کراچی :کرونا وائرس کوئی رشتہ نہیں دیکھتا،گلوکار سلمان احمد کے 50 رشتہ دار و دوست کورونا کا شکار،اطلاعات کے مطابق معروف گلوکار و موسیقار سلمان احمد نے انکشاف کیا ہے کہ ان کے 50 رشتہ دار، اہل خانہ اور دوست بھی کورونا کو شکار بنے۔

سلمان احمد ملک کی وہ پہلی شوبز و میوزک شخصیت بھی بنے تھے جنہیں سب سے پہلے اپریل کے آغاز میں کورونا ہوا تھا۔سلمان احمد کو اس وقت کورونا ہوا تھا جب وہ امریکا میں موجود تھے اور اس وقت امریکا میں کورونا عروج پر تھا۔

سلمان احمد نے کورونا کی تشخیص کے بعد خود کو قرنطینہ کرلیا تھا اور 2 ہفتوں بعد ان کا دوبارہ ٹیسٹ کیا گیا تو وہ منفی آیا تھا۔سلمان احمد نے اپریل کے آخری دنوں میں کورونا کو شکست دی تھی اور اس بعد گلوکار عوام کو کورونا سے متعلق احتیاطی تدابیر بتاتے دکھائی دیتے تھے۔

مگر اب انہوں نے انکشاف کیا ہےکہ کورونا میں ان کے 50 رشتہ دار، اہل خانہ اور دوست بھی وبا کا شکار ہوئے تھے جن میں سے اب زیادہ تر صحت مند ہوچکے۔

Around 50 of my family & friends ( including myself) got #Covid_19. Due to a combination of timely treatment, social distancing , masks, regular hand washing 46 have recovered.PCR is negative but in public pls WEAR MASKS👍🎸 pic.twitter.com/RUhzHaVLZi

— Salman Ahmad (@sufisal) June 27, 2020

سلمان احمد نے ٹوئٹ میں اپنی تصویر شیئر کرتے ہوئے انکشاف کیا کہ کورونا میں مبتلا ہونے والے ان کے 50 قریبی رشتہ داروں اور دوستوں میں سے 46 افراد صحت مند ہوچکے ہیں۔

گلوکار نے بتایا کہ بروقت احتیاطی تدابیر اپنانے، ایک دوسرے سے سماجی فاصلہ اختیار کرنے، فیس ماسک اور سینیٹائیزر استعمال کرنے کی وجہ سے کورونا میں مبتلا وہ اور ان کے دیگر 46 قریبی رشتہ دار اور دوست وبا کو شکست دینے میں کامیاب ہوگئے۔

اپنی ٹوئٹ میں گلوکار نے فیس ماسک پہن رکھا تھا اور انہوں نے مداحوں کو کورونا سے بچنے اور اسے شکست دینے کے لیے زیادہ سے زیادہ احتیاط کرنے کی ہدایت کی۔

سلمان احمد نے یہ واضح نہیں کیا کہ کورونا میں مبتلا ہونے والے ان کے 50 قریبی رشتہ داروں اوردوستوں میں کون کون شامل تھے، تاہم انہوں نے آگاہ کیا کہ وبا میں مبتلا ہونے والے ان کے 46 قریبی افراد صحت یاب ہوچکے ہیں۔

خیال رہے کہ کورونا میں مبتلا ہونے والی پاکستانی شوبز انڈسٹری کی تقریبا ایک شخصیات بھی صحت مند ہوچکی ہیں۔

سینیئر اداکارہ روبینہ اشرف، یاسر نواز، ندا یاسر، نوید رضا، ابرارالحق، واسع چوہدری، شفاعت علی اور گلوکار بلال مقصود سمیت دیگر شخصیات میں کورونا کی تشخیص ہوئی تھی۔تاہم تمام ہی شخصیات 2 سے 3 ہفتوں تک قرنطینہ میں رہنے کے بعد صحت یاب ہوگئیں۔

