Category: کرونا اپڈیٹس

لندن :نیا کورونا وائرس خواتین کی نسبت مردوں کے لیے زیادہ جان لیوا کیوں؟ کرونا سے نمٹنےوالے طبی ماہرین نے بتادیا،اطلاعات کےمطابق ایک سائنسی جائزے میں انکشاف کیا گیا ہے کہ مردوں میں اموات کی شرح 2.8 فیصد اور خواتین میں 1.7 فیصد رہی۔

اٹلی (اس ملک میں اب تک دنیا میں سب سے زیادہ ہلاکتیں ہوئی ہیں) میں 7 ہزار سے زائد ہلاکتوں میں 71 فیصد مرد ہیں جبکہ اسپین کی جانب سے جمعرات کو جاری ہونے والے ڈیٹا سے عندیہ ملتا ہے کہ مردوں کی شرح اموات خواتین کے مقابلے میں دوگنا زیادہ ہے۔اب یہی فرق فرانس، جرمنی، ایران، اٹلی، جنوبی کوریا اور اسپین میں بھی نظر آرہا ہے۔

تو آخر یہ وبا مردوں کو زیادہ متاثر کیوں کررہی ہے؟اس کا خوبصورت جواب دیتے ہوئے لندن کالج یونیورسٹی کے سینٹر فار جینیڈر اینڈ گلوبل ہیلتھ کی ڈائریکٹر پروفیسر سارہ ہاکس کا کہنا ہے ‘اس کا ایماندارانہ جواب تو یہ ہے کہ ہم میں سے کوئی نہیں جانتا کہ ایسا کیوں ہے’۔

اس سے پہلے یہ خیال کیا جارہا تھا کہ تمباکو نوشی اس فرق کی وجہ ہوسکتی ہے۔چین میں تمباکو نوشی کرنے والے مردوں کی شرح 50 فیصد جبکہ خواتین کی محض 2 فیصد ہے، تو پھیپھڑوں کی صحت کا فرق بھی مردوں کے لیے کووڈ 19 کو زیادہ بدتر بنانے کی وجہ ہوسکتا ہے۔

اس خیال کی تصدیق گزشتہ ماہ ایک طبی تحقیق میں بھی کی گئی جس میں دریافت کیا گیا کہ آئی سی یو میں زیرعلاج یا ہلاک ہونے والے 26 فیصد افراد تمباکو نوشی کے عادی تھے۔ایسا بھی خیال کیا جاتا ہے کہ تمباکو نوشی وائرس سے متاثر ہونے کا ذریعہ بھی ثابت ہوسکتی ہے کیونکہ اس کعادی افراد اپنے ہونٹوں کو زیادہ چھوتے ہیں اور ہوسکتا ہے کہ آلودہ سیگریٹ شیئر بھی کرلیں۔

کچھ تحقیقی رپورٹس میں دریافت کیا گیا کہ مردوں میں ذاتی صفائی کا رجحان جیسے ہاتھ دھونے کا امکان کم ہوتا ہے، اگر ہاتھ دھوتے ہیں تو صابن استعمال نہیں کرتے، طبی امداد کے لیے رجوع کرنے سے گریز کرتے ہیں اور حکومتی طبی مشوروں کو نظرانداز کردیتے ہیں، جس کے نتیجے میں وہ امراض کے لیے زیادہ آسان ہدف بن جاتے ہیں۔مگر ماہرین میں یہ احساس بھی بڑھ ررہا ہے کہ بنیادی حیاتیاتی عناصر بھی اس میں کردار ادا کررہے ہیں۔

