Category: کرونا اپڈیٹس

لاہور:خیرالناس من ینفع الناس :لاہور کے شہری نے انسانیت کی خدمت کی اعلیٰ مثال قائم کر دی،اطلاعات کے مطابق کورونا بحران کے دوران کرونا وائرس سے جنگ لڑتے افراد نے بہت سی مشکلات برداشت کی ہیں، ذخیرہ اندوزی اور منافع خوری کے باعث اب کرونا مریض کے لیے آکسیجن سلنڈر کی فراہمی نامکمن ہوتی جارہی ہے مگر ایسے حالات میں بھی کچھ ایسے لوگ ہیں جو انسانیت کی خدمت کا جذبہ رکھتے ہوئے جو لوگوں کو سستی اشیا فراہم کرنے کی کوشش کررہے ہیں۔

کورونا بحران کے دوران ذخیرہ اندوزی نے انسانیت کے منہ پر طمانچہ دے مارا ہے، ہسپتالوں میں جگہ کم ہوئی توعلاج معالجہ کا سامان بھی آسمان کو چھونے لگا، اب ہسپتالوں سمیت پرائیویٹ سیکٹرز میں آکسیجن سلنڈر کی کمی اور قیمتوں میں اضافہ نے کورونا سے جنگ لڑتے افراد کو دوہری اذیت میں مبتلا کر ڈالا ہے۔ ان مشکل حالات میں انسانیت کی خدمت کا بیڑا اٹھاتے ہوئے لاہور کے رہائشی شاہد نوید نے آکسیجن سلنڈر مفت فراہم کرنا شروع کردیے ہیں۔

شاہد نوید کا کہنا ہے کہ 12 ہزار کی قمیت کا سلنڈر 33 ہزار تک پہنچ چکا جبکہ دیگر لوازمات بھی مہنگے ہو چکے ہیں، ایسے میں اپنے لوگوں کی مدد کرکے انکو اس مشکل وقت سے نکالنے کی کوشش کی ہے،۔ بلا تفریق کوئی بھی ضرورت مند آکسیجن سلنڈر حاصل کر سکتا ہے اور استعمال کے بعد واپس کیے جا سکتے ہیں۔

شہریوں کی جانب سے شاہد نوید کے اس اقدامات کو خوب سراہا جا رہا ہے۔ انسانیت کی خدمت کا جذبہ رکھنے والے شاہد نوید آکسیجن سلنڈر کے ساتھ ساتھ راشن اور دیگر ضروریات کی اشیا فراہم بھی کر رہا ہے۔

دوسری جانب محکمہ داخلہ نے آکسیجن سلنڈر اور متعلقہ اشیا کی ذخیرہ اندوزی پر 2 ماہ کی پابندی لگا دی ہے۔سلنڈر مافیا کے سٹاک ہولڈرز نے آکسیجن سلنڈر کی قیمتیں 3گنا مہنگا کرکے کورونا سمیت دیگر بیماریوں میں مبتلا مریضوں کے لیے جینا مشکل اور موت کو آسان بنادیاہے۔ جیکل مصنوعات کے ڈسٹری بیوٹرز نے بتایا کہ 2 ماہ قبل 60 سی ایف ٹی کا حامل فی سلنڈر کی قیمت 4500روپے تھی جو اب بڑھ کر سے 20000روپے تا 21000روپے کی سطح تک پہنچ گئی ہے ۔

لاہور: کرونا وائرس کے بڑھتے کیسز: لاہور سمیت پنجاب کے بڑے شہروں میں مویشی منڈیاں لگانے پر پابندی،،اطلاعات کے مطابق حکومت نے کورونا کے پیش نظر شہروں سے دور مویشی منڈیاں لگانے کا فیصلہ کرلیا۔ جانوروں کی خرید وفروخت کیلئے چند روز میں ایس او پیز واضح کئے جائیں گے۔

تفصیل کے مطابق صوبہ پنجاب کے بڑے شہروں کے اندر عیدالاضحیٰ پر مویشی منڈی نہیں لگے گی۔ صوبائی حکومت نے یہ فیصلہ کورونا وائرس کے بڑھتے ہوئے کیسز کے پیش نظر کیا ہے۔

شہری قربانی کے جانور کیسے خریدیں گے؟ اس سلسلے میں سفارشات پر کام جاری ہے۔ قربانی کے جانوروں کی خرید وفروخت ممکن بنانے کے لیے آئندہ چند روز میں ایس او پیز واضح کیے جائیں گے۔

شہروں میں مویشی منڈیوں پر پابندی کا فیصلہ شہریوں کے وسیع مفاد میں کیا گیا ہے۔ شہر کے باہری حدود کے قریب کم آبادی والے علاقوں میں منڈیوں کے قیام کی تجویز زیر غور ہے۔