اسلام آباد :‫‫نئی آئی ایچ ایم ای کوویڈ19 پیشن گوئی کے مطابق یکم اکتوبر تک پاکستان میں 40,000 سے زیادہ اموات کا امکان ہے.اطلاعات کے مطابق پاکستان کے لئے اپنے پہلے تخمینے میں، انسٹی ٹیوٹ برائے ہیلتھ میٹرکس اینڈ ایویلیوایشن (آئی ایچ ایم ای) واشنگٹن یونیورسٹی پیش گوئی کر رہاہے کہ یکم اکتوبر تک 42,188 افراد (18,380سے 107,18 کے درمیان) کوویڈ 19 کی وجہ سے موت کا شکار ہوں گے۔

آئی ایچ ایم ای کے ڈاکٹر علی مکداد  جو یونیورسٹی میں پاپولیشن ہیلتھ کے ایک سینئر فیکلٹی ممبر اور چیف اسٹریٹیجی آفیسرہیں، کہتے ہیں، "پاکستان ایک حساس مقام پر ہے۔وائرس کے پھیلاؤ کو روکنے کے لئے جرات مندانہ کوششیں، جیسے ماسک پہننا اور سماجی فاصلے رکھنے پر عمل کرنا، کنٹرول کے لازمی اقدامات ہیں کیونکہ اقوام دوبارہ کُھل رہی ہیں۔ اگر تمام پاکستانی باہر جاتے وقت ماسک پہنتے ہیں تو، ہم آج اور یکم اکتوبر کے درمیان 25,000جانیں بچاسکتے ہیں۔ یہ سب جانیں بچانے اور معیشت کے تحفظ سے متعلق ہے۔”

تخمینے کے مطابق پاکستان میں اموات میں مسلسل اضافہ نظر آرہا ہے مگر ابھی وہ کسی انتہا کی پیش گوئی نہیں کررہا ہے۔ ملک میں یکم اکتوبر کو یومیہ اموات کی تعداد 1,431
)346 سے4,647 کے درمیان) تک ہونے کا اامکان ہے۔ صوبہ پنجاب میں یکم اکتوبر کو 916 اموات (155 سے 3,508  تک) کی پیش گوئی کی گئی ہے جبکہ صوبہ سندھ میں اس دن 254 اموات (42 سے 846) کا امکان ہے ۔

آئی ایچ ایم ای کی نئی پیش گوئی وائرس سے اموات کے ماڈل کے مطابق اگر تمام ممالک اس وقت چھ ہفتوں کے لئے سماجی فاصلے رکھنے کے مینڈیٹ نافذ کردیں تو اموات 8 افراد فی ملین تک پہنچ جانے کا امکان ہے۔ یکم اکتوبر سے پہلے پاکستان کے اس مقام تک پہنچنے کی پیش گوئی نہیں کی گئی ہے۔

گھر سے نکلتے وقت ماسک پہننے والے لوگوں کی فیصد بھی ایک اہم قابل غور نکتہ ہے۔ اگر ماسک کا استعمال 95 فیصد تک بڑھا دیا جائے تو، پاکستان میں یکم اکتوبر تک ہلاکتوں کی تعداد کم ہو کر 16,994  ہوسکتی ہے۔

بلحاظ صوبہ پاکستان کے لئے پیش گوئیاں یہ ہیں:

آزاد جموں و کشمیر: 861 (39 سے 5,501 کے درمیان )
بلوچستان: 2,188 (257 سے 8,434)
گلگت بلتستان: 54 (21 سے 279)
اسلام آباد کیپیٹل کی حدود : 262 (181 سے 408)
خیبر پختون خواہ: 4،894 (2،272 تا 10,835)
پنجاب: 24,830 (7,999سے 78,361)
سندھ: 9,098 (3,352 سے 24,684)

یہ پیشن گوئی آئی ایچ ایم ای کے تازہ ترین ماڈل پر مبنی ہے اور اس میں ہیلتھ سسٹم کے اعداد و شمار شامل ہیں، جیسے ہسپتال میں داخل ہونا، آئی سی یو میں داخلہ، اور وینٹیلیٹر کی ضروریات نیز انفیکشن، اموات اور اینٹی باڈیز کا پھیلاؤ۔ دوسرے عوامل میں فی کس ٹیسٹنگ کے تخمینے، فی کس نقل و حرکت، سماجی فاصلے رکھنے کے مینڈیٹ، ماسک کا استعمال، سماجی رابطے کی شرح اور موسمی خصوصیات شامل ہیں۔

