Baaghi TV

Category: کرونا اپڈیٹس

  • قومی کرکٹ ٹیم کے تین کھلاڑی کرونا وائرس کا شکار

    قومی کرکٹ ٹیم کے تین کھلاڑی کرونا وائرس کا شکار

    قومی کرکٹ ٹیم کے تین کھلاڑی کرونا وائرس کا شکار

    باغی ٹی وی : پاکستان کرکٹ ٹیم کے تین کھلاڑیوں حیدر علی، حارث رؤف اور شاداب خان کا کورونا ٹیسٹ مثبت آگیا ہے۔ تینوں کھلاڑیوں نے خود کو پی سی بی کی ہدایت پر قرنطینہ کرلیا ہے۔


    پاکستان کرکٹ بورڈ نے کھلاڑیوں کے کورونا وائرس میں مبتلا ہونے کی تصدیق کرتے ہوئے کہا ہے کہ ٹیسٹ سےقبل ان تینوں میں کوویڈ 19 کی کوئی علامات نہیں پائی گئی تھی۔پی سی بی کے مطابق تینوں کھلاڑیوں کا ٹیسٹ اتوار کو ہوا تھا۔ جیسے ہی نتیجہ موصول ہوا انہیں فوری طور پر سیلف آئسولیشن میں جانے کی ہدایت کردی گئی ہے۔

    کرکٹ بورڈ کا میڈیکل پینل اس سلسلے میں حیدر علی، حارث رؤف اور شاداب خان سے مکمل رابطے میں ہے۔

  • دورہ انگلینڈ کے لیے روانگی سے قبل قومی کرکٹرز کی کورونا ٹیسٹنگ شروع

    دورہ انگلینڈ کے لیے روانگی سے قبل قومی کرکٹرز کی کورونا ٹیسٹنگ شروع

    دورہ انگلینڈ کے لیے روانگی سے قبل قومی کرکٹرز کی کورونا ٹیسٹنگ شروع

    باغی ٹی وی :کھلاڑیوں کی کورونا ٹیسٹنگ لاہور،کراچی اور پشاور میں ہو گی جب کہ گزشتہ روز راولپنڈی میں 5کھلاڑیوں کی کورونا ٹیسٹنگ ہوئی۔

    کراچی میں سات کھلاڑیوں نے کورونا وائرس کےٹیسٹ دیے جن میں اسد شفیق، سہیل خان، سرفراز احمد، شان مسعود، محمد حسنین ،کاشف بھٹی اور فواد عالم شامل ہیں.نیشنل اسٹیڈیم کراچی میں بیٹنگ کوچ یونس خان کا بھی کورونا ٹیسٹ کیا گیا۔

    عثمان شنواری ،حارث روَف ،حیدر علی ،شاداب خان اور عماد وسیم کی ٹیسٹنگ ہوئی، پشاور میں عمران خان ،افتخار احمد ،خوشدل شاہ اورمحمد رضوان کی ٹیسٹنگ ہو گی۔

    فخر زمان، شاہین شاہ آفریدی اور یاسر شاہ کی ٹیسٹنگ بھی پشاور میں ہی ہو گی۔

    شان مسعود، سرفراز احمد ،اسد شفیق اور فواد عالم کی ٹیسٹنگ کراچی میں ہو گی، سہیل خان اور بیٹنگ کوچ یونس خان کی کورونا ٹیسٹنگ بھی کراچی میں ہی ہو گی۔

    اظہر علی، بابر اعظم اور دیگر کھلاڑیوں کی ٹیسٹنگ لاہور میں ہو گی۔

    خیال رہے کہ چند روز قبل قومی کرکٹ ٹیم کے دورہ انگلینڈ سے قبل کورونا ٹیسٹنگ کی تاریخوں میں رد وبدل کیا گیا تھا۔

  • شنیرا اکرم نے قرنطینہ میں 100 دن کیسے گُزارے ہیں؟

    شنیرا اکرم نے قرنطینہ میں 100 دن کیسے گُزارے ہیں؟

    پاکستان کرکٹ ٹیم کے سابق کپتان وسیم اکرم کی اہلیہ و سماجی کارکن شنیرا اکرم نے مداحوں کو بتایا کہ ا نہوں نے قرنطینہ میں 100 دن کیسے گُزارے ہیں۔

