Category: کرونا اپڈیٹس

کرونا وائرس ، کراچی میں پاکستان کی سب سے بڑی لیبارٹری قائم، وزیراعلی‌‌‌‌‌ سندھ

باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے کورونا وائرس کی صورتحال سے متعلق وڈیو پیغام میں کہا ہے کہ آج 298 نئے کورونا وائرس کے کیسز آئے ہیں، اس حساب سے کُل مریضوں کی تعداد 3671 ہوگئی ہے

وزیراعلیٰ سندھ سید مراد علی شاہ کا کہنا تھا کہ کورونا وائرس کے باعث آج مزید 4 مریض انتقال کرگئے، جاں بحق ہونے والوں کی تعداد 73 ہوگئی ہے جو کل مریضوں کا 1.98 فیصد ہے،سندھ میں کل 2934 مریض زیرعلاج ہیں، 1871 مریض گھروں میں آئیسولیٹ ہیں، 640 آئیسولیشن مراکز اور 423 اسپتالوں میں زیرعلاج ہیں،سندھ کے 298 کیسز میں کراچی میں 202 اورر 96 دیگر اضلاع میں ہیں،

وزیراعلیٰ سندھ سید مراد علی شاہ کا مزید کہنا تھا کہ ضلع وسطی کراچی میں 29، ضلع شرقی کراچی میں 25، ملیر میں 79، جنوبی کراچی میں 63 اور غربی کراچی میں 6 نئے کیسز سامنے آئے ہیں، سکھر میں 20، شہید بینظیر آباد میں 8، لاڑکانہ میں 11، دادو میں 2، گھوٹکی اور سجاول میں ایک ایک کورونا کے کیسز ہوئے ہیں،

وزیراعلیٰ سندھ سید مراد علی شاہ کا مزید کہنا تھا کہ تبلیغی جماعت کے 5102 لوگوں کو ٹیسٹ کیا گیا ہے، تبلیغی جماعت کے لوگوں میں 764 مثبت آئے ہیں، 17 کا نتیجہ آنا باقی ہے، تبلیغی جماعت کے 10 نئے کیسز آئے ہیں،

وزیراعلیٰ سندھ کا مزید کہنا تھا کہ حکومت سندھ نے کراچی یونیورسٹی میں پاکستان کی سب سے بڑی لیبارٹری قائم کردی ہے،پاکستان کی سب سے بڑی بایو سیفٹی لیول تھری لیب نے آج سے کام شروع کردیا، یہ لیب کورونا وائرس کے روزانہ 800 ٹیسٹ کرے گی، 3 ہفتوں میں اس لیب کی ٹیسٹ کی صلاحیت بڑھ کر 2400 ہوجائے گی،مسقط سے ایک فلائیٹ میں 176 پاکستانی آئے تھے جن میں 36 مثبت تھے، انگولا اور دبئی سے 2 فلائٹس میں 510 مسافر آئے جس میں 22 مثبت تھے،

کرونا لاک ڈاؤن، ڈبل سواری پر پابندی، صحافی عدالت پہنچ گئے

باغی ٹی وی کی رپورٹ کے مطابق سندھ میں صحافیوں اور دیگر پر موٹر سائیکل کی ڈبل سواری پر پابندی کا معاملہ عدالت میں چیلنج کر دیا گیا،دالت نے محکمہ داخلہ سندھ، چیف سیکرٹری سندھ اور دیگر کو نوٹس جاری کردیا

عدالت نے سندھ حکومت سے 30 اپریل کو تحریری جواب طلب کرلیا، سندھ ہائیکورٹ میں صحافی بھی پیش ہوئے اور انہوں نے عدالت مین کہا کہ موٹر سائیکل پر ڈبل سواری کی پابندی سے صحافی طبقہ بے حد متاثر ہورہا ہے، تاریخ میں پہلی بار حکومت نے پولیس اور صحافیوں پر بھی پابندی عائد کردی ہے،صحافی ہمیشہ اپنے اداروں کے ساتھ فرنٹ فوٹ پر کام کرتے ہیں،

صحافیوں کا عدالت میں کہنا تھا کہ کورونا سے بچاو کے لیے احتیاطی تدابیر پر صحافی بھی مکمل عملدرآمد کررہے ہیں، لاک ڈاؤن کی وجہ سے پبلک ٹرانسپورٹ بند ہے صحافیوں کو عوام باخبر رکھنے کے لیے ہر صورت باہر نکلنا پڑتا ہے، سندھ اسمبلی، سیکریٹریٹ، ہائیکورٹ، پریس کلب پر بھی صحافیوں کا ٹمپریچر چیک کرنے کے بعد داخلے کی اجازت ہے، ڈبل سواری پر پابندی کی وجہ سے کئی کیمرا مین، فوٹو گرافر، کاپی ایڈیٹرز اور دیگر صحافیوں دفاتر نہیں جا پارہے،