اموات کے نئے تخمینے اور دیگر معلومات جیسے تخفیفی اقدامات کے اثرات https://covid19.healthdata.org پر دستیاب ہیں۔

آئی ایچ ایم ای ان تمام اور دیگر لوگوں کے تعاون کا گرم جوشی سے اعتراف کرنا چاہتا ہے جنہوں نے ہماری کوویڈ 19 کی تخمینہ جاتی کوششوں کو ممکن بنایا ہے، جو یہ ہیں: اے سی اے پی ایس؛ امریکن ہسپتال ایسوسی ایشن؛ بل اینڈ میلنڈا گیٹس فاؤنڈیشن؛ بلواتینک حکومت کا اسکول، آکسفورڈ یونیورسٹی؛ بلومبرگ بہبود، بوسٹن چلڈرن /ہیلتھ میپ؛ کیلیفورنیا ہیلتھ کیئر فاؤنڈیشن؛ کارنیگی میلن یونیورسٹی؛ واشنگٹن یونیورسٹی کے شعبہ پولیٹیکل سائنس کے کرسٹوفر ایڈولف اور ساتھی؛ ڈیسکارٹس لیبز؛ فیس بک ڈیٹا فار گُڈ؛ گوگل لیبز؛ جان اسٹینٹن اور تھیریسا گلیسپی؛ جولی اور ایرک نورڈسٹروم؛ قیصر فیملی فاؤنڈیشن؛ میڈٹرونک فاؤنڈیشن؛ مائیکرو سافٹ اے آئی فار ہیلتھ ؛ نیشنل انسٹی ٹیوٹ آف ہیلتھ (این آئی ایچ) کے انسٹی ٹیوٹ برائے اقلیتی صحت اور صحت سے متعلق عدم مساوات (این آئی ایم ایچ ڈی) ؛ نیشنل سائنس فاؤنڈیشن؛ اور ورلڈ ان ڈیٹا؛ پریمائز؛ کمولو؛ ریئل ٹائم میڈیکل سسٹم؛ ریڈاپٹ؛ سیف گراف؛ کوویڈ ٹریکنگ پروجیکٹ؛ جان ہاپکنز یونیورسٹی؛ کویت فاؤنڈیشن برائے سائنسز کی ترقی (کے ایف اے ایس)؛ نیو یارک ٹائمز؛ یونیسکو؛ میری لینڈ یونیورسٹی؛ یونیورسٹی آف میامی انسٹی ٹیوٹ فار ایڈوانسڈ اسٹڈی آف دی امریکاز (فیلیسیہ کناول اور مائیکل ٹچٹن)؛ ویلکم ٹرسٹ؛ ورلڈ ہیلتھ آرگنائزیشن؛ اور آخیر میں، دنیا بھر میں صحت اور صحت عامہ کی بہت ساری وزارتوں، تعاون کرنے والے اور شراکت داروں کا ، ڈیٹا اکٹھا کرنے کی آپ کی انتھک کوششوں کے لئے ۔ آپ کا شکریہ

انسٹی ٹیوٹ فار ہیلتھ میٹرکس اینڈ ایویلوایشن کے بارے میں

انسٹی ٹیوٹ برائے ہیلتھ میٹرکس اینڈ ایویلیوایشن (آئی ایچ ایم ای) یونیورسٹی آف واشنگٹن اسکول آف میڈیسن میں عالمی صحت سے متعلق ایک خود مختار تحقیقی ادارہ ہے جو دنیا کے اہم ترین صحت سے متعلق مسائل کی سخت ترین اور موازنہ کے قابل پیمائش فراہم کرتا ہے اور ان سے نمٹنے کے لئے استعمال کی جانے والی حکمت عملی کا جائزہ لیتا ہے۔ آئی ایچ ایم ای شفافیت کا پابند ہے اور ان معلومات کو وسیع پیمانے پر دستیاب کرتا ہے تاکہ پالیسی سازوں کے پاس وہ شواہد موجود ہوں جن کی انہیں آبادی کی صحت کو بہتر بنانے کے لئے وسائل مختص کرنے کے بارے میں باخبر فیصلے کرنے کے لئے ضرورت ہے

