Category: کرونا اپڈیٹس

جکارتہ :اس سال حج ہویانہ ہوانڈونیشیا اپنے شہریوں کوحج کے لیے نہیں بھیجے گا، اہم فیصلہ ہوگیا،اطلاعات کے مطباق انڈونیشیا نے کورونا وائرس کے باعث اپنے شہریوں کے لیے رواں برس حج پروگرام منسوخ کرنے فیصلہ کرلیا اور اس کا باقاعدہ اعلان بھی کردیا۔

اس سال جج پرنہ جانے کے فیصلے کے حوالے سے الجزیرہ کی رپورٹ کے مطابق آبادی کے لحاظ سے دنیا کا سب سے بڑا ملک انڈونیشیا کے وزیر مذہبی امور کا کہنا تھا کہ یہ فیصلہ کورونا وائرس کے باعث کیا گیا ہے۔

انڈونیشیاکی ویب سائٹ جکارتہ گلوب نے اپنی رپورٹ میں کہا ہے کہ حکومت نے رواں برس اپنے شہریوں کو حج پر نہ بھیجنے کافیصلہ کیاہے جس کے نتیجےمیں برسوں سے مذہبی فریضے کے منتظر مسلمانوں میں تشویش پائی جاتی ہے۔وزیر مذہبی امور فچوری راضی کا کہنا تھا کہ ‘سعودی عرب نے اب تک کسی بھی ملک کو حج سے متعلق کوئی جواب نہیں دیا’۔ان کا کہنا تھا کہ ‘اب حکومت نے فیصلہ کیا ہے کہ 2020 کا حج کا سفر منسوخ کیا جائے، ہمارے لیے یہ فیصلہ کرنا انتہائی مشکل تھا اور ہم جانتےہیں کہ کئی شہری دلبرداشتہ ہوں گے’۔

اس سے قبل انڈونیشیا کی حکومت نے کہا تھا کہ اگر سعودی عرب نے 20 مئی تک کوئی حتمی فیصلہ نہ کیا تو ہم اپنا سفر منسوخ کریں گے۔بعد ازاں 20 مئی کو انڈونیشیا کی حکومت نے سعودی عرب سے مطالبہ کیا تھا کہ وہ کورونا وائرس کے پیش نظر حج کی اجازت دینے سے متعلق اپنے فیصلے سے آگاہ کریں۔

انڈونیشیا کی وزارت مذہبی امور کا کہنا تھا کہ اس سلسلے میں رمضان المبارک کے ختم ہونے سے قبل فیصلہ ہونا چاہیے۔ترجمان وزارت مذہبی امور اومان فتح الرحمٰن کا کہنا تھا کہ ‘ہم امید کرتے ہیں کہ حج ہونے یا منسوخ ہونے سے متعلق باضابطہ فیصلے کا اعلان جلد کیا جائے گا’۔ان کا کہنا تھا کہ انڈونیشیا نے سعودی سفری حکام کے ساتھ رہائش، نقل و حرکت اور دیگر معاہدوں کو روک لیا ہے۔انہوں نے کہا تھا کہ ابھی تک وزارت مذہبی امور نے کوئی معاہدے پر دستخط یا سعودی عرب میں حج سروسز کے لیے بیعانہ ادا نہیں کیا۔

خیال رہے کہ انڈونیشیا دنیا کی سب سے بڑی مسلم آبادی والا ملک ہے اور اس کے کم از کم 2 لاکھ 31 ہزار شہری حج کے لیے رجسٹرڈ کرواتے ہیں جو کسی بھی ملک کی جانب سے سب سے بڑی نمائندگی ہے۔دوسری جانب سعودی حکومت نے حج سے متعلق تیاری نہ کرنے کی درخواست کی تھی لیکن کوئی واضح فصلہ نہیں کیا گیا تھا۔

حج سعودی عرب کے لیے آمدنی کا ایک اہم ذریعہ ہے تاہم سعودی حکومت نے کورونا وائرس کے باعث خانہ کعبہ سمیت دیگر مقدس مقامات کو گزشتہ کئی ماہ سے عام لوگوں کے لیے بند کردیا تھا لیکن گزشتہ ہفتے کچھ نرمی کا اعلان کیا گیا تھا۔اے ایف پی کی رپورٹ کے مطابق گزشتہ برس دنیا بھر سے تقریباً 25 لاکھ سے زائد عازمین نے حج کی سعادت حاصل کرنے کے لیے سعودی عرب کا سفر کیا تھا۔

