Category: کرونا اپڈیٹس

آج نہیں تو کل مکمل کرفیو لگانا پڑے گا، تاخیر سے نقصان کا ذمہ دار کون ہو گا؟ رحمان ملک

باغی ٹی وی کی رپورٹ کے مطابق پیپلز پارٹی کے رہنما چئیرمین سینیٹ قائمہ کمیٹی برائے داخلہ سینیٹر رحمان ملک نے حکومت سے فوری طور پر کرفیو لگانے کا مطالبہ کرتے ہوئے کہا کہ کورونا وائرس قومی سلامتی کا مسئلہ ہے، کورونا وائرس پر سیاست اور الزام تراشی کوئی کھیل نہیں ہونا چاہئے،

سینیٹر رحمان ملک کا کہنا تھا کہ  ہم سب کو آنے والے ہفتوں میں کورونا وائرس سے  شدید خطرہ لاحق ہے،ہمیں وائرس سے متاثرہ افراد کو صحت مند افراد سے منقطع کرنے کی ضرورت ہے، فقط لاک ڈاؤن حل نہیں کیونکہ اس سے رابطے منقطع نہیں ہو رہے ہیں،مکمل و باقاعدہ کرفیو لگانے کے سوا کورونا وائرس ختم نہیں ہوگا، آج نہیں تو کل حکومت کو کرفیو لگانا پڑیگا مزید دیر نقصان دہ ہوگا، 

رحمان ملک کا کہنا تھا کہ حکومت کو بروقت اقدامات اٹھانے کیلئے 27 فروری کو کمیٹی کا ہنگامی اجلاس بلایا تھا، 27 فروری کو ہی حکومت پر کارونا وائرس کیخلاف جامع قومی پلان تیار کرنے کا زور دیا تھا، ائیرپورٹ و دیگر داخلہ پوائنٹس پر اسکرئنگ و آئسولیشن مراکز قائم کرنے کا کہا تھا، پاکستان میں داخل ہوتے ہی ہر مسافر کا ٹیسٹ و آئسولیشن میں رکھنے کی تجویز دی تھی،کورونا وائرس کو قومی سلامتی مسئلہ قرار دیکر میڈیکل ایمرجنسی نافذ کرنے کی تجویز دی تھی،چاروں صوبوں کے وزرائے اعلی کا مشترکہ اجلاس بلاکر مشترکہ حکمت عملی کا مشورہ دیا تھا، 30 نکات پر مشتمل پلان تیار کرکے وفاقی و صوبائی حکومتوں کو بھیجا تھا،حالات آج مختلف او بہتر ہوتے اگر حکومت کورونا کیخلاف بروقت اقدامات اٹھاتی، 6 مارچ کو کمیٹی کے اجلاس میں تعلیمی ادارے بند کرنے کی تجویز دی تھی،

سینیٹر رحمان ملک کا مزید کہنا تھا کہ  حکومت سے سول ہسپتالوں کو آرمی میڈیکل کور کے حوالے کرنے کا کہا تھا،آرمی میڈیکل کور کو سول ہسپتالوں کی مدد کی تجویز پر پی پی کے سینیر ساتھی نے مخالفت کی، میرا جواب تھا کہ نہ میں نے مارشل لاء کا کہا ہے اور نہ بھارتی فوج سے مدد مانگی ہے، میں نے پاک آرمی میڈیکل کور کا سول ہسپتالوں سے مکمل تعاون کرنے کی تجویز پیش کی تھی،میں نے آرمی چیف کا سول ہسپتالوں سے مکمل تعاون کرنے کے اعلان پر شکریہ ادا کیا، ان مشکل حالات میں اتفاق و اتحاد سے ہمیں مخفی دشمنوں کا مقابلہ کرنا ہوگا،

سینیٹر رحمان ملک کا مزید کہنا تھا کہ چئیرمین بلاول بھٹو زرداری نے وزیراعظم کو کورونا وائرس کیخلاف اکٹھا جنگ لڑنے کی پیشکش کی،افسوس کہ حکومت کی طرف سے بلاول بھٹو زرداری کے پیشکش کا حوصلہ افزا جواب نہیں ملا،

کرونا معاشی پیکج، جناب وزیراعظم، ہمیں نظر انداز کر دیا، پرائیویٹ اسکولز ایسوسی ایشن نے کی بڑی اپیل

باغی ٹی وی کی رپورٹ کے مطابق پاکستان پرائیویٹ اسکولز ایسوسی ایشن کے چئیرمین پرویز ہارون نے مرکزی کابینہ کی مشاورت کے بعد وزیر اعظم عمران خان صاحب سے درخواست کی ہے کہ وہ ملک بھر میں قائم 173,110  نجی اسکولزجن میں تقریبا ً 20 لاکھ سےزائد اساتذہ بر سر روزگار ہیں، اِن میں سے نصف سے زائد اسکولز کرائے کی عمارتوں میں ہیں جن کی ماہانہ فیس 1000 سے لیکر 3000 کے درمیان ہے،  اور آپ کے اقتصادی پیکچ میں ان تمام اسکولوں کو بالکل ہی نظر انداز کر دیا گیا ہے۔