اسلام آباد:نیشنل کمانڈآپریشن سینٹرکا کرونا کے حوالے سےاہم اجلاس،چیف سیکٹریزاورہیلتھ سیکٹریزکی ویڈیولنک کےذریعےشرکت، اطلاعات کےمطابق این سی او سی میں ٹیسٹنگ، سمارٹ لاک ڈاؤن اور خاص کر حفاظتی تدابیر کے حوالے سے انتہائی اہم میٹنگ ہوئی۔صوبوں کے چیف سیکٹریز اور ہیلتھ سیکریٹری نے ویڈیو لنک کے ذریعے شرکت کی۔

NCOCنے ٹیسٹنگ کے موجودہ Patternکے حوالے سے انتہائی تفصیلی جائزہ لیا۔21 جون کو ٹیسٹنگ اور گزشتہ24 گھنٹوں کی ٹیسٹنگ کا جائزہ لیا گیا۔ جس کے مطابق

21جون کو ہونے والے ٹیسٹوں کی تعداد:
۔ ٹوٹل ٹیسٹ ۔ 30,520
سندھ ۔ 13,890
پنجاب ۔ 9,598
خیبر پختونخواہ ۔ 3,416
اسلام آباد ۔ 2,545
گلگت بلتستان ۔ 117
بلوچستان ۔ 707
آزاد جموں وکشمیر ۔ 247
26جون کو ہونے والے ٹیسٹوں کی تعداد:
۔ ٹوٹل ٹیسٹ ۔ 21,033
سندھ ۔ 5,103
پنجاب ۔ 9,353
خیبر پختونخواہ ۔ 2,913
اسلام آباد ۔ 2,463
گلگت بلتستان ۔ 34
بلوچستان ۔ 881
آزاد جموں وکشمیر ۔ 286
سندھ میں سب سے زیادہ کمی اور پنجاب میں بھی کمی دیکھنے کو ملی۔

این سی او سی نے صوبوں سے 21جون کے بعد سے اب تک پچھلے ہفتے میں روزانہ ٹیسٹنگ میں کمی کے حوالے سے وجوہات دریافت کیں۔

سیکرٹری ہیلتھ سندھ نے فورم کو بتایا کہ چند انتظامی وجوہات کی بنیاد پرٹیسٹنگ میں کمی آئی ہے جس کو اگلے 2سے3 روز میں حل کرلیا جائے گا۔ اور ٹیسٹنگ نمبر ز میں خاطر خواہ اضافہ ہو گا۔

صوبوں نے این سی او سی کو بتایا کہ لوگوں کی ٹیسٹنگ کی ڈیمانڈ میں کمی آئی ہے اور لوگ Home Isolationکو ترجیح دے رہے ہیں۔ علامات ظاہر ہونے والوں کی تعداد میں کچھ کمی آئی ہے۔

14جون سے ملک بھر میں 20شہروں میں 542لاک ڈاؤن کی وجہ سے وہاں کی نقل وحرکت محدود ہے۔ سمارٹ لاک ڈاؤن ایریاز میں حفاظتی تدابیر کے حوالے سے صوبوں نے NCOCکو آگاہ کیا کہ عوام کے رویے میں بڑی حد تک مثبت تبدیلی آئی ہے۔لو گ ان احتیاطی تدابیر پر عمل کر رہے ہیں اور خاص کر بروقت معلومات اورNCOCسے ہدایات کی وصولی کے نتیجے میں لوگوں میں آگاہی میں اضا فہ ہو اہے۔

صوبوں نے انڈسٹریز، مارکیٹس، ٹرانسپورٹ، کورٹ، کچہری، سرکاری دفاتر، مساجد اور عوامی اجتماعات کے حوالے سے حفاظتی تدابیر پر عمل درآمد کے حوالے سے NCOCکو آگاہ کیا۔ حفاظتی تدابیر پر عمل درآمد کے حوالے سے یہ بات واضح ہوئی کہ عدالتوں میں حفاظتی تدابیر کا سب سے زیادہ خیال رکھا گیا۔ اور یہ تناسب سب جگہوں سے زائد ہے۔

