Category: کرونا اپڈیٹس

باغی ٹی وی کی رپورٹ کے مطابق لاکھوں سعودی تین ماہ لاک ڈاؤن کے بعد کام پر مامور ہو گئے

سعودی عرب میں کرونا لاک ڈاؤن کے خاتمے کے بعد بڑی تعداد میں شہری گھروں سے باہر نکلے اور ملازمت کے لئے اپنے دفاتر مقررہ مقامات پر پہنچے،سعودی عرب کی سڑکوں پرکافی رش دیکھنے میں آیا، شہریوں نے دوبارہ سرگرمیاں شروع کر دی ہیں

سعودی عرب میں کرونا کے پھیلاؤ کو روکنے کے لئے 21 مارچ کو لاک‌ ڈاؤن نافذ کیا تھا، اس دوران لاک ڈاؤن میں نرمی بھی کی جاتی رہی تو کبھی مزید سخت کیا جاتا رہا، تا ہم اب سعودی عرب نے کرونا ایس او پیز کے تحت لاک ڈاؤن ختم کر دیا ہے اور کرونا ایس اوپیز کے ساتھ تجارتی سرگرمیاں شروع کرنے کا اعلان کیا ہے

لاک ڈاؤن کے خاتمے کے بعد سعودی عرب میں تجارتی سرگرمیاں شروع ہو گئی ہیں اور ریسٹورینٹ، کیفے، جمز، بیوٹی سیلون دوبارہ کھل گئے ہیں اور وہاں پر لوگوں کا کافی رش دیکھنے کو مل رہا ہے

خبر رساں ادارے کے مطابق سعودی عرب کی سڑکوں پر بھی کافی عرصے بعد رش دیکھنے میں آیا، بازاروں مین بھی شہریوں کا ہجوم تھا تا ہم سماجی فاصلہ اور ماسک ضروری قرار دیا گیا ہے، جدہ میں پچھلے چند ہفتوں کے مقابلے میں اس اتوار کو بڑی تعداد میں شہریوں نے تجارتی مراکز کا رخ کیا اور شاپنگ کی.

قبل ازیں سعودی وزیر داخلہ کا کہنا تھا کہ اگر احتیاطی تدابیر اور ایس اوپیز پر عمل نہ کیا تولاک ڈاؤن اورکرفیو دوبارہ نافذ کیا جاسکتا ہے۔

کرونا کیخلاف جنگ،پروازیں آپریٹ نہ کرنیوالوں کے خلاف کیا ایکشن لیا جائے؟ بڑا مطالبہ آ گیا

بیرون ملک سے واپس آنیوالے پاکستانیوں کے لئے ایک اور نیا امتحان

اوورسیز خدا کیلئے واپس نہ آئیں، جانوروں جیسا سلوک صرف ذلت، شہری پھٹ پڑے

پی آئی اے کو امریکا کے لئے براہ راست پروازوں کی ملی اجازت

پی آئی اے کو آفیشلز کی وجہ سے کروڑوں روپے مالیت کا نقصان

کرونا لاک ڈاؤن، پی آئی اے کو کتنا ہوا ماہانہ نقصان؟ وفاقی وزیر نے ایوان میں بتا دیا

سعودی وزارت صحت کے ترجمان کا کہنا تھا کہ کورونا وائرس ابھی پھیلا ہوا ہے، وائرس ابھی تک موجود ہے جبکہ کورونا وائرس کو ختم کرنے کیلیے تاحال ویکسین دستیاب نہیں ہے۔ معمولات زندگی کی جانب واپسی ممکن ہے، لیکن احتیاط تدابیرکو برقرار رکھنا ہوگا، کرفیو ہٹانے کے بعدسماجی فاصلے اور احتیاطی تدابیر کے ایس اوپیز پر سختی سے عملدرآمد کروایا جائے گا جبکہ 50 لوگوں سے زیادہ افراد کے اجتماع پر پابندی عائد ہوگی۔

سعودی عرب میں پھنسے پاکستانیوں کو واپس لائیں گی سعودی ایئر لائن کی 7 خصوصی پروازیں

باغی ٹی وی کی رپورٹ کے مطابق برازیل میں کرونا سے اموات کی تعداد پچاس ہزار سے تجاوز کر گئی