پاکستان پرائیویٹ اسکولز ایسوسی ایشن نے کہا کہ ہم وزیر اعظم سے اپیل کرتے ہیں کہ وہ کوئی امداد نہ دیں، صرف اتنا کر دیں کہ  آسان شرائظ پر اُن تمام اسکولز کو کم از کم چار ماہ کی ٹوٹل  فیس کلیکشن کے برابر قومی بینکوں سے آسان شرائط پر ، اُس حلقے کے ایم پی اے یا ایم این اے  کی شخصی ضمانت پر 24 ماہ کے لئے قرضہ دلوادیں۔  تعلیمی اداروں پر اس وقت تالا لگا ہوا ہے، والدین سے آفس کھول کر فیس بھی وصول نہیں کی جاسکتی اور  جون میں اسکولز کُھلنے کے بعد بھی  والدین کی معاشی پوزیشن ایسی نہیں ہوگی کے وہ 4 ماہ کی فیس ایک ساتھ ادا کرسکیں اور نئی کلاسز کے لئے کورس بھی خرید سکیں، نہ ہی اسکولز اساتذہ کو ایک ساتھ تنخواہیں دینے کی پوزیشن میں ہو نگے۔ 

پاکستان پرائیویٹ اسکولز ایسوسی ایشن کا مزید کہنا تھا کہ جس وقت بھی قوم کو ضرورت پڑی نجی تعلیمی اداروں کے طالبعلم، اساتذہ اور مالکان نے دل کھول کر اْن کی مدد کی ہے چاہے وہ 2005 کا زلزلہ ہو یا 2010 کا سیلاب، آج یہ نجی اسکولز اپنے وزیر اعظم کی طرف اس وقت ایک اُمید سے دیکھ رہے ہیں کہ مشکل کی اس گھڑی میں اُن کو فراموش نہ کیا جائے۔ آپ کے اس اقدام سے ہزاروں اسکولز بند ہونے سے اور لاکھوں اساتذہ بیروزگار ہونے سے بچ جائیں گے۔

وڈیو لنک کے ذریعے اس مشاورتی اجلاس میں صدر انور علی بھٹی، محمد انور،  عالم شیر اعوان، انجینئر عبدالرحمن،  عابد حسین، شکیل احمد، ساجد حسین، مزمل شاہ،  مغفور نجیب، محمد عارفین ، شکیل احمد خان، ڈاکٹر ذوالفقار، محمد فاروق، واجد حسین، اعجاز الدین، صادق ادریس، ڈاکٹر عمران اور دیگر مرکزی عہدیداروں نے شرکت کی۔

کرونا وائرس، حج بارے سعودی حکام نے پاکستان کو کیا کہا؟ باغی ٹی وی نے خط حاصل کر لیا

باغی ٹی وی کی رپورٹ کے مطابق سعودی حکومت نے پاکستان کی وزارت مذہبی امور کو خط لکھا ہے جس میں کہا گیا ہے کہ حج کے حوالہ سے معاہدے نہ کئے جائیں

وزارت مذہبی امور کے ترجمان کے مطابق خط میں کہا گیا ہے کہ سعودی حکومت صورتحال پر نظر رکھے ہوئے ہے،ترجمان مذہبی امور کا کہنا ہے کہ سعودی وزارت حج کا خط موصول ہو گیا ہے، وزارت مذہبی امور نے سعودی حکومت کی اطلاع پر معاہدوں پر کام روک دیا

ترجمان وزارت مذہبی امور کا کہنا ہے کہ وزیر مذہبی امور نے سعودی وزیر حج سے رابطہ بھی کر لیا ہے،سعودی وزیر حج نے یقین دلایا ہے اگر ممکن ہو سکا تو حج ضرور ہو گا،سعودی حکام حالات پر نظر رکھے ہوئے ہیں، مشاورت جاری ہے،

سعودی وزیر حج ڈاکٹر محمد صالح کی جانب سے پاکستان کو خط مین کہا گیا ہے کہ کرونا وائرس کی وجہ سے عالمی سطح پر اقدامات کئے جا رہے ہیں،مسجد حرام اور مسجد نبوی میں آنے والے افراد کی صحت کے تحفظ کے لئے اقدامات کئے جا رہے ہیں،آپ سے گزارش ہے کہ اس سال حج کے معاہدے اسوقت تک نہ کریں جب تک کرونا کی سمت کا تعین نہ ہو،سعودی حکومت مشاورت کر رہی ہے ، احتیاطی تدابیر بھی اختیار کی جا رہی ہیں،اس حوالہ سے جو بھی نیا فیصلہ ہو گا، آگاہ کر دیا جائے گا ، اگر کسی سوال کا جواب چاہئے ہو تو ای میل کے ذریعے رابطہ کر لیں.

