Category: کرونا اپڈیٹس

اسلام آباد: یاری میں عیّاری دیکھی یاربنانا چھوڑدیئے ، عرب ممالک نے بھارت سے دوستی کی پینگیں ختم کردیں،کیاہونے جارہا ہے ، اہم خبرآگئی،اطلاعات کےمطابق سعودی عرب ، متحدہ عرب امارات اوردیگر خلیجی ملکوں کی بھارت کے ساتھ محبت کی پینگیں ہندوتوا کے تعصب سے ٹوٹتی نظر آرہی ہیں۔کورونا وائس پرمسلمانوں کے ساتھ ہندوؤں کے تعصب نے سعودی عرب اورامارات کی آنکھیں کھول دی ہیں۔

واضح رہے گزشتہ سال اگست میں متحدہ عرب امارات نے بھارتی وزیراعظم نریندرمودی کو بلا کر اپنے ملک کا سب سے بڑا سول ایوارڈ دیا تھا۔پاکستان نے خاموشی کے ساتھ اس بات پر احتجاج کیا تھا اور باورکرایا تھا کہ مودی سرکارکس حد تک مقبوضہ کشمیر میں انسانی حقوق کی خلاف ورزیوں میں ملوث ہے۔پاکستان کے ساتھ دیرینہ سٹریٹجک تعلقات کے باوجود یواے ای حکومت نے اس احتجاج کودرخوراعتنا نہیں سمجھا تھا۔ایسا ہی سعودی عرب کا معاملہ تھا،گزشتہ سال ولی عہد محمد بن سلمان پاکستان کا دورہ مکمل کرکے بھارت گئے تو وہاں انہوں نے نریندرمودی کو اپنا بڑا بھائی کہا تھا۔

بھارت نے بھی چالاکی سے خلیج میں اپنے مفادات کو فروغ دیا۔اب جب کورونا وبا پھیلی ہے تو بھارت میں انتہاء پسند ہندو کھل کراسے مسلمانوں سے منسوب کررہے ہیں جس پرخلیجی ملکوں کی رگ حمیت بھی پھڑکی ہے۔بھارت کے علاوہ خلیج میں کام کرنے والے بعض ہندوؤں نے سوشل میڈیا پر سرعام مسلمانوں کوکورونا کے حوالے سے نشانہ بنانا شروع کیا ہے تو سعودی عرب اور امارات کو بھی بھارتی تعصب کی سمجھ آئی ہے۔

بھارت کے انتہاء پسند ہندوؤں کے ساتھ ساتھ حکمران پارٹی کے بعض سیاستدان بھی مسلمانوں کو مطعون کرنے میں لگے ہوئے ہیں۔اس سلوک پر یواے ای کی شاہی فیملی کی رکن ہندالقسیمی نے بھارت کو تنقید کا نشانہ بنایا ہے اور بھارتی انتہاء پسندسوربھ اپدھائے کی اسلاموفوبیاکے حوالے سے زہریلے ریمارکس پر شدید مذمت کی ہے ۔

لندن: فائیو جی موبائل نیٹ ورک ٹاور کورونا وائرس کے غیرمعمولی پھیلاؤ کی وجہ، یورپ میں 5 جی ٹاور نذرِ آتش کردیئے،اطلاعات کےمطابق پوری دنیا میں سازشی نظریات والے یہ جھوٹی خبریں پھیلارہے ہیں کہ فائیو جی موبائل نیٹ ورک ٹاور کورونا وائرس کے غیرمعمولی پھیلاؤ کی وجہ ہے۔ اس کےبعد برطانیہ اور کئی یورپی ممالک سے فائیوجی ٹاور جلانے اور انہیں نقصان پہنچانے کی اطلاعات موصول ہوئی ہے۔

تازہ ترین واقعے میں ہالینڈ کے ایک شہر میں ایک شخص نے ایک ٹاور کو آتشگیر مادے سے بھسم کرنے کی کوشش کی ۔ اس سے قبل گزشتہ کئی ہفتوں سے یورپ اور برطانیہ میں سیل فون ٹاوروں کو آگ لگانے کی کوششیں کی گئی ہیں۔

اس کے بعد ان تمام ممالک میں فائیو جی ٹاوروں کی نگرانی شروع کردی گئی ہے اور معاملات کا بغور جائزہ لیا جارہا ہے۔ دوسری جانب خود کمپنیوں نے بھی ایک مہم کےذریعے اس تصور کو غلط ثابت کرنے کی بھرپور کوشش کی ہے۔ اس پر برطانیہ کی نیشنل ہیلتھ سروس کے سربراہ اسٹیفن پووِس نے کہا ہے کہ وہ سخت رنج میں ہیں کیونکہ صحت کےلحاظ ایک ہنگامی صورتحال ہے اور اس میں انفراسٹرکچر کو نقصان پہنچایا جارہا ہے۔

