Category: کرونا اپڈیٹس

اسلام آباد :بے روزگاروں کے لیے بلین ٹری منصوبے میں نوکریاں،وزیراعظم بہت جلد اعلان کریں گے ،اطلاعات کےمطابق پاکستان میں حکومت نے کورونا وائرس کے نتیجے میں بے روزگار ہونے والے افراد کو نوکریاں فراہم کرنے کے لیے تمام صوبوں کو ہدایات جاری کی ہیں کہ بلین ٹری پراجیکٹ میں فوری طور پر بھرتیاں شروع کی جائیں۔

وفاقی وزارت موسمیاتی تبدیلی، جو صوبوں کے جنگلات اور جنگلی حیات کے محکموں کے ساتھ مل کر ملک میں درختوں میں اضافے اور ماحول کو بہتر بنانے کے ایک بڑے منصوبے پر کام کر رہی ہے، کے حکام نے اردونیوز کوبتایا کہ ماحولیاتی تحفظ کے اس منصوبے کو مکمل کرنے کے لیے لاکھوں افراد کی ضرورت ہے اس لیے حکومت نے فیصلہ کیا ہے کہ کورونا بحران سے بے روزگار ہونے والے افراد کو اس منصوبے کا فائدہ پہنچایا جائے۔

وفاقی وزارت برائے موسمیاتی تبدیلی کے تحت چلنے والے بلین ٹری پراجیکٹ کے ڈائریکٹر سلمان خان نے اردو نیوز کو بتایا کہ ’حکومت نے بے روزگار ہونے والے افراد کو اس منصوبے سے مستفید کرنے کے لیے ایک جامع حکمت عملی تیار کر لیا ہے جس کا باقاعدہ اعلان وزارت موسمیاتی تبدیلی کے مشیر برائے وزیراعظم ملک امین اسلم اگلے چند روز میں کریں گے۔‘

کواللمپور:کرونا وائرس ہو یا طاعون مسلمانوں نے حکمت عملی سے مقابلہ کیا ، یہی ہمارا منہج ہونا چاہیے،عالم اسلام کے لیے بہترین پیغام،رپورٹ کے مطابق فیڈریشن آف اسلامک میڈیکل ایسوسی ایشن آف ملائیشیا کی طرف سے ایک تحقیقاتی نقطہ نظرسامنے ‌آیا ہے جس میں عالم اسلام کے سکالروں سے متفقہ اورانسانیت کی بھلائی کےلیے نقطہ نظرلانے کی استدعا کی گئی ہے

فیڈریشن آف اسلامک ایسوسی ایشن کی طرف سے کہا گیا ہے کہ کرونا وائرس سے پہلے بھی بڑی بڑی وبائیں ائیں ، ان تمام مواقع پرجس طرح علما نے حکمت عملی سے کام لیا آج وہ ہمارے لیے مشعل راہ ہے،فیڈریشن آف اسلام ایسوسی ایشن کی طرف سے پاکستان میں‌ مذہبی طبقے کی طرف سے متضاد ردعمل کے بعد یہ نقطہ نظرسامنے آیا ہے

ذرائع کے مطابق اس میں کہا گیا ہے کہ پاکستان میں مفتی تقی عثمانی جیسی شخصیت کا پانچوں نمازوں کی ادائیکی کے حوالے سے نقطہ نطرکا بھی حوالہ دیا گیا ہے اورکہا گیا ہےکہ انکو بھی چاہیے کہ وہ انسانیت کی بھلائی کےلیے ایک بہترین رائے دیں

فیڈریشن کی طرف سے اسلامی تاریخ کے کچھ واقعات کا حوالہ بھی دیا گیا اورکہا گیا کہ 218 ہجری میں مصر میں طاعون کی وبا پھیلی پھر 10 سال بعد آذربائیجان میں وبا پھیلی جس سے بڑی تعداد میں جانیں ضائع گئیں اس موقع پر بھی علما نے عوام الناس کو احتیاط برتنے کےحوالے سے کہا کہ وہ گھرپرنمازیں پڑھ لیں

