Category: کرونا اپڈیٹس

کراچی :لاپرواہی کرنے والو سن لو !’اگر کچی آبادیوں میں وائرس پھیلا تو نظام صحت جواب دے جائے گا،مراد علی شاہ کی وارننگ،اطلاعات کے مطابق وزیراعلیٰ سندھ نے کہا ہے کہ خدانخواستہ اگر کچی آبادیوں اور پسماندہ علاقوں میں کورونا وائرس پھیل گیا تو حکومت کو سخت مشکلات پیش آئیں گی اور نظام صحت جواب دے جائے گا۔انہوں نے انکشاف کیا کہ جو 123 افراد صحت یاب ہوئے ہیں انہیں کوئی خاص دوا یا ویکسین نہیں دی گئی بلکہ یہ تنہائی اختیار کر کے صحتیاب ہوئے ہیں۔

وزیراعلیٰ سندھ مراد علی شاہ نے بتایا کہ 5 اپریل صبح 8 بجے تک 8 ہزار 931 ٹیسٹ کیے گئے جس میں سے 881 مثبت آئے جس میں سے 123 افراد صحتیاب ہوکر گھروں کو جاچکے ہیں۔تاہم خوشی کی بات یہ ہے کہ 4 اپریل سے 5 اپریل کے بیچ 24 گھنٹوں کے دوران مزید 68 مریض اس بیماری سے صحت یاب ہوئے۔

ذرائع کےمطابق اپنے ویڈیو پیغام میں مراد علی شاہ کا کہنا تھا کہ یہ افسوسناک بات یہ کہ صوبے میں اب تک 15 افراد زندگی کی بازی ہار گئے یوں اب تک وائرس کے موجودہ مریضوں کی تعدد 743 ہے۔انہوں نے بتایا کہ 743 افراد میں 380 افراد گھروں میں تنہائی اختیار کیے ہوئے ہیں 224 سرکاری آئیسولیشن سینٹرز میں زیر علاج ہیں اور تقریباً 139 مختلف ہسپتالوں میں ہیں۔

مریضوں کے حوالے سے سندھ حکومت کی حکمت عملی سے آگاہ کرتے ہوئے مراد علی شاہ کا کہنا تھا کہ جن افراد میں کورونا وائرس کی تشخیص ہو اور اگر وہ گھر میں تنہائی اختیار کرسکیں اور ان کی علامات معمولی ہوں تو انہیں گھروں میں ہی آیئسولیٹ کردیا جاتا ہے جن کی تعداد 380 ہے۔البتہ جن کے گھروں میں سہولت موجود نہ ہو اور ان سے گھر والوں کے متاثر ہونے کا خدشہ ہو تو انہیں حکومت کے بنائے گئے آئیسولیشن سینٹرز میں رکھا جاتا ہے جن کی تعداد 224 ہے۔

مراد علی شاہ نے بتایا کہ اس ریپڈ ریسپانس ٹیم میں تربیت یافتہ افراد شامل ہیں ساتھ ہی درخواست کی کہ گھروں میں رہیں اور اگر کسی کو کورونا وائرس کا شبہ ہوں تو حکومت کے دیے گئے نمبروں ہر رابطہ کریں ٹیم خود آپ کے گھر آجائے گی۔وزیراعلیٰ کا کہنا تھا کہ جب تک ٹیم آپ کے پاس نہ پہنچے آپ لوگوں سے میل جول سے گریز کریں کیوں کہ اس مرض کا علاج صرف ایک ہے اور وہ ہے سماجی فاصلہ اختیار کرنا۔

وزیراعلیٰ کا کہنا تھا کہ جب کسی مریض کی حکومت کے پاس نشاندہی ہوجاتی ہے تو پھر حکومت خود اس کا خیال کرتی ہے چاہے وہ گھر پر ہوں یا کس طبی مرکز میں۔ان کے مطابق گھر پر آئیسولیٹ کیے گئے افراد سے ڈاکٹر روز رابطہ کرتے ہیں اور اس بات کو یقینی بنایا جاتا ہے کہ وہ کسی اور کو متاثر نہ کرے۔وزیراعلیٰ سندھ نے ایک مرتبہ پھر اس بات خصوصی زور دیا کہ اس وبا سے لڑنے کا ایک ہی راستہ ہے سماجی فاصلہ اختیار کیا جائے۔

انہوں نے کہا کہ اللہ کا شکر ہے کہ اب تک کچی آبادیوں اور پسماندہ علاقوں میں کورونا وائرس کا کوئی خاص کیس سامنے نہیں آیا کیوں کہ خدانخواستہ ان علاقوں میں اگر وائرس پھیل گیا تو بہت مشکل ہوجائے گی اور ہمارا نظامِ صحت جواب دے دے گا۔ان کا کہنا تھا کہ اسی بات کو مدِ نظر رکھتے ہوئے ہم نے لاک ڈاؤن کی حکمت عملی اپنائی، دکانیں بند کیں، صنعتیں بند کی ہیں اگر ہم نے 14 اپریل تک اس لاک ڈاؤن کو کامیاب بنایا تو اس وبا کو کم کرنے میں کامیاب ہوجائیں گے۔