صرف برطانیہ میں کم سے کم 50 واقعات ایسے ہوئے ہیں جن میں ٹاوروں کو آگ لگانے کی کوشش کی گئی ہے اور انہیں نقصان پہنچایا گیا ہے اور اس سے وابستہ عملے پر 80 سے زائد حملے کئے گئے ہیں۔ اس کے علاوہ ہالینڈ میں فائیو جی کے 16 عدد ٹاوروں کو آگ لگائی گئی ہے۔ اس کے علاوہ آئرلینڈ، قبرص اور بیلجیئم میں بھی ایسے واقعات رونما ہوئے ہیں۔

بعض لوگوں کا یہ کہنا بھی ہے کہ فائیو جی ٹاور سے کینسر پھیل رہا ہے۔ اس کے علاوہ اب یورپ میں اسے سوشل میڈیا مہم کا درجہ حاصل ہوچکا ہے جس میں یہ دعویٰ بھی کیا گیا ہے کہ کورونا وائرس خود فائیو جی ٹاور کی وجہ سے پیدا ہوا ہے۔

برطانیہ میں ایک تنظیم سینٹرفارلیکٹرواسموگ پرویوینشن کے سربراہ سوسن برنچمین کہتی ہیں کہ برقناطیسی شعاعوں سے آلودگی پھیل رہی ہے۔ ان کا کہنا ہے کہ فائیوجی ٹاور کو تباہ کردینا چاہیے کیونکہ یہ بہت نقصاندہ ہیں۔

دوسری جانب سویڈن میں سائی پروف نامی سائنسی تنظٰم کے سربراہ مارٹل سمکو نے کہا ہے کہ فائیو جی اور اس سے قبل کی پرانی ٹیکنالوجی سے امنیاتی نظام یا کسی بیماری کے کوئی ثبوت نہیں ملے ہیں اور سازشی نظریات والوں کا واویلا جھوٹا ہے۔

امریکی ریاست نے چین کے خلاف مقدمہ دائر کردیا

باغی ٹی وی :چین کے خلاف امریکا اور دوسری طاقتوں کا گھیرا تنگ ہونے لگا .، امریکی ریاست میسوری نے کورنا وائرس کے معاملے پر لاپرواہی برتنے پر چین کی حکومت پر مقدمہ دائر کر دیا ہے۔

امریکی ریاست میسوری نے الزام عائد کیا ہے کہ چینی حکومت کے عہدے دار عالمی وبائی مرض پھیلانے کے ذمہ دار ہیں۔مقدمہ ریاست میسوری کے اعلی وکلا کے ذریعے وفاقی عدالت میں دائر کیا گیا۔ریاست میسوری کے اٹارنی جنرل ایرک شیمٹ نے عدالت میں ایک تحریر ی بیان کہا ہے چینی حکومت نے کورونا وائرس کے خطرات اور متعدی نوعیت کے بارے دنیا سے جھوٹ بولا۔

دائر کی گئ یدرخواست میں موقف اختیار کیا گیا ہے کہ چینی حکومت ریاست میسوری کے امریکی شہریوں سمیت دنیا بھر میں ہونے والی بڑے پیمانے اموات، مصائب اور معاشی نقصان کی ذمہ دار ہے لہٰذا ان کے خلاف قانونی کارروائی کی جائے۔
درخواست میں یہ بھی کہا گیا ہے کہ چینی حکومت نے کورونا وائرس کے خطرات کے بارے جھوٹ بولا اور اس کے پھیلاؤ کو ظاہرکرنے کے لیے کافی کام نہیں کیا۔اٹارنی جنرل کی جانب سے دائر درخواست میں کہا گیا ہے کہ چین نے دینا میں کورونا وائرس کے پھیلاؤ کو روکنے کے لیے آگاہی فراہم کرنے کے بجائے خاموشی اختیار کیے رکھی، چینی حکومت کو ان کے اعمال کے لیے جوابد ہ ہونا چاہیے۔

واضح‌رہے کہ امریکا کورونا وائرس سے سب سے زیادہ متاثرہ ملک ہے جہاں ناصرف کورونا مریض بلکہ اس سے ہلاکتیں بھی دنیا کے تمام ممالک میں سب سے زیادہ ہیں۔

امریکا میں کورونا وائرس سے مجموعی ہلاکتیں 45 ہزار 340 ہو گئیں جبکہ اس سے بیمار ہونے والوں کی مجموعی تعداد 8 لاکھ 19 ہزار 164 ہو گئی ہے۔