ریاض :لاک ڈاؤن کے دوران طلاقوں میں 30 فیصد اضافہ،کہیں مرد ذمہ دار تو کہیں بیوی ،اطلاعات کے مطابق کورونا وائرس کی وجہ سے دنیا بھر میں لاک ڈاؤن نافذ کیے جانے سے جہاں یورپ اور مغربی ممالک میں طلاقوں اور خواتین پر تشدد میں اضافہ دیکھا گیا۔وہیں سعودی عرب میں بھی طلاقوں کی شرح میں 30 فیصد اضافہ ریکارڈ کیا گیا ہے جب کہ وہاں شادیوں میں بھی 5 فیصد اضافہ دیکھا گیا۔

گلف نیوز نے اپنی رپورٹ میں سعودی عرب کے اخبار اوکاز کی رپورٹ کا حوالہ دیتے ہوئے بتایا کہ سرکاری اعداد و شمار کے مطابق رواں برس فروری میں ہی سعودی عرب میں طلاقوں کی شرح میں 30 فیصد اضافہ دیکھا گیا سرکاری اعداد و شمار کے مطابق فروری 2020 میں سعودی عرب بھر میں 7 ہزار 482 طلاقیں ہوئیں یا ان کے لیے قانونی کارروائی ہوئی۔اسی طرح صرف فروری کے مہینے میں ہی ملک بھر میں 13000 شادیاں رجسٹرڈ ہوئیں یا سرانجام پائیں جو کہ پچھلے سال فروری کے مہینے سے 5 فیصد زیادہ تھیں۔

رپورٹ میں بتایا گیا کہ وزات انصاف اور دیگر سرکاری اداروں کے سعودی حکام نے فروری کے بعد شادیوں اور طلاقوں کے ماہانہ اعداد و شمار جاری کرنا بند کردیے ہیں، کیوں کہ حکام کو خدشہ ہے کہ لاک ڈاؤن کے باعث درست اعداد و شمار نہیں ہوں گے۔

رپورٹ کے مطابق لاک ڈاؤن کے دوران نہ صرف عام سعودی جوڑوں میں طلاقیں ہوئیں بلکہ پڑھی لکھی سعودی خواتین نے بھی ماضی کے مقابلے زیادہ تعداد میں خلع کی درخواستیں دائر کیں۔خلع کی درخواستیں دائر کرنے والی زیادہ تر خواتین کے مطابق انہیں خدشہ ہے کہ ان کے شوہروں نے لاک ڈاؤن کے دوران دوسری شادی کی ہے۔اسی طرح خلع کے لیے عدالتوں سے رجوع کرنے والی خواتین میں کاروباری خواتین، ڈاکٹرز اور اہم سرکاری عہدوں پر تعینات خواتین بھی شامل ہیں اور ایسی خواتین نے شوہروں سے حق مہر کا مطالبہ بھی کیا ہے۔

سعودی بھر میں طلاقوں کی شرح میں اضافے اور شادی شدہ جوڑوں کے تعلقات میں کشیدگی کے حوالے جدہ تھراپی ایسوسی ایشن کے سربراہ اور معروف سماجی رہنما طلال محمد النشیری کا کہنا تھا کہ ہر شادی شدہ جوڑے کے تعلقات یا معاملات مختلف ہوتے ہیں اور بعض جوڑوں کے معاملات اس وقت بھی کشیدہ ہوجاتے ہیں جب معاشرے میں دباؤ یا پریشانیاں پھیلنے لگتی ہیں جس باعث لوگوں کے ذہنی صحت بھی متاثر ہوتی ہے۔ان کا کہنا تھا کہ ان کا خیال ہے کہ لاک ڈاؤن کے باعث مختلف طرح کے سماجی مسائل سامنے آنے کے باعث بھی شادی شدہ جوڑوں کی زندگی متاثر ہو رہی ہے۔

تکمل ایڈ انی شیٹو کی سربراہ منال ال حارثی کا کہنا تھا کہ وبا اور لاک ڈاؤن کا مطلب یہ نہیں ہے کہ ازدواجی مسائل سامنے نہیں آئیں گے، اسی لیے خواتین گھر بیٹھے ہی آن لائن خلع کے لیے درخواستیں دائر کر رہی ہیں جن میں سے زیادہ تر جلد سے جلد خلع چاہتی ہیں۔