    باغی ٹی وی : انسٹاگرام پر شنیرا اکر م نے اپنی ایک تصویرشئیر کی جس کے ساتھ اُنہوں نے ایک طویل کیپشن بھی لکھا۔ شنیرا نے لکھا کہ 100 دن کے لاک ڈاؤن! کیا میں نے اپنی زندگی کے 100 دن کھوئے ہیں یا میں نے ان کو حاصل کیا؟
    https://www.instagram.com/p/CBsCAqPDQ_z/?utm_source=ig_embed
    شنیرا نے لکھا کہ ان 100 دن میں میں نے اپنی 38 ویں سالگرہ منائی ، پیزا بنانے کا طریقہ سیکھا ، اپنے اہل خانہ کے ساتھ ڈانس کیا ، چھت پر رات کا کھانا کھایا ، میری ماں کی سالگرہ منائی ، کیک کھایا ، سبزی پکانا سیکھی- یوم پاکستان منایا ، ، اپنے شوہر اور بچوں کے ساتھ لڑائی کی ، آیئلا کو تیرنا سکھایا ، بیٹے کے ساتھ اچھی بونڈنگ بنائی ، مستحق لو گوں کو کھانا دیا ، ان لوگوں کاسامنا کرنا پڑا جس میں دیکھنے کو نہیں ملتا ، عائلہ اکا پہلا دانت ٹوٹا –

    شنیرا نے لکھا مہ یادگار لمحات تھے اپنی ہمسایوں کے ساتھ زندگی گزارنے کے لئے ، مدرز ڈے منایا ، بچوں کو کھلونے دیے ، میرے شوہر اور بچوں کے ساتھ انجوائے کیا ، وسیم کا 54 واں منایا ، ماہ صیام بڑی خوبصورتی سے گُزارا، نماز پڑھنا سیکھی، عید کی خوشیاں منائیں،، کارڈ کھیلنا سیکھا ، ا میرے بچپن کی پرانی فلمیں دیکھیں، اپنی بیٹی کی باربی کے لیے نئے کپڑے بنائے ، دعائیں سیکھیں-

    شنیرا نے لکھا کہ بلی کا بچہ پالا ، اپنے بالوں کو بھورا رنگ کیا ، جو پہلے کبھی نہیں استعمال کرتی ، میرے پڑوس کی سڑکوں پر گھومتی ، میرے پڑوس کے لوگوں کو دیکھتی سڑکوں کے آس پاس ، ٹِک ٹِک بنایا گرمیوں کا استقبال کیا-

    شنیرا نے مزید لکھا کہ اپنی بیٹی کے ساتھ گھنٹوں آرٹ پروجیکٹس کئے ، طیارہ حادثہ اور کورونا کی صورتحال پر تبصرے کیے، گھر کی صفائی کی ، فش ٹینک کو صاف کیا ، فریزر صاف کیا ، کس طرح کھیلنا سیکھیں منی کرافٹ ، خیراتی اداروں کے لئے رقم اکٹھا کیا ، ٹویٹ کیا ، پوسٹ کیا ، لائک کیا اور تبصرہ کیا ، لاوا لیمپ بنائے –

    شنیرا نے لکھا کہ اس دوران ناراض ہوئی ، غمگین ہوئی ، بے بسی محسوس ہوئی ، بااختیار محسوس ہوا ، الماریوں اور پرانے سوٹ کیسوں کو صاف کیا ، وزن کم ہوا بور ہونے میں وقت گزارا سبزیاں اگائیں جب آسٹریلیا نے اپنا لاک ڈاؤن اٹھایا ، پرانی تصاویر کو دیکھا ، میرے بالوں میں توسیع کی ، گوگل، یوٹیوب استعمال کیا ، میں نے بال کاٹے ، موم بنانا سیکھا ، میک اپ کے بغیر رہنا سیکھا ، میں ان لوگوں کے لئے گہرا احترام پایا جس کے ساتھ میں رہتای ہوں ، امید کرنا سیکھا ، فادرز ڈے منایا اور اس پوسٹ کو لکھا!

