Category: کرونا اپڈیٹس

کورونا وائرس:ثانیہ مرزا شرمیلا فاروقی کی کھانا پکانے کی ویڈیو دیکھ کربرداشت نہ کرسکیں ، کھری کھری سنا دیں۔قومی کرکٹ ٹیم کے سابق کپتان شعیب ملک کی اہلیہ و بھارتی ٹینس اسٹار ثانیہ مرزا نے سوشل میڈیا پر کھانا پکانے کی ویڈیوز اور تصویریں شیئر کرنے والوں کو کھری کھری سنا دیں۔

کورونا وائرس کے باعث جہاں دنیا بھر کی نامور شخصیات سوشل میڈیا پر اپنے خیالات کا اظہار کر رہی ہیں وہیں بھارتی ٹینس اسٹار ثانیہ مرزا نے بھی مائیکرو بلاگنگ سائٹ ٹوئٹر پر اپنے خیالات کا اظہار کیا ہے۔ثانیہ مرزا نے اپنے ٹوئٹ میں سوالیہ انداز اپناتے ہوئے لکھا کہ ’کیا ہم کھانا پکانے کی ویڈیوز اور تصاویر سوشل میڈیا پر شیئر نہیں کر چکے؟’۔

بھارتی ٹینس اسٹار نے کہا کہ ’ذرا سوچیے کہ اس دنیا میں ہزاروں ایسے لوگ موجود ہیں، خاص کر ہمارے اردگرد میں ایسے افراد موجود ہیں جو بہت سی مشکلات کا سامنا کر رہے ہیں’۔ قومی کرکٹر شعیب ملک کی اہلیہ نے مزید کہا کہ ‘ان کے بارے میں سوچیے جو بھوک سے مر رہے ہیں، وہ ایک وقت کا کھانا تلاش کرنے کے لیے جدوجہد کر رہے ہیں، اگر ان کو ایک وقت کا کھانا مل جاتا ہے تو وہ خود کو خوش قسمت سمجھتے ہیں’۔

خیال رہے کہ دنیا بھر میں عالمی وبا کورونا وائرس کے پیش نظر متعدد ممالک میں لاک ڈاؤن لگا ہوا ہے۔اس صورتحال میں گھروں مں موجود فنکار و دیگر معروف شخصیات سوشل میڈیا پر کچھ نہ کچھ کھانے پینے اورپکانے کی تصاویر اور ویڈیوز شیئر کر رہے ہیں۔

نیونیوز:نیونیوز نے بھی میڈیاورکروں کو بےروزگارکردیا ،میڈیا مالکان‌خود توکماتے ہیں لیکن ورکرکونہیں دیتے ،اطلاعات کے مطابق لاہور رنگ اور نئی بات اخبار پر مشتمل نئی بات میڈیا گروپ میں کورونا کی آڑ میں غریب کارکنوں کا معاشی قتل عام شروع کردیا گیا.

ئی بات میڈیا گروپ کے تحت نیونیوز میں لاک ڈاؤن کے دنوں میں صرف لاہور سے بیس سے پچیس افراد کو فارغ کیا گیا ہے، جنہیں یہ بہانہ کرکے گھر بٹھا دیاگیا کہ کورونا کے خطرے کے باعث گھر بیٹھو جب ضرورت ہوگی بلالیں گے لیکن ایسا ہونا نہیں ہے۔۔فارغ کئے گئے افراد میں رپورٹنگ کے شعبے سے لے کر کری ایٹیو اور دیگر شعبوں کے لوگ شامل ہیں۔۔دوسری طرف دوسری بار اس میڈیا گروپ میں سیلری پر کٹ لگایاجارہا ہے۔

ڈیڑھ سال پہلے جب میڈیا بحران نیا نیا شروع ہواتھا تو تمام کارکنان کی تنخواہوں میں سے چار دن کی سیلری کاٹنے کا زبانی حکم آیا جو بارہ سے فیصد بنتا تھا۔۔ اب نئے احکامات کے مطابق ایک لاکھ سے اوپر سیلری والوں کی پچاس فیصد، ایک لاکھ سے کم والوں کی چالیس فیصد، پچاس ہزار تک کی سیلری پر پچیس فیصد ، پچیس ہزار تک والوں کی بیس فیصد سیلری کٹ کر ملے گی۔۔جب کہ رواں سال کی جنوری اور فروری کی سیلری بھی دینے سے منع کردیاگیا ہے۔۔ حالانکہ لاک ڈاؤن مارچ کے آخر سے شروع ہوا تھا ، جنوری اور فروری میں تو کورونا اور لاک ڈاؤن کا اتنا شور بھی نہیں تھا ۔۔پپو کا کہنا ہے.

ان زبانی احکامات پر کارکنوں کا مورال بالکل ڈاؤن ہے۔۔بیوروز سے متعلق کل آپ کو بتائیں گے وہاں کیا صورتحال ہے۔۔ دریں اثنا پی ایف یوجے کے صدر جی ایم جمالی ، سیکرٹری جنرل رانا عظیم نے چیئرمین نیونیوزمیڈیا گروپ جناب چودھری عبدالرحمان کے نام ایک خط میں لکھا ہے کہ۔

”سننے میں آیا ہے کہ آپ کے ادارے کی مینجمنٹ صحافیوں کا معاشی قتل کرنے جا رہی ہے اور یہ فیصلہ ہو رہا ہے کہ جن کی سابقہ تنخواہیں ہیں ان کی تنخواہیں نہیں دی جائیں گی اور جس نے کام کرنا ہے اس کی تنخواہوں میں مزید کٹوتی کی جائے گی اگر یہ سچ ہے تو پاکستان کی صحافی برادری اسے کسی صورت قبول نہیں کرے گی۔

صحافی ہر برے وقت میں آپ کے ساتھ کھڑے ہوئے ہیں اور اگر یہی کچھ ہوا تو صحافی پھر اپنا حق لینا بھی جانتے ہیں. میں امید کرتا ہوں کہ آپ اپنے نعرے کے مطابق کہ یہ پاکستانیوں کا چینل اور پاکستان کی آواز پے اور جو آپ کہتے تھے کہ صحافی اور میں ایک ہیں اس پر قائم رہتےہوئے میجمنٹ کی اس سازش کو ناکام بنانے میں اپنا کردار ادا کریں گے اور صحافی کارکنوں کو ان کی سابقہ تنخواہیں بھی دیں گے اور کٹوتی کے عمل کو بھی روکیں گے.

میں پاکستان کی تمام صحافی برادری سے بھی درخواست کروں گا کہ وہ آپس کے اختلافات کو بھلا کر ایک پیج پر آ جائیں اس میں سب کی بقا ہے اور اگر کسی ادارے نے ایسی سازش کی تو اس ادارے کے ذمہ داران کے گھروں کی تالہ بندی کریں گے ۔جی ایم جمالی صدر پی ایف یو جے،،رانا محمد عظیم سیکرٹری جنرل پی ایف یو جے،،شہزاد حسین بٹ صدر پی یو جے،،اشرف مجید جنرل سیکرٹری پی یو جے”۔۔

علاوہ ازیں لاہور پریس کلب نے بھی نیونیوزکے ان فیصلوں پر شدید ردعمل کا اظہار کرتے ہوئے نیونیوز انتظامیہ کو اپنے فیصلے پر نظرثانی کا کہا ہے بصورت دیگر احتجاج سمیت سخت ایکشن لئے جائیں گے۔۔ سیکرٹری لاہور پریس کلب بابر ڈوگر نے اس حوالے سے جمعہ کے روز اعلامیہ بھی جاری کیا ہے۔۔