Category: کرونا اپڈیٹس

چین نے کرونا کو دی شکست، ووہان میں 76 روز بعد لاک ڈاؤن ختم

باغی ٹی وی کی رپورٹ کے مطابق چین نے کرونا وائرس کو شکست دے دی، 76 روزہ لاک ڈاؤن کے بعد ووہان شہر کا لاک ڈاؤن ختم کر دیا گیا

غیر ملکی خبر رساں ادارے کے مطابق گزشہ برس دسمبر 2019 سے چین کے انڈسٹریل شہر ووہان سے پھیلنے والے خطرناک کرونا وائرس نے دنیا بھر کو لپیٹ میں لے لیا تھا،کرونا کا پہلا مریض ووہان میں سامنے آیا تھا جس کے بعد اب دنیا بھر میں لاکھوں افراد کرونا سے متاثر ہو چکے ہیں

ووہان میں کرونا پھیلنے کے بعد چین نے ووہان میں لاک ڈاؤن کر دیا تھا اور ووہان کے ساتھ فضائی اور زمینی رابطے منقطع کر دئے تھے،چین نے 23 جنوری کو ہوبی صوبے کے شہر ووہان کا لاک ڈاؤن کیا تھا جسے 76 روز بعد ختم کیا گیا تھا کیونکہ اب ووہان میں وائرس پر مکمل طور پر قابو پایا جاچکا ہے۔

ووہان میں لاک ڈاؤن ختم ہونے پر ووہان میں مڈنائٹ لائٹ شو کا اہتمام کیا گیا۔ ووہان میں اندرون ملک پروازیں بحال ہونے پر ائیرپورٹس پر رش بڑھ گیا۔ ٹرین سروس بھی بحال ہو گئی، اسٹیشن پر لوگوں کی بڑی تعداد نظر آئی۔ ہائی وے کی رونق بھی بحال ہو گئی۔

کرونا وائرس سے چین میں 3331 افراد ہلاک اور 81 ہزار آٹھ سو افراد بیمار ہوئے۔ 77 ہزار 879 افراد صحت یاب ہو گئے۔ اس وقت گیارہ سو نوے چینی زیر علاج ہیں۔ خیال رہے کہ ووہان پہلا شہر تھا جہاں جان لیوا کرونا وائرس کا پہلا کیس رپورٹ ہوا تھا اور اب اس نے دنیا بھر کے 14 لاکھ سے زائد افراد کو متاثر کرچکا ہے.

چین نے اگرچہ کرونا وائرس پر کنٹرول کر لیا ہے ، چین کی کرونا کے خلاف جنگ کو دنیا تسلیم کر رہی ہے اسی لئے امریکی صدر ڈونلڈ ٹرمپ اور سعودی عرب کے فرماںروا شاہ سلمان سمیت متعدد ممالک نے چین سے کرونا سے نمٹنے کے لئے مدد مانگی ہے،چین میں آئے روز ہلاکتوں کی تعداد میں کمی ہو رہی ہے، چین مختلف شہروں سے لاک ڈاؤن بھی ہٹاتا جا رہا ہے تا ہم سائنسدانوں نے چین کے لئے خطرے کی گھنٹی بجا دی ہے

ایک سائنسی میگزین ‘نیچر’ میں شائع ہونے والے رپورٹ کے مطابق ہانگ کانگ یونیورسٹی کے وبائی امراض کے ماہر بین کاؤلنگ نے کہا ہے کہ چین کے لئے یہ وقت لاک ڈاؤن ختم کرنے اور کچھ آرام کرنے کا ہے تا ہم اس بات کا قوی امکان ہے کہ کرونا وائرس کی ایک اور لہر آئے گی، اپریل کے آخر تک چین میں پھر کرونا وائرس بڑی تعداد میں پھیل چکا ہو گا،

بین کاؤلنگ کا مزید کہنا تھا کہ کورونا وائرس چین کے صوبہ ہوبئی کے ووہان شہر سے نکل کر پورے چین اور پھر یورپی ممالک اور امریکہ تک پھیل گیا۔ جس کے بعد پوری دنیا میں فضائی آپریشن بند ہو گئے، ملکوں نے اپنی سرحدیں بند کر دیں، متعدد ممالک نے لاک ڈاؤن کر دیا اور اب آدھی دنیا لاک ڈاؤن میں ہے یورپ میں کرونا وائرس کے علاج کا طریقہ دیکھ کر لگ رہا ہے کہ تقریبا دو سال تک کورونا کے مریضوں کو باقی شہریوں سے الگ رکھنا پڑے گا۔ اگر ایسا نہ کیا گیا تو وہ دوسرے شہریوں کی جانیں خطرے میں ڈالیں گے