    ندا یاسر کے لئےکوویڈ 19 کا سب سے تکلیف دہ لمحہ کونسا تھا؟

  • پلازمہ، ڈیکسامیتھاسون، ایکٹمرا کورونا کے علاج میں کتنا فائدہ مند کورونا ایکسپرٹ ایڈوائزری گروپ نے واضح کردیا

    پلازمہ، ڈیکسامیتھاسون، ایکٹمرا کورونا کے علاج میں کتنا فائدہ مند کورونا ایکسپرٹ ایڈوائزری گروپ نے واضح کردیا

    پلازمہ، ڈیکسامیتھاسون، ایکٹمرا کورونا کے علاج میں کتنا فائدہ مند کورونا ایکسپرٹ ایڈوائزری گروپ نے واضح کردیا

    باغی ٹی وی: کورونا ایکسپرٹ ایڈوائزری گروپ نے واضح‌ کیا ہے کہ پلازمہ، ڈیکسامیتھاسون، ایکٹمرا کورونا کا علاج نہیں ہے، یہ صرف مزید حالت خراب ہونے کو کم کرتی ہے،

    کورونا ایکسپرٹ ایڈوائزری گروپ نے ادویات کے سائیڈ ایفکٹس کے بارے بتایا کہ کسی عام شخص کو معلوم نہیں کہ ان دوائیوں کے بعد میں کیا نتائج ہوسکتے ہیں،

    پنجاب کے سرکاری اسپتالوں میں ڈیکسامیتھاسون انجیکشن 13.6 ملین کی تعداد میں موجود ہے، ڈیکسامیتھاسون بہت سستی دوائی ہے، کوئی شارٹیج نہیں،

    کورونا ایکسپرٹ ایڈوائزری گروپ نے کہا کہ میڈیا خبریں چلا کر دوائیوں کی شارٹیج نہ ہونے دے، ہائی ڈروکسی کلوروکئین کی کوئی افادیت نہیں، نقصان زیادہ ہیں، ہائی ڈروکسی کلوروکئین کی فروخت کا لائسنس واپس لے لیا گیا،

    پاکستان میں ہائی ڈروکسی کلوروکئین کے تمام ٹرائلز روک دیے گئے ہیں، ہوم آئسولیشن صرف ان مریضوں کے لیے ہے جن کو علامات نہ ہوں،

    ہوم آئسولیشن ان کے لیے بھی ہے جن کو بہت کم علامات ہوں، ہوم آئسولیشن والوں کے پاس الگ واش روم ہو، اور اکیلا نہ رہتا ہو،اگر ہوم آئسولیشن میں طبعیت خراب ہو تو فوری ریسکیو 1122 کو کال کریں، کورونا ایکسپرٹ ایڈوائزری گروپ

    سیکرٹری پرائمری ہیلتھ کیپٹن عثمان نے کہا کہ 24 گھنٹے فری ٹیلی میڈیسن سروس پر کال کر کے ڈاکٹرز سے مشورے لیے جائیں، پنجاب میں 32 لیبز کام کررہی ہیں، 19 لیبز سرکاری ہیں،
    کورونا سے پہلے کوئی لیب بی ایس ایل لیول 3 نہیں تھی،پچھلے 15 دنوں میں کورونا کے مریضوں میں اضافہ ہوا، جن علاقوں سے زیادہ کیسز آئیں گے انکو لاک ڈاون کیا جائے گا،

  • کورونا سے صحت یاب ہونے والے یاسر نواز اور ندا یاسر کے کورونا کو شکست دینے کے حوالے سے چند مفید مشورے

    کورونا سے صحت یاب ہونے والے یاسر نواز اور ندا یاسر کے کورونا کو شکست دینے کے حوالے سے چند مفید مشورے

    کورونا سے صحتیاب ہونے والی پاکستان کی مشہور و معروف جوڑی اداکارہ و میزبان ندا یاسر اور پروڈ یو سر اور اداکاریاسر نواز نے کورونا کو شکست دینے سے متعلق مفید مشورے بھی دئیے-

    باغی ٹی وی : پاکستانی اداکارہ اور مارننگ شو کی میزبان ندا یاسر اور ان کے شوہر یاسر نواز نے ایک پروگرام میں اپنے کورونا میں مبتلا ہونے اور اس سے صحتیاب ہونے تک کے سفر کو بیان کیا اور مداحوں کو کورونا کو شکست دینے سے متعلق مندرجہ ذیل چند مفید مشورے بھی دئیے۔

    1:ندا اور یاسر نے کہا کہ سب سے پہلے اپنے ذہن سے ڈائٹنگ کا خیال نکال دیں کسی بھی بیماری سے بچنے کے لیے آپ کی قوت مدافعت کا مضبوط ہونا بہت ضروری ہےانہوں نے کہا کہ پچھلے 2 سے 3 سالوں میں ہم دونوں نے ہی اپنا وزن کم کیا ہے اور اپنی غذا سے چاول اور گندم نکال دی تھی جس کے سبب ہمارا قوت مدافعت کمزور ہو گیا تھا اور ہم اس وائرس کا آسان شکار بن گئے تھے۔

