Category: کرونا اپڈیٹس

سڈنی : آسٹریلیا میں بھی کرونا بے قابو ہونے لگا : کورونا کے 25 ہزار کیسز، ٹیسٹ میں کمی پر حکام کو تشویش،اطلاعات کے مطابق آسٹریلیا میں کووڈ-19 کے کیسز کی تعداد 25 ہزار سے تجاوز کرگئی ہے، جبکہ شہریوں کی جانب سے ٹیسٹنگ سے گریز پر حکام نے تشویش کا اظہار کر دیا۔

خبرایجنسی رائٹرز کے مطابق آسٹریلیا میں گزشتہ 24 گھنٹوں کے دوران 151 نئے کیسز رپورٹ ہوئے اورگزشتہ روز کے مقابلے میں 121 کیسز کا اضافہ ہوا ہے۔رپورٹ میں کہا گیا ہے کہ سب سے زیادہ کیسز وکٹوریا اور نیو ساؤتھ ویلز میں سامنے آئے ہیں۔

قبل ازیں آسٹریلیا میں رواں ماہ کے آغاز میں روزانہ 700 سے زائد کیسز رپورٹ ہورہے تھے اور پھر اس میں کمی آئی تھی لیکن حکام نے کووڈ-19 کے ٹیسٹ کے لیے شہریوں کے عدم تعاون پر تشویش کا اظہار کیا۔

کینبرا میں میڈیا سے گفتگو کرتے ہوئے چیف نرسنگ اور مڈوائفری افسر الیسن مک ملن نے کہا کہ ‘ہم دیکھ رہے ہیں کہ ٹیسٹ کی تعداد میں کمی آرہی ہے اس لیے شہریوں سے گزارش ہے کہ اگر آپ کو علامات ہیں تو برائے مہربانی ٹیسٹ کروادیں’۔آسٹریلیا میں کورونا وائرس کے کیسز کی مجموعی تعداد بڑھ کر 25 ہزار 67 ہوچکی ہے جبکہ 525 ہلاکتیں ہوئیں۔

رپورٹ کے مطابق آسٹریلیا کا دوسرا بڑے شہر اور وکٹوریا کے دارالحکومت میلبورن وائرس کا مرکز ہے جہاں 6 ہفتوں کو سخت لاک ڈاؤن نافذ ہے اور شہریوں کو ضروری کام کے علاوہ گھروں تک محدود رہنے کی ہدایت کی گئی ہے۔میلبورن میں شہریوں کی نقل و حرکت محدود ہونے کے علاوہ کاروباری سرگرمیوں کو معطل کردیا گیا ہے اور رات کا کرفیو نافذ ہے۔

آسٹریلیا کے وزیراعظم ڈینیل اینڈریوز کوشش کررہے ہیں کہ وکٹوریا میں ریاستی پارلیمنٹ سے ایمرجنسی کے نفاذ میں مزید ایک سال تک توسیع کے لیے قانون سازی ہو جس کے تحت اس دوران ایمرجنسی میں توسیع یا پابندیوں کے دوبارہ نفاذ کی اجازت ہوگی۔

پاجو :کرونا وائرس پھر سے سراٹھانے لگا: کیفے میں فیس ماسک نہ پہننے والے 56 افراد کورونا وائرس سے متاثر،اطلاعات کے مطابق جنوبی کوریا میں نوول کورونا وائرس کے کم از کم 56 کیسز کافی کی تیاری کے حوالے سے بین الاقوامی سطح پر معروف کمپنی اسٹار بکس کی ایک شاخ میں سامنے آئے ہیں۔

کورین شہر پاجو میں واقع اسٹار بکس کی شاخ میں آنے والے متعدد صارفین کووڈ 19 کا شکار ہوئے، جس کی وجہ لوگوں کا فیس ماسک کا استعمال نہ کرنا اور کیفے میں ہوا کی نکاسی کا ناقص نظام قرار پایا۔

مقامی میڈیا کے مطابق حیران کن طور پر اس جگہ کام کرنے والا عملہ کورونا وائرس سے متاثر نہیں ہوا اور ماہرین کا ماننا ہے کہ اس کی وجہ یہ تھی کہ عملے نے فیس ماسک کا استعمال کیا۔