اگرچہ بیشتر ممالک میں تمباکو نوشی کرنے والوں کی زیادہ تعداد مردوں کی ہوتی ہے مگر اٹلی میں 28 فیصد مرد اور 19 فیصد خواتین تمباکو نوشی کے عادی ہیں، مگر پھر بھی مردوں کی اموات کی شرح بہت زیادہ ہے۔امریکا کے جونز ہوپکنز بلومبرگ اسکول آف پبلک ہیلتھ کی پروفیسر سابرا کلین کے مطابق اٹلی، چین، اسپین ہر جگہ ہم نے مردوں میں اموات کی شرح کو زیادہ دیکھا اور ہم نے متعدد ممالک اور ثقافتوں کا جائزہ لیا۔انہوں نے کہا ‘جب میں یہ دیکھتی ہوں، تو سوچنے پر مجبور ہوجاتی ہوں کہ کچھ ایسا ہے جو دنیا بھر میں اس کی وجہ بنتا ہے، میرا نہیں خیال کہ تمباکو نوشی بنیادی عنصر ہے’۔

ان کی ایک سابقہ تحقیق میں انکشاف کیا گیا تھا کہ مردوں میں مختلف اقسام کے انفیکشنز جیسے ہیپا ٹائٹس سی اور ایچ آئی وی کے خلاف اینٹی وائرل مدافعتی نظام خواتین کے مقابلے میں کم ہوتا ہے، جو ہوسکتا ہے کہ کورونا وائرسز کے حوالے سے بھی درست ہو، تاہم اب تک اس پر تحقیق نہیں ہوئی۔پروفیسر سابرا کے مطابق ممکنہ طور پر مردوں کا مدافعتی نظام وائرس کے حملے کی ابتدا پر مناسب ردعمل ظاہر نہیں کرتا۔

اس حوالے سے ہارمونز بھی کردار ادا کرتے ہیں، ایسٹروجن نامی ہارمون مدافعتی خلیات میں اینٹی وائرل ردعمل کو بڑھاتا ہے، جبکہ بیشتر جینز جو مدافعتی نظام کو ریگولیٹ کرتے ہیں وہ ایکس کروموسوم کی مدد سے متحرک ہوتے ہیں جو مردوں میں ایک اور خواتین میں 2 ہوتے ہیں۔دنیا بھر میں کووڈ 19 کے حوالے سے اینٹی باڈی سرویز میں اس صنفی امتیازی ردعمل کے بارے میں مزید معلومات سامنے آسکتی ہے اور پروفیسر سابرا کا کہنا ہے کہ وہ پہلے ہی چینی ٹیموں کے مقالوں پر نظرثانی کرچکی ہیں۔

ان کا کہنا تھا کہ حیاتیات، طرز زندگی اور رویے سب کردار ادا کرتے ہیں، مگر اس کی تصدیق بڑے پیمانے پر ڈیٹا کی دستیابی سے ممکن ہوگی۔اب تک 20 میں سے صرف 6 ممالک نے کیسوں کی تعداد اور اموات سے متعلق تمام تفصیلات کو ظاہر کیا ہے جن میں برطانیہ اور امریکا شامل نہیں۔

نیویارک :مائیکل جیکسن نے بھی کورونا وائرس کی پیشگوئی کی تھی،مائیکل جیکسن کے باڈی گارڈ کا انکشاف ،اطلاعات کےمطابق عالمی شہرت یافتہ اور پاپ موسیقی کے بادشاہ کہلائے جانے والے امریکی گلوکار آنجہانی مائیکل جیکسن نے بھی کورونا وائرس جیسی ایک عالمی وبا کی پیشگوئی اپنی زندگی میں ہی کردی تھی۔

دی سن کی رپورٹ کے مطابق مائیکل جیکسن کے سابق باڈی گارڈ برٹ میٹ فڈز نے دعویٰ کیا ہے کہ پاپ اسٹار نے اپنی زندگی میں ایک ایسی وبا کی پیشگوئی کردی تھی اور یہی وجہ ہے کہ مذاق بننے کے باوجود وہ زیادہ تر ماسک پہنے نظر آتے تھے۔
‎