    2: یاسر نواز نے کہا کہ اس وبائی بیماری میں سورۃ الرحمن کی تلاوت سنیں اُن کا کہنا تھا کہ میں نے اپنے موبائل فون میں سورۃ الرحمن ڈاؤن لوڈ کر لی تھی اور روزانہ تلاوت سنتا تھا، میں نے محسوس کیا کہ اس سورۃ کی برکت سے میرے ذہن اور جسم پر مثبت اثرات مرتب ہوئے یاسر نواز کا کہنا تھا کہ کوشش کریں کہ اپنے خالق سے اپنا رشتہ مضبوط کریں یہ بڑی فائدہ مند چیز ہے ۔

    3: یاسر نواز نے کہا کہ کوشش کریں کہ منفی اور ذہنی صلاحیتوں کو کمزور کرنے والے مواد سے خود کو دور رکھیں اس بیماری میں آپ کا پر سکون رہنا بہت ضروری ہے اس لیے خود کو ہر قسم کے منفی خیالات سے دور رکھیں اور خود کو اچھا محسوس کرانے کے لیے کوئی مزاحیہ یا لائٹر موڈ پروگرامز دیکھیں جس سے آپ کا وقت اچھا گزر جائے ندا یاسر کا کہنا تھا کہ سیلف آئسولیش کے دوران انہوں نے ترکش سیریز ’ارطغرل غازی ‘ دیکھ کر وقت گزارا ۔

    4: ندا اور یاسر کا کہنا تھا کہ اس وبا کے دوران خود کو اور قوت مدافعت کو مضبوط رکھنے کے لیے ورزش ضرور کریں اور اگر آپ اس وائرس کا شکار ہو گئے ہیں تو ہر قسم کی جسمانی مشقت روک دیں ورنہ آپ کی ساری طاقت اسی میں ضائع ہو جائے گی انہوں نے کہا کہ ہمیں ڈاکٹر نے بھی یہی تجویز دی تھی کہ مکمل آرام کریں اور ورزش روک دیں ۔

    جوڑے نے موسمی پھل کھانے پر زور دیتے ہوئے کہا تھا کہ کورونا کو شکست دینے کیلئے پروٹین کا زیادہ سے زیادہ استعمال کریں اور موسمی پھل کھائیں تاکہ اس بیماری سے لڑنے میں مدد مل سکے اور بخار کے نتیجے میں ہونے والی کمزوری کو جلد شکست دی جا سکے ندا یاسر نے کہا کہ انہوں نے اس دوران انڈے ، دالوں کا سوپ اور گوشت سمیت وہ سب کھایا تھا جس میں پروٹین شامل تھا اور پھلوں میں آم کا استعمال کیا تھا ۔

    ندا نے بتایا کہ اس بیماری سے صحت یاب ہوتے ہی انہوں نے برفیلا ٹھنڈہ پانی پیا تھا اور آئس کریم کھائی تھی کیوں کہ جب وہ کورونا وائرس سے متاثر تھیں تو اس دوران وہ بس گرم اشیاء کا استعمال کر رہی تھیں ۔

    7: ندا اور یاسر کا کہنا تھا کہ کورونا وائرس سے متاثر ہونے کے بعد انہوں نے وٹامنز کا استعمال بھی بڑھا دیا تھا جس میں وٹامن سی ، ڈی اور زنک کی مقدار زیادہ تھی، اور سپلیمنٹس کے ساتھ وہ ایسی غذاؤں کا انتخاب کر رہے تھے جو اُن کے لیے مفید تھیں ان سب کے علاوہ انہوں نے سنا مکی کا قہوہ بھی استعمال کیا تھا اور کلونجی بھی چبا چبا کر کھائی تھی کلونجی چبا کر کھانے کے بہت سے فوائد ہیں ۔

    غذا کے رنگ بہت اہمیت رکھتے ہیں ، انہوں نے اس دوران کالے ، سفید ، ہرے رنگ کی غذاؤں کو اہمیت دی تھی اور پھلوں کا استعمال کرتے ہوئے بھی 5 رنگ کے پھل استعمال کیے تھے اور ہر چار گھنٹوں بعد ادرک کی ایک با ریک سی پھانک کا بھی استعمال کیا تھا-
    کورونا وائرس کو شکست دینے والے یاسر نواز نے پلازمہ عطیہ کر دیا
    ندا یاسر کے لئےکوویڈ 19 کا سب سے تکلیف دہ لمحہ کونسا تھا؟