شادی شدہ جوڑوں کے درمیان طلاقیں اور خلع کے معاملات دیکھنے والے قانون دان صالح مسافر الغامدی کا کہنا تھا کہ لاک ڈاؤن کے دوران اعلیٰ تعلیم یافتہ اور انتہائی پیشہ ورانہ خواتین بھی خلع کے لیے رجوع کر رہی ہیں۔انہوں نے بتایا کہ گزشتہ 2 ہفتوں کے دوران ان سے 5 ڈاکٹرز، کاروباری خواتین اور دیگر پیشہ ور خواتین نے خلع کے لیے رجوع کیا اورانہیں بتایا کہ انہیں حال ہی میں معلوم ہوا کہ ان کے شوہروں نے خفیہ طور پر دوسری شادی بھی کر رکھی ہے۔

خیال رہے کہ رواں برس جنوری تک سعودی عرب میں ہر گھنٹے 7 طلاقیں ہو رہی تھیں، حکومت کی جانب سے کرائے گئے سروے سے پتہ چلا تھا کہ یومیہ 168 اور ہر گھنٹے میں 7 طلاقیں ہو رہی ہیں۔اس سے قبل گست 2019 میں کیے گئے ایک سروے سے معلوم ہوا تھا کہ سعودی عرب میں ہر گھنٹے میں 5 طلاقیں ہو رہی ہیں۔اگست 2019 میں کیے جانے والے سروے سے معلوم ہوا تھا کہ ملک میں 84 فیصد طلاقیں شوہر اور بیوی کے درمیان بات چیت نہ ہونے کی وجہ سے ہوتی ہیں۔

واشنگٹن :امریکا میں ٹرمپ کے فوج بھیجنے کے اصرار کے بعد فسادات میں مزید شدت،حالات قابوسے باہر،اطلاعات کے مطابق امریکی صدر ڈونلڈ ٹرمپ کی جانب سے سیاہ فام شہری کی ہلاکت کے بعد ہونے والے احتجاج کو روکنے کے فوج بھیجنے کے اصرار کے بعد فسادات میں مزید شدت آگئی۔

خبر ایجنسی رائٹرز کے مطابق قانون نافذ کرنے والے اداروں کے افسران نے مظاہرین پر ربڑ کی گولیاں اور آنسو گیس استعمال کرکے ڈونلڈ ٹرمپ کو چرچ جانے کے لیے راستہ صاف کیا۔رپورٹ کے مطابق ڈونلڈ ٹرمپ کے فوج بھیجنے کے بیان کے بعد احتجاج میں شدت آگئی اور وائٹ ہاؤس کے روز گارڈن میں ساتویں روز بھی فسادات پھوٹ پڑے۔

مظاہرین نے لاس اینجلس میں ایک شاپنگ مال کو نذر آتش کیا اور نیویارک سٹی میں اسٹورز میں لوٹ مار کی۔امریکی صدر نے اپنے بیان میں کہا تھا کہ ‘کشیدگی کے خاتمے تک میئرز اور گورنر قانون کی سخت عمل داری قائم کریں’۔ان کا کہنا تھا کہ ‘اگر کوئی شہر یا ریاست شہریوں کی جان و مال کے تحفظ کے لیے ضروری اقدامات کرنے سے انکار کرے تو امریکا کی فوج تعینات کردوں گا اور ان کے مسائل فوراً حل ہوں گے’۔

ڈونلڈ ٹرمپ بیان جاری کرنے کے بعد اسی راستے سے سینٹ جانز چرچ پہنچے جس کو پولیس نے مظاہرین سے صاف کروایا تھا، انہوں نے بائبل کو اٹھائے اپنے بیٹی ایوانکا اور امریکی اٹارنی جنرل ولیم بار کے ہمراہ تصاویر بنوائیں۔

This evening, the President of the United States stood in front of St. John’s Episcopal Church, lifted up a bible, and had pictures of himself taken. In so doing, he used a church building and the Holy Bible for partisan political purposes.

