Category: کرونا اپڈیٹس

کراچی : شہر قائد میں حکومت نے جانب سے قائم قرنطینہ مراکز پرموثر سیکیورٹی نہ ہونے کے باعث بیرون ملک سے آئے کورونا سے متاثرہ مسافر فرار ہونے لگے۔

تفصیلات کے مطابق کراچی میں قرنطینہ مراکزپرموثر سیکیورٹی نہ ہونے کے باعث محکمہ صحت کومشکلات کاسامنا ہے ، ذرائع کا کہنا ہے کہ عراق سے آنیوالی خاتون کو کورونامثبت آنے پر کورنگی قرنطینہ سینٹربھیجا گیا تاہم خاتون نے ڈاکٹر سے نامناسب رویہ اختیار کیا اور بیٹے کے ہمراہ چلی گئیں۔

اس حوالے سے محکمہ صحت کےڈپٹی سیکریٹری نے محکمہ داخلہ کو قرنطینہ مراکز پر سیکیورٹی بڑھانےکیلئےخط لکھاتھا، جس میں کہا گیا تھا کہ ایئر پورٹ ہوٹل اوردیگر قرنطینہ مراکز پرسیکیورٹی بڑھائی جائے۔

خط میں کہا گیا کہ کورونامثبت ٹیسٹ آنےپرکینیڈا سےآیامسافر قرنطینہ سینٹر بھیجاگیا لیکن موثرسیکیورٹی نہ ہونےسے یہ مسافر فرارہوگیا۔

محکمہ صحت کا کہنا تھا کہ بھاگنے والے مریض با آسانی دیگر لوگوں میں کورونا پھیلا سکتے ہیں، یہ افراد بیرون ملک سے پاکستان آئے جن میں کورونا کی تصدیق ہوئی تھی، زیادہ تر متاثرہ افراد میں ڈیلٹا ویرینٹ کی تصدیق ہوئی تھی۔

خیال رہے ذرائع محکمہ صحت کا کہنا ہے کہ 5مئی سے اب تک23مسافر قرنطینہ مراکز سےفرار ہوچکے ہیں۔

لاہور:حکومت پہلے 25 لاکھ اساتذہ کوکورونا ویکیسن لگااپنی ذمہ داری توپوری کرے:اطلاعات کے مطابق صدرآل پاکستان پرائیویٹ سکولز فیڈریشن کاشف مرