا ہے۔