Category: کرونا اپڈیٹس

دبئی :کورونا وائرس: امارات ایئرلائن نے مسافروں کے طبی اور قرنطینہ اخراجات اٹھانے کا اعلان کردیا،اطلاعات کے مطابق امارات ایئرلائن نے مسافروں کا کورونا وائرس کا طبی خرچہ اٹھانے (مفت گلوبل کور) کی پیشکش کی ہے اور کہا ہے کہ ایئرلائن صارفین کے سفر کی کلاس اور منزل سے قطع نظر ان کے علاج اور قرنطینہ کے اخراجات اٹھائے گی۔

اس گلوبل کور کا اطلاق فوری طور پر کیا گیا ہے جو امارات ایئرلائن میں سفر کرنے والے مسافروں کے لیے 31 اکتوبر 2020 (31 اکتوبر یا اس سے قبل پہنچنے والی پرواز تک)تک مؤثر ہے۔

خیال رہے کہ یہ پیشکش مسافروں کی جانب سے اپنی منزل کی طرف پہلی پرواز سے لے کر اگلے 31روز تک برقرار ہوگی۔

امارات ایئرلائن نے گزشتہ روز ایک پریس ریلیز میں کہا کہ وہ کورونا وائرس سے متعلق اخراجات کے لیے مفت عالمی کور کی پیشکش کرنے والی دنیا کی پہلی ایئر لائن ہے۔

پریس ریلیز میں کہا گیا کہ امارات ایئرلائن کے صارفین اعتماد کے ساتھ سفر کرسکتے ہیں کیونکہ اگر سفر کے جب وہ گھر سے دور ہوں اور ان میں کورونا وائرس کی تشخیص ہوگئی تو ایئرلائن 14 ہزار یورو تک کے طبی اخراجات برداشت کرے گی اور 14 روزہ قرنطینہ کے لیے یومیہ 100 یورو ادا کرے گی۔

امارات گروپ کے چیئرمین اور چیف ایگزیکٹو شیخ احمد بن سعید المکتوم نے کہا کہ متحدہ عرب امارات کے نائب صدر اور دبئی کے وزیر اعظم اور حکمران شیخ محمد کی ہدایت پر امارات کو بین الاقوامی سفر کے لیے اعتماد بڑھانے کی قیادت کرنے پر فخر ہے۔

انہوں نے کہا کہ ہم جانتے ہیں کہ دی بھر کی سرحدیں بتدریج کھلنے کے بعد لوگ فضائی سفر کی دِلی خواہش رکھتے ہیں لیکن وہ لچک اور یقین دہانی کے خواہاں ہیں کہ کہیں ان کے سفر کے دوران کوئی غیر متوقع واقعہ پیش نہ آجائے۔

ادھر ذرائع کا کہنا ہے کہ امارات گروپ کے چیئرمین نے مزید کہا کہ امارات نے انفیکشن کا خطرہ کم کرنے کے لیے صارف کے سفر کے ہر قدم پر اقدامات کے لیے سخت محنت کی ہے اور ہم نے لچک پیش کرنے کے لیے اپنی بکنگ پالیسیز کو بھی بہتر بنایا ہے۔

انہوں نے کہا کہ اب ہم اسے اگلی سطح تک لے جارہے ہیں اور یہ کورونا وائرس کے طبی اور قرنطینہ اخراجات کے لیے اپنے صارفین کو مفت گلوبل کور فراہم کرنے والی پہلی ایئرلائن ہے۔

بیان میں مزید کہا گیا کہ یہ ہماری جانب سے ایک سرمایہ کاری لیکن ہم اپنے صارفین کو ترجیح دے رہے ہیں اور ہمارا ماننا ہے کہ وہ اس اقدام کا خیرمقدم کریں گے۔ امارات کی جانب سے کورونا وائرس سے متعلق طبی اور قرنطینہ اخراجات کےلیے یہ گلوبل کور سفر یا منزل سے قطع نظر صارفین کو مفت پیش کیا جارہا ہے۔

یہ بھی بتایا جارہا ہےکہ اس گلوبل کور کا اطلاق فوری طور پر کیا گیا ہے جو امارات ایئرلائن میں سفر کرنے والے مسافروں کے لیے 31 اکتوبر 2020 (31 اکتوبر یا اس سے قبل پہنچنے والی پرواز تک)تک مؤثر ہے جو مسافروں کی جانب سے اپنی منزل کی طرف پہلی پرواز سے لے کر اگلے 31روز تک برقرار ہوگی۔

اس کا مطلب ہے کہ امارات کے صارفین اس گلوبل کور کی اضافی یقین دہانی سے فائدہ اٹھا سکتے ہیں، چاہے وہ اپنی امارات ایئرلائن کی منزل پر پہنچنے کے بعد کسی دوسرے شہر کا سفر کریں۔ سفر کرنے سے پہلے صارفین کو کوئی فارم بھرنے یا اندراج کی ضرورت نہیں ہے اور ان پر امارات کی جانب سے فراہم کردہ اس سہولت کا استعمال لازمی نہیں۔