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

کرونا وائرس، بھارت میں 3 کروڑ سے زائد افراد کے بے روزگار ہونے کا خدشہ

بھارتی گلوکارہ میں کرونا ،96 اراکین پارلیمنٹ خوفزدہ،کئی سیاستدانوں گھروں میں محصور

لاک ڈاؤن کی خلاف ورزی پر کتنے عرصے کیلئے جانا پڑے گا جیل؟

کرونا وائرس، پارلیمنٹ کا مشترکہ اجلاس بلانے کا مطالبہ، رکن اسمبلی کا بیٹا بھی ووہان میں پھنسا ہوا ہے، قومی اسمبلی میں انکشاف

کرونا وائرس سے کس ملک کے فوج کے جنرل کی ہوئی موت؟

بین کاؤلنگ نے اس بات کا خدشہ ظاہر کیا کہ چین مین اب کئی شہروں میں لاک ڈاؤن ختم ہو گیا، ٹرانسپورٹ کا سسٹم معمول پر آ گیا، شہریوں کی آمدورفت شروع ہو گئی ہے، ایسے میں وہ لوگ جو کرونا سے معمولی متاثر ہیں یا جن کو ابھی تک پتہ ہی نہیں چلا کہ ان کو کرونا ہو چکا ہے اور انہوں نے ٹیسٹ نہیں کروایا ، ایسے لوگ چین میں کرونا کو ایک بار پھر پھیلا سکتے ہیں، اس ضمن میں چین کو ابھی بھی احتیاط کی ضرورت ہے

کرونا وائرس، دنیا بھر میں ہلاکتیں 82 ہزار سے زیادہ ہو گئیں
باغی ٹی وی کی رپورٹ کے مطابق دنیا بھر میں کورونا سے ہلاکتوں کی تعداد82ہزار96ہوگئی

دنیا بھر میں کورونا سے متاثرہ مریضوں کی تعداد14لاکھ31ہزار973ہوگئی،دنیا بھر میں کورونا سے متاثرہ 3لاکھ2 ہزار209مریض صحت یاب ہو گئے،کورونا وائرس سے دنیابھر میں 47ہزار895متاثرہ افراد کی صحت تشویشناک ہے،

امریکا میں کرونا وائرس سے ہلاکتوں میں اضافہ ہوا ہے، امریکا میں گزشتہ 24 گھنٹوں میں 1939 افراد ہلاک ہوئے جس کے بعد ہلاک ہونے والوں کی تعداد 12722 ہو گئی۔ امریکا میں کورونا میں مبتلا افراد کی تعداد 4 لاکھ 412 ہو گئی۔ نیو یارک میں گذشتہ 24 گھنٹوں کے دوران کورونا وائرس کے باعث 731 ہلاکتیں ہوئی ہیں۔ جو اب تک ایک دن میں ریکارڈ کی جانے والی سب سے بڑی تعداد ہے۔

کرونا وائرس دنیا کے 209 ممالک میں پھیل چکا، اٹلی میں کورونا سے دنیا میں سب سے زیادہ ہلاکتیں ہوئیں ، اتلی میں‌ کرونا وائرس سے 17 ہزار 127 افراد ہلاک ہو چکے ہیں اور ایک لاکھ 35 ہزار 586 مریض ہیں۔ اسپین میں کورونا سے 14ہزار 45 افراد ہلاک ہو چکے ہیں۔ فرانس میں کرونا وائرس سے 10 ہزار 328 افراد ہلاک ہو گئے۔ جرمنی میں کورونا سے 2 ہزار 16، ایران میں تین ہزار 872 افراد جاں بحق ہو چکے ہیں۔

کرونا وائرس سے برازیل میں بھی 688، سوئیڈن میں 591، پرتگال میں 345، کینیڈا میں 381، انڈونیشیا میں 221، آسٹریا میں 243، نیدر لینڈز میں 2101 افراد ہلاک 19 ہزار سے زائد متاثر ہیں جبکہ بھارت میں 160 افراد کو ہلاک جبکہ 5351 سے زائد متاثر ہیں۔ پاکستان میں بھی کرونا وائرس سے 58 ہلاکتیں ہو چکی ہیں.