Category: کرونا اپڈیٹس

واشنگٹن :ٹرمپ جب دنیا جل رہی ہو تو آپ کیسے سکون میں رہ سکتے ہیں ، جھوٹ مت بولو، کسی کوآپ کی باتوں پریقین نہیں، امریکی گلوکارہ کا امریکی صدر‌ڈونلڈ ٹرمپ کے رویے پراظہارافسوس،اطلاعات کےمطابق معروف امریکی گلوکارہ باربرا سٹرینز نے مشکل کی اس گھڑی میں‌اپنے ہی ملک کے صدر ڈونلڈ ٹرمپ کواپنے مخصوص انداز میں جھاڑ پلا دی ہے

باربرا کہتی ہیں‌کہ آپ جو کہہ رہے ہیں میں‌اس پریقین نہیں کرسکتی ، آپ جومرضی کرلیں‌، لیکن آپ جھوٹوں سے کسی کو مطمئن نہیں کرسکتے ،باربرا کہتی ہیں کہ آپ سونے چاندی سے بڑے بڑے برج تعمیر کرسکتے ہیں‌، خیالی انداز میں یعنی خوابوں میں آسمان کی بلندیوں کو چھونے والے اونچے اونچے قلعے تعمیر کرسکتے ہیں‌

باربرا کہتی ہیں کہ مسٹر ٹرمپ آپ بہت کچھ کرسکتے ہیں لیکن جب دنیا جل رہی ہو تو آپ کیسے آرام کرسکتے ہیں‌، جب دنیا بے چین ہورہی ہے تو مسٹر ٹرمپ آپ کیسے آرام کی نیند سوسکتے ہیں ،باربرا کہتی ہیں‌کہ مجھے تو یقین نہیں ہے آپ کی باتوں پر،

وہ کہتی ہیں‌کہ وہ کیسے یقین کریں‌جب ہر طرف امریکہ کی لگائی ہوئی آگ میں‌ دنیا بھسم ہورہی ہے اورپھرامریکہ یہ تصورکرے کہ وہ اس آگ کی تپش سے محفوظ رہ پائے گا ایسا ممکن نہیں‌ہے

باربرا کہتی ہیں‌ کہ انہوں‌نے یہ گانا امریکی سیاسی بےچینی کو سامنے رکھتے ہوئے گایا ہے ، وہ یہ سمجھتی ہیں‌کہ امریکی صدرکو دنیا کے سامنے جھوٹ نہیں بولنا چاہیے ، دنیا کو بلیک میل نہیں کرنا چاہیے ، کیوںکہ دنیا اس وقت ٹرمپ کی حرکتوں سے واقف ہوچکی ہے ،

نئی دہلی: دنیا والو! کورونا وائرس سے پہلے ہمیں بھوک مار دے گی، بھارت میں روہنگیائی مسلمانوں کے کیمپوں سے آوازیں آنے لگیں‌،اطلاعات کےمطابق بھارتی کیمپوں میں مقیم روہنگیا پناہ گزینوں کا کہنا ہے کہ ہمارے کورونا وائرس سے پہلے بھوک کی وجہ سے ہلاک ہوجانے کے خدشات بڑھ گئے ہیں۔

قطر کے نشریاتی ادارے الجزیرہ کے مطابق بھارت میں 21 دن کے لاک ڈاؤن سے جہاں عام آدمی سخت پریشانی اور اضطراب میں مبتلا ہوگیا ہے وہیں روہنگیا پناہ گزین کیمپوں میں پہلے سے مرجھائی ہوئی زندگی اب موت کا رقص دیکھ رہی ہے۔

بھارتی دارالحکومت نئی دہلی کے مدن پور پناہ گزین کیمپ کے رہائشیوں نے شکایتوں کے ڈھیر لگاتے ہوئے الجزیرہ کو بتایا کہ 21 دن کے لاک ڈاؤن سے ہماری زندگی اجیرن ہوگئی ہے اور لگتا ہے کورونا سے پہلے ہم بھوک سے مرجائیں گے۔