— Presiding Bishop Michael Curry (@PB_Curry) June 2, 2020

واشنگٹن ڈی سی میں قائم چرچ کے بشپ مائیکل کیوری بھی ٹرمپ کی جانب سے تاریخی چرچ کو تصاویر بنوانے کے لیے استعمال کرنے پر تنقید کرنے میں شامل ہوگئے۔بشپ مائیکل کیوری نے ٹوئٹر پر اپنے بیان میں کہا کہ ‘امریکی صدر سینٹ جانزچرچ کے سامنے کھڑے ہوئے، بائبل اٹھایا اور اپنی تصاویر کھینچیں، اس طرح انہوں نے چرچ کی عمارت اور بائبل کو جانب دارانہ سیاسی مقاصد کے لیے استعمال کیا’۔تاریخی چرچ کو گزشتہ روز ہونے والے احتجاج کے دوران معمولی نقصان بھی پہنچا تھا۔

وائٹ ہاؤس میں مظاہرین کے خلاف تعینات کی گئیں فورسز میں ملیٹری پولیس نیشنل گارڈ، سیکرٹ سروس، محکمہ ہوم لینڈ سیکیورٹی کی پولیس اور کولمبیا کی ضلعی پولیس شامل ہے۔وائٹ ہاؤس سے جاری بیان میں کہا گیا کہ علاقے کو کرفیو کے نفاذ کے بعد خالی کروالیا گیا ہے۔

واشنگٹن میں فسادات کے گد ہزاروں مظاہرین نے بروکلین کی گلیوں میں مارچ کیا اور ‘اب انصاف’ کے نعرے لگائے جبکہ گاڑیوں میں سفر کرنے والے کئی شہریوں نے بھی ان کی حمایت کی۔ٹیلی وژن میں دکھائی گئی ویڈیو میں دیکھا جاسکتا ہے کہ رات کے کرفیو کا وقت شروع ہونے سے قبل ہی مین ہٹن کے ففتھ ایونیو میں کھڑکیاں توڑی گئی ہیں اور مہنگی اشیا کو لوٹا جارہا ہے۔لوگوں کا قتل عام جاری ہے ، اورغیرملکی باشندے پناہ کی تلاش میں ادھر ادھرپھررہے ہیں ،

ذرائع کا کہنا ہےکہ اس وقت فلائٹس نہ چلنے کی وجہ سے یہ غیر ملکی سخت پریشان ہیں ، لاکھوں کی تعدادمیں غیر ملکی اپنے اپنے ملکوں کو جان بچاکرواپس جانا چاہیتے ہیں لیکن ان کے پاس کوئی راستہ نہیں ،یہ بھی معلوم ہوا ہےکہ اس وقت غیرملکی مسلم کمیونٹی کو زیادہ شدید خطرات لاحق ہیں کیوں کہ سیاہ فام اورسفید فام اپنا غصہ مسلمانوں پرنکال رہے ہیں لیکن چونکہ وہاں اس وقت سیاہ فاموں کی طرف سے سخت احتجاج ہے اوردنیا بھرمیں اس وقت یہی ایشو زیادہ زیربحث ہے اسی وجہ سے وہاں مسلم کمیونٹی پرہونے والے مظالم میڈیا پرنہیں دکھائے جارہے

ٹوکیو:’خواتین مردوں کے مقابلے میں خریداری میں بہت زیادہ وقت لگاتی ہیں’جاپانی میئراپنے فیصلے پرڈٹ گئے،پابندیوں میں‌توسیع،اطلاعات کے مطابق جاپانی شہراساکا کے میئر نے ایک بارپھرعورتوں کی خریداری پرپابندی کا مطالبہ بھی کیا ہے اوراپنے شہر میں اس پرعمل بھی کردکھایا ہے ،اوساکا کے میئر کا کہنا ہےکہ ‘خواتین مردوں کے مقابلے میں خریداری میں بہت زیادہ وقت لگاتی ہیں

تازہ بیان میں جاپانی میئر نے اپنے پہلے بیان کا دفاع کرتے ہوئے کہا ہےکہ عورتیں جب کسی سپر اسٹورمیں داخل ہوجاتی ہیں‌تو پھر نکلنے کا نام ہی نہیں‌لیتیں ، جبکہ ان کی نسبت مرد خریداری میں جلدی کرتے ہیں اور بحث ومباحثہ بھی نہیں کرتے ،