اماراتی ائیرلائنز ذرائع کا کہنا ہےکہ کوئی بھی متاثرہ صارف جس میں سفر کے دوران کورونا وائرس کی تشخیص ہوئی ہے، انہیں معاونت اور گلوبل کور سے مستفید ہونے کے لیے صرف متعلقہ ہاٹ لائن سے رابطے کرنا ہوگا۔

کورونا وائرس سے متعلق اخراجات کی تفصیلات اور ہاٹ لائن نمبر www.emirates.com/COVID19assistance پر موجود ہیں۔

خیال رہے کہ امارات ایئرلائنز نے ہر قدم پر صارفین اور ملازمین کی حفاظت یقینی بنانے کے لیے جامع اقدامات پر عملدرآمد کیا ہے جس میں صارفین کو ماسکس،دستانوں،سینیٹائزر اور اینٹی بیکٹیریل وائپس پر مشتمل کٹس کی فراہمی شامل ہے۔

علاوہ ازیں امارت ایئرلائنز کی جانب سے ان اقدامات اور ہر پرواز میں دستیاب خدمات سے متعلق تفصیلات یہاں www.emirates.com/yoursafety سے معلوم کی جاسکتی ہیں۔

قبل ازیں عارضی معطلی کے بعد امارات ایئرلائن نے پاکستان کے 4 شہروں کراچی، لاہور، اسلام آباد اور سیالکوٹ سے مسافر خدمات بحال کی تھیں لیکن مسافروں کے لیے مخصوص لیبارٹری سے کورونا وائرس کے منفی ٹیسٹ کی رپورٹ کی شرط عائد کی تھی۔

منیلا :ایک طرف مہنگا پٹرول تو دوسری طرف صدر کا شہریوں کو پیٹرول سے ماسک کی صفائی کا مشورہ،اطلاعات کے مطابق فلپائن کے صدر رودریگو دیوترتے اکثر اپنے بیانات اور اقدامات کی وجہ سے خبروں کا حصہ بنے رہتے ہیں اور حال ہی میں انہوں نے غلطی سے شہریوں کو پیٹرول سے فیس ماسک کی صفائی کا مشورہ دے دیا۔

تاہم رودریگو دیوترتے کے بیان کے بعد فلپائن کے صحت حکام نے ان کے بیان کی تصحیح کی اور کہا کہ فیس ماسک کو اس طریقے سے ڈِس انفیکٹ نہیں کیا جاسکتا۔

فاکس نیوز کی رپورٹ کے مطابق گزشتہ دنوں ایک تقریر کے دوران فلپائنی صدر نے انتہائی آتش گیر مادے (پیٹرول) کو ماسک کی صفائی کے لیے موزوں متبادل کے طور پر تجویز کیا۔

انہوں نے کہا تھا کہ دن کے اختتام پر، ماسک کو کسی جگہ پر لٹکائیں اور اگر آپ استطاعت رکھتے ہیں تو اس پر لائسول کا اسپرے کریں۔

فلپائن کے صدر نے کہا تھا کہ جن لوگوں کے پاس لائسول نہیں وہ ماسک کو ڈیزل یا پیٹرول میں بھگوئیں اس سے کورونا وائرس کو ٹھہرنے کا موقع نہیں ملے گا، تھوڑا سا پیٹرول لیں اور اپنے ہاتھ کو ماسک کے ساتھ اس میں بھگودیں۔

رودریگو دیوترتے کے بیان کے اگلے روز فلپائن کے محکمہ صحت کی انڈر سیکریٹری ماریہ روزاریو ویرجائر نے کہا کہ صدر مذاق کررہے تھے اور شہریوں کو اس ہدایت کو یقینی طور پر سنجیدہ نہیں لینا چاہیے۔

انہوں نے صحافیوں کو دی گئی آن لائن بریفنگ کے دوران کہا کہ آپ جانتے ہیں کہ صدر رودریگو دیوترتے کیسے گفتگو کرتے ہیں، ان کا بیان خاص طور پر پیٹرول سے متعلق بات شاید ان کے مذاق کا حصہ ہے

ماریہ روزاریو ویرجائر نے کہا کہ کپڑے کے ماسک کو ہر مرتبہ استعمال کے بعد روزانہ دھونا چاہیے، اسے دھو کر دھوپ میں سکھانا چاہیے۔

ساتھ ہی انہوں نے سرجیکل یا این-95 ماسکس کو دھونے یا دوبارہ استعمال کرنے سے خبردار کیا۔