بھارت کے مختلف کیمپوں میں اس وقت 40 ہزار سے زائد روہنگیا مسلمان پناہ لیے ہوئے ہیں جہاں پہلے ہی سہولیات کا فقدان ہے اور انتہائی ضرورت کی اشیا بھی ناپید ہیں ایسے میں کورونا وائرس نے مشکلات میں اور اضافہ کردیا ہے جبکہ مودی سرکار کے پاس اس صورت حال سے نمٹنے کیلیے کوئی لائحہ عمل نہیں ہے۔

واضح رہے کہ وزیراعظم مودی نے بغیر کسی منصوبہ بندی کے ملک بھر میں 21 دن کے لیے سخت لاک ڈاؤن کا اعلان کردیا ہے جس سے پورے ملک میں افراتفری پھیل گئی ہے اور بے سرو سامانی کا عالم ہے۔

بیجنگ: چین ؛کرونا کے بعد نیا عذاب ، جنگلات کوآگ لگ گئی 19 آگ بجھانے والے ہلاک درجنوں موت وحیات کی کشمکش میں ،اطلاعات کےمطابق چین کے جنگلات میں خوفناک آگ کو بجھانے کے دوران اچانک ہوا کا رخ تبدیل ہونے پر فائر بریگیڈ کے اہلکار شعلوں میں گِھر گئے اور بری طرح جھلس کر ہلاک ہوگئے۔

عالمی خبر رساں ادارے کے مطابق چین کے صوبے سیچووان کے جنگلات میں آگ بھڑک اُٹھی تھی جسے بجھانے کے لیے فائر بریگیڈ کا عملہ مصروف تھا کہ اس دوران اچانک ہوا نے رخ تبدیل کرلیا جس کے وجہ سے آگے کے شعلے اہلکاروں کے گرد پھیل گئے۔ اہلکاروں کی خود کو بچانے کی تمام کوششیں ناکام ثابت ہوئیں۔

فائر بریگیڈ کا مزید عملہ اپنے ساتھیوں کو بچانے پہنچا لیکن تب تک آگ کے بلند و بالا شعلوں میں گھرے 19 افراد بری طرح جھلس کر ہلاک ہوگئے، ہلاک ہونے والوں میں فائر بریگیڈ کا عملہ اور محکمہ جنگلات کے ’گائیڈز‘ بھی شامل ہیں۔

ترجمان فائر بریگیڈ کا کہنا ہے کہ جنگلات کے قریب واقع فارم ہاؤس میں معمولی آگ لگی تھی جو تیز ہوا کے ساتھ ساتھ جنگلات تک پہنچی اور دیکھتے ہی دیکھتے جنگل کے ایک بڑے حصے کو اپنے لپیٹ میں لے لیا جس پر فائر بریگیڈ کی ایک ٹیم کو بھیجا گیا تھا۔

واشنگٹن:یہ ا مریکہ ہے ،جہاں بھارتی پٹیل برادرز کے سپرسٹورپرگاہگ سے زیادہ پیسے وصول کرنے پر4 کروڑ روپے سے زائد جرمانہ ،باغی ٹی وی کے مطابق امریکہ میں ایک سپرسٹورپرگاہک سے زائد رقم وصول کرنے پر سپرسٹورکے مالک کو 4 کروڑسے زائد جرمانہ کردیا گیا ہے

باغی ٹی وی کےمطابق امریکہ میں معروف بھارتی بزنس مین پٹیل برادز کو اس وقت شرمندگی اورجرمانے کا سامنا کرنا پڑا جب ان کے سپراسٹورکی طرف سے گاہک سے زیادہ قیمت وصول کی گئی ،حالانکہ کرونا کی وجہ سے امریکہ میں بھی قیمتیں کم کردی گئی ہیں‌

ذرائع کےمطابق نیوجرسی میں پٹیل برادرز کے ایک سپر سٹورپرایک امریکی شہری نے خریداری کی ، شک گزرنے پراس نے قیمتوں کا جائزہ لیا تو پتا چلا کہ اس سے زائد قیمت وصول کی گئی ہے، جس پرپٹیل برادرز کو زائد قیمت وصول کرنے اوردھوکہ دہی کے جرم میں 4 کروڑ 16 لاکھ روپے سے زائد جرمانہ کیا گیا