اس سے قبل بھی جاپانی شہر اوساکا کے میئر اشیرو ماتوشی سے ایک پریس بریفننگ کے دوران کورونا وائرس کو پھیلنے سے روکنے کے لیے سپرمارکیٹس میں صارفین کی تعداد میں کمی کے امکان پر سوال کیا گیا تھا۔اس پر انہوں نے کہا تھا کہ ‘جب خواتین خریداری کرنے جاتی ہیں، تو زیادہ وقت لیتی ہیں، اگر آپ (مرد) جائیں تو جس چیز کو لینے کا کہا جاتا ہے، اس سیکشن کا رخ کرتے ہیں اور پھر گھر چلے جاتے ہیں’۔

ذرائع کے مطابق میئر نے اس کی مزید وضاحت بھی کی ‘خواتین راشن خریدنے کے لیے زیادہ وقت لگاتی ہیں کیونکہ وہ مختلف مصنوعات کی جانچ پڑتال کرتی ہیں اور بہترین آپشن کا انتخاب کرتی ہیں، اس کے مقابلے میں مرد فوری طور پر چیز اٹھالیتے ہیں جو انہیں خریدنے کی ہدایت ملی ہوتی ہے اور سپرمارکیٹ میں گھومنے سے گریز کرتے ہیں’۔

اوساکا جاپان کا تیسرا بڑا شہر ہے اور وہاں کورونا وائرس کے کیسز میں اضافے کے بعد مختلف پابندیوں کا نفاذ کیا گیا تھا اور اب ان پابندیوں‌میں توثیق کردی ہے ۔اس بیان پر جاپان میں میئر کے خلاف سوشل میڈیا پر کافی احتجاج کیا گیا تھا ۔

انہوں نے شہر میں خریداری کے حوالے سے ایک منفرد اقدام کا عندیہ بھی دیا ، جس میں خریداروں کے پیدائش کے مہینے کی بنیاد ہر شاپنگ کا دن مقرر کیا جائے گا۔اس مقصد کے لیے طاق مہینوں میں پیدا ہونے والے افراد کو ہفتے کے مختلف دن خریداری کی اجازت ہوگی جبکہ جفت مہینوں میں پیدا ہونے والوں کو باقی دن گھر سے باہر نکلنے کی اجازت ہوگی۔

جاپان میں پورے ملک میں 16 اپریل کو قومی ایمرجنسی کا نفاژ کیا گیا تھا اور جاپانی شہریوں کو دیگر افراد سے رابطوں میں کمی لانے کی ہدایت کی گئئی تھی۔جاپان میں قومی ایمرجنسی 6 مئی تک توسیع کی گئی تھی ، بعد ازاں مزید ایک مہینے کی توسیع کرکے اسے 6 جون تک بڑھا دیا گیا تھا

باغی ٹی وی کی رپورٹ کے مطابق چین سے پھیلنے والے خطرناک کرونا وائرس نے دنیا بھر میں تباہی مچا دی ہے، کرونا وائرس سے دنیا بھر میں پونے چار لاکھ افراد ہلاک ہو چکے ہیں

دنیا بھر میں کورونا وائرس سے مرنے والوں کی تعداد 3 لاکھ 77 ہزار 552 ہو گئی ہے ، وائرس سے اب تک 63 لاکھ 71 ہزار افراد متاثر ہو چکے ہیں۔ وائرس سے اب تک 29 لاکھ 4 ہزار سے زائد مریض صحت یاب ہو چکے ہیں۔

گزشتہ چوبیس گھنٹوں میں دنیا بھر میں 3 ہزار 53 افراد وائرس سے ہلاک ہو چکے ہیں جب کہ 1 لاکھ 3 ہزار سے زائد نئے کیسز سامنے آئے،

کرونا وائرس سے امریکا سب سے زیادہ متاثرہ ملک ہے، گزشتہ چوبیس گھنٹوں کے دوران امریکا میں 730 اموات ہوئیں، جس سے امریکا میں کرونا ہلاکتوں کی تعداد 106,925 ہو گئی ہے، جب کہ 18 لاکھ 59 ہزار سے زائد افراد وائرس کا شکار ہو چکے ہیں۔ امریکا میں گزشتہ چوبیس گھنٹوں کے دوران مزید 22 ہزار سے زائد نئے کیسز سامنے آئے۔ امریکا میں نیویارک شہر سب سے زیادہ متاثر ہوا جہاں 29,988 ہلاکتیں ہوئیں اور3 لاکھ 80 ہزار سے زائد لوگ متاثر ہوئے۔

