Category: کرونا اپڈیٹس

انقرہ :روس کے بعد ترکی بھی کورونا وائرس کے خلاف دوا تیار کرنے میں کامیاب،اطلاعات کے مطابق ترکی نے کورونا وائرس کے خلاف فیویپیراویر (favipiravir) کو مقامی طور پر تیار کرنے کی صلاحیت حاصل کرلی ہے اور اب وہ اس کے لائسنسنگ پراسیس پر کام کررہا ہے۔

یہ بات ترکی کے وزیر صنعت و ٹیکنالوجی مصطفیٰ ورنک نے بتائی۔ابتدائی ٹرائلز میں جاپان میں فلو کے لیے تیار ہونے والی اس دوا کو کورونا وائرس کے مریضوں میں بیماری کے دورانیے میں کمی اور پھیپھڑوں کی حالت میں بہتری کے لیے موثر دریافت کیا گیا ہے۔

ترک وزارت صحت کے مطابق فیویپیراویر کو چین سے حاصل کیا گیا تھا اور مقامی ڈاکٹروں نے دریافت کیا کہ اس کے استعمال سے بیماری کے دورانیے کم کرنے میں مدد ملتی ہے، جبکہ آکسیجن کا بہاؤ بڑھتا ہے جس سے کامیاب اور جلد علاج ممکن ہوتا ہے۔

ترکی میں اسے مقامی طور پر تیار کرنے کے لیے کووڈ 19 ترکی پلیٹ فارم نے کام کیا جو اعلیٰ سطح کا سائنسی ادارہ ہے، جس کے ماہرین نے 40 دن تک کام کرکے اس دوا کی کیمیائی ترکیب میں مہارت حاصل کی۔ترک وزیر نے کہا کہ ہم نے مقامی صلاحیت اور ترکیب سے اس اہم دوا کی تیاری میں کامیابی حاصل کی اور اب لائسنسنگ مرحلے سے گزر رہے ہیں اور اس کی فوری رجسٹریشن کے لیے کام ہورہا ہے۔

ان کا کہنا تھا کہ یہ عمل مکمل ہونے پر اس دوا کو ترکی میں کورونا وائرس کے مریضوں کے علاج کے لیے استعمال ہوگا جبکہ برآمد کرنے پر بھی کام ہوگا۔یہ جاپانی دوا دنیا بھر میں کورونا وائرس کے علاج کے لیے آزمائی جارہی ہے۔

اس وقت گیلیڈ سائنس کی تیار کردہ ریمیڈیسیور مختلف تحقیقی رپورٹس میں اس وائرس کے علاج کے لیے موثر دریافت ہوئی ہے، جس کے بعد امریکا اور جاپان میں اس کے ایمرجنسی استعمال کی منظوری دی جاچکی ہے۔

مگر روس نے جاپان میں تیار ہونے والی اینٹی وائرل دوا فیویپیراویر (favipiravir) یا کچھ ممالک میں جسے ایویفیور (Avirfavir) بھی کہا جاتا ہے، کو اس وبائی بیماری کے شکار افراد کے علاج کے طور پر استعمال کرنے کی منظوری دی ہے۔اپریل میں روس میں اس دوا کو کووڈ کے علاج کے لیے آزمانے کا عمل شروع ہوا تھا اورابتدائی نتائج کو حوصلہ افزا قرار دیا گیا تھا۔

13 مئی کو رشین ڈائریکٹ انویسٹمینٹ فنڈ (آر ڈی آئی ایف) نے بتایا کہ اس دوا کے ابتدائی کلینیکل ٹرائلز کے نتائج بہترین رہے ہیں۔آر ڈی آئی ایف کے سربراہ کرل دیمیترف نے کہا کہ ٹرائل کے دوران کورونا وائرس کے 40 میں سے 60 فیصد مریضوں کو اس دوا کا استعمال کرایا گیا اور وہ 5 دن میں صحتیاب ہوگئے، یعنی دیگر طریقہ علاج کے مقابلے میں اس دوا سے ریکوری کا وقت 50 فیصد کم ہوگیا۔

بعد ازاں رواں ماہ اس دوا کو کووڈ 19 کے علاج کے لیے محفوظ اور موثر قرار دے کر 11 جون سے ہسپتالوں میں اس کی مدد سے مریضوں کا علاج شروع کرنے کا اعلان کیا گیا۔آر ڈی آئی ایف نے اب تک دریافت کیا ہے کہ اس دوا کے استعمال سے بہت کم دنوں میں متاثرہ افراد میں علامات کو کم کرنے میں مدد ملتی ہے اور تیز بخار کا دورانیہ بھی کم ہوجاتا ہے۔

آر ڈی آئی ایف کے سی ای او کیریل دیمیتروف نے گزشتہ دنوں بتایا تھا کہ یہ جاپانی دوا دنیا میں کووڈ 19 کے حوالے سے سب سے زیادہ بہتر ہے۔انہوں نے اس دوا کو گیم چینجر قرار دیا ہے جس سے وہ معمول کی زندگی کو جلد بحال کرنے کی امید رکھتے ہیں۔