  • پنجاب میں کرنا کے مزید کیسز ، تعداد 66,943 ہو گئی

    پنجاب میں کرنا کے مزید کیسز ، تعداد 66,943 ہو گئی

    پنجاب میں کرنا کے مزید کیسز ، تعداد 66,943 ہو گئی

    باغی ٹی وی :ترجمان پرائمری اینڈ سیکنڈری ہیلتھ کیئر کے مطابق پنجاب میں کورونا وائرس کے 1204 نئے کیس، تعداد 66,943 ہو گئی۔

    لاہورمیں 471، ننکانہ4، قصور1، شیخوپورہ28، راولپنڈی 73 اٹک 1 اور گوجرانوالہ میں 25 کیسز رپورٹ ہوئے۔ سیالکوٹ33،گجرات 35،منڈی بہاؤالدین6، ملتان290،مظفر گڑھ4، وہاڑی7، فیصل آباد45،چنیوٹ 3،ٹوبہ18اور رحیم یار خان میں 14کیسز سامنے آئے۔

    میانوالی14،خوشاب5،بہاولنگر4،بہاولپور50، لیہ 4،اوکاڑہ11،جھنگ8،خانیوال5،بھکر2،ساہیوال18،پاکپتن4 اورراجن پور میں 21کیسزسامنے آئے۔کورونا وائرس سے 28 مزید اموات، کل تعداد1435 ہو چکی ہیں۔

    اب تک 426,869ٹیسٹ کیے جا چکے ہیں۔ کورونا وائرس کو شکست دینے والوں کی تعداد 19,100 ہو چکی ہے۔

    عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔کورونا وائرس کی علامات ظاہر ہونے پر فوراََ1033 پر رابطہ کریں۔ترجمان

    ہاتھوں کی صفائی میں ہی سب کی بھلائی

  • دبئی میں سفری پابندیوں میں مزید نرمی کا اعلان

    دبئی میں سفری پابندیوں میں مزید نرمی کا اعلان

    دبئی میں سفری پابندیوں میں مزید نرمی کا اعلان

    باغی ٹی و ی ، کرونا کا زور ٹوٹنے لگا غیر ملکی خبر رساں ایجنسی کے مطابق 7 جولائی سے سیاح با آسانی دبئی میں داخل ہو سکیں گے اور جن کے پاس مقامی رہائشی ویزہ ہے وہ 23 جون سے دبئی جا سکیں گے۔

    دبئی آنے والے سیاحوں کا ائر پورٹ پر کورونا ٹیسٹ کیا جائے گا جبکہ سیاحوں اور مسافروں کا کورونا ٹیسٹ مثبت آنے پر انہیں 14 دن کے لیے قرنطینہ کر دیا جائے گا۔

    دبئی حکام کے مطابق دبئی آنے والے مسافروں کو حفاظتی تدابیر پر سختی سے عمل کرنا ہو گا اور مسافر میں کورونا کی علامات نظر آنے پر ائر لائنز انہیں نیچے اتار سکتی ہیں۔اس سے قبل دوران سفر مسافروں کی حفاظت کے لیے دبئی ایرپورٹ پر خودکار مشینیں نصب کر دی گئی تھیں جہاں سے دستانے، ماسک اور سینٹائزر حاصل کیے جا سکتے ہیں۔
    اس سے پہلے سعودی عرب نے اپنی سیاحت کے شعبے کو مکمل طور پر بحال کیا تھا . ان ممالک میں‌کرونا کازور ٹوٹ‌ رہا ہے . جبکہ پاکستان اور بھارت میں اس زور پہلے سے بھی زیادہ ہے .