برٹ میٹ فڈز کے مطابق وہ تقریباً ایک دہائی تک مائیکل جیکسن کے ساتھ رہے، انہوں نے دعویٰ کیا کہ مائیکل جیکسن پوری دنیا کا دورہ کرتے تھے اور وہ جانتے تھے کہ ایسی ایک وبا دنیا میں ضرور پھیلے گی اور اس سے اپنی حفاظت کے لیے ہی انہوں نے ماسک پہننا شروع کردیا تھا۔

41 سالہ باڈی گارڈ کے مطابق ایک دن انہوں نے مذاق میں مائیکل جیکسن سے کہا تھا کہ وہ ماسک پہننا چھوڑ دیں کیوں کہ ایسے کرنے پر ان کا مذاق بنایا جاتا ہے، اور ان کے ہمراہ تصویر کھچوانے سے شرمندگی بھی ہوتی ہے۔

اس پر مائیکل جیکشن نے انہیں جواب دیا کہ ’برٹ میٹ میں بیمار ہونا نہیں چاہتا، میں نہیں چاہتا میرے مداح مایوس ہوں، مجھے کنسرٹس میں پرفارم کرنا ہوتا ہے، میں اس دنیا میں کسی وجہ سے ہوں، میں اپنی آواز کو نقصان نہیں پہنچا سکتا، مجھے صحت مند رہنا ہے‘۔

انہوں نے کہا مائیکل جیکسن کہتے تھے کہ وہ کبھی کبھار ایک دن میں 4 ممالک کا بھی دورہ کرتے تھے اور سفر کے دوران ان کا سامنا متعدد افراد سے ہوتا تھا۔برٹ میٹ فڈز کا کہنا تھا کہ اگر مائیکل جیکسن آج زندہ ہوتے تو وہ لوگوں سے یہ ضرور کہتے کہ ’دیکھو میں نے کہا تھا نا‘ لیکن وہ یہ سوچ کر غصہ بھی ہوتے کہ کسی نے ان کی بات پر دھیان نہیں دیا۔

لندن :دنیا والو ! ہوشیارہوجاؤ: کورونا کے بعد بھوک اورخوراک کی کمی کا بحران آنے والا ہے، ترجمان اقوام متحدہ نے خبردارکردیا،اطلاعات کےمطابق اقوام متحدہ (یو این) کے خوراک و زراعت سے متعلق ذیلی ادارے کے چیف معاشیات میکسیمو توریرو نے کہا ہے کہ نیا بھر میں عالمی وبا کورونا وائرس سے بچنے کے لیے حکومتوں کی جانب سے اٹھائے جانے والے اقدامات مستقبل قریب میں خوراک کی قلت کا باعث بن سکتے ہیں۔

میسکمو توریرو نے برطانوی اخبار دی گارجین سے بات کرتے ہوئے دنیا بھر کی حکومتوں کی جانب سے کورونا سے بچنے کے لیے اٹھائے جانے والے کچھ اقدامات پر تحفظات کا اظہار کیا اور انہیں خوراک کی ترسیل کو روکنے کا سبب قرار دیا۔ادارہ خوراک و زراعت کے چیف معاشیات کے مطابق اگرچہ دنیا بھر میں اس سال اچھی فصل ہوئی ہے تاہم خوراک کی ایک سے دوسرے ملک تک ترسیل کے لیے کھڑی کی گئی رکاوٹیں دنیا بھر میں خوراک کی قلت کا باعث بن سکتی ہیں۔

میسکمو توریرو کا کہنا تھا کہ دنیا کے متعدد ممالک نے کورونا وائرس سے بچنے کے لیے زمینی سرحدوں کی بندش سمیت لوگوں کو گھروں تک محدود کردیا ہے جس وجہ سے خوراک کی ترسیل والے افراد بھی محدود ہوگئے ہیں اور یقینا اس عمل سے دنیا بھر میں خوراک کی قلت پیدا ہوگی۔

چیف معاشیات میکسیمو توریرو کے مطابق حکومتوں کو کورونا وائرس کے پھیلاؤ سے بچنے کے لیے اٹھائے گئے اقدامات کے باوجود خوراک کی ترسیل کے معاملات پر بندش نہیں لگانی چاہیے اور فری تجارت کو جاری رہنے دینا چاہیے، کیوں کہ یہ وقت فری تجارت کو روکنے کا نہیں۔