چین سے پھیلنے والے خطرناک کرونا وائرس کا برازیل میں تیزی سے پھیلاؤ جاری ہے ، کرونا کا سب سے زیادہ متاثر ملک امریکہ جبکہ دوسرے نمبر پر برازیل ہے،

فرانسیسی خبر رساں ایجنسی اے ایف پی کے مطابق برازیل میں کرونا وائرس کے مریضوں کی تعداد 10 لاکھ سے زیادہ ہو چکی ہے اور ہلاکتیں 50 ہزار سے بڑھ چکی ہیں ،

برازیل کے صدر جیر بولسونیرو کو سخت تنقید کا سامنا کرنا پڑ رہا ہے کیونکہ انہوں نے کرونا وائرس کو معمولی نزلہ کہا تھا۔ اب برازیلی صدر کا کہنا ہے کہ لاک ڈاؤن وائرس سے زیادہ خطرناک ہے.

کرونا لاک ڈاؤن، شادی کی خواہش رہی ادھوری، پولیس نے دولہا کو جیل پہنچا دیا

کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

کرونا لاک ڈاؤن کا نتیجہ، کس ملک میں ہو گی دسمبر سے مارچ تک دو کروڑ سے زائد بچوں کی پیدائش؟

کرونا میں مرد کو ہمبستری سے روکنا گناہ یا ثواب

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

دو روز قبل برازیل میں 55,000 نئے کورونا وائرس کی تصدیق ہوئی، برازیل میں کرونا کا تیزی سے پھیلاؤ جاری ہے، برازیل کے ہسپتال مریضوں سے بھر چکے ہیں،

عالمی اداراہ صحت کے ایمرجنسیز ڈائریکٹر مائیک ریان نے جینیوا میں صحافیوں سے گفتگو کرتے ہوئے کہا تھا کہ برازیل میں کچھ علاقوں میں صورتحال بہت سنگین ہے اور انتہائی نگہداشت یونٹ 90فیصد سے زائد بھر گئے ہیں۔

برازیل کے صدر جائر بولسونارو جنہوں نے گزشتہ ہفتے نظریاتی بنیادوں پر عالمی ادارہ صحت کی رکنیت سے دستبردار ہونے کی دھمکی دی تھی وہ وائرس کو ‘معمولی فلو’ قرار دیتے ہوئے مسترد کرچکے ہیں اور لاک ڈاؤنز نافذ کرنے پر ریاستی عہدیداروں پر تنقید کرتے رہے ہیں۔

کرونا کیسز کی بڑھتی تعداد کو کم کرنے کیلئے اب کم کرونا ٹیسٹ کریں گے ، ٹرمپ کی عجیب منطق سے امریکی بھی پریشان ہوگئے ، اطلاعات کے مطابق امریکی صدرنے اپنی قوم کو ایک بارپھربے وقوف بنانے کی کوشش کرتے ہوئے کہا ہےکہ کرونا کیسزکی بڑھتی ہوئی تعداد کو ٹیسٹ کم کرنے سے روکا جاسکتا ہے

باغی ٹی وی کے مطابق اس حوالے سے روسی ٹیلی ویزن نےا پنی رپورٹ میں کہا ہےکہ ٹرمپ امریکی عوام کو اتنے بڑے نقصان پرطفل تسلیاں دیتے ہوئے کہتے ہیں کہ کرونا وائرس کوایک ہی طریقے سے کم کیا جاسکتا ہے اور وہ ہے کہ ٹیسٹ کم کئے جائیں

ٹرمپ نے عجیب منطق بتاتے ہوئے کہا کہ ویسے تو حالات کنٹرول سے باہرہیں پھریہی حل ہےکہ ٹیسٹ نہ کئے جائیں کیوں کہ جس کاٹیسٹ کیا جاتا ہے وہ کرونا وائرس میں مبتلا پایا جاتا ہے

بیجنگ:بیجنگ ایک دن میں 10 لاکھ افراد کا کورونا ٹیسٹ کرسکتا ہے، چینی حکام کے اس دعوے نے دنیا کوحیران کردیا،اطلاعات کے مطابق چینی حکام نے کہا ہے کہ دارالحکومت بیجنگ میں روزانہ تقریباً 10 لاکھ افراد کا کورونا ٹیسٹ کرنے کی صلاحیت ہے جبکہ وبا کو روکنے کے لیے شہر بھر میں ٹیسٹ کیے جارہے ہیں۔