فیڈریشن کی طرف سے یورپ میں ہونے والی وباوں کے نتیجے میں ہونے والی ہلاکتوں کے ذکرکےساتھ ساتھ یہ بھی بتایا گیا کہ اس سے پہلے بھی اٹلی میں کارنٹائین کیا گیا ، 728 ہجری میں مساجد سے آذان دنیا اس وجہ سے بند کردیا گیا تاکہ لوگ گھروں میں ہی نماز ادا کرسکیں

ہجرت کے سترہ سال بعد طاعون کی وبا پھیلی جس میں کبائرصحابہ شہید ہوگئے اس وقت بھی حفاظتی تدابیراختیار کی گئیں‌

فیڈریشن کی طرف سے درخواست کی گئی ہےکہ ہمیں بھی چاہیے کہ ہم بھی انسانیت کی بھلائی کے لیے مشترکہ حکمت عملی اپنائیں ، خداکی مخلوق کی بھلائی بھی توبہت بڑی نیکی ہے ، مسلمانوں کی جانوں کا تحفظ بھی اسلام کا مرکزی نقطہ نظرہے لہٰذا ہمیں حکومتی نقطہ نظرکی حمایت کرنی چاہیے توانسانیت کو بچانا چاہیے ناں کہ انا کو پروان چڑھائیں

اسلام آباد:دیارغیرمیں کرونا وائرس سے وفات پانے والوں کو خلیجی ممالک میں ہی دفنایا جانے لگا،ماں باپ ، بہن بھائی ، بیوی بچے تڑپتے رہ گئے ،اطلاعات روزگار کے لیے اپنے گھر اور ملک کو چھوڑ کر دوسرے ممالک میں جاکر محنت مزدوری کرنے والے دنیا بھر کے لاکھوں افراد کو امید ہوتی ہے کہ وہ پیسے کما کر ایک دن ضرور گھر لوٹیں گے اور دنیا میں کورونا وائرس پھیلنے سے قبل ایسا ہی ہو رہا تھا۔

مگر کورونا وائرس کے دنیا بھر میں پھیلنے کے بعد اپنے اہل خانہ اور وطن کو چھوڑ کر دیار غیر میں روزگار کے لیے جانے والے لاکھوں افراد کی خواہشات دم توڑنے لگی ہیں اور ان میں سے درجنوں افراد ایسے ہیں جو کورونا کا شکار ہوکر زندگی کی بازی ہار رہے ہیں اور اس سے بڑھ کر بدقسمتی یہ کہ ایسے لوگوں کی لاشیں تک گھر واپس نہیں بھجوائی جا رہیں۔

جی ہاں، دوسرے ممالک میں روزگار کے لیے جانے والے ایسے افراد جو کورونا میں مبتلا ہونے کے بعد زندگی کی بازی ہار گئے، ان کی لاشیں ان کے اصل وطن اور گھر نہیں بھجوائی جا رہیں بلکہ انہیں دیار غیر میں ہی دفن کیا یا جلایا جا رہا ہے۔خبر رساں ادارے اے ایف پی کے مطابق خلیجی ممالک و سعودی عرب میں کورونا وائرس کا شکار ہوکر مرجانے والے غیر ملکی افراد کو ان کے آبائی وطن بھجوانے کے بجائے ان کی آخری رسومات ادا کرکے انہیں دفنایا یا پھر جلایا جا رہا ہے۔

خلیجی ممالک پاکستان، بھارت، فلپائن، سری لنکا اور دیگر ایشیائی ممالک کے لاکھوں افراد روزگار کے لیے موجود ہیں جو کئی دہائیوں سے خلیجی ممالک کی بینکوں، ہسپتالوں، دفاتر، گھروں اور تعمیراتی شعبے میں خدمات سر انجام دیتے آ رہے ہیں۔یقیناً ایسے افراد کی بدولت ہی خلیجی ممالک کی معیشت بہتر ہوئی ہے اور بدلے میں خلیجی ممالک ایسے افراد کو اچھی مراعات بھی فراہم کرتے ہیں مگر کورونا وائرس میں مبتلا ہوکر زندگی کی بازی ہار جانے والے ان غیر ملکی افراد کی مجبوری کے تحت خلیجی ممالک میں ہی آخری رسومات ادا کی جا رہی ہیں۔