انہوں نے کہا کہ اس کی مدد سے ہر ماہ 60 ہزار مریضوں کا علاج ہوسکے گا اور 330 افراد میں ٹرائل کے دوران بیشتر مریضوں کا علاج 4 دن کے اندر کامیابی سے ہوا۔ان کا کہنا تھا کہ کہ دوا پر مزید تحقیق جاری رہے گی جبکہ وزارت صحت اس کے استعمال کی منظوری ایک خصوصی تیزرفتار عمل کے ذریعے دے گی جبکہ روس میں اس کی تیاری کا عمل مارچ میں شروع ہوگیا تھا۔

انہوں نے مزید کہا کہ گولی کی شکل میں اس دوا کی بدولت مریضوں کو کم وقت ہسپتال میں گزارنا پڑے گا اور ان میں وائرس دیگر افراد تک منتقل ہونے کا دورانیہ بھی گھٹ جائے گا، خصوصاً معتدل یا معمولی حد تک بیمار افراد کے لیے یہ بہت زیادہ موثر ہے۔

چین میں اس دوا کی آزمائش فروری میں شروع ہوئی تھی اور 15 مارچ کو اس کے کلینیکل ٹرائل کی منظوری دے دی گئی تھی اور حکام کا کہنا تھا کہ اب تک مریضوں پر اس کے اثرات بہت زیادہ حوصلہ افزا رہے ہیں۔

سیئول :شمالی کوریا کی جنوبی کوریا کے خلاف فوجی کارروائی کی دھمکی،حالات کشیدہ ، امریکہ اورچین بھی متحرک ہوگئے ،اطلاعات کے مطابق شمالی کوریا کے سپریم رہنما کم جونگ اُن کی بااثر بہن کم یو جونگ نے جنوبی کوریا کو فوجی کارروائی کی دھمکی دے دی۔

غیر ملکی خبر رساں ایجنسی ‘اے ایف پی’ کے مطابق کم یو جونگ نے کہا کہ ‘میرے خیال میں یہ جنوبی کوریا کے حکام سے رابطے ختم کرنے کا انتہائی مناسب وقت ہے اور ہم جلد اس کے خلاف اگلی کارروائی کریں گے۔’انہوں نے کہا کہ ‘ملک کے سپریم رہنما، پارٹی اور ریاست کی جانب سے دیے گئے اختیارات استعمال کرتے ہوئے میں نے متعلقہ حکام کو جنوبی کوریا کے خلاف فیصلہ کن کارروائی کی ہدایت دے دی ہے۔’

کم یو جونگ کا کہنا تھا کہ ‘دشمن کے خلاف اگلی کارروائی کی ذمہ داری ہماری آرمی کے جنرل اسٹاف کو دے دی گئی ہے۔’انہوں نے واضح نہیں کیا کہ جنوبی کوریا کے خلاف کیا فوجی کارروائی کی جائے گی، لیکن انہوں نے ملک کے سرحدی شہر کیسونگ میں واقع مشترکہ رابطہ دفتر تباہ کرنے کی دھمکی دی تھی۔ان کا کہنا تھا کہ ‘یہ ضروری ہے کہ انہیں اس بات کا شدت سے احساس دلایا جائے کہ انہوں نے کیا غلطی کی ہے۔’

یاد رہے کہ چند روز قبل شمالی کوریا نے جنوبی کوریا کو شمن قرار دیتے ہوئے فوجی اور سیاسی تعلقات سمیت تمام رابطے ختم کرنے کا اعلان کردیا تھا جس میں دونوں ممالک کے ہاٹ لائن پر رابطے بھی شامل ہیں۔جنوبی کوریا کی جانب سے غباروں میں بھر کر پمفلٹس پھینکے گئے تھے جس میں شمالی کوریا میں انسانی حقوق کی خلاف ورزیوں اور ان کے جوہری عزائم کے بارے میں عوام کو خبردار کیا گیا تھا۔

برازیل :کورونا وائرس: برازیل اموات کے لحاظ سے دوسرے نمبر پر آگیا،اطلاعات کے مطابق برازیل نے کورونا وائرس سے ہونے والی اموات کے لحاظ سے دنیا بھر میں دوسرے نمبر پر آنے کا دعویٰ کیا ہے کیونکہ امریکا میں کئی ریاستوں میں ریکارڈ اموات ہوئی ہیں۔

فرانسیسی خبررساں ادارے ‘اے ایف پی’ کی رپورٹ کے مطابق دنیا بھر میں عالمی وبا کورونا وائرس سے 4 لاکھ 25 ہزار سے زائد افراد ہلاک جبکہ 76 لاکھ سے زائد متاثر ہوچکے ہیں۔گزشتہ 24 گھنٹے میں برازیل کی وزارت صحت نے 909 ہلاکتیں ریکارڈ کیں جس کے بعد 21 کروڑ 20 لاکھ افراد کی آبادی پر مشتمل ملک میں اموات کی تعداد برطانیہ کو پیچھے چھوڑتے ہوئے 41 ہزار 828 ہوگئی۔