اسلام آباد :ملک میں کورونا وائرس کے مزید 83 کیسز، تعداد 2883 تک پہنچ گئی،اطلاعات کےمطابق کرونا وائرس کی دنیا بھرمیں تباہ کاریاں جاری ہیں ، دنیا کے دیگر حصوں کی طرح عالمی وبا کورونا وائرس کا پھیلاؤ پاکستان میں بھی جاری ہے اور روزانہ کی بنیاد پر اس سے متاثرہ مریضوں کی تعداد میں اضافہ ہورہا ہے۔

سرکاری حکام کے فراہم کردہ اعداد وشمار کے مطابق پنجاب میں کورونا وائرس کے مزید 63 کیسز رپورٹ ہوئے ہیں اور بلوچستان میں 3، گلگت بلتستان میں مزید 13 افراد کووِڈ 19 کا شکار بنے جبکہ وفاقی دارالحکومت اسلام آباد میں 3 اور کیسز سامنے آئے۔

بلوچستان
ترجمان بلوچستان حکومت لیاقت شاہوانی کے مطابق صوبے میں کورونا وائرس کے مزید 3 کیسز رپورٹ ہوئے ہیں جس کے بعد متاثرہ افراد کی مجموعی تعداد 189 ہوگئی۔ترجمان کا مزید کہنا تھا کہ 43 ٹیسٹ رپورٹس موصول ہوئے جن میں 3 مثبت اور 40 کے نتائج منفی آئے۔

پنجاب
پنجاب کے پرائمری اینڈ سکینڈری ہیلتھ کئیر ڈیپارٹمنٹ (کورونا مانیٹرنگ روم) کے ترجمان کے جاری بیان کے مطابق صوبے میں کورونا وائرس کے مزید 63 کیسز رپورٹ ہوئے ہیں جس کے بعد صوبے میں کیسز کی مجموعی تعداد 1196 ہوگئی ہے۔

اسلام آباد
سرکاری سطح پر ملک میں کورونا وائرس کیسز کے اعداد و شمار بتانے والی ویب سائٹ کے مطابق اسلام آباد میں مزید 3 نئے کیسز سامنے آئے ہیں۔وفاقی دارالحکومت میں ان 3 نئے کیسز کے سامنے آنے کے بعد تعداد 75 سے بڑھ کر 78 تک پہنچ گئی۔

گلگت بلتستان
ادھر گلگت بلتستان میں بھی مزید 13 نئے کیسز رپورٹ ہوئے، جس کے بعد وہاں تعداد 193 سے بڑھ کر 206 تک پہنچ گئی۔ان کیسز میں بیرونِ ملک سے آئے ہوئے افراد کے متاثر ہونے کے علاوہ زیادہ تر کیسز وہ ہیں جو مقامی طور پر ایک فرد سے دوسرے فرد میں منتقل ہوئے۔

خیال رہے کہ ملک میں کورونا وائرس کے پیش نظر لاک ڈاؤن اور مختلف پابندیاں عائد ہیں، جس کے تحت کاروباری مراکز، شاپنگ مالز، تعلیمی ادارے، سنیما، تفریحی مقامات، کراچی میں ساحل سمندر، اشیائے ضروریہ کے سوا دیگر دکانیں، شادی ہالز و دیگر مقامات بند ہیں۔

اعداد و شمار کے مطابق وبا سے سب سے زیادہ متاثر ہونے والا صوبہ پنجاب ہے جہاں ایک ہزار 196 افراد وائرس کا شکار ہوچکے ہیں جبکہ اموات کی تعداد 12 ہے۔اسی طرح سندھ میں متاثرین کی تعداد 830 تک پہنچ چکی ہے تاہم اس صوبے میں ہونے والی اموات ملک میں سب سے زیادہ ہیں اور یہ تعداد 14 تک پہنچ چکی ہے۔سندھ کے بعد خیبرپختوخوا ہے جہاں کیسز کی تعداد 372 تک پہنچ چکی ہے جبکہ اموات 14 ہوگئی ہیں۔

بلوچستان میں کورونا وائرس کے کیسز کی تعداد 189 ہے اور یہاں اب تک ایک شخص کورونا وائرس سے زندگی کی بازی ہارا ہے۔صوبوں کے علاوہ دیگر علاقوں کی بات کریں تو اسلام آباد میں 78 متاثرین، گلگت بلتستان میں 206 کیسز اور 3 اموات جبکہ آزاد کشمیر میں 12 افراد وائرس متاثر ہوچکے ہیں۔

تاہم ایک امید کی کرن اس وائرس سے صحتیاب ہونے والے افراد ہیں اور اب تک اس عرصے کے دوران 170 ایسے مریض ہیں جو اس وائرس کو شکست دے کر فتح یاب رہے ہیں۔

ملک بھر میں گزشتہ روز سامنے آنے والے کیسز پر نظر ڈالی جائے تو پنجاب میں ہفتہ کے روز مزید 64 کیسز، سب سے پہلے وائرس کی لپیٹ میں آنے والے صوبہ سندھ میں کوئی کیس سامنے نہیں آیا تھا، خیبر پختونخوا میں 29، بلوچستان میں10، اسلام آباد میں 7، گلگت بلتستان میں 3 اور آزاد کشمیر میں کورونا وائرس کا ایک کیس سامنے آیا تھا۔