    کرونا لاک ڈاؤن، دبئی میں سینکڑوں بے روزگار پاکستانی سڑکوں پر سونے پر مجبور

  • صوبے مجھ سے پوچھتے تو کبھی ایسا لاک ڈاؤن نہ ہونے دیتا،وزیراعظم

    صوبے مجھ سے پوچھتے تو کبھی ایسا لاک ڈاؤن نہ ہونے دیتا،وزیراعظم

    باغی ٹی وی کی رپورٹ کے مطابق وزیراعظم عمران خان نے کہا ہے کہ سماجی تحفظ کے تین بڑے اقدامات کا آغاز کیا،ملک کے لوگوں میں خیرات دینے کا بہت جذبہ ہے،

    وزیراعظم عمران خان کا کہنا تھا کہ لوگوں کوجب اعتماد ہوجائے کہ انکا دیا ہوا پیسا ٹھیک جگہ جارہا ہے تووہ دل کھول کرعطیات دیتے ہیں ،کورونا کی وجہ سے لاک ڈاؤن کیا گیا ،ہم نے لاک ڈاؤن کیا، جس کی وجہ سے سروس سیکٹر تباہ ہوگیا، یورپ اور ووہان کےحالات اور ہیں اورہمارے حالات مختلف ہیں،صوبے مجھ سے پوچھتے تو کبھی ایسا لاک ڈاؤن نہ ہونے دیتا،

    وزیراعظم عمران خان کا کہنا تھا کہ امریکا جیسے ملک میں لوگ خیرات لینے کیلیے لمبی قطار میں کھڑے ہیں،بڑی تنقید ہوئی لیکن شکر ہے میری بات سن لی،کورونا ریلیف فنڈز سے مستحقین کو رقم دی جارہی ہے،مختصر وقت میں اتنی بڑی رقم شفاف طریقے سے لوگوں میں بانٹی گئی لاک ڈاؤن کے دوران بھوکے لوگ علاقے میں جانے والوں پر ٹوٹ پڑے ،اب تک سمجھ نہیں آئی کہ سندھ میں چھابڑی والوں کو کیوں بند کردیا،

    وزیراعظم عمران خان کا مزید کہنا تھا کہ کورونا سے پہلے ہی سڑکوں پر سونے والوں کیلیے پناہ گاہ اور لنگر کا اہتمام کیا ،اسلام آباد میں ٹھنڈ میں لوگ سڑک پر سو رہے ہوتے تھے،پارلیمنٹرینز سے کہتا ہوں پناہ گاہوں میں جائیں اورلوگوں کیساتھ کھانا کھائیں اورحال پوچھیں،آج ہمارے حالات بھارت جیسے برے نہیں ہیں تو اس کی ایک وجہ احساس پروگرام بھی ہے، لوگوں کو یہ اعتماد دلائیں گے کہ ان کا دیا ہوا پیسا ٹھیک جگہ لگ رہاہے،

    کرونا کے وار جاری، 288 پولیس اہلکاروں میں ہوئی کرونا کی تشخیص

    سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ

    کرونا وائرس،اچھی خبر بھی سامنے آ گئی، گھروں کی قیمیتں ہوں گی کم

    کرونا وائرس، آئی ٹی سیکٹر میں بھی بڑے بحران کا خدشہ

    یقین نہ آئے تو میری پینٹ اتار کر دیکھ لینا،پولیس تشدد کے بعد خودکشی کرنیوالے نوجوان کا دردناک پیغام

    لاک ڈاؤن ،امداد دینے کے بہانے حکومت نے غریبوں سے 9 کروڑ وصول کر لیے

    احسن اقبال کا احساس پروگرام بارے جھوٹ، باغی ٹی وی نے کیا بے نقاب

    وزیراعظم عمران خان کا مزید کہنا تھا کہ احساس پروگرام میں کوئی سیاست نہیں ہے، پروگرام شفافیت سےجاری ہے، احساس پروگرام کے تحت شفافیت سےمستحقین کو پیسا فراہم کیا جارہاہے،وزیراعظم ریلیف فنڈزکا مقصد بےروزگارافراد کی مدد کرنا ہے

    احساس پروگرام،فنڈز کی تقسیم میں شفافیت کا مکمل خیال رکھا جائیگا، وزیراعظم

  • 92+ ڈائلنگ کوڈ صرف اس وجہ سے ہے کہ خان صاحب نے 92 میں ورلڈ کپ جیتا،زرتاج گل کے کوویڈ 19 سے متعلق بیان پر تبصرے

    92+ ڈائلنگ کوڈ صرف اس وجہ سے ہے کہ خان صاحب نے 92 میں ورلڈ کپ جیتا،زرتاج گل کے کوویڈ 19 سے متعلق بیان پر تبصرے

    کوویڈ 19 کا مطلب ہے اس میں 19 پوائنٹس ہیں، وفاقی وزیر موسمیات زرتاج گُل کی کرونا سے متعلق نئی تحقیق ،مبہم اورغیرضروری گفتگو نے عوام کو پریشان کردیا ہے