خبرایجنسی رائٹرز کے مطابق حکومتی عہدیدار کا کہنا تھا کہ بیجنگ میں بڑے پیمانے پر ٹیسٹ کرنے کی صلاحیت ہے۔خیال رہے کہ بیجنگ میں ایک ہفتہ قبل سبزی کی مارکیٹ میں کورونا وائرس کی دوبارہ موجودگی کی تصدیق ہوئی تھی جس کے بعد شہر کے 2 کروڑ افراد کے ٹیسٹ کی مہم شروع کردی گئی ہے۔

بیجنگ میں کورونا وائرس کے کیسز کی تعداد میں اضافہ ہورہا ہے اور فروری میں سامنے آنے والے روزانہ کیسز کے مقابلے میں بھی تعداد زیادہ ہوگئی ہے۔رپورٹ کے مطابق حکام نے ابتدائی طور سنگفادی مارکیٹ کی دکانوں میں کام کرنے والے یا قریب رہنے والے شہریوں کے ٹیسٹ پر توجہ مرکوز کردی تھی لیکن اس کو شہر کے دیگر علاقوں تک پھیلا دیا گیا ہے۔

بیجنگ کی انتظامیہ نے سبزی اور غذائی اشیا پہنچانے والے کمپنیوں کے ملازمین کے ٹیسٹ بھی شروع کردیے ہیں۔بیجنگ ہیلتھ کمیشن کے ترجمان گاؤ شیاؤجن کا کہنا تھا کہ جب سے نئی لہر آئی ہے ٹیسٹ کا عمل دوگنا کردیا گیا ہے اور 124 مختلف ادارے روزانہ 2 لاکھ 30 ہزار سے زائد ٹیسٹ کررہے ہیں۔

ان کا کہنا تھا کہ ٹیسٹ کے لیے کئی افراد کے نمونے ایک ٹیوب میں حاصل کیے جاتے ہیں، جس کے مطابق شہر میں روزانہ تقریباً 10 لاکھ افراد کا ٹیسٹ کیا جاسکتا ہے۔

قبل ازیں چینی حکام نے ووہان میں بھی گزشتہ ماہ اسی طرح بڑے پیمانے پر ٹیسٹ کیے تھے جہاں کورونا وائرس کی دوسری لہر کا خدشہ ظاہر کیا گیا تھا۔

گاؤ شیاؤجن کا کہنا تھا کہ ہوبے اور لیاؤننگ سمیت صوبوں نے تقریباً 200 شہریوں کو بیجنگ بھیج دیا ہے تاکہ لیبارٹریوں میں عملے کی تعداد میں اضافہ کیا جائے تاکہ ٹیسٹ کی صلاحیت میں اضافے میں مدد کی جائے۔

چین کے شہر ووہان میں گزشتہ برس دسمبر میں کورونا وائرس سامنے آیا تھا جس کے بعد حکومت نے سخت لاک ڈاؤن کیا تھا اور شہریوں کو باہر جانے پر پابندی عائد کردی تھی۔

سخت بندشوں اور مؤثر اقدامات کے نتیجے میں چینی حکام نے وائرس کے پھیلاؤ پر قابو پالیا تھا لیکن دنیا کے دیگر ممالک میں وائرس نے بدترین تباہی پھیلا دی۔

امریکا اب تک سب سے زیادہ متاثر ہونے والا ملک ہے جہاں 23 لاکھ 32 ہزار 56 کیسز ہیں جبکہ ایک لاکھ 22 ہزار20 متاثرین لقمہ اجل بن گئے۔

برازیل میں 10 لاکھ 70 ہزار 139 افراد وبا کا شکار ہوئے اور 50 ہزار 58 اموات ہوئیں جس کے بعد روس کا نمبر آتا ہے جہاں 5 لاکھ 84 ہزار 680 شہری متاثر ہوئے اور 8 ہزار 11 ہلاک ہوئے۔

دنیا بھر میں اس وقت کورونا وائرس کے کیسز کی تعداد 89 لاکھ 55 ہزار 132 ہے جبکہ 4 لاکھ 64 ہزار 484 افراد ہلاک ہوچکے ہیں۔