Category: کرونا اپڈیٹس

کراچی :افریقی ممالک میں پھنسے ملازمین کے اہلخانہ کو کراچی کس نے پہنچایا ، اہم‌خبرسے خوشی کی لہردوڑ گئی ،اطلاعات کےمطابق افریقی ممالک میں پھنسے ملازمین کے اہلخانہ کو کراچی کس نے پہنچایا ، اہم‌خبرسے خوشی کی لہردوڑ گئی ،اطلاعات کے مطابق بین الاقوامی آئل کمپنی نے دو افریقی ممالک میں پھنسے اپنے ملازمین کے اہلخانہ کے 30 افراد کو خصوصی پروازوں کے ذریعے کراچی پہنچا دیا۔

سول ایوی ایشن ذرائع کے مطابق انگولا کے دارالحکومت لوانڈا سے 14 خواتین اور بچوں کو لے کر خصوصی چارٹر پرواز بی ایف وائی 250 اتوار کی دوپہر کراچی کے جناح انٹرنیشنل ائیرپورٹ پہنچی۔ ذرائع کے مطابق اسی آئل کمپنی کے ملازمین کی فیملیز کے 16 دیگر افراد کو ایک اور چارٹرڈ فلائٹ بی ایف اے 252 سے پونٹا نیگرا ائیرپورٹ سے پاکستان روانہ کیا گیا، یہ پرواز اتوار کی صبح 4 بج کر 45 منٹ پر کراچی پہنچی۔

جناح انٹرنیشنل ائیرپورٹ پر تمام مسافروں کی سول ایوی ایشن اتھارٹی اور محکمہ صحت سندھ کے عملے نے کورونا وائرس کی اسکریننگ کی۔ مکمل طبی جانچ پڑتال اور کلیئرنس کے بعد تمام مسافروں کو ائیرپورٹ پر واقع نجی ہوٹل منتقل کر دیا گیا ہے، جہاں ہوٹل کے ایک مخصوص حصے کو قریطینہ سینٹر کا درجہ دیا جا چکا ہے۔

گزشتہ شام جکارتہ سے کراچی پہنچنے والی پرواز کے 57 مسافر بھی اپنے خرچے پر 48 گھنٹے کے لیے آئسولیشن میں ہیں جن کی نگرانی کے لیے پولیس تعینات کی گئی ہے۔

اسلام آباد: ذخیرہ اندوزی کرنے والا کتنے سال جیل میں گزارے گا ؟وزیرقانون نے بتادیا،سخت سزاؤں کا آرڈیننس نافذ،اطلاعات کےمطابق وفاقی وزیر قانون فروغ نسیم نے کہا ہے کہ ذخیرہ اندوزی کو مجرمانہ فعل قرار دے دیا گیا ہے جس میں ملوث افراد کو سخت سزاؤں کا سامنا کرنا پڑے گا۔

اسلام آباد میں پریس انفارمیشن ڈپارٹمنٹ میں پریس کانفرنس کرتے ہوئے ان کا کہنا تھا کہ کووِڈ 19 کے پیشِ نظر حکومت نے تعمیرانی شعبے اور مختلف چیزوں کے حوالے سے بڑے اعلانات کیے گئے۔ساتھ ہی حکومت میں ذخیرہ اندوزی کے خلاف آرڈیننس تیار کیا ہے جس کی صدر مملکت نے منظوری دے دی ہے۔

آرڈیننس کے چیدہ چیدہ نکات سے آگاہ کرتے ہوئے انہوں نے بتایا جو کوئی بھی آٹا، گندم، چینی،گڑ، گھی، دستانوں، ماسکس، سینیٹائزرز وغیرہ کی ذخیرہ اندوزی کرے اس کے سخت سزائیں مقرر کی گئیں ہیں۔سزاؤں کی تفصیلات بتاتے ہوئے انہوں نے کہا کہ ملوث افراد کو 3 سال قید، سمری ٹرائل اور ذخیرہ کی گئی اشیا کی مالیت کا نصف حصہ جرمانہ کیا جائے گا ساتھ ہی سامان بھی ضبط کرلیا جائے گا۔

وزیرقانون نے کہا کہ قانون بنا دیا گیا ہے اور ساتھ ہی اس پر عملدرآمد بھی شروع کردیا ہے۔اس کے علاوہ انسداد اسمگلنگ آرڈیننس بھی تیار کرلیا گیا ہے جسے وزیراعظم کے دفتر بھجوادیا گیا ہے جہاں اس پر غور کیا جارہا ہے اور آئندہ 2 سے 3 روز میں اسے بھی حتمی شکل دے دی جائے گی۔

انسداد اسمگلنگ آرڈیننس کی تفصیلات سے آگاہ کرتے ہوئے انہوں نے کہا کہ غیر اعلانیہ راستوں سے پاکستان سے باہر ڈالر کی اسمگلنگ کی روک تھام اور گندم، چینی، آلو وغیرہ کی سمگلنگ عوامی مفاد کے خلاف ہے اور وبائی صورتحال میں ضروری ہے کہ ان تمام اشیا کی غیر اعلانیہ راستوں سے اسمگلنگ روکی جائے۔

وزیر قانون کا کہنا تھا کہ اس آرڈینسس میں فوکل پوائنٹ محکمہ کسٹم ہے لیکن فیڈرل بورڈ آف ریونیو کسی بھی ادارے مثلاً آئی ایس آئی، ایم آئی، لیویز، کوسٹڑ گارڈز، ایف آئی اے یا آئی بی کو معاونت کے لیے اختیار دے سکتا ہے۔

آرڈیننس کی تفصیلات بتاتے ہوئے انہوں نے مزید کہا کہ چونکہ ضلعی انتظامیہ کے پاس خاصی معلومات ہوتی ہے لہٰذا ضلعی انتظامیہ یا کسی بھی شخص کے پاس اگر کوئی معلومات ہو تو وہ متعلقہ شخص کو معلومات فراہم کرے جس کی نقل سیکریٹری قانون کو ارسال کی جائے گی۔

جس کے بعد سیکریٹری قانون اس بات کا جائزہ لیں گے کہ معلومات فراہم کرنے کی صورت میں متعلقہ ادارے نے اس پر کام کیا یا نہیں اور ایک رپورٹ تیار کر کے جواب دہی کریں گے جس کے بعد اس محکمے کو متعلقہ افسران کے خلاف کارروائی کی ہدایت کی جائے گی۔

انہوں نےبتایا کہ ذخیرہ اندوزی کے آرڈیننس میں ذخیرہ اندوزی کے ذریعے مارکیٹ میں ساز باز کرنے کو مجرمانہ فعل قرار دے دیا گیا ہے۔وزیر قانون نے بتایا کہ ذخیرہ اندوزی والے آرڈیننس کے تحت سمری ٹرائل مجیسٹریٹ کریں گے جبکہ اسمگلنگ کے خلاف سمری ٹرائل خصوصی جج کریں گے جنہیں چیف جسٹس کی مشاورت سے تعینات کیا جائے گا۔

لاہور:میاں صاحب آکرمل ہی جائیں ، کچھ رازونیاز کی باتیں ہوجائیں ،نیب :نہیں آپ گرفتارکرکے جیل میں ڈال دیں گے،ڈرلگتا ہے شہباز شریف کے میڈیا کے ذریعے الزامات ، ادھر نیب نے پھر میاں شہباز شریف کو یاد فرمایا ہے کہ میاں صاحب مہربانی ہوگی اگریہ بتادیں کہ اتنا مال بنایا کیسے؟کتنا لگایا اورکتنا کھایا؟ نیب کی مودبانہ گزارش،اطلاعات کے مطابق قومی احتساب بیورو (نیب) نے آمدن سے زائد اثاثہ جات کیس میں مسلم لیگ (ن) کے صدر اور قومی اسمبلی میں اپوزیشن لیڈر شہباز شریف کو دوبارہ طلبی کا نوٹس جاری کردیا۔

نیب لاہور کی جانب سے ملزم شہباز شریف کے جواب کے پیش نظر تمام حفاظتی اقدامت کے ساتھ انہیں 22 اپریل دن 12 بجے نیب ٹیم کے روبرو پیش ہونے کا نوٹس ارسال کیا گیا۔ارسال کردہ نوٹس میں نیب نے شہباز شریف کو یقین دہانی کروائی کہ کورونا وائرس کے پیش نظر مکمل حفاظتی اقدامات اختیار کئے جائیں گے۔اس حوالے سے نیب ذرائع نے بتایا کہ آمدن سے زائد اثاثہ جات کیس کی انکوائری آخری مراحل میں داخل ہوچکی ہے اور شہباز شریف سے سوالات کے جواب انتہائی ضروری ہیں۔

نیب آفس لاہور نے بتایا کہ نیب لاہور میں پیشی کے موقع پر سماجی فاصلے کے مد نظر رکھا جائے گا اور نیب ٹیم محتاط رویہ اختیار رکھے گی۔واضح رہے کہ نیب نے شہباز شریف کو 17 اپریل کو طلب کیا تھا تاہم مسلم لیگ (ن) کے صدر نے پیشی والے دن ہی منی لانڈرنگ کیس میں نیب کے سامنے پیش ہونے کے لیے مہلت مانگ لی تھی۔

ذرائع کے مطابق اس حوالے سے شہباز شریف کی جانب سے نیب کو دیے گئے جواب میں کہا گیا تھا کہ طبی ماہرین نے انہیں مشورہ دیا کہ کووڈ 19 سے جڑے جان لیوا خطرات کے پیش نظر وہ اپنی نقل و حرکت محدود رکھیں کیونکہ وہ کینسر جیسے مرض سے لڑچکے ہیں۔نیب نے شہباز شریف کو مذکورہ کیس میں اپنے غٰیر ملکی اثاثوں اور دیگر کاروبار کی مکمل تفصیل فراہم کرنے کے لیے طلب کیا تھا۔تاہم اب دوبارہ نیب کی جانب سے طلبی نوٹس میں شہباز شریف کو ضروری احتیاطی تدابیر اختیار کرتے ہوئے پیش ہونے کی ہدایت کی گئی۔

شہباز شریف کو بھیجے گئے حالیہ سوالنامے میں نیب نے کہا تھا کہ مسلم لیگ (ن) کے صدر کو سوالناموں کے ساتھ طلبی کے مختلف نوٹسز جاری کیے گئے تاہم ان کا جواب ‘غیر تسلی بخش، نامکمل اور مبہم’ تھا۔ساتھ ہی شہباز شریف سے یہ بھی کہا گیا تھا کہ وہ اپنے کاروبار کی آمدنی سے متعلق مکمل تفصیلات فراہم کریں جو انہوں نے فیڈرل بورڈ آف ریونیو کے سامنے ظاہر کی ہیں۔

مزید یہ کہ جتنے عرصہ ان کے ماڈل ٹاؤن کی رہائش گاہ کیمپ آفس رہی اس دوران ان کی سرمایہ کاری، اس کے حجم اور اخراجات کے بارے میں بھی آگاہ کریں۔

نیب کے سامنے پیش نہ ہونے کی وجوبات بتاتے ہوئے شہباز شریف نے لکھا تھا کہ میں کینسر سے بچ جانے والا 69 سالہ شخص ہوں اور اسی وجہ سے میری مدافعت کمزور ہے اور طبی ماہرین نے مجھے نقل و حمل محدود کرنے کا کہا ہے کیونکہ کورونا وائرس کی وجہ سے زندگی کو خطرات لاحق ہیں۔ساتھ ہی انہوں نے کہا تھا کہ جو ڈیٹا نیب نے مانگا ہے وہ لاک ڈاؤن کی وجہ سے دستیاب نہیں ہے۔

خیال رہے کہ 2018 میں طبی ماہرین نے نام ظاہر نہ کرنے کی شرط پر ڈان کو بتایا تھا کہ کچھ سال قبل شہباز شریف کا اپینڈیکولر اڈینوکارسینوما (ایک کینسر ٹیومر) کا علاج کیا گیا تھا۔اس وقت سامنے آنے والی میڈیکل رپورٹس کے مطابق شہباز شریف کو گردوں کے انفیکشن کا بتایا گیا تھا اور ان کے سینے میں ایک لمپ نوڈ تھی اور ان کے کینسر کے دوبارہ پھیلنے کے امکانات تھے۔

لاہور:یہ ماننا پڑے گا کہ عمران خان کوسمندرپارپاکستانیوں کی بڑی فکرہے ، تھبی تو بہت بڑاکام کردکھایا،مبشرلقمان کی طرف سے خراج تحسین ،باغی ٹی وی کے مطابق وزیراعظم پاکستان عمران خان کی طرف سے بیرون ممالک میں پھنسے پاکستانیوں کو واپس وطن لانے کے لیے جودلیرانہ فیصلہ کیا ہے اس پرجہاں سمندرپارپھنسے پاکستانی دعائیں دے رہیں اورخوش ہیں وہیں معروف صحافی ،سنیئرتجزیہ نگارمبشرلقمان بھی عمران خان کی ان کوششوں پرخراج تحسین پیش کرتے ہیں

Due to the great effort by #PMIK and #CEO #PIA AM a special flight pk8962 B777 LR will be operating to the great Australian city of Melbourne to bring back hundreds of stranded Pakistanis mostly student to bring back to Pakistan. Operating capt Nasir Aziz and capt Naeem Zaman.

— Mubasher Lucman (@mubasherlucman) April 19, 2020

جب بھی سنیئرصحافی مبشرلقمان سماجی رابطے کی ویب سائٹ ٹویٹرپرآکراپنا پیغام اہل وطن کے گوش گزارکرتے ہیں ،حسب روایت آج بھی انہوں‌نے ٹویٹرپرآکراپنا پیغام ریکارڈ کروایا اورآسٹریلیا میں پھنسے ہوئے پاکستانیوں کو وطن واپس لانے کے لیے جو فیصلہ کیا اس پرخراج تحسین پیش کیا

مبشرلقمان آسٹریلیامیں پھنسے ہوئے پاکستانیوں کو واپس لانے کے لیے جو حکومت کی طرف سے پروازیں بھیجنے کا اعلان کیا ہے اس کی تفصیلات بتاتے ہوئے کہتے ہیں کہ pk8962 B777 کے ذریعے آسٹریلیا کے شہرملبورن اورنواح میں پھنسے ہوئے پاکستانیوں کو واپس لانے کے لیے وزیراعظم کی مخلصانہ کوششوں سے دل خوش ہوگیا

مبشرلقمان اس موقع پرپاکستان سول ایوی ایشن اتھارتی اورپی آئی اے کو بھی خراج تحسین پیش کرتے ہیں کہ یہ ماننا پڑے گا کہ جب دنیا بے بس ہوئی اوراپنے اپنے گھروں تک محصورہوگئی ہمارے ہونہار پائیلٹ جانوں کی پرواہ کیئے بغیراپنے عزیز ہم وطنوں کو دیارغیرسے واپس لارہے ہیں یہ بھی ایک نیکی سے کم نہیں‌، انہوں نے آسٹریلیا جانے والے پائیلٹ کیپٹن ناصر عزیز اور نعیم زمان کا بھی ذکر خیر کیا

یاد رہے کہ آج قومی ایئر لائن نے جرمنی، آسٹریلیا اور کوریا میں کرونا وائرس کی وبا کی وجہ سے پھنسے پاکستانیوں کو وطن واپس لانے کے لیے خصوصی پروازیں آپریٹ کرنے کا شیڈول ترتیب دے دیا ہے۔وزیر اعظم اور سی ای او پی آئی اے کی کاوش کی وجہ سے ایک خصوصی پرواز 8962 سے آسٹریلیا کے معروف شہر میلبورن میں جائے گاتاکہ سیکڑوں پھنسے ہوئے پاکستانیوں کو واپس لایا جا سکے جو زیادہ تر طالب علم ہیں۔اس سلسلے میں کیپٹن ناصر عزیز اور نعیم زمان کو ذمہ داریاں‌سونپی گئی ہیں.

پی آئی اے بیرون ملک پھنسے پاکستانیوں کو وطن واپس لانے کے لیے بڑا فیصلہ کرتے ہوئے پہلی مرتبہ آسٹریلیا اور کوریا کے شہر سیئول کے لیے خصوصی پروازیں آپریٹ کرے گی، جرمنی کے لیے بھی خصوصی پرواز آپریٹ کی جائے گی۔

پی آئی اے کی خصوصی پروازیں 23، 24 اور 25 اپریل کے درمیان اسلام آباد سے روانہ ہوں گی، قومی ایئر لائن کی خصوصی پرواز پی کے 8962 اسلام آباد سے میلبرن کے لیے روانہ ہوگی، جو آسٹریلیا میں محصور 200 سے زائد ہم وطنوں کو لے کر پاکستان آئے گی۔

