Category: کرونا اپڈیٹس

اسلام آباد: کورونا لاعلاج،خدارا جعلی طبی مشوروں سے بچیں، عالمی طبی ماہرین نے بہت بڑے خطرے سے آگاہ کردیا عالمی طبی ماہرین نے کورونا وائرس سے بچاؤ کے لیے دنیا بھر میں سوشل میڈیا پر وائرل ہونے والے 6 جعلی طبی مشوروں سے اجتناب کرنے کی ہدایات کرتے ہوئے کہا ہے کہ ان مشوروں میں کسی قسم کی کوئی سچائی نہیں تاہم اب تک کورونا وائرس کا مصدقہ علاج دریافت نہیں ہو سکا ہے۔

یورپ کے ایک معروف طبی جریدے ’’ہیلتھ‘‘ کے مطابق چھ جعلی مشوروں میں لہسن سرفہرست ہے۔ عالمی ادارہ کے مطابق لہسن واقعی صحت بخش غذا ہے جس میں جراثیم کے خلاف مدافعت کی خصوصیات ہوتی ہیں‘ لیکن اس بات کا کوئی ثبوت نہیں ہے کہ لہسن کھانے سے کورونا وائرس سے تحفظ مل سکتا ہے۔

دوسرے نمبر پر ایک معجزاتی معدنیات ایم ایم ایس کو رکھا گیا ہے جس کے بارے دعوی کیا گیا ہے کہ یہ کورونا وائرس کامکمل خاتمہ کر دیتی ہے۔اس معدنیات میں کلورین ڈائی آکسائیڈ پائی جاتی ہے جو کہ ایک بلیچنگ ایجنٹ ہے۔

گذشتہ برس امریکا کی ’فوڈ اینڈ ڈرگ ایڈمنسٹریشن‘ نے اس معدنیات کو پینے سے صحت کو درپیش خطرات کے حوالے سے متنبہ کیا تھا۔فوڈ اینڈ ڈرگ ایڈمنسٹریشن کا کہنا ہے کہ کسی بھی تحقیق میں آگاہی نہیں ملتی کہ یہ کسی بیماری کے علاج میں کارگر ثابت ہوئی ہے۔

جریدے کے مطابق آن لائن طریقوں سے گھروں میں بنائے جانے والے جراثیم کش محلول تیسرے نمبر پر آتے ہیں۔جن میں ہینڈ میڈ سینی ٹائزر بھی شامل ہیں۔ان محلول میں شامل اجزاء کا حجم ڈرگ اینڈ کنٹرول پیمانوں کے مطابق نہیں ہوتا۔ اس لیے یہ انسانی جلد کو کینسر جیسے مرض سے دوچار کر سکتے ہیں

بیجنگ :کورونا وائرس بچوں اور حاملہ خواتین کو کتنا متاثر کرتا ہے؟ماہرین طب نے خطرات سے آگاہ کردیا ،اطلاعات کےمطابق دنیا بھر میں پھیلنے والے مہلک کورونا وائرس کے بارے میں کہا جارہا ہے کہ یہ بڑوں کے نسبت بچوں اور حاملہ خواتین میں کم انفیکشن پیدا کرتا ہے۔

کورونا کے مرکز چینی شہر ووہان میں وبا کے کیسز سنبھالنے والے اور بیجنگ پیکنگ یونین میڈیکل کالج کے محکمہ انتہائی نگہداشت کے ڈائریکٹر ڈاکٹر ڈوبن نے ایک انٹرویو میں بتایا کہ کورونا وائرس بچوں اور حاملہ خواتین کے لیے خطرناک ثابت نہیں ہوتا ہے۔

کورونا کے مرکز چینی شہر ووہان میں وبا کے کیسز سنبھالنے والے اور بیجنگ پیکنگ یونین میڈیکل کالج کے محکمہ انتہائی نگہداشت کے ڈائریکٹر ڈاکٹر ڈوبن نے بتایا کہ اب تک کے مطالعے کے مطابق جو معلوم ہوا ہے اس سے یہ بات سامنے آئی ہے کہ فلوئینزا کے باعث حاملہ خواتین کو زچگی میں خطرہ لاحق ہوسکتا ہے، اس کی علامات برے نتائج دے سکتی ہیں مگر یہ صورتحال کورونا وائرس کا شکار ہونے کی صورت میں پیدانہیں ہوتی۔

کورونا کے مرکز چینی شہر ووہان میں وبا کے کیسز سنبھالنے والے اور بیجنگ پیکنگ یونین میڈیکل کالج کے محکمہ انتہائی نگہداشت کے ڈائریکٹر ڈاکٹر ڈوبن کا کہنا تھا کہ اگرحاملہ خواتین کورونا وائرس سے متاثر ہوتی بھی ہیں تو ان میں کم انفیکشن پایا جاتا ہے مگر کوئی خطرے کی بات نہیں ہوتی۔