کورونا کا شکار ہوکر زندگی کی بازی ہار جانے والے گھر اور اہل خانہ سے دور ایسے افراد میں دبئی میں ہلاک ہونے والا بھارت کا 50 سالہ شخص بھی شامل تھا، جسے وہاں کے سرکاری اہلکاروں نے سخت حفاظتی انتظامات کے تحت شمشان گھاٹ پہنچایا۔

آخری رسومات کے لیے مرجانے والے مذکورہ شخص کی لاش کو آدھے گھنٹے تک حکام نے رکھا اور اس انتظار میں رہے کہ ان کا کوئی قریبی دوست آخری لمحات میں آئے مگر پھر حکام نے مایوس ہوکر مرنے والے شخص کی لاش کو بڑے احتیاط سے جلانے کے بعد ان کی ‘استھیوں’ (باقیات) کو ایک چاندی کے ڈبے میں ڈال کر سفارتخانے کے حوالے کردیا۔

مذکورہ واقعہ متحدہ عرب امارات (یو اے ای) میں ہونے والا واحد واقعہ نہیں ہے بلکہ ایسے ہی کئی غیر ملکی افراد کو تن تنہا آخری رسومات ادا کرنے کے بعد جلایا یا دفنایا جا چکا ہے۔متحدہ عرب امارات میں کورونا وائرس سے 168 سے زائد افراد ہلاک ہو چکے ہیں اور ہلاک ہونے والے افراد میں بھارت اور فلپائن سمیت دیگر ایشیائی ممالک کے ایسے افراد بھی شامل ہیں جو روزگار کے سلسلے میں وہاں کئی دہائیوں سے رکے ہوئے تھے۔

اسلام آباد: ملک کا ریپ نہیں بلکہ گینگ ریپ کیا گیا، صدمملکت بھی چُپ نہ رہ سکے ،اطلاعات کےمطابق صدر مملکت ڈاکٹر عارف علوی کا کہنا ہے کہ انہوں نے پاور سیکٹر میں ہونے والی تحقیقات کی رپورٹ پڑھی ہے جسے پڑھ کر وہ اس نتیجے پر پہنچے ہیں کہ مافیاز نے ملک کے ساتھ زیادتی نہیں بلکہ اجتماعی زیادتی کی ہے۔

ذرائع کےمطابق ایک نجی ٹی وی کوانٹریودیتے ہوئے خصوصی انٹرویو میں صدر مملکت عارف علوی کا کہنا تھا کہ وہ پاورکمپنیوں کے اضافی منافعے سے متعلق تحقیقاتی رپورٹ پڑھ کر اس نتیجے پر پہنچے ہیں کہ قوم کا ریپ نہیں،گینگ ریپ ہوا ہے۔

صدر عارف علوی نے بتایا کہ تحقیقاتی رپورٹ کی سمری پڑھی ہے، یہ رپورٹ فی الحال یک طرفہ ہے، اس میں اسٹیک ہولڈرز کی رائے آنی باقی ہے، وزیراعظم سے ملاقات میں رپورٹ پر بھی بات ہوئی، میں نے وزیراعظم کوکہا کہ اگریہ رپورٹ صحیح ہے تو مافیاز نے ملک کا ریپ نہیں بلکہ گینگ ریپ کیا ہے۔خیال رہے کہ گزشتہ روز وزیراعظم عمران خان کی زیر صدارت وفاقی کابینہ کے اجلاس میں پاور سیکٹر کی تحقیقاتی رپورٹ عام کرنے کی منظوری دی گئی ہے۔ ان کا کہنا تھا کہ رپورٹ آنے دیں بڑے بڑے شریفوں کا پتہ چل جائے گا

