Category: کرونا اپڈیٹس

کراچی :وفاق اورسندھ اپنی لڑائی میں تاجروں کا نقصان نہ کریں ،اطلاعات کےمطابق صدر آل سٹی تاجر اتحاد حماد پونا والا نے کہا ہے کہ وفاق اور صوبہ سندھ میں تنازعہ میں تاجروں کو نہ گھسیٹا جائے. تاجر برادری کسی بھی سیاسی ایجنڈے میں شامل نہیں ہے. کراچی کے کاروباری اور تجارتی مراکز کو کھولنے کے حوالے سے کوئی پیش رفت نظر نہیں آرہی ہے، جو شدید پریشان کا باعث ہے.

صدر آل سٹی تاجر اتحاد کہتے ہیں کہ اگر حکومت کوئی فیصلہ نہیں کرنا چاہتی تو وہ کھل کر ہمیں بتادیں تاکہ ہم پھر اپنے فیصلے کرنے پر آزاد ہوں. ان خیالات کا اظہار انہوں نے اتحاد کے مرکزی دفتر میں منعقدہ اجلاس سے خطاب کرتے ہوئے کیا. حماد پونا والا نے کہا کہ گذشتہ دو روز سے وفاقی اور سندھ حکومت کی جانب سے جاری سیاسی محاذ آرائی میں کراچی کی تاجر برادری کے مسائل کو ایک سائیڈ کردیا گیا ہے.

انہوں نے کہا کہ ہم وفاق اور سندھ حکومت کو واضح طور پر یہ پیغام دینا چاہتے ہیں کہ وفاق اور صوبہ سندھ میں تنازعہ میں تاجروں کو نہ گھسیٹا جائے. تاجر برادری کسی بھی سیاسی ایجنڈے میں شامل نہیں ہے. حماد پونا والا نے کہا کہ کراچی کے کاروباری اور تجارتی مراکز کو کھولنے کے حوالے سے کوئی پیش رفت نظر نہیں آرہی ہے، جو شدید پریشان کا باعث ہے.

رمضان المبارک کا پہلا عشرہ اختتام کی جانب ہے اور کراچی کا تاجر صرف حکومت کی تسلیوں پر آج بھی گھر بیٹھا ہوا ہے. حماد پونا والا نے کہا کہ اگر حکومت کوئی فیصلہ نہیں کرنا چاہتی تو وہ کھل کر ہمیں بتادیں تاکہ ہم پھر اپنے فیصلے کرنے پر آزاد ہوں. انہوں نے کہا کہ تاجروں کا معاشی قتل عام ہوچکا ہے اس لیے اب اگر کوئی یہ امید کررہا ہے کہ ان تاجروں کے پاس کام کرنے والے لاکھوں ملازمین کو یہ تنخواہیں دے سکیں گے ایسا ممکن نہیں ہے.

حماد پونا والا نے کہا کہ حکومت اگر چاہتی ہے کہ کراچی سمیت سندھ بھر میں بے روزگاری نہ ہو تو فوری کوئی فیصلہ کرے اور چھوٹے دکانداروں کو فوری طور پر فی کس 1 لاکھ اور رجسٹرڈ دکانداروں کو فی کس 3 لاکھ روپے کی ریلیف دی جائے تاکہ وہ اپنے ملازمین کی تنخواہیں اور اپنا گھر چلا سکیں. حماد پونا والا نے کہا کہ تاجروں نے پوری زندگی حکومتوں کو ٹیکس دے کر ان کے گھر اور ایوان چلائیں ہیں، اب حکومت اس غیر معمولی حالات میں اپنا کردار ادا کرے.

لاہور:10- رمضان المبارک کی تراویح بادشاہی مسجد سے براہ راست باغی ٹی وی پردکھائی جاری ہیں ،اطلاعات کے مطابق الحمد للہ باغی ٹی وی کو یہ اعزاز حاصل ہے کہ وہ لاہور کی بادشاہی مسجد سے براہ راست نماز تراویح دنیا بھرمیں پھیلے مسلمانوں تک پہنچا رہا ہے ،

ذرائع کے مطابق بڑی تعداد میں مسلمان آج دسویں دن بھی اپنے دل کو قرآن کی تلاوت سے مزین کرنے کے لیے باغی ٹی وی کے توسط سے بادشاہی مسجد سے براہ راست نماز تراویح دیکھ رہے ہیں‌باغی ٹی و ی: رمضان المبارک کے سعادتوں اور رحمتوں والے میں مہینے میں باغی ٹی وی اپنے ناظرین کےلیے نیکی سے بھرپور موقع فراہم کرتے ہوئے قرآن کی سماعت کا موقع فراہم کر رہا ہے

چونکہ رمضان اور قرآن کا گہرا تعلق ہے اس سلسے میں نماز تراویح قرآن کی تلاوت اور قرآن کی سماعت کا بنیادی ذریعہ ہوتا ہے اس لیے نماز تراویح کو براہ رست دیکھنے کی سہولت دی جارہی ہے . آپ اب بادشاہی مسجد لاہور میں ادا کی جانے والی نماز تراویح کو دیکھ سکتے ہیں .

بادشاہی مسجد لاہور سے براہ راست تراویح‌دیکھنے کے لیے آپ باغی ٹی وی کی ویب سائٹ پر جا سکتے ہیں اور اسی طرح باغی کے یو ٹیوب چینل پر بھی نماز تراویح لائیو دیکھ سکتے ہیں. جو کہ بادشاہی مسجد لاہور سے براہ راست نشر کی جائے گی.

یاد رہے کہ باغی ٹی وی پریہ پاکستان کے سب سے بڑی سوشل میڈیا ٹرانسمیشن ہے جسے دنیا بھرمیں دیکھا جارہاہے ، اس کے علاوہ اس ٹرانسمیشن میں رمضان المبارک کے حوالےسے وعظ ونصیحت کا سلسلہ بھی جاری ہے

اسلام آباد :وزیراعظم عمران خان کل اہم خطاب کریں گے،اطلاعات کے مطابق تفصیلات کے مطابق وزیراعظم عمران خان سے معاون خصوصی عثمان ڈار کی ملاقات ہوئی ہے جس میں فیصلہ کیا گیا ہے کہ وزیر اعظم عمران خان کل کورونا ریلیف ٹائیگر فورس ارکان سے خطاب کریں گے۔

وزیراعظم کا کل ہونے والا خطاب کورونا ریلیف ٹائیگر فورس کے 10 لاکھ ممبران سے وزیر اعظم کا پہلا خطاب ہوگا جس میں وزیر اعظم عمران خان کا ٹائیگر فورس کے لئے پیغام ریکارڈ کیا جائے گا۔وزیراعظم کا پیغام ٹائیگر فورس کے موبائلز پر بھیجا جائے گا جبکہ ویر اعظم کا خطاب سوشل میڈیا پر بھی نشر کیا جائے گا۔وزیر اعظم اپنے خطاب میں کورونا ریلیف ٹائیگر فورس کو ضروری گائیڈ لائینز بھی دیں گے۔

اس سے قبل وزیراعظم عمران خان سے مشیر پارلیمانی امور ڈاکٹر بابر اعوان کی ملاقات ہوئی ہے جس میں ملکی موجودہ صورت حال سمیت آئینی اور قانونی امور پر تبادلہ خیال کیا گیا ہے۔ملاقات میں گڈ گورننس اور انتظامی معاملات میں بہتری کیلئے مخلتف تجاویز پر مشاورت کی گئی جبکہ کورونا وائرس کے پیش نظر عوامی ریلیف کیلئے حکومتی فیصلوں پر بھی بات چیت کی گئیوزیراعظم عمران خان کا کہنا تھا کہ کورونا کنٹرول کیلئے سارے وسائل استعمال کر رہے ہیں اور بہتر حکمت عملی کے تحت خوف کی فضا ختم ہو رہی ہے۔انہوں نے کہا کہ سب سے بڑا چیلنج عام آدمی تک فوری ریلیف پہنچانا تھا اور خوشی ہے کہ معاشی ٹیم نے بروقت ہنگامی ایکشن پلان ترتیب دیا گیا ہے۔

وزیراعظم نے کہزا کہ ملک میں معاشی عمل تیز کرنے کیلئے بڑے اقدامات کرنے جا رہے ہیں۔ملاقات میں بابر اعوان کا کہنا تھا کہ ملکی تاریخ میں پہلی بار غریب دوست ریلیف پیکجز دئیے گئے ہیں اور مشکل صورت حال میں حکومت نے تدبر کا مظاہرہ کیا ہے۔