    باغی ٹی وی :گذشتہ روز وفاقی وزیرموسمیات زرتاج گل نے پی ٹی وی کے ایک پروگرام میں اینکرکے ایک سوال کا جواب دیتے ہوئے کہا کہ کوویڈ 19 کا مطلب ہے اس میں 19 پوائنٹس ہیں وفاقی وزیرکی طرف سے اس قسم کی بحث کے بعد ڈاکٹرزاورطبی ماہرین بھی حیران رہ گئے ہیں کہ ایک خاتون کیسے لوگوں کوبغیرکسی چیز کا علم رکھنے کے گمراہ کررہی ہو-

    دوسری طرف سوشل میڈیا پروفاقی وزیرموسمیات کی اس نئی اورعجیب منطق کے حوالے سے ایک بحث چھڑگئی ہے اور پاکستان ٹویٹر پینل ٹرینڈ کر رہی ہے لوگ وفاقی وزیر کی اس نرالی بات پر دلچسپ اور مزاحیہ تبصرے کر رہے ہیں-

    https://twitter.com/zaynanxari/status/1274807983457931267?s=20
    زین انصاری نامی صارف نے زرتاج گل کو ٹونڈ کرتے ہوئے لکھا کہ آئی فون 11 میں 11 کیمرے ہیں –


    ایک صارف نے لکھا کہ 92+ ڈائلنگ کوڈ صرف اس وجہ سے ہے کہ خان صاحب نے 92 ‘ورلڈ کپ جیتا تھا-


    امان کاشف نے لکھا کہ سی ڈی 70 موٹرسائیکل میں 70 انجن ہیں


    ایک صارف نے مزاحیہ میم شئیر کرتے ہوئے لکھا کہ COVID-19 کے بارے میں زرتاج گل کے خیالات سننے کے بعد دنیا کے سائنس دانوں کی حالت
    https://twitter.com/Sardarspeaks/status/1274990913744523264?s=20
    مونیشا بیٹا 19 پوائنٹس کہو کوویڈ 19 تو مڈل ​​کلاس ہے-
    https://twitter.com/Rayyansfch/status/1274982371151003648?s=20
    ریان سلمان نامی صارف نے لکھا کہ شام ادریس کو شام ادریس کہا جاتا ہے کیونکہ وہ شام کے وقت پر پیدا ہوا تھا-


    ڈاکٹر ماجد نامی صارف نے لکھا کہ این 95 ماسک کا مطلب ہے کہ یہ 95 مختلف ممالک میں دستیاب ہے ~ پروفیسر: زرتاج گل
    https://twitter.com/DaantDikhaiye/status/1274965183883096064?s=20
    ایک صارف نے لکھا کہ آم کو اردو میں عام کہا جاتا ہے کیونکہ گرمیوں میں یہ ہر جگہ پایا جاتا ہے۔


    رضا شاہ نامی صارف نے لکھا کہ ایف 16 میں 16 انجن ہیں-


    حمدان حسن نامی صارف نے کوویڈ 19 کے 19 نکات لکھ ڈالے-


    ملک ارباز نامی صارف نے لکھا کہ جے ایف 17 تھنڈر 17 سیٹر ہے!


    آصف نامی صارف نے بھارتی پائلٹ ابھے نندن اور اس کے تباہ شدہ طیارے کی جسے پاکستان فائٹر پائلٹ نے حدود کی خلاف ورزی کرنے پر گرایا تھا تصویر شئیر کرتے ہوئے لکھا کہ مِگ -21 میں "21” کا مطلب ہے کہ یہ سرحد کے پار صرف 21 سیکنڈ اڑتا ہے۔
    https://twitter.com/sad_write/status/1274965093021880328
    ایک صارف نے لکھا کہ 7UP کا مطلب ہے کہ ہم اسے پینے کے بعد 7 بار چھلانگ لگاتے ہیں-