میسکمو توریرو نے یہ بھی کہا کہ کورونا کی وجہ سے اٹھائے گئے اقدامات کی وجہ سے کچھ ممالک کی جانب سے برآمدات پر بھی پابندی لگائی گئی ہے اور دنیا کو ایسے عمل کے خلاف بولنا پڑے گا اور اچھی بات یہ ہے کہ کچھ لوگ اب اس عمل کے خلاف بات کرنے لگے ہیں۔میسکمو توریرو کا کہنا تھا کہ اگرچہ اقوام متحدہ کے نمائندے نے کئی ممالک کی جانب سے کورونا وائرس کے پھیلاؤ کو روکنے کے لیے اقدامات اٹھائے جانے کے باعث خوراک کی برآمدات روکنے کی بات کی تاہم انہوں نے کسی ملک کا نام لینے سے گریز کیا۔

اقوام متحدہ کے ادارہ خوراک و زراعت کے چیف معاشیات نے یہ بیان ایک ایسے وقت میں دیا ہے جب کہ کچھ دن قبل ہی امریکی اخبار بلوم برگ نے اپنی ایک رپورٹ میں بتایا تھا کہ کورونا وائرس کے پھیلاؤ کو روکنے کے لیے اٹھائے گئے اقدامات کے تحت متعدد ممالک نے خوراک کی برآمدات بھی روک دی ہیں۔

یاد رہےکہ چند دن قبل اسی خطرے کو بھانپتے ہوئے عالمی ادارے بلوم برگ نے اپنی رپورٹ میں بتایا تھا کہ دنیا بھر مین گندم کے آٹے کی فراہمی کرنے والے دنیا کے سب سے بڑے ملک قازقستان نے کورونا وائرس کے پیش نظر آٹے کی برآمدات پر پابندی عائد کردی۔

مدھیہ پردیش :مدھیہ پردیش کے مرینا ضلع میں ایک رکن اسمبلی سمیت 450 افراد کرونا وائرس کا شکار ہوگئے ،اطلاعات کے مطابق بھارتی ریاست مدھیہ پردیش کے مرینا ضلع میں ایک رکن اسمبلی سمیت 450کورونا متاثرہ مشتبہ افراد کو ہوم آئسولیشن پر رکھا گیا ہے۔ ان میں پندرہ غیرملکی سفر سے واپس آنے والے مشتبہ افراد ہیں۔

ساوتھ ایشین وائر کے مطابق مرینا کے چیف میڈیکل اینڈ ہیلتھ افسر ڈاکٹر آرسی باندل نے بتایا کہ گزشتہ تین دن پہلے یہ تعداد 24تھی جو بڑھ کر ساڑھے چار سو سے اوپر پہنچ گئی ہے۔ انہوں نے کہاکہ ان میں پندرہ کورونا مشتبہ غیرملک سے و اپس آنے والے ہیں جبکہ ایک مرینا ضلع کے سبل گڑھ اسمبلی حلقہ سے کانگریس کے رکن اسمبلی بیجناتھ کشواہ سمیت دیگر نزدیکی ریاستوں سے آئے ہوئے ہیں۔

ان تمام کو ہوم آئسولیشن پر رکھا گیا ہے۔بتایا جاتا ہے کہ رکن اسمبلی مسٹر کشواہ بھوپا ل میں سابق وزیراعلی کملناتھ کی اس پریس کانفرنس میں شامل تھے جس میں ایک صحافی کو کورونا پازیٹیو نکلا ہے۔ ساوتھ ایشین وائر کے مطابق ڈاکٹر باندل نے بتایا کہ کورونا مشتبہ رکن اسمبلی بیجناتھ کشواہ کیلارس میں اپنے گھر پر آئسولیشن پر ہیں۔