ماہرین نے خبردار کیا ہے کہ لاطینی امریکا کی سب سے بڑی معیشت میں کورونا وائرس کے کیسز کی اصل تعداد 8 لاکھ 28 ہزار 810 کیسز سے کہیں زیادہ ہوسکتی ہے۔ادھر عالمی اداراہ صحت کے ایمرجنسیز ڈائریکٹر مائیک ریان نے جینیوا میں صحافیوں سے گفتگو کرتے ہوئے کہا کہ برازیل میں کچھ علاقوں میں صورتحال بہت سنگین ہے اور انتہائی نگہداشت یونٹ 90فیصد سے زائد بھر گئے ہیں۔

برازیل کے صدر جائر بولسونارو جنہوں نے گزشتہ ہفتے نظریاتی بنیادوں پر عالمی ادارہ صحت کی رکنیت سے دستبردار ہونے کی دھمکی دی تھی وہ وائرس کو ‘معمولی فلو’ قرار دیتے ہوئے مسترد کرچکے ہیں اور لاک ڈاؤنز نافذ کرنے پر ریاستی عہدیداروں پر تنقید کرتے رہے ہیں۔

خیال رہے کہ اس وقت لاطینی امریکا دنیا میں اس نوول کورونا وائرس کا مرکز ہے جو گزشتہ برس کے اواخر میں چین میں سامنے آیا تھا۔لاطینی امریکا میں اب تک 15 لاکھ سے زائد افراد متاثر ہوچکے جبکہ 76 ہزار سے زائد اموات ہوچکی ہیں جبکہ وائرس کی رفتار سست ہونے کی کوئی علامات نہیں ہیں۔

اسلام آباد:دنیا بھر میں اموات 4لاکھ 29ہزار،77لاکھ65 سے زائد ہزار افرادمتاثر،اطلاعات کے مطابق دنیا بھر میں کورونا وائرس سے متاثرہ افراد کی تعداددنیا بھر میں اموات 4لاکھ 29ہزار،77لاکھ65 سے زائد ہزار افرادمتاثرہوگئے ہیں‌

کورونا وائرس کے دنیا بھر میں 33لاکھ 53 ہزار 175مریض ہسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے53 ہزار928 کی حالت تشویش ناک ہے جبکہ 38لاکھ 41 ہزار 537 مریض صحت یاب ہو چکے ہیں۔ امریکا میں کورونا وائرس سے اب تک1 لاکھ 16 ہزار 131 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد21 لاکھ 17 ہزار27ہو چکی ہے۔

امریکا کے ہسپتالوں اور قرنطینہ مراکز میں11 لاکھ57 ہزار 561 کورونا مریض زیرِ علاج ہیں جن میں سے16 ہزار 827 کی حالت تشویش ناک ہے جبکہ8 لاکھ 16ہزار86 کورونا مریض اب تک شفایاب ہو چکے ہیں۔ کورونا وائرس کے مریضوں کی تعداد کے حوالے سے ممالک کی فہرست میں برازیل دوسرے نمبر پر ہے جہاں کورونا کے مریضوں کی تعداد 8لاکھ 5ہزار 649 تک جا پہنچی ہے جبکہ یہ وائرس 41ہزار 58زندگیاں نگل چکا ہے۔

کورونا وائرس سے روس میں کل اموات 6 ہزار 532 ہو گئیں جبکہ اس کے مریضوں کی تعداد 5 لاکھ 2 ہزار 436 ہو چکی ہے۔ برطانیہ میں کورونا سے اموات کی تعداد 41 ہزار 279 ہوگئی جبکہ کورونا کے کیسز کی تعداد 2 لاکھ 91ہزار 409ہوچکی ہے۔ اسپین میں کورونا کے اب تک 2 لاکھ 89 ہزار 787 مصدقہ متاثرین سامنے آئے ہیں جب کہ اس وبا سے اموات 27 ہزار 136 ہو چکی ہیں۔

دوسری جانب کورونا کےتشویشناک مریضوں کیلئے جان بچانے والے انجکشنز کی فراہمی، مختلف ٹیچنگ ہسپتالوں کوضرورت کے مطابق انجکشن ایکٹمرا فراہم کردیا گیا، میوہسپتال کے15 تشویشناک مریضوں کےلئے60، جنرل ہسپتال اور پی کے ایل آئی میں زیر علاج 12 ، 12مریضوں کیلئے اڑتالیس اڑتالیس انجکشن فراہم ، سروسز سمیت دیگر ہسپتالوں کیلئے بھی انجکشنز کی تعداد مقرر کردی گئی۔