طبی حکام نے بتایا کہ کورونا وائرس کے اتنے زیادہ کیسز صرف ایک متاثرہ شخص کی وجہ سے سامنے آئے جو اس کیفے میں ایئرکنڈیشنگ سسٹم کے بالکل ساتھ بیٹھا تھا اور وہاں سے اس نے وائرس والے ذرات ہر جگہ پھیلا دیئے۔یہ وائرس لوگوں تکم میزوں اور دروازوں کے ہینڈل سمیت دیگر اشیا کی آلودہ سطح کے ذریعے بھی پہنچا۔

کوریا سینٹرز فار ڈیزیز کنٹرول اینڈ پریونٹیشن (کے سی ڈی سی) کے سربراہ جیونگ یون کیونگ نے بتایا ‘کیفے میں آنے والے بیشتر افراد نے ماسک نہیں پہن رکھے تھے اور بظاہر وہاں نکاسی آب کا نظام بھی ناقص تھا، حالانکہ وہاں مرطوب موسم کے باعث ایئرکنڈیشنرز کا استعمال بھی ہورہا تھا’۔

انہوں نے مزید بتایا ‘اگر یہ وائرس ہوا میں موجود ذرات سے نہیں بھی پھیلا تو بھی منہ یا ناک سے خارج ہونے والے ذرات سے اس کے پھیلاؤ کا امکان تنگ جگہ پر ممکن ہے جبکہ یہ وائرس ہاتھوں کے رابطے میں آنے سے بھی پھیل سکتا ہے’۔

طبی حکام کا کہنا تھا کہ وہاں کام کرنے والے 4 افراد کی شفٹ اس وبائی بیماری سے متاثر نہیں ہوئی، جس کی وجہ عملے کی جانب سے اپنے فرائض کے دوران فیس ماسک کا مسلسل استعمال ہے۔

جنوبی کوریا نے دیگر ممالک کے مقابلے میں زیادہ کامیابی سے کورونا وائرس کی وبا کو قابو کرنے میں کامیابی حاصل کی تھی، مگر حالیہ ہفتوں کے دوران وہاں کیسز کی شرح میں دوبارہ اضافہ ہوا ہے۔

کیسز کی شرح میں اضافے کے بعد حکام کی جانب سے فیس ماسک کا استعمال لازمی قرار دی اگیا جبکہ سماجی دوری کے دیگر اقدامات پر بھی غور کیا جارہا ہے۔

ہانگ کانگ:کرونا سے صحتیاب ہونے والا شخص دوبارہ وائرس کا شکار:چینی ماہرین طب پریشان وحیران،اطلاعات کے مطابق چین کے زیر انتظام ملک ہانگ کانگ میں کرونا سے صحت یاب ہونے والا شہری دوبارہ وائرس کا شکار ہوگیا۔

ہانگ کانگ کی یونیورسٹی کے محققین نے کہا کہ کو وڈ 19 سے صحت یاب ہونے والا شخص ساڑھے چار ماہ بعد دوبارہ وائرس کا شکار ہوگیا جو اس نوعیت کا پہلا واقعہ ہے۔

طبی جریدے کلینک انفیکشن ڈیزیز میں اشاعت کے لیے منظور ہونے والے تحقیقی پرچے میں کہا گیا ہے کہ مریض اس سے قبل صحت مند تھے، 33 سالہ شہری پہلی بار مختلف وائرس کے اقسام میں سے ایک سے متاثر تھا اور دوسری بار متاثر ہونے کے لیے بدستور علامات موجود رہیں۔

تحقیقی مقالے کی تیاری میں شامل ایک سینئر محقق ڈاکٹر کائی وانگ ٹو کا کہنا تھا کہ ان نتائج کا مطلب یہ نہیں ہے کہ ویکسین بے فائدہ ہے۔انہوں نے کہا کہ ویکسین سے حاصل ہونے والی قوت مدافعت قدرتی مدافعت سے مختلف ہوسکتی ہے، اس کے لیے ویکسین کے نتائج کے لیے انتظار کرنا پڑے گا کہ ویکسین کس قدر موثر ہے۔

عالمی ادارہ صحت کی ماہر وبائی امراض ماریا کا کہنا تھا کہ ہانگ کانگ کے تازہ کیس پر ایک دم سے کسی نتیجے پر پہنچنے کی ضرورت نہیں‌ ہے۔رپورٹ کے مطابق اس سے قبل چین میں بھی کرونا وائرس سے صحتیاب ہو کر اسپتالوں سے ڈسچارج ہونے والے کئی افراد دوبارہ وائرس سے متاثر ہوئے تھے۔