انہوں نے مزید کہا کہ ان ماسکس میں کچھ اجزا، فلٹرنگ کے مخصوص طریقہ کار ہوتے ہیں جو دھونے کے بعد وائرسز کو فلٹر کرنے کے خلاف غیرمؤثر ہوجاتے ہیں، اسی وجہ سے انہیں دھونا نہیں چاہیے بلکہ استعمال کے بعد یا 8 گھنٹے کے اندر ان ماسکس کو ضائع یا تبدیل کرنا چاہیے۔

خیال رہے کہ فلپائن کے صدر کی غیر مہذب تقاریر کی ایک تاریخ موجود ہے، وہ ماضی میں بھی تشدد کے علاوہ، جارحانہ یا غیر منطقی بیانات دیتے رہے ہیں۔ اپریل میں انہوں نے کورونا وائرس لاک ڈاؤن کے خلاف مظاہرے کرنے والوں کو گولی مارنے کا کہا ت

نیویارک:’اب گھر میں صرف سناٹا ہے’: کورونا سے 11 دن میں 2 بچوں کو کھونے والی ماں کی دکھ بھری داستان،اطلاعات کے مطابق عالمی وبا کورونا وائرس کی وجہ سے دنیا بھر میں لاکھوں خاندان اپنے پیاروں کوکھو چکے ہیں اور سب سے زیادہ ہلاکتیں امریکا میں سامنے آئی ہیں جہاں ڈیڑھ لاکھ کے قریب لوگ اب تک ہلاک ہوچکے ہیں۔

امریکا کی سب سے زیادہ متاثر ریاستوں میں سے ایک فلوریڈا بھی ہے جہاں کیسز کے ساتھ ساتھ اموات کی تعداد بھی مسلسل بڑھ رہی ہے۔رواں ہفتے ریاست فلوریڈا میں صرف ایک دن میں 173 ہلاکتیں بھی سامنے آئیں۔

فلوریڈا کی رہائشی مونیٹے ہکس نے اس وبا کے دوران اس خوف کا سامنا کیا ہے جس کا تصور کرنا بھی کسی ماں کے لیے ناممکن ہے۔

مونیٹے ہکس نے اس مہلک وائرس کی وجہ سے ایک نہیں بلکہ صرف 11دنوں میں اپنے 2 بچوں کو کھودیا۔جون کی ایک صبح ان کے 20 سالہ بیٹے بائرون کو سانس لینے میں دشواری کا سامنا کرنا پڑا جس کے بعد انہیں فوری طور پر اسپتال پہنچایا گیا۔

مونیٹے نے اسکائی نیوز کو بتایا کہ انہیں اندازہ نہیں تھا کہ یہ معاملہ اس قدر سنگین صورت اختیار کرے گا۔”میں وہیں موجود تھی اور مجھے کوڈ بلیو سنائی دے رہا تھا۔۔۔لیکن صرف پانچ سیکنڈ بعد وہ باہر آئے اور مجھے بتایا کہ اسے دل کا دورہ پڑا ہے۔”اس کے صرف کچھ ہی گھنٹوں میں ان کے بیٹے کی موت واقع ہوگئی۔

اس واقعے کے چند ہی دن بعد بائرون کی 22سالہ بہن مئےچائلا نے سردرد اور بخار کی شکایت کی۔ وہ کئی دن تک اس مرض کا مقابلہ کرتی رہی مگر اپنے بھائی کے موت کے گیارہوں دن اس کا بھی انتقال ہو گیا۔

مونیٹے ہکس کا کہنا ہے کہ "میں نے سوچابھی نہیں تھا کہ میرے ساتھ ایسا ہو جائے گا۔۔۔اتنی کم عمر میں اپنے بچوں کو کھو دینا۔۔۔وہ تو فرشتے تھے ، میرے لیے یہ بہت مشکل تھا۔”

مونیٹے ہکس دنیابھر میں بہت سے دیگر افراد کی طرح اپنے بچوں کو آخری وقت میں بچوں سے بات کر سکیں اور نہ ہی ان کو چھو سکیں۔

مونیٹے کے مطابق وہ آخری وقت میں اپنے بچوں کے کان یہ کہنا چاہتی تھیں کہ وہ مرض کے خلاف لڑیں مگر ایسا نہ ہو سکا۔

جب مونیٹے ہکس سے پوچھا گیا کہ ان کے لیے سب سے مشکل چیز کیا ہے تو ان کا کہنا تھا کہ "رات میں سونے کے لیے بستر پر جانا کیونکہ اب میرے گھر صرف سناٹا ہے۔”

ڈاکٹرو ں کا کہنا ہے کہ دونوں بچوں کی موت کی وجہ کوروناوائرس تھا مگر وہ اس کے ساتھ ساتھ دمہ اور موٹاپے کی بیماروں کا بھی شکار تھے۔