سعودی عرب میں کرونا وائرس سے دوسری ہلاکت ہو گئی ہے جبکہ مریضوں کی تعداد 900 ہو گئی ہے

سعودی وزارت صحت کے مطابق سعودی عرب میں کرونا وائرس سے آج دوسری ہلاکت ہوئی ہے،29 مریض صحت یاب ہو چکے ہیں تا ہم سعودی عرب میں کرونا کے مریضوں کی تعداد 900 تک پہنچ گئی ہے

سعودی عرب میں کرونا سے دوسری ہلاکت اور مریضوں میں اضافے کے بعد مملکت میں رات کے کرفیو میں اضافہ کیا گیا ہے، سعودی عرب نے مکہ، مدینہ اور ریاض میں مکمل کرفیو لگا دیا ہے، ٹرانسپورٹ کو بھی بند کر دیا گیا ہے،ان تینوں شہروں نے آمدورفت پر پابندی عائد کر دی گئی ہے،

سعودی عرب کے تمام ریجنوں کے رہائشیوں کے ایک ریجن سے دوسرے ریجن آنے جانے پر پابندی لگا دی گئی ہے،ریاض، مکہ مکرمہ اور مدینہ منورہ داخلہ اور خارجہ پر مکمل پابندی ہوگی نیز مذکورہ شہروں میں کرفیو کا وقت دوپہر 3 بجے سے شروع ہوگا،تینوں شہروں کے رہائشی شہر سے باہر نہیں جاسکتے نہ کوئی باہر سے شہر میں داخل ہوسکتا ہے

سعودی وزارت صحت کی جانب سے ہنگامی حالت کا اعلان کرتے ہوئے لوگوں کو باربار ہدایات کی جاری ہیں کہ سماجی رابطوں کو وقتی طور پر ختم کردیں۔ طبی اصولوں کے مطابق ہاتھوں کو جراثیم کش محلول یا صابن سے صاف کرتے رہیں۔ سعودی وزارت داخلہ کی جانب سے بھی جزوی کرفیو لگا دیا ہے جو شام 7سے صبح 6 بجے تک ہو گا اس دوران بعض اہم شعبے پابندی سے مستثنی ہونگے۔

کرونا وائرس کا خدشہ، مساجد کو تالے لگ گئے، نمازیں گھر پر پڑھنے کا حکم

پنجاب میں لاک ڈاؤن کا نوٹفکیشن جاری، جنازے کے لئے بھی لینی پڑے گی اجازت

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

کرونا وائرس، بھارت میں 3 کروڑ سے زائد افراد کے بے روزگار ہونے کا خدشہ

بھارتی گلوکارہ میں کرونا ،96 اراکین پارلیمنٹ خوفزدہ،کئی سیاستدانوں گھروں میں محصور

لاک ڈاؤن کی خلاف ورزی پر کتنے عرصے کیلئے جانا پڑے گا جیل؟

کرونا وائرس، پارلیمنٹ کا مشترکہ اجلاس بلانے کا مطالبہ، رکن اسمبلی کا بیٹا بھی ووہان میں پھنسا ہوا ہے، قومی اسمبلی میں انکشاف

کرونا وائرس سے کس ملک کے فوج کے جنرل کی ہوئی موت؟

ٹرمپ کی بتائی گئی دوائی سے کرونا کا پہلا مریض صحتیاب، ٹرمپ نے کیا بڑا اعلان

سعودی خبر رساں ادارے کے مطابق سعودی عرب میں کرفیو کی خلاف ورزی پر 10 ہزار ریال کا جرمانہ مقرر کیا گیا ہے-دوسری بار خلاف کرنے پر 20 ہزار اور تیسری مرتبہ 20 دن جیل ہوگی۔ کرفیو کی خلاف ورزی پر جرمانہ اور سزا صرف اس صورت میں نہیں ہو گی جب کوئی شدید ایمر جنسی میں ہو گا، ہسپتال جا رہا ہو گا یا ایمرجنسی نوعیت کا کام ہو گا.

سعودی وزارت داخلہ کا کہنا ہے کہ اگر کرفیو پر عمل درآمد کے لیے طاقت استعمال کرنے کی ضرورت پیش آئی تو پولیس عسکری اداروں کی خدمات حاصل کرسکتی ہے- متعلقہ عسکری اداروں کو کرفیو کے شاہی فرمان پر عمل درآمد کے سلسلے میں امن عامہ کے اداروں سے تعاون کی پہلے ہی ہدایت کردی گئی ہے.