صحافیوں کا عدالت میں مزید کہنا تھا کہ میڈیا بحران کی وجہ سے پہلے بھی کئی صحافی بے روزگار ہوچکے ہیں،ڈبل سواری پر پابندی برقرار رہی تو کئی اور صحافی بے روزگار ہوجائیں گے،

سندھ ہائیکورٹ کے جسٹس محمد علی مظہر نے ریمارکس دیتے ہوئے کہا کہ حکومت نے تمام پرائیویٹ اداروں کو پابند کیا ہے وہ ملازمین کو نہیں نکالیں گے، ہم حکومت سے پوچھ لیتے ہیں وہ صحافیوں کو استثنیٰ دینے کے لیے کیا کرسکتی ہے،

درخواست گزار نے کہا کہ محکمہ داخلہ سندھ کی جانب سے 18 اپریل کو ڈبل سواری پر پابندی کا نوٹفیکشن جاری کیا،محکمہ داخلہ نے اپنے نوٹفیکشن میں کہا کہ ڈبل سواری پر پابندی کا اطلاق صحافیوں ،خواتین اور بچوں پر بھی ہوگا، صحافی کورونا وائرس سے متعلق خبریں اور معلومات عوام تک پہنچا رہے ہیں،ڈبل سواری پر پابندی سے شہریوں کے بنیادی حقوق متاثر ہورہے ہیں،محکمہ داخلہ سندھ کی جانب سے ڈبل سواری پر پابندی کا نوٹفیکشن غیر قانونی قرار دیا جائے، درخواست میں حکومت سندھ ،محکمہ داخلہ،آئی جی سندھ ،ایڈیشنل آئی جی کراچی کو فریق بنایا گیا ہے

باغی ٹی وی کی رپورٹ کے مطابق کراچی کی سٹی کورٹ کراچی نے تاجروں کی درخواست ضمانت پر فیصلہ سنادیا

عدالت نےگرفتارتاجروں کی درخواست ضمانت مسترد کردی،عدالت نے 6تاجروں کو 14روزہ جوڈیشل ریمانڈ پر جیل بھیج دیا،تاجروں نے گزشتہ روز لاک ڈاوَن کی خلاف ورزی کرتے ہوئے دکانیں کھولی تھیں

تاجروں کو عدالت میں پیش کیا گیا اس موقع پر پولیس کی بھاری نفری موجود تھی جبکہ شہر بھر سے تاجروں کی بڑی تعداد بھی عدالت میں آئی تھی، وکیل ملزمان نے عدالت میں کہا تھا کہ تاجروں نے کوئی خلاف ورزی نہیں کی، قابل ضمانت دفعات ہیں،تاجروں کورہاکرنےکاحکم دیاجائے ، تا ہم عدالت نے تاجروں کو جیل بھجوا دیا

لاک ڈاؤن کی خلاف ورزی پر تاجررہنماوں حماد ہونا والا۔ جاوید قریشی۔ احسان احمد اور جاوید شکور و دیگر درجنوں افراد کے خلاف درج کئے گئے تھے اور چھ تاجرگرفتار کئے گئے تھے، تاجروں کے خلاف مقدمہ میں ہنگامہ آرائی۔ تشدد۔ لاک ڈاون کی خلاف ورزی اور 144 کی خلاف ورزی کی سیکشن شامل کی گئی تھیں

عدالت میں پیشی کے موقع پر میڈیا سے گفتگو کرتے ہوئے تاجر رہنما حماد پوناوالا کا کہنا تھا کہ ہم پر دباؤ ڈالا جا رہا تھا لیکن ہم نے تمام ٹارچرز کا سامنا کیا ہے۔ آل سٹی تاجر اتحاد کا صدر ہوں اور حکومت کے ساتھ ہونے والی تمام ہی میٹنگز میں شامل تھا، کسی قسم کا ریلیف نہیں دیا گیا بلکہ کراچی کے تاجروں کو لاک اپ کیا گیا۔ وزیراعلیٰ ہاؤس میں میٹنگ کے بعد حکومت سندھ نے رابطہ نہیں کیا، وزیراعلیٰ کی طرف سے کاروبار کھولنے پر کوئی جواب نہیں ملا تو ہم نے ڈیمو دیا، کاروباری مراکز کھولنے اور ایس او پیز پر عمل کرنے کی کوشش کی جا رہی تھی۔