امریکا کے اسپتالوں میں 6 لاکھ 90 ہزار 851 کورونا مریض زیرِ علاج ہیں جن میں سے 14 ہزار 16 کی حالت تشویش ناک ہے جبکہ 82 ہزار 973 کورونا مریض اللّٰہ تعالیٰ کی رحمت سے اب تک شفا یاب ہو چکے ہیں۔

کرونا وائرس، امریکہ میں نرسز نے حکومت کے خلاف درخواست دائر کر دی

باغی ٹی وی کی رپورٹ کے مطابق کرونا وائرس سے بچاؤ کے لئے حفاظتی کٹس نہ ملنے پر نرسوں نے حکومت کے خلاف عدالت میں درخواست دائر کر دی ہے

غیر ملکی خبر رساں ادارے کے مطابق نیویارک کی نرسوں نے امریکی محکمہ صحت اور دو ہسپتالوں کے خلاف کاروائی کے لئے درخواست عدالت میں دائر کی ہے جس میں کہا گیا ہے کہ حکومت نے کرونا سے بچاؤ کے لئے طبی عملے کو حفاطتی سامان فراہم نہیں کیا

نیویارک میں 9500 سے زائد نرسز میں کرونا وائرس کی تشخیص ہو چکی ہے جبکہ 11 کی ہلاکت ہوچکی ہے۔ نیویارک کے مختلف اسپتالوں میں کام کرنے والی متعدد نرسز سڑکوں پر نکلیں اور احتجاج کیا، نرسوں نے پلے کارڈ اٹھائے ہوئے تھے جس میں حکومت، محکمہ صحت اور اسپتالوں پر شدید تنقید کی گئی تھی۔ ایک نرس نے پلے کارڈ اٹھا رکھا تھا جس میں لکھا تھا کہ بغیر ہتھیاروں کے جنگ پر مت بھیجو۔

احتجاج کرنے والی نرسز میں سے ایک نے میڈیا نمائندے سے گفتگو کرتے ہوئے کہا کہ کوروناوائرس کے مریضوں سے نرسز کا تعلق براہِ راست ہوتا ہے۔ میڈیکل عملے کی حفاظت حکومت کی اولین ترجیح ہونی چاہیے اور انہیں حفاظتی سامان مہیا کرنا چاہیے۔ حفاظتی گاؤن اور دیگر سامان کی کمی کے باعث ہم کوڑے دان میں استعمال ہونے والے بیگز پہننے پر مجبور ہیں۔

نیو یارک کے گورنر اینڈریو کومو کا کہنا ہے کہ گذشتہ 24 گھنٹوں کے دوران نیو یارک ریاست میں 478 اموات ہوئیں جو دو ہفتوں کے دوران ہونے والی کم ترین تعداد ہے۔ وائرس کے متاثرین میں سے صرف سات فیصد افراد کا تعلق نیویارک شہر سے باقی کا باہر سے ہے۔ ریاست کے آس پاس ’کچھ کاروبار‘ جلد ہی دوبارہ کھل سکتے ہیں۔

قبل ازیں کوروناوائرس کے سبب سب سے زیادہ متاثر ہونے والی امریکی ریاست نیویارک میں آن لائن شادی کی اجازت دے دی گئی ہے۔غیرملکی خبررساں ادارے کے مطابق امریکی ریاست کے گورنر نے آن لائن شادی کے حکم نامے پر دستخط کر دئیے اور اب شادی کے خواہش مند جوڑے شادی کیلئے آن لائن درخواست دے سکیں گے۔ نیویارک میں لاک ڈاون کے باعث بہت سی شادیاں منسوخ ہو چکی ہیں جس کی وجہ سے جوڑے پریشان تھے۔

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

کرونا لاک ڈاؤن، مودی کے بھارت میں خواتین اور بچوں کے ساتھ زیادتی کے واقعات میں کمی نہ آ سکی

واٹس ایپ کے ذریعے فحش پیغام بھیجنے والا ملزم ہوا گرفتار، کئے ہوش اڑا دینے والے انکشاف

شادی سے انکار، لڑکی نے کی خودکشی تو لڑکے نے بھی کیا ایسا کام کہ سب ہوئے پریشان

واضح رہے کہ امریکہ میں کوروناوائرس کے مریضوں کی تعداد 792,938 سے زائد ہے جبکہ ہلاک ہونے والے افراد کی تعداد 42,518 سے تجاوز کرچکی ہے، نیویارک سمیت امریکا کی کئی ریاستوں میں کرونا کی وجہ سے لاک ڈاؤن نافذ ہے