بچوں سے متعلق انہوں نے کہا کہ اب تک یہ نہیں دیکھا گیا کہ متاثرہ بچوں کو انتہائی نگہداشت کی ضرورت ہوتی ہے تاہم متاثرہ بچوں کو صرف معمولی علامات کا سامنا ہوتا ہے۔

دوسری جانب برطانیہ کی یونیورسٹی آف ناٹنگھم میں مولیکیولر وائرالوجی کے پروفیسر جوناتھن بال نے اپنے ایک مضمون میں لکھا ہےکہ بچوں کی علامات کا زیادہ شدید نہ ہونا اس وائرس کا خطرناک ہتھیار ہے کیوں کہ ایسے بچے مرض کو بڑوں تک پھیلانے کا باعث بن رہے ہیں۔انہوں نے کہا ہےکہ یہی وجہ ہے کہ نوجوانوں کو اتنی ہی احتیاط کرنی چاہیے جتنی بڑے کر رہے ہیں، کیوں کہ اگر وہ وائرس میں مبتلا ہو جائیں گے تو وائرس ان کے جسم میں پھلتا پھولتا رہے گا اور ان کے بڑوں کو متاثر کرے گا۔

دوسری جانب برطانیہ کی یونیورسٹی آف ناٹنگھم میں مولیکیولر وائرالوجی کے پروفیسر جوناتھن بال کاکہنا تھا ایسی صورت میں والدین کی ذمہ داری بنتی ہے کہ وہ بچوں کو باقاعدگی سے ہاتھ دھونے کی تاکید کریں اور انہیں گھر میں موجود افراد سے بھی فاصلہ اختیار رکھنے کی ہدایت کریں تاکہ وائرس کا پھیلاؤ روکا جاسکے۔

کورونا کے وار دنیا میں‌ بری طرح جاری ہیں. کورونا کی وجہ سے دنیا بھر میں‌ ہلاکتیں کی تعداد 21 ہزار سے تجاوز کر گئیں÷

باغی ٹی وی : کورونا وائرس نے پوری دنیا میں اپنے پنجے گاڑے ہوئے ہیں اور بری طرح انسانیت کی تباہی کا سبب بن رہا ہے.دنیا کے 198 ممالک میں کورونا وائرس پھیل گیا، مرنے والوں کی تعداد 21 ہزار 295 ہوگئی، مہلک وائرس سے آج مزید 17 افراد ہلاک ہوئے۔

چین میں آج مزید 6 افراد ہلاک ہوئے جس کے بعد مرنے والوں کی تعداد 3 ہزار 2 سو 87 ہو گئی، امریکا میں مزید 5 افراد کی ہلاکت کے بعد تعداد ایک ہزار 32 ہوگئی۔ جنوبی کوریا میں بھی 5 ہلاکتیں ہوئیں، تعداد ایک سو اکتیس ہو گئی۔

دنیا بھر میں اٹلی میں سب زیادہ ہلاکتیں ہوئیں تعداد 7 ہزار 5 سو تین ہو چکی ہے، سپین دوسرے نمبر پر ہے جہاں مرنے والوں کی تعداد 3 ہزار 6 سو 47 ہے، ایران میں 2 ہزار 77 اور فرانس میں ایک ہزار 3 سو اکتیس افراد ہلاک ہو چکے ہیں۔

سعودی عر ب میں ایک اور شخص کورونا سے ہلاک ہوگیا جس کے بعد مرنیوالوں کی تعداد 2 ہوگئی، مکہ میں 46 سالہ شخص وائرس سے ہلاک ہوگیا، مملکت میں 133 نئے مریض سامنے آگئے، اس طرح کل مریضوں کی تعداد بڑھ کر 900 ہوگئی۔

شاہ سلمان نے دارالحکومت ریاض، مکہ اور مدینہ میں آج سے لاک ڈاؤن کا اعلان کر دیا، تینوں شہروں میں کرفیو کی پابندیاں مزید سخت کر دی گئیں، ان شہروں سے کسی کو باہر نکلنے یا داخل ہونے کی اجازت نہیں دی جا رہی۔ مملکت کی 13 ریاستوں میں سفر بند کر دیا گیا، شاہی فرمان میں ان تین شہروں میں کرفیو کا دورانیہ بھی بڑھا کر 15 گھنٹے کر دیا گیا۔ کرفیو اب شام سات بجے کے بجائے سہ پہر تین بجے شروع ہوگا۔

اسرائیل میں کرونا وائرس کے مریضوں کی تعداد میں اضافہ ہو رہا ہے،اسرائیلی وزیر اعظم نے اسرائیل میں کورونا وائرس کے پھیلاؤ کو روکنے کے لئے جمعرات سے 7 دن کے لئے اسرائیل کو مکمل بند کرنے کا اعلان کیا تھا،نتین یاہو کا کہنا تھا کہ حکومت ہنگامی حالت کے لئے قوانین کا نفاذ کرے گی، شہریوں کو گھروں سے نکلنے کی اجازت نہیں ہو گی، شہری صرف کھانا اور دوائیاں لینے کے لئے گھروں سے باہر نکل سکتے ہیں.