    https://twitter.com/Alihassan92005/status/1274722885538627585?s=20


    https://twitter.com/wildwildhorse1/status/1274846080321060865?s=20


    https://twitter.com/NJ85277667/status/1274843229393911808?s=19

    کوویڈ 19 کا مطلب ہے اس میں 19 پوائنٹس ہیں، وفاقی وزیر موسمیات کی نئی تحقیق

  • گزشتہ چوبیس گھنٹوں میں سب سے ذیادہ ریکارڈ 1 لاکھ 83 ہزار کرونا کیسز کنفرم

    گزشتہ چوبیس گھنٹوں میں سب سے ذیادہ ریکارڈ 1 لاکھ 83 ہزار کرونا کیسز کنفرم

    گزشتہ چوبیس گھنٹوں میں سب سے ذیادہ ریکارڈ 1 لاکھ 83 ہزار کرونا کیسز کنفرم
    باغی ٹی وی کی رپورٹ کے مطابق گزشتہ چوبیس گھنٹوں میں دنیا بھر میں سب سے ذیادہ ریکارڈ 1 لاکھ 83 ہزار کرونا کیسز سامنے آئے ہیں

    چین سے پھیلنے والے خطرناک کرونا وائرس کا دنیا بھر میں پھیلاؤ جاری ہے، دنیا بھر میں‌ گزشتہ 24 گھنٹوں میں 1 لاکھ 83 ہزار مریض سامنے آئے ہیں جس پر ورلڈ ہیلتھ آرگنائزیشن نے تشویش کا اظہار کیا ہے

    ورلڈ ہیلتھ آرگنائزیشن کے مطابق عالمی سطح پر کورونا وائرس کے مریضوں میں ریکارڈ اضافہ ہوا، 24 گھنٹوں کے عرصے میں سب سے زیادہ 183،020 مریض سامنے آئے جن میں سے سب سے زیادہ اضافہ شمالی اور جنوبی امریکہ میں ہوا، جہاں ایک لاکھ 16 ہزار نئے مریض سامنے آئے

    بیرون ملک سے واپس آنیوالے پاکستانیوں کے لئے ایک اور نیا امتحان

    اوورسیز خدا کیلئے واپس نہ آئیں، جانوروں جیسا سلوک صرف ذلت، شہری پھٹ پڑے

    پی آئی اے کو امریکا کے لئے براہ راست پروازوں کی ملی اجازت

    پی آئی اے کو آفیشلز کی وجہ سے کروڑوں روپے مالیت کا نقصان

    کرونا لاک ڈاؤن، پی آئی اے کو کتنا ہوا ماہانہ نقصان؟ وفاقی وزیر نے ایوان میں بتا دیا

    سعودی عرب میں پھنسے پاکستانیوں کو واپس لائیں گی سعودی ایئر لائن کی 7 خصوصی پروازیں

    امریکا میں کرونا کے سب سے زیادہ مریض ہیں جبکہ برازیل میں دنیا میں دوسرے نمبر پر سب سے زیادہ 10 لاکھ 86 ہزار سے زائد افراد کرونا کا شکار ہو چکے ہیں اور برازیل میں کرونا سے ہلاک ہونے والوں کی تعداد 50 ہزار سے تجاوز کر چکی ہے۔

    دنیا بھر میں اب تک 90 لاکھ سے زائد افراد کورونا سے متاثر ہو چکے ہیں جبکہ اس سے ہلاکتیں 4 لاکھ 70ہزار 792 ہوگئیں۔ امریکا میں کورونا وائرس سے اب تک 1 لاکھ 22ہزار 247افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 23 لاکھ 56ہزار 657ہو چکی ہے۔ امریکا کے اسپتالوں اور قرنطینہ مراکز میں 12 لاکھ 54ہزار 55کورونا مریض زیرِ علاج ہیں جن میں سے 16 ہزار 477کی حالت تشویش ناک ہے جبکہ 9 لاکھ 80ہزار 355کورونا مریض اب تک شفایاب ہو چکے ہیں

    بھارت میں بھی کورونا وائرس کے مریضوں کی تعداد میں تیزی سے اضافہ ہو رہا ہے ،بھارت میں کورونا وائرس سے 13 ہزار 703ہلاکتیں ہو چکی ہیں جبکہ مریضوں کی تعداد 4 لاکھ 26ہزار 910ہو چکی ہے،برطانیہ میں کورونا سے اموات کی تعداد 42 ہزار 632ہوگئی جبکہ کورونا کے کیسز کی تعداد 3 لاکھ 4ہزار 331ہو چکی ہے۔ اسپین میں کرونا کے اب تک 2 لاکھ 93 ہزار 352 مریض سامنے آئے ہیں جب کہ اس وباء سے اموات 28 ہزار 323ہو چکی ہیں.

    لاکھوں سعودی تین ماہ لاک ڈاؤن کے بعد کام پر مامور