واشنگٹن:جسے طعنے دیتے ہیں مخالف،وہ شاہسوار ہے امیدوں کا ،زلفی بخاری وہ کردکھاتا ہے جوکوئی تصوربھی نہیں کرپاتا،سمندرپارپاکستانی دعائیں دینے لگے،اطلاعات کے مطابق ملک میں غیر ملکی پروازوں پر پابندی کے باوجود پاکستان کچھ ایئر لائنز کو بیرونِ ملک پھنسے ہوئے پاکستانیوں کو واپس لانے کی اجازت دے گا۔

امریکا میں موجود پاکستانی صحافیوں سے الیکٹرونک نیوز کانفرنس میں بات کرتے ہوئے وزیراعظم کے معاون خصوصی برائے سمندر پار پاکستانی ذوالفقار بخاری المعروف زلفی بخاری نے کہا کہ کورونا وبا کے دوران جو پاکستانی ہلاک ہوئے ان کی پاکستان میں تدفین کے لیے حکومت سہولت فراہم کرے گی۔خیال رہے کہ امریکا میں کورونا وائرس سے مرنے والے 40 ہزار افراد میں 100 سے زائد پاکستانی بھی شامل ہیں جبکہ امریکا میں کورونا کیسز کی تعداد 7 لاکھ 20 ہزار سے تجاوز کرچکی ہے۔

زلفی بخاری نے امریکا میں پھنسے ہوئے پاکستانیوں کو قطر ایئرویز کے ذریعے دوحہ پہنچنے کا مشورہ دیا جہاں سے حکومت انہیں وطن واپس لانے کے خصوصی انتطامات کررہی ہے۔اسی نیوز کانفرنس میں بات کرتے ہوئے پاکستانی سفیر اسد مجید خان کا کہنا تھا کہ ’ہم مختلف آپشنز پر غور کررہے ہیں اور جلد فیصلہ کرلیا جائے گا۔دوسری جانب امریکا مصری ایئرلائن ایجپٹ ایئر کےطیارے چارٹر کر کے پاکستان سے ہزاروں امریکیوں کو واپس لاچکا ہے۔

مشیر سمندر پار پاکستانی کا کہنا تھا کہ ممکن تھا کہ واشنگٹن پی آئی اے کے طیارے چارٹر کرتا لیکن ان طیاروں کو پاکستانیوں کو واپس لانے کی شاید اجازت نہیں ملتی۔انہوں نے بتایا کہ ’بیرونِ ملک پھنسے پاکستانیوں کے لیے قطر سے ہر ہفتے متعدد پروازیں چلائی جارہی ہیں‘۔

زلفی بخاری کا مزید کہنا تھا کہ ایران سے بذریعہ تفتان بارڈر وطن واپس آنے والے زائرین نے پاکستان میں کورونا وائرس نہیں پھیلایا بلکہ ’ایران اور سعودی عرب سے جہاز کے ذریعے واپس آنے والے کچھ مسافروں وائرس سے متاثرہ تھے لیکن وہ نہیں جو تفتان بارڈر کے ذریعے آئے‘۔انہوں نے پاکستانی نژاد امریکیوں سے اظہار تعزیت میں تاخیر پر معذرت کی اور کہا کہ ’وزیراعظم چاہتے تھے لیکن نہیں کرسکے کیوں کہ ہم امریکا میں وائرس کے باعث پاکستانیوں کی اموات کی مصدقہ اطلاعات کا انتظار کررہے تھے‘۔

زلفی بخاری کہتے ہیں کہ ’اب ہم صورتحال سے آگاہ ہیں اور جو بھی تعاون کرسکے وہ کرنے کے لیے تیار ہیں‘۔اس موقع پر قونصل جنرل عائشہ علی نے بتایا کہ قونصل خانے نے امریکا میں پھنسے پاکستانیوں کے سفر کی توثیق اور دستاویزات کے لیے انتظامات کرلیے ہیں۔

ان کا مزید کہنا تھا کہ قونصل خانہ ان کے لیے بھی کام کرے گا جو اپنے پیاروں کی لاشیں وطن بھجواناچاہتے ہیں اور ’جنہیں مالی امداد کی ضرورت ہے ان کے ساتھ بھی تعاون کیا جائے گا‘۔