اسرائیل نے گزشتہ ہفتے تمام ملک میں اسکولوں اور جامعات کی بندش کا حکم دیا تھا تاکہ وائرس کے پھیلاؤ کو روکا جا سکے اور ملک کے اکثر علاقوں میں اس حکم کی تعمیل کی گئی لیکن قدامت پسند یہودیوں کے علاقے ہریدی میں اب بھی کچھ تعلیمی ادارے کھلے ہوئے ہیں

اسرائیلی ریاست کی وزارت صحت کی طرف سے جاری ایک بیان میں شہریوں پر زور دیا گیا ہے کہ وہ ضروری کام کے علاوہ اپنے گھروں سے باہر نہ نکلیں اور اپنی اقتصادی، سماجی اور دیگر سرگرمیوں کو محدود رکھیں۔

واشنگٹن :کرونا وائرس ہرسال حملہ آورہوگا،امریکی سائنسدان نے دنیا کویہ خبرسنا کرپریشان کردیا،اطلاعات کےمطابق امریکی سائنسدان نے کورونا وائرس کے سیزنل وائرس بننے کا خدشہ ظاہر کیا ہے جس کی وجہ سے وائرس کے ہر سال پھوٹنے کے امکانات بڑھ گئے ہیں۔

امریکی نیشنل ہیلتھ انسٹی ٹیوٹ میں انفیکشن ڈیزیز پر ریسرچ کی سربراہی کرنےوالے سائنسدان اینتھونی فوکی نے ایک بریفنگ میں کہا کہ کورونا وائرس کے سیزنل فلو یعنی ہر سال حملہ کرنے کے بہت مضبوط امکانات ہیں۔امریکی سائنسدان نے وائرس سے مؤثر علاج اور فوری طور پر اس کی ویکسین کی ایجاد پر زور دیتے ہوئے بتایا کہ وائرس کرہ ارض کے جنوب سے پھیلنا شروع ہوا جہاں اس وقت بھی موسم سرم جاری ہے۔

امریکی نیشنل ہیلتھ انسٹی ٹیوٹ میں انفیکشن ڈیزیز پر ریسرچ کی سربراہی کرنےوالے سائنسدان اینتھونی فوکی نے کہا کہ ہم شروع سے اب تک دیکھ رہے ہیں کہ جنوبی افریقا اور جنوبی کرہ ارض کے ممالک جیسے ہی اپنے سردیوں کے سیزن میں داخل ہوتے ہیں تو ہمارے پاس وائرس کے کیسز سامنے آرہے ہیں، اور اگر یہ وبا خطرناک طریقے پھیلی تو لا علاج ہوجائے گی۔

امریکی نیشنل ہیلتھ انسٹی ٹیوٹ میں انفیکشن ڈیزیز پر ریسرچ کی سربراہی کرنےوالے سائنسدان اینتھونی فوکی کا کہنا تھا کہ ہمیں اس بات کے لیے تیار رہنے کی ضرورت ہے کہ ہم اس وبا کا سامنا دوسری مرتبہ بھی کریں گے۔

امریکی سائنسدان نے کہا کہ ہمیں مکمل طور پر یہ زور دینے کی ضرورت ہےکہ ہم ویکسین تیار کرنے کے لیے کیا کررہے ہیں، ویکسین کی فوری ٹیسٹنگ اور اسے آزمانےکے لیے فوری تیار ہونے پر ہی آئندہ سیزن میں ہمارے پاس یہ ویکسین دستیاب ہوگی۔

امریکی نیشنل ہیلتھ انسٹی ٹیوٹ میں انفیکشن ڈیزیز پر ریسرچ کی سربراہی کرنےوالے سائنسدان اینتھونی فوکی نے بتایا کہ اس وقت دو ویکسین ٹرائل کے لیے انسانی جسم میں داخل کی گئی ہیں جن میں سے ایک امریکا اور دوسری چین میں ہے جس کی آزمائش مکمل ہونے میں تقریباً سال کا عرصہ لگ سکتا ہے، اس کے علاوہ علاج پر بھی تحقیق کی جارہی ہے جب کہ کچھ نئی اور دیگر ڈرگز کو دوبارہ تجویز کیا گیا ہے جن میں انسداد ملیریا کی ڈرگز کلوروکوئن اور ہائیڈروایکسی کلوروکوئن بھی شامل ہیں۔