Category: کرونا اپڈیٹس

لاہور:صحافتی ورکرز میں کورونا وائرس سے بچاؤ کے لیے حفاظتی میڈیکل ماسک، سینیٹائزر، دستانے تقسیم کرنے کا سلسلہ جاری وساری ،باغی ٹی وی کے مطابق صحافی ورکروں کی نمائندہ تنظیم ایمرا باڈی کی طرف سے کرونا وائرس سے بچاو کے لیے حفاظتی اقدامات کا سلسلہ جاری وساری ہے ،

باغی ٹی وی کے مطابق اس حوالے سے ایمرا باڈی نے چوتھے روز بھی صحافتی ورکرز میں کورونا وائرس سے بچاؤ کے لیے حفاظتی میڈیکل ماسک تقسیم، سینیٹائزر، دستانے تقسیم کئے گئے ہیں ا

یمرا باڈی کے صدر محمد آصف بٹ ، سیکرٹری ایمرا سلیم احمد شیخ، ممبر گورننگ باڈی صادق بلوچ، عبداللہ ، پی ایف یو جے کے سیکرٹری جنرل رانا محمد عظیم صاحب ،نے آج نیوز چینل میں انوار ہاشمی صاحب ، پی ٹی وی کے بیورو چیف امجد شاہ صاحب محمد نواز صاحب، ،دنیا نیوز چینل نعمان یاور صاحب ،ہاشم خان صاحب ، پنجاب پریس گیلری کے صدر میاں اسلم صاحب ، ریڈیو پاکستان مصطفے کمال صاحب ، آپ نیوز چینل نوید صدیقی صاحب انڈس نیوز چینل رضوان صاحب شامل تھے

ایسے ہی اے پی پی نیوز ایجنسی نواز صاحب ، سماء نیوز چینل کے بیورو چیف احمد ولید صاحب ، اے آر وائی نیوز چینل کے بیورو چیف نعیم حنیف صاحب ، سے ملاقات کرکے تمام سامان ان کے حوالے کیا جس کو تمام صحافتی کمیونٹی نے خوب سراہا ہے رانا عظیم صاحب سیکرٹری پی ایف یو جے نے فرمایا ہے ایمرا باڈی خدمت خلق اور اللہ تعالی کی رضا کے لیے حقیقی کردار ادا کررہی ہے

لاہور:مخالف یا حماقت کہیں ! کوئی سلام لیے بغیر نا جائے، کسی کو کرونا ہو جائے مجھے چوک میں کھڑا کر کے گولی مار دیں ،باغی ٹی وی کےمطابق معروف عالم دین مولانا یوسف پسروری نے کرونا وائرس کے حوالے سے ایسی گفتگوکردی کہ جسے ماہرین طب ، علماء اورصاحب ذی شعوراچھا نہیں سمجھ رہے

باغی ٹی وی کے مطابق معروف عالم دین نے آج ایک جگہ خطبہ جمعۃ المبارک میں کرونا وائرس سے بچنے کی بجائے اس وائرس سے مقابلہ کرنے کا عجیب پیغام دیا ،مولانا یوسف پسروری نے کہا کہ کوئی سلام لیے بغیر نا جائے، کسی کو کرونا ہو جائے مجھے چوک میں کھڑا کر کے گولی مار دیں

کوئی سلام لیے بغیر نا جائے، کسی کو کرونا ہو جائے مجھے چوک میں کھڑا کر کے گولی مار دیں ، مولانا یوسف پسروری#CoronaVirusUpdate #Corona #SocialDistanacing #StayAtHomeChallenge pic.twitter.com/NCCYrzuQfW

— Baaghi TV باغی ٹی وی (@BaaghiTV) March 20, 2020

یاد رہے کہ کرونا اس وقت ساری دنیا کواپنی لپیٹ میں لے چکا ہے اوراس کی وجہ سے چند دنوں کے اندر10 ہزار سے زائد لوگ جان کی بازی ہارچکے ہیں، لاکھوں مریض بن چکے ہیں، دنیا کے بڑے بڑے ممالک محصور ہوکررہ گئے ہیں