برطانیہ ہلاکتوں میں دوسرے نمبر پر ہے، گزشتہ چوبیس گھنٹوں کے دوران 111 نئی اموات کے بعد برطانیہ میں مجموعی اموات 39,045 ہو گئی ہیں، جب کہ متاثرہ افراد کی تعداد بھی 2 لاکھ 76 ہزار سے بڑھ گئی ہے،

یورپی ملک اٹلی تیسرا ملک ہے جہاں وائرس سے بے پناہ ہلاکتیں ہوئیں، اب تک یہ وائرس اٹلی میں 33,475 انسانوں کی جانیں لے چکا ہے، اور 2 لاکھ 33 ہزار سے زائد لوگ وائرس سے متاثر ہوئے، جن میں سے 1 لاکھ 58 ہزار مریض صحت یاب ہوئے، اور 400 سے زیادہ مریضوں کی حالت تشویش ناک ہے۔ اٹلی میں گزشتہ چوبیس گھنٹوں کے دوران 60 اموات ہوئیں۔

گزشتہ چوبیس گھنٹوں کے دوران روس، برطانیہ، پیرو اور میکسیکو میں 100 سے زائد اموات، انڈیا میں 200 سے زائد اموات ہوئیں

پاکستان میں‌ کرونا کا پھیلاؤ جاری ہے، گزشتہ 24 گھنٹوں میں‌78 اموات ہوئی ہیں جبکہ 3938 نئے مریض سامنے آئے ہیں

پاکستان میں اموات کی مجموعی تعداد 1621 ہو گئی ہے جبکہ مریضوں کی مجموعی تعداد 76 ہزار 398 ہو گئی ہے

کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کردہ تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 938 نئے مریض سامنے آئے، پنجاب میں 27 ہزار 850، سندھ میں 29 ہزار 647، خیبر پختونخوا میں 10 ہزار 485، بلوچستان میں 4 ہزار 514، گلگت بلتستان میں 738، اسلام آباد میں 2 ہزار 893 جبکہ آزاد کشمیر میں 271 مریض ہیں

پاکستان میں اب تک 5 لاکھ 77 ہزار 974 افراد کے ٹیسٹ کئے گئے، گذشتہ 24 گھنٹوں کے دوران 16 ہزار 548 نئے ٹیسٹ کئے گئے، اب تک 27 ہزار 110 مریض صحتیاب ہوچکے ہیں جبکہ کئی مریضوں کی حالت تشویشناک ہے جنہیں وینٹی لیٹر پر رکھا گیا ہے

وبا کے کامیاب طریقہ علاج کی طرف پیشرفت، مبشر لقمان کے اہم انکشافات

عمران خان نے اسمبلیاں توڑنے کے لئے سمری صدر کو کیوں بھیجی؟ سیاسی میدان میں بڑی ہلچل

ناامیدی کفر ہے، مشکل حالات میں امید کی کرن…مبشر لقمان کی تازہ ترین ویڈیو لازمی دیکھیں

امریکہ. سپر پاور نہیں رہے گا.؟ مبشر لقمان کی زبانی سنیں اہم انکشافات

مفتی عبدالقوی کا نیا چیلنج، دیکھیے خصوصی انٹرویو مبشر لقمان کے ہمراہ

خبردار،آ ئندہ 30 دن سخت احتیاط کریں ، کرونا شدت پکڑ رہا ہے، نقصان کی صورت میں ذمہ دار آپ خود ہونگے

لاہور کا کوئی محلہ کرونا سے محفوظ نہیں، 6 لاکھ 70 ہزار مریضوں کا اندازہ، وزیراعلیٰ کو بھجوائی گئی سمری میں انکشاف

میری خالہ نے بتایا کہ ہمسائے کے لوگ کرونا کا شکار، کوئی موت کے ڈر سے ہسپتال جانے کو تیار نہیں، گھر میں جانیں دے رہے

پاکستان میں کورونا سے ایک دن میں 78 افراد جان کی بازی ہار گئے جس کے بعد اموات کی مجموعی تعداد ایک ہزار 621 ہوگئی۔ سندھ میں 503، پنجاب میں 540، خیبر پختونخوا میں 482، گلگت بلتستان میں 11، بلوچستان میں 49 اور اسلام آباد میں 30 مریض جاں بحق ہو چکے ہیں.