تاہم مارکیٹس اور شاپنگ مالزمیں حفاظتی تدابیر پر عمل درآمد کے لیے مزید کوششیں کرنا ہو گی۔ اسی طر ح ہسپتالوں، آئسولیشن سنٹرزQuarantine / میں حفاظتی تدابیر پر عمل درآمد سب سے زیادہ رہا۔جبکہ ٹرانسپورٹ کے شعبے میں اس پر عمل درآمد کم رہا۔ صوبوں نےNCOCکےTTQسٹریٹجی او حفاظتی تدابیر کو سراہا۔جس کے نتیجے میں اُنہیں Targetted lockdown میں مدد ملی۔

اَسد عمر نے تمام صوبوں، خاص کر فیلڈ سٹاف کی دن رات محنت کو سراہا جو عوام کی حفاظت کو یقینی بنانے کے لئے اپنی حفاظت سے بالا تر ہو کر اس وبا کو کنٹرول کرنے میں مصروف ہیں جس کے خاطر خواہ نتائج سامنے آرہے ہیں۔اسد عمر نے کہا کہ ہمیں حفاظتی تدابیر خاص طور پر فیس ماسک اور سماجی فاصلوں پر عمل کرانا ہو گا تاکہ وبا پر قابو پایا جا سکے۔ اسد عمر نے کہا کہ جہاں جہاں صوبوں کو اضافی مدد خاص طور پر بلوچستان میں PCR ٹیسٹ مشینیں یا ٹیسٹنگ کٹس کی ضرورت ہو وہاں ہر ممکن مدد کی جائے گی۔

اسلام آباد : ادویات، آکسیجن سلنڈر، آلات مہنگے فروخت کا نوٹس، سپریم کورٹ کا حکومت کو کارروائی کا حکم،اطلاعات کے مطابق سپریم کورڈ نے کرونا از خود نوٹس کی سماعت کرتے ہوئے کرونا سے بچاؤ کے حفاظتی سامان مہنگے داموں فروخت کرنے والوں کے خلاف کارروائی کا حکم دے دیا۔

تفصیلات کے مطابق سپریم کورٹ آف پاکستان نے کرونا وائرس از خود نوٹس کی سماعت ہوئی، جس میں عدالت نے گزشتہ روز ہونے والی سماعت کا تحریری حکم نامہ جاری کرتے ہوئے کہا کہ منافع خوروں نے کرونا مریضوں کی ادویات ذخیرہ کرلی ہیں۔

عدالت کا کہنا تھا کہ ادویات کو مہنگے داموں فروخت کیا جارہا ہے اور اسی طرح کرونا مریضوں کےلیے گیس سلنڈر بھی مہنگے فروخت ہورہے ہیں جبکہ غیر قانونی اقدام کے خلاف وفاقی، صبائی سطح پر کوئی ایکشن نہیں لیا گیا۔

سپریم کورٹ نے کرونا سے بچاؤ کے حفاظتی سامان مہنگے داموں فروخت کرنے والوں کے خلاف کارروائی کا حکم دیتے ہوئے ادویات، آکسیجن سلنڈر، آلات مہنگے فروخت کرنے والوں کے خلاف بھی کارروائی کی ہدایت کردی۔

عدالت نے کرونا سے متعلق طبی آلات، ادویات مناسب قیمت پر یقینی بنانے کی ہدایت بھی کی جبکہ کرونا وائرس سے متعلق طبی آلات اور ادویات کی ترسیل بھی یقینی بنانے کا حکم دیا۔

عدالت نے ریمارکس دئیے کہ ڈریپ امریکا، یورپ میں رجسٹرڈ ادویات کی پاکستان میں جلد رجسٹریشن یقینی بنائے اور مقامی طور پر کورونا سے نمٹنے والی ادویات کو بھی جلد رجسٹرڈ کیا جائے۔

عدالت نے رجسٹریشن سے متعلق آئندہ سماعت پر ڈریپ سے رپورٹ بھی طلب کرلی اور کرونا پر یکساں پالیسی بنانے کے معاملے پر اٹارنی جنرل سے رپورٹ بھی طلب کرلی۔

سپریم کورٹ آف پاکستان نے سندھ حکومت کو مہنگی گاڑیاں خریدنے سے دیا جس کا تحریری حکم نامہ بھی جاری کردیا گیا۔