کرونا کی تباہ کاریوں سے بچنے کےلیے تمام مذاہب کے سکالرز کی طرف سے احتیاطی تدابیراختیارکرنے کی درخواست کی گئی ہے، حتی کہ مسلمانوں کے روحانی مراکز مسجد الحرام اورمسجد نبوی میں بھی نمازوں پرپابندی عائد کردی گئی ہے

کرونا وائرس کی وجہ سے جہاں دنیا اس سے محفوظ رہنے کے لیے احتیاطی تدابیر اختیارکررہی ہے وہاں پاکستان میں بعض علماء حکومت کی مخالفت میں آکرحماقت سے کام لے رہے ہیں اورلوگوں کواحتیاط کرنے کی بجائے کرونا کے جال میں پھنسنے کی ترکیب دے رہے ہیں جسے بہت ناپسند کیا جارہا ہے

پشاور:’سلام کرنا ہاتھ ملانے سے افضل ہے، کورونا کی وباء سے مرنے والا شخص شہید ہوگا’علما متفق ہیں،اجمل وزیر،اطلاعات کےمطابق مشیراطلاعات خیبرپختونخوا اجمل وزیر کہتے ہیں کہ سلام کرنا ہاتھ ملانے سے افضل ہے جبکہ علماء کا اتفاق ہے کہ کورونا وائرس کی وباء سے مرنے والا شخص شہید ہوگا۔

پشاور میں علمائے دین کے ہمراہ پریس کانفرنس سے خطاب میں اجمل وزیر نے کہا کہ تمام علماء اس مشکل گھڑی میں عوام کے ساتھ ہیں،اسلامی تعلیمات کے مطابق خود کو اور دوسروں کو بچانا ہے۔انہوں نے کہا کہ بلاجواز ہجوم میں جانے سے گریز کیا جائے، علماء متفق ہیں کہ خطبات مختصر اور احتیاطی تدابیر پرمشتمل ہوں ہونے چاہئیں۔

مشیر اطلاعات خیبر پختونخوا اجمل وزیر نے کہا ہے کہ پشاور کو لاک ڈائون کرنے سے متعلق خبروں میں کوئی صداقت نہیں، یہ محض افواہیں ہیں، ریسٹورنٹس میں کھانا کھانے والوں کے خلاف کارروائی کی جائے گی۔

اجمل وزیر کا کہنا تھا کہ ہم نے علماء کرام سے مل کر کورونا وباء کا مقابلہ کرنا ہے، علماء کرام نے متفقہ طور پر کہا ہے کہ مصیبت کی اس گھڑی میں مستحقین کو زکواۃ اور صداقات دیں ۔انہوں نے کہا کہ علماء کا اس امر پر بھی اتفاق پایا گیا کہ اس وباء سے مرنے والا شہید ہے، جبکہ علماء نے یہ بھی کہا کہ ہاتھ ملانے سے گریز کیا جائے اور صرف اسلام علیکم کہا جائے،علماء کرام مساجد میں مختصر خطبہ دیں گے اور عوام کو کرونا وائرس سے بچنے سے متعلق آگاہی دیں گے۔

ان کا کہنا تھا کہ 170 زائرین کو ڈی آئی خان سے گلگت روانہ کر دیا گیا ہے جبکہ تفتان سے آنے والے دیگر 250 زائرین قرنطینہ سینٹر میں رکھے گئے ہیں

اسلام آباد :کرونا وائرس : پی آئی اے نے بیرون ملک سے آنے والوں کے لیے شرائط نرم کر دیں ،اطلاعات کےمطابق پاکستان نے 21 مارچ سے انٹرنیشنل پروازوں کے مسافروں کے لیے کورونا ٹیسٹ لازمی قرار دے دیا ہے وہاں کچھ نرمی بھی کی ہے ۔

پی آئی اے کی طرف سے کہا گیا ہے کہ کرونا وائرس کی وجہ سے سخت سکریننگ کا عمل جاری ہے ، پہلے فیصلہ کیا گیا تھا کہ بیرون ملک سے آنے والے مسافروں کے لیے آر ٹی اورپی سی آر ٹیسٹ لازمی قراردیئے تھے ، تاہم بعد میں پی ائی اے نے ان شرائط میں نرمی کرتے ہوئے مسافروں کے لے آسانیاں پیدا کردی ہیں