بیجنگ : پاکستان تو نوجوانوں کی سرزمین ہے، کرونا پربہترانداز سے قابو پاررہا ہے ، چینی سفیر،اطلاعات کےمطابق پاکستان میں چینی سفیریاؤ جنگ نے ایک بار پھر امید ظاہر کی ہے کہ کورونا وبا عارضی چیلنج ہے جس پر پاکستان جلد قابو پالے گا۔پاکستان کی60 فیصد آبادی 30 سال سےکم عمر نوجوانوں پر مشتمل ہے چین کی طرح پاکستان بھی روایتی طب سے کورونا پر قابو پالے گا،

چین کے سرکاری ٹی وی چینل کو انٹرویو دیتے ہوئے چینی سفیریاؤ جنگ نے کہا کہ پاکستان میں کورونا وائرس سے شرح اموات کم ہے، پاکستان کی 60 فیصد آبادی 30 سال سے کم عمر نوجوانوں پر مشتمل ہےاوریہاں کورونا وائرس کے متاثرہ زیادہ تر مریض جوان افراد ہیں،ان جوان افراد میں بھی وائرس کی ہلکی علامات ہیں لہذا علاج آسان ہے۔انہوں نے کہا کہ روایتی چینی طب کی طرح پاکستان میں بھی جڑی بوٹیوں سے کورونا کی روک تھام میں مدد ملے گی، کورونا وبا عارضی چیلنج ہے جس پر پاکستان جلد قابو پالے گا۔

چینی سفیر نے کہا کہ جب چین کو کورونا کے سخت چیلنج کا سامنا تھا، تو پاکستان نے چین کی مدد کے لیے سب سے بہتر کام کیا۔ان کا کہنا تھا کہ فروری میں پاکستان میں پہلی مرتبہ تصدیق شدہ کیس کی اطلاع ملی تو چینی حکومت مقامی حکومتوں اور کاروباری اداروں اور سول سوسائٹیز نے بھی پاکستان کو مدد فراہم کرنا شروع کر دی۔ انہوں نے بتایا کہ چین پاکستان کی مدد کے لیے طبی سامان اور کئی طبی ٹیمیں پاکستان بھیج چکا ہے۔

لاہور:عثمان بزدار تو چھا گئے : پی ڈی ایم اے ملازمین کیلئے ایک ماہ کی اضافی تنخواہ کا اعلانا،طلاعات کےمطابق وزیراعلیٰ پنجاب عثمان بزدار نے ناگہانی آفات سے نمٹنے کے صوبائی ادارے پراونشل ڈیزاسٹرمنیجمنٹ اتھارٹی (پی ڈی ایم اے) کے ملازمین کے لیے ایک ماہ کی اضافی تنخواہ کی منظوری دے دی۔

وزیراعلیٰ پنجاب عثمان بزدار نے لاہور میں پی ڈی ایم اے پنجاب کے ہیڈ آفس کا دورہ کیا اور کنٹرول روم کے مانیٹرنگ سسٹم کا جائزہ لیا۔اس موقع پر وزیراعلیٰ پنجاب کا کہنا تھا کہ پی ڈی ایم اے کی کارکردگی قابل تحسین ہے، ہنگامی صورتحال سے نمٹنے کے لیے پی ڈی ایم اے قابل قدر کردار ادا کر رہا ہے۔

وزیراعلیٰ پنجاب کو بتایا گیا کہ بلوچستان اور دیگر صوبوں سے ممکنہ طور پر آنے والے ٹڈی دل کی مسلسل مانیٹرنگ کی جارہی ہے، بارکھان، ڈیرہ بگٹی، ڈیرہ مراد جمالی اور کشمور میں ٹڈی دل کے جھنڈ دکھائی دے رہے ہیں جب کہ صوبے میں 28 لاکھ ایکڑ رقبہ ٹڈی دل سے صاف کرایا جا چکا ہے۔

انہوں نے ملازمین کی ایک ماہ کی اضافی تنخواہ کا اعلان کرتے ہوئے کہا کہ اضافی تنخواہ پی ڈی ایم اے کے ملازمین کی کارکردگی کا اعتراف ہے۔