لاہور:لاہور میں ایک بارپھرسخت لاک ڈاون،نقل وحرکت پرمکمل پابندی کا فیصلہ ، اطلاق کل سے ہوگا ،اطلاعات کے مطابق لاہورمیں ایک بارپھرسخت لاک ڈاون کی وارننگ دے دی گئی ہے، لاہور کے پوش علاقوں میں سخت ترین لاک ڈاون کا فیصلہ کرونا سے بچاو کےسلسلے میں کیا گیا ہے

باغی ٹی وی کے مطابق اس حوالے سے آج وزیراعلیٰ کی زیرصدارت اہم اجاس میںٰ‌فیصلہ کیا گیا ،یہ بھی معلوم ہوا ہے کہ کل سے شروع ہونےوالے لاک ڈاون میں ہرقسم کی نقل وحرکت پرپابندی ہوگئی

ذرائع کے مطابق لاک ڈاون کا نیا سلسلہ ہفتہ دس پرمحیظ ہوگا ، جس میں لاہور کے مشہورعلاقے جن میں ڈیفینس ، ماڈل ٹاون جیسے کچھ اور ملحقہ علاقوں میں یہ لاک ڈاون کل صبح سے طاری ہوجائے گا‌

لاہور:پنجاب میں طلباکی تعلیم کے سلسلے کوبچانےکے لیے گورنرپنجاب کا زبردست اقدام ، طالب علم بھی راضی والدین بھی راضی ،اطلاعات کے مطابق کرونا وائرس کی وجہ سے تباہ حال نظام تعلیم اوراس سے وابستہ نسل نو کوبچانے کے لیے گورنرپنجاب نے ایک بہت ہی زبردست فیصلہ کیا ہے

باغی ٹی وی کے مطابق گورنرسیکرٹیریٹ سے جاری ایک اعلامیے میں کہا گیا ہے کہ پنجاب میں‌ تمام پرائیویٹ اورپبلک سیکٹرز کی تمام یونیورسٹیززیرتعلیم طالب علموں کا مستقبل بچانے کے لیے ایک خدمت انسانیت پرمشتمل کام کریں ، گورنرپنجاب کی طرف سے اس اعلامیے میں کہا گیا ہے کہ چونکہ کرونا کی وجہ سے جہاں بچے متاثرہیں وہاں بچوں کے والدین اس سے زیادہ پریشان ہیں

اس اعلامیے میں کہا گیا ہے کہ یہ سب کی ذمہ داری ہے کہ وہ اپنے نونہالوں‌کا مستقبل بچانے کے لیے ان کے ساتھ بھرپورتعاون کریں

اس سلسلے میں کہاگیا ہےکہ تمام پرائیویٹ اورپبلک سیکٹریونیورسٹیزطالب علموں کوفیس کی ادائیگی کے سلسلے میں رعایت دیں‌،اس اعلامیے میں کہا گیا ہے کہ طالب علموں‌سے فیسوں کی وصولی کے لیے قسطیں کی جائیں تاکہ کرونا کی وجہ سے معاشی طورپرتباہ حال والدین آسانی سے فیسیں‌بھی ادا کرسکیں اوربچوں کی تعلیم کا سلسلہ بھی جاری رہ سکے

لاہور : حمزہ شہباز جیسے کرپٹ سیاستدان معاشرے میں کورونا سے زیادہ خطرناک قرار،شریفوں نے ملک کا بیڑہ غرق کردیا،اطلاعات کے مطابق صوبائی وزیراطلاعات نے حمزہ شہبازجیسےکرپٹ سیاستدان معاشرےمیں کوروناسےزیادہ خطرناک قرار دے دیا اور کہا احتساب کا بگل بج گیاہے، سب کرپٹ پکڑے جائیں گے۔

تفصیلات کے مطابق وزیراطلاعات پنجاب نے انفارمیشن افسران کےتربیتی سیشن کے اختتام پر ویڈیولنک خطاب میں کہا کہ وزیر اعلیٰ پنجاب کی خصوصی ہدایت پرتربیتی کورس کاانعقاد کیاگیا، ڈی جی پی آر میں پہلی بار نئےافسران کی تربیت کا اہتمام کیا گیا ، کاوش پرڈی جی پی آراسلم ڈوگر اور ٹیم مبارکباد کی مستحق ہے۔

فیاض الحسن چوہان کا کہنا تھا کہ وبا میں ٹیکنالوجی کا اس سےبہتر اورمثبت استعمال ممکن نہیں تھا، محکمہ اطلاعات میں نئے منتخب افسران سے بہترین کارکردگی متوقع ہے،وزیراطلاعات پنجاب نے تنقید کرتے ہوئے کہا حمزہ شہبازجیسےکرپٹ سیاستدان معاشرےمیں کورونا سے زیادہ خطرناک ہیں، ان کی ترقی اقربا پروری کے بغیرممکن نہ تھی۔

ان کا کہنا تھا کہ حمزہ شہباز نے آمدن سے زائد اثاثوں اور منی لانڈرنگ سے جیبیں بھریں، احتساب کا بگل بج گیاہے، سب کرپٹ پکڑے جائیں گے۔