یہ بھی کہا گیا ہے کہ پاکستان آنے والے مسافرپہلے اس بات کی یقین دہانی کروائیں گے کہ وہ پاکستان آنے سے پہلے 14 دن تک قرنطینہ سینٹرمیں گزارکرآئے ہیں اوراب وہ بالکل صحت مند ہیں‌،

یاد رہے کہ اس سے قبل منگل کو ایوی ایشن ڈویژن کے مطابق 21 مارچ 2020 سے پاکستانی وقت کے مطابق صبح پانچ بجے سے بیرون ممالک سے آنے والے مسافروں کا داخلہ ایئر پورٹس پر کورونا وائرس ٹیسٹ کی مصدقہ رپورٹ کی فراہمی سے مشروط کر دیا گیا تھا ۔

ادھر وفاقی وزیر ہوا بازی غلام سرور خان نے کابینہ کے اجلاس کے بعد مشیر اطلاعات فردوس عاشق اعوان کے ہمراہ پریس کانفرنس سے خطاب کرتے ہوئے بتایا کہ 21 مارچ سے انٹرنیشنل پرواز کے مسافر کورونا ٹیسٹ منفی ہونے پر ہی بورڈنگ کارڈ حاصل کر سکیں گے۔

’ملک میں کسی بھی بین الاقوامی پرواز کے اترنے پر کوئی پابندی نہیں تاہم کئی ضروری اقدامات کے بعد ہی مسافروں کو باہر آنے دیا جائے گا۔‘وزیر ہوابازی نے بتایا کہ 21 مارچ سے تربت اور گوادر ایئرپورٹس سے انٹر نیشنل پروازیں آپریٹ نہیں ہوں گی۔انہوں نے بتایا کہ 13 مارچ کو نیشنل سکیورٹی کونسل کے اجلاس میں اہم فیصلے کیے گئے تھے۔

پاکستان کے ایوی ایشن ڈویژن کے مطابق 21 مارچ 2020 سے پاکستانی وقت کے مطابق صبح پانچ بجے سے بیرون ممالک سے آنے والے مسافروں کا داخلہ ایئر پورٹس پر کورونا وائرس ٹیسٹ کی مصدقہ رپورٹ کی فراہمی سے مشروط کر دیا گیا ہے۔ایوی ایشن ڈویژن کے ترجمان کے مطابق اس بات کو لازمی قرار دیا گیا ہے کہ بیرون ملک سے آنے والے مسافر نے اپنا ٹیسٹ پرواز سے 24 گھنٹے قبل کروایا ہو۔ٹیسٹ کی رپورٹ میں مسافر کا نام اور پاسپورٹ نمبر شامل ہونا ضروری ہے۔ اس حوالے تمام ایئر لائنز کو واضح طور ہدایات جاری کر دی گئیں ہیں۔

ترجمان ایوی ایشن ڈویژن کے مطابق پاکستان کی حدود میں داخلے کی اجازت صرف اور صرف کورونا وائرس کی مصدقہ رپورٹ کی فراہمی کی صورت میں ہو گی اور یہ شرط چار اپریل تک برقرار رہے گی۔’اس اقدام کا مقصد پاکستان میں کرونا وائرس کے پھیلائو کو روکنا ہے۔ ٹیسٹ رپورٹ کی فراہمی کے ساتھ ساتھ ہیلتھ ڈیکلیریشن فارم جمع کروانا بھی لازم ہے۔‘ترجمان ایوی ایشن ڈویژن کے مطابق ملک کے تمام ہوائی اڈوں کے علاقائی روانگی پر مسافروں کی سکریننگ کو لازم قرار دیا گیا ہے۔

ترجمان ایوی ایشن ڈویژن کے مطابق ہوائی اڈوں پر مسافروں کو سوار کرنے سے قبل تمام جہازوں کو جراثیم سے پاک کرنے کے لیے سپرے کرنا ضروری قرار دیا گیا ہے۔تمام ایئر لائنز کو اس حوالے سے سول ایوی ایشن اتھارٹی کو سرٹیفکیٹ جمع کروانا لازم ہو گا بصورت دیگر ہوائی جہاز کو اترنے کی اجازت نہیں دی جائے گی۔