صدر مملکت عارف علوی نے کہا کہ علماءکےساتھ طے پانے والے 20 نکاتی فارمولے پر سب کا اجماع ہے اور اس کی خلاف ورزی گناہ کے زمرے میں آئے گی۔ان کا کہنا تھا کہ پارلیمنٹ کا آن لائن اجلاس فی الحال نہیں بلایا جاسکتا تاہم سماجی فاصلے کے ساتھ پارلیمنٹ کا اجلاس بلانے میں کوئی حرج نہیں ہے۔

خیال رہے کہ گذشتہ دنوں صدر مملکت اور علمائے کرام کے اجلاس میں رمضان میں مساجد میں باجماعت نماز کی ادائیگی کے حوالے سے 20 نکات پر اتفاق کیا گیا تھا،ان نکات میں کورونا کے پھیلاؤ کو روکنے کے لیے احتیاطی تدابیر شامل ہیں۔صدر عارف علوی کا کہنا تھا کہ اب یہ ذمہ داری صرف آئمہ یا حکومت کی نہیں بلکہ ہر فرد کی ہے کہ وہ ان احتیاطی تدابیر پر عمل کرے۔

صدر مملکت کا کہنا تھا کہ اگر رمضان کے دوران حکومت یہ محسوس کرے کہ ان تدابیر پر عمل نہیں ہو رہا یا متاثرین کی تعداد برھ گئی ہے تو حکومت دوسرے شعبوں کی طرح مساجد اور امام بارگاہوں کے بارے میں فیصلوں پر نظر ثانی کرے گی۔ان کا مزید کہنا تھا کہ اس بات کا بھی حکومت کو اختیار ہے کہ شدید متاثرہ علاقوں میں وہاں کے احکامات اور پالیسی کو بدل دیا جائے۔

کراچی :مساجد کھولنے سے کورونا تیزی سے پھیلے گا: ڈاکٹرزکا اعلان ،جوکرے گا احتیاط ،پائے گا امان ،اطلاعات کے مطابق انڈس اسپتال کے چیئرمین ڈاکٹر عبدالباری نے خبر دار کیا ہے کہ مساجد کھولنے سے کورونا وائرس بہت تیزی سے پھیلے گا۔

ڈاکٹر عبدالباری کا کہنا ہے کہ ڈیڑھ مہینےمیں جتنے کیسز رپورٹ ہوئے وہ پانچ دن میں ڈبل ہو گئے جب کہ کورونا کا پیک مئی کےتیسرے ہفتے میں ہو گا۔انہوں نے کہا کہ مساجد کھولنے سے کورونا تیزی سے پھیلے گا لہذا علمائے کرام سے اپیل ہے کہ اپنے فیصلے پر نظر ثانی کریں، تراویح ،سنتیں گھر پر پڑھ لیں۔

ڈاکٹر باری کا کہنا ہے کہ مجمع مارکیٹ میں ہو، دکانوں میں یا کسی ہال میں یا مسجد میں اسے ہر صورت روکنا ہو گا۔ان کا کہنا ہے کہ فرنٹ لائن پر عوام ہیں، ڈاکٹر اور عملہ متاثر ہوا تو کوئی نہیں سنبھال سکے گا کیونکہ ہیلتھ انفرا اسٹرکچر کمزور ہے۔

ڈاکٹرقیصرسجاد کہتے ہیں کہ حکومت کو لاک ڈاون میں نرمی نہیں دینی چاہیے تھی ، ان کا کہنا تھا کہ اگرہم کرونا کی تباہ کاریوں سے بچنا چاہتے ہیں تو ایس ا وپیز پرعمل کرنا ہوگا

خیال رہے کہ پاکستان، برطانیہ اور سعودی عرب سے مختلف ماہرین نے علمائے کرام اور حکومت کو ایک خط لکھا ہے جس میں اپیل کی گئی ہے کہ علمائے کرام مساجد میں باجماعت نماز اور تراویح کے اپنے فیصلے پر نظر ثانی کریں۔