Category: کرونا اپڈیٹس

لاہور:ہمیں دوسروں سے کوئی سروکارنہیں،ہمیں بتایا جائے شہبازشریف کوکرونا کیوں ہوا، حکومت کے خلاف پرچہ درج کروائیں گے ، ن لیگی رہنماوں نے شہبازشریف کو کرونا وائرس ہونے کا ذمہ دارحکومت کو قراردیا ، اطلاعات کے مطابق ڈپٹی سیکرٹری جنرل مسلم لیگ ن عطااللہ تارڑ،جنرل سیکرٹری مسلم لیگ ن لاہورخواجہ عمران نذیراوررانامشہوداحمدخان کی پریس کانفرنس، کہتےہیں کہ شہبازشریف کوکچھ ہواتوذمہ دارعمران احمدنیازی اورنیب ہوں گئے،میاں شہبازشریف کوعوام کی خدمت کی سزادی جارہی ہےخواجہ عمران نذیربولےکہ ایکسپوکروناہسپتال میں کرپشن کی گئی، لیگی رہنماوں کاکہناہے کہ شہبازشریف کاکروناٹیسٹ مثبت آنےپرحکومت کےخلاف پرچہ دیں گے

مسلم لیگ ن پنجاب کےصدرشہبازشریف کےکروناٹیسٹ مثبت آنےکےبعدمسلم لیگ ن سیکرٹریٹ میں پریس کانفرنس کرتےہوئےڈپٹی سیکرٹری جنرل مسلم لیگ ن عطااللہ تارڑکاکہناتھاکہ بارہاکہاتھاکہ میاں شہبازشریف ویڈیولنک پرجواب دےدیتےہیں لیکن عمران نیازی کامقصدانکوائری نہیں بلکہ شہبازشریف سےانتقام لیناہے،اگرانہیں کچھ ہواتوعمران نیازی اورنیب ذمہ دارہوں گے، وی اوڈپٹی سیکرٹری جنرل مسلم لیگ ن عطااللہ تارڑکاکہناہےکہ شہبازشریف کےوطن واپس آتےہی نیب نوٹسزموصول ہوناشروع ہوگئے تھےانھوں نےشہزادکبرکوچینلج کرتےہوئےکہاکہ ایک پیسے کی بھی ٹی ٹی دکھادیں توپارٹی رکنیت سےاستعفی دےدیں گئےجبکہ حمزہ شہبازکوبھی جیل میں ایک سال ہونےہرحکومت پرتنقید کی۔

جنرل سیکرٹری مسلم لیگ ن لاہورخواجہ عمران نذیرکاکہناہےکہ شہبازشریف جب سےوطن واپس لوٹےاپوزیشن میں ہونےکےباوجوددن رات عوام کی خدمت کی اوراسی لیےانہیں ٹارگٹ کیاگیا، خواجہ عمران نذیرکاکہناہےکہ نہ صرف حکومت کروناکوکنٹرول کرنےمیں ناکام ہوگئی بلکہ ایکسپوہسپتال میں کرپشن کی گئی جبکہ حمزہ شہبازشریف کوبےگناہ قیدکیاہواہے۔لیگی رہنماوں نے ایک سوال کے جواب میں کہا کہ عام اورغریب لوگوں کو بھی کرونا وائرس ہوگیا ہے تواس کا ذمہ دارکون ہے ، اس پرلیگی رہنماوں کا کہنا تھا کہ ہمیں کسی دوسرے سے کوئی سروکارنہیں،ہمیں صرف شہبازشریف کی صحت سے سروکار ہے ،

مسلم لیگ ن کےرہنمارانامشہوداحمدخاں کاکہناتھاکہ شہبازشریف کاکرونامثبت آنےپرحکومت کےخلاف پرچہ کٹوائیں گئے،لیگل ٹیم سےمشاورت کی گئی، مسلم لیگ ن ماڈل ٹاون میں حمزہ شہبازشریف کوجیل میں ایک سال مکمل ہونےکےحوالےسےتقریب منعقدکی گئی تھی تاہم شہبازشریف کےکروناٹیسٹ مثبت آنےکےبعد لیگی رہنماوں نےپریس کانفرنس کرتےہوئےکہاکہ کروناکوکنٹرول کرنےکی بجائےحکومت ابھی تک انتقامی کاروائیوں میں مصروف ہے۔

لاہور:کرونا کے علاج میں لاہوربازی لے گیا : یونیورسٹی آف لاہور میں پلازمہ سنٹر قائم،اطلاعات کے مطابق یونیورسٹی آف لاہور کےٹیچنگ ہسپتال میں پیسیو ایمونائزیشن سنٹرقائم کر دیا گیا، کورونا سے صحت یاب ہونے والے افراد سےپلازمہ حاصل کرکےمتاثرہ مریضوں کولگایا جائےگا۔

تفصیلات کے مطابق چیئرمین بورڈ آف گورنرزاویس رؤف نے پیسیو ایمونائزیشن سنٹر کا افتاح کیا، انہوں نےکہا کہ پروفیسر ملازم حسین بخاری کی پوری ٹیم کو مبارک باد دیتا ہوں جو دن رات اس لیب میں کام کررہے ہیں۔ پروفیسر ملازم حسین بخاری کا کہنا تھا کہ یونیورسیٹی آف لاہور ٹیچنگ ہسپتال کا پرائیوٹ سیکٹرمیں پہلا پیسیو ایمونائزیشن کا سنٹر قائم کرنا ایک اور تاریخی کارنامہ ہے۔

انہوں نےکہا کہ کرونا وائرس پاکستان میں پھیلتا جارہا ہے، مریض کے بچاو کوممکن بنانے کی طرف توجہ دینا زیادہ ضروری ہے۔ یہ اپنی نوعیت کا پرائیوٹ ٹیچنگ شعبہ میں پہلا سنٹر ہے، جہاں کورونا سے صحت مند لوگوں میں پیدا ہونیوالی آئی جی جی کونکال کر کوویڈ میں مبتلا مریضوں میں ڈالی جاتی ہےجو بہت جلد صحت مند ہو جاتے ہیں۔

پروفیسر ملازم حسین نے پروفیسر طاہر شمسی کا شکریہ ادا کیا جن کی ٹیم کےتعاون سے اس سنٹر نے کم وقت میں زیادہ سروسز دیناشروع کیں۔

واضح رہے اس سے قبل ڈاکٹر طاہر شمسی نے وی سی یو ایچ ایس کے ہمراہ پریسں کانفرنس کرتے ہوئے کہا کہ پلازما کی دستیابی کا مسئلہ بنا ہوا ہے, پلازما دینے والے ہماری بات نہیں سمجھ پا رہے, صحت یاب ہونے والے مریض پلازما نہیں دے رہے، ایک پلازما دینےسےدوافراد کی جان بچ سکتی ہے ، پلازمہ کے ذریعے لوگوں کی جانیں بچانے کی کوشش کررہے ہیں، بغیر ویکسین کے وائرس کامقابلہ کررہے ہیں، 80فیصدافرادپلازما لگانےسےصحت یاب ہوگئے۔

ڈاکٹر طاہر شمسی کا کہنا تھا کہ 200سےزائدافراد کوپلازمہ لگایاجاچکاہے، کورونا وائرس سے وینٹیلٹر پر منتقل کیے جانے والے 80 سے 90 فیصد مریضوں کی واپسی ممکن نہیں، پلازما کے عطیات کے حوالے سے لوگوں کا ردعمل اچھا نہیں، ہر روز تین سو افراد کی پلازما کے درخواست موصول ہو رہی ہیں، کورونا سے صحت یاب ہونے والے افراد ہر ہفتے پلازما کا عطیہ کرسکتے ہیں، صحت یاب ہونے والوں سے اپیل ہے کہ وہ آگے آئیں اور پلازما کا عطیہ دیں۔

وزیراعلیٰ پنجاب کی زیر صدارت اجلاس میں کورکمانڈر لاہور شریک، کرونا سے نمٹنے کیلئے ہوئے اہم فیصلے
وزیراعلیٰ پنجاب سردار عثمان بزدار کی زیر صدارت خصوصی اجلاس ہوا، اجلاس میں صوبے میں کورونا وباء کا پھیلاؤ روکنے کیلئے حفاظتی اقدامات کا جا ئزہ لیاگیا

اجلاس میں کورونا کی وباء کا پھیلاؤ کم کرنے کیلئے لاہور شہر کیلئے علیحدہ حکمت عملی مرتب کرنے کے حوالے سے ماہرین نے تجاویز کا جائزہ لیا گیا، ہسپتالوں میں بستروں کی گنجائش بڑھانے اورمتاثرہ مریضوں کیلئے موثر کیس مینجمنٹ کے امور پر غورکیاگیا ،اجلاس میں سیلاب کے ممکنہ خدشے کے حوالے سے لاہوراوردیگر شہروں میں ضروری انتظامات کا بھی جائزہ لیاگیا

کور کمانڈر لاہور لیفٹیننٹ جنرل ماجد احسان، جنرل آفیسر کمانڈنگ میجر جنرل محمد انیق الرحمن ملک،ڈی جی رینجرز پنجاب میجر جنرل محمد عامر مجید،صوبائی وزیر صحت ڈاکٹر یاسمین راشد،چیف سیکرٹری جواد رفیق ملک، انسپکٹر جنرل پولیس شعیب دستگیر، ایڈیشنل چیف سیکرٹری داخلہ،کمشنر لاہور ڈویژن، ماہرین اور اعلی عسکری و سول حکام کی اجلاس میں شریک ہوئے

اجلاس میں پنجاب خصوصاً لاہور میں کورونا کے مریضوں کی تعداد میں اضافے پر تشویش کا اظہار کیا گیا،صوبے کی سیاسی و عسکری قیادت کا کوروناکا پھیلاؤ روکنے کیلئے تمام وسائل بروئے کار لانے کا فیصلہ کیا ہے

اجلاس میں فیصلہ کیا گیا کہ لاہور شہر میں کورونا کا پھیلاؤ روکنے کیلئے مینجمنٹ کی موثر پالیسی مرتب کی جائے گی ،اس ضمن میں ماہرین پر مشتمل خصوصی ورکنگ گروپ تشکیل دینے پر اتفاق کیا گیا ،اجلاس میں فیصلہ کیا گیا کہ خصوصی ورکنگ گروپ کی سفارشات کی روشنی میں لاہورشہرکیلئے علیحدہ ماڈل تیار کیا جائے گا۔ ورکنگ گروپ کی سفارشات کو نیشنل کمانڈ اینڈ کنٹرول سینٹر کے اجلاس میں حتمی منظوری کیلئے پیش کیا جائے گا۔ کمیونٹی ٹرانسمیشن کی روک تھام کیلئے مزید اقدامات اٹھائے جائیں گے۔ کورونا کا پھیلاؤ کم کرنے کیلئے سول اورعسکری اداروں میں کوآرڈینیشن کو مزیدموثر بنانے کا فیصلہ کیا فیصلہ کیا گیا ہے

اجلاس میں‌ کوروناکاپھیلاؤ روکنے کیلئے مشترکہ کاوشوں کو مزیدتیز کرنے پر اتفاق کیا گیا ہے، اجلاس میں فیصلہ کیا گیا ہے کہ صوبے میں ماسک کی پابندی پرسختی سے عملدرآمد یقینی بنایا جائے گا۔ مارکیٹو ں اوربازاروں میں ایس او پیزکی خلاف ورزی کسی صورت برداشت نہیں کی جائے گی۔ کورونا وباء کے حوالے سے مستقبل کی صورتحال کو مدنظر رکھ کرپیشگی ضروری پلاننگ کرنے پراتفاق کیا گیا

اجلاس کا تعلیمی ادارے نہ کھولنے کا فیصلہ کیا، سیلاب کے ممکنہ خدشے کے پیش نظر تمام حفاظتی اقدامات قبل از وقت کرنے کا فیصلہ کیا گیا ،کور کمانڈر لاہور لیفٹیننٹ جنرل ماجد احسان نے پنجاب حکومت کوکورونا وباء کا پھیلاؤ روکنے کیلئے ہرممکن معاونت کی یقین دہانی کروائی

کور کمانڈر لاہور لیفٹیننٹ جنرل ماجد احسان کا کہنا تھا کہ کورونا ایک قومی چیلنج ہے،سول حکومت مکمل تعاون کا یقین دلاتے ہیں۔

وزیراعلیٰ پنجاب عثمان بزدار کا کہنا تھا کہ صورتحال مشکل ضرورہے لیکن ہم سب کا عزم اس سے بلند ہے۔ باہمی تعاون اورعوام کی حمایت سے ہر چیلنج پر قابو پائیں گے۔ زمینی صورتحال کا جائزہ لے کرعوام کی زندگیاں محفوظ کرنے کیلئے مزید اقدامات جاری رکھیں گے۔ عوام کو موجودہ حالات میں ذمہ داری کا ثبوت دینا ہو گا- سیاسی وعسکری قیادت عوام کے تعاون سے کورونا چیلنج سے بطریق احسن نمٹ رہی ہے- لاہور اوردیگر شہروں کیلئے علیحدہ علیحدہ پالیسی جلد مرتب کی جائے۔ اس ضمن میں تاخیر نہیں ہونی چاہیے۔

عثمان بزدار کا مزید کہنا تھا کہ ماہرین کی سفارشات کی روشنی میں مزید اقدامات اٹھائیں گے۔ سیلاب کے ممکنہ خدشے کے باعث محکمہ آبپاشی اورمتعلقہ ادارے پیشگی تیاریاں مکمل رکھیں۔ اجلاس میں ڈاکٹروں، نرسوں اور پیرا میڈیکل سٹاف کی خدمات کوسراہا گیا

وزیر اعلی عثمان بزدار نے کورونا وباء سے نمٹنے کیلئے بھرپور تعاون پرعسکری قیادت کا شکریہ ادا کیا

پنجاب میں کرونا مریضوں کی تعداد میں مزید اضافہ ہو گیا

باغی ٹی وی رپورٹ کے مطابق پنجاب میں کورونا وائرس کے2003 نئے کیس، تعداد 45463 ہو گئی۔ لاہورمیں 1168، ننکانہ11، قصور9، شیخوپورہ27، راولپنڈی81، جہلم 5، اٹک3، گوجرانوالہ36 اورسیالکوٹ میں 21 نئے کیسز رپورٹ ہوئے۔نارووال 2، گجرات13، حافظ آباد19، منڈی بہاؤالدین5، ملتان169، خانیوال8، وہاڑی12، فیصل آباد121، چنیوٹ54، ٹوبہ 23، جھنگ 2ا ور رحیم یار خان میں 10کیسز سامنے آئے۔ ترجمان پرائمری اینڈ سیکنڈری ہیلتھ کئیر

سرگودھا میں 35، میانوالی 2، خوشاب2، بھکر5، بہاولنگر2، بہاولپور50، لودھراں 3، ڈی جی خان10، مظفر گڑھ39، راجن پور1، لیہ 44، ساہیوال 7اورپاکپتن میں 4 کیس سامنے آئے۔ کوروناوائرس سے34 مزید اموات،کل تعداد 841 ہو چکی ہے۔

اب تک 317,893ٹیسٹ کیے جا چکے ہیں۔ کورونا وائرس کو شکست دینے والوں کی تعداد 9005 ہو چکی ہے۔ عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔ کورونا وائرس کی علامات ظاہر ہونے پر فوراََ 1033 پر رابطہ کریں۔
ہاتھوں کی صفائی میں ہی سب کی بھلائی

لاہور ایکسپو میں قرنطینہ سینٹر کرکٹ کا میدان بن گیا
باغی ٹی رپورٹ کے مطابق ، لاہور ایکسپو سینٹر کے قرنطنہ وارڈ میں‌ مریضوں نے کرکٹ کھیلنا شروع کردی ، سوشل میڈیا پرا یک ویڈیو وئرل ہوئی ہے ، جس میں دیکھا جاسکتا ہے .ایکسپوسینٹر لاہور میں‌ مریض یا عملے کے اہلکار وارڈ کے اندر ہی بیٹ گیند لیے کرکٹ کھیل رہے ہیں. اس حوالے سے انتظامیہ کی جانب سے کوئی روک ٹوک نہیں‌ ہے

Corona ward expo centre Lahore pic.twitter.com/V8k5G6fhFw

— Baaghi TV باغی ٹی وی (@BaaghiTV) June 11, 2020

کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کردہ تازہ ترین اعدادوشمار کے مطابق گذشتہ 24 گھنٹوں کے دوران 5 ہزار 834 نئے مریض سامنے آئے، پنجاب میں 45 ہزار 463، سندھ میں 43 ہزار 709، خیبر پختونخوا میں 15 ہزار 206، بلوچستان میں 7 ہزار 335، گلگت بلتستان میں ایک ہزار 18، اسلام آباد میں 6 ہزار 236 جبکہ آزاد کشمیر میں 488 مریض ہیں

پاکستان میں اب تک 7 لاکھ 80 ہزار 825 افراد کے ٹیسٹ کئے گئے، گذشتہ 24 گھنٹوں کے دوران 26 ہزار 573 نئے ٹیسٹ کئے گئے، اب تک 38 ہزار 391 مریض صحتیاب ہوچکے ہیں .

پاکستان میں کرونا سے گزشتہ 24 گھنٹوں میں 101 اموات ہوئیں جس کے بعد مرنے والوں کی مجموعی تعداد 2 ہزار 356 ہوگئی ہے۔ سندھ میں 738، پنجاب میں 841، خیبر پختونخوا میں 619، اسلام آباد میں 62، گلگت بلتستان میں 14، بلوچستان میں 73 اور آزاد کشمیر میں 9 مریض جان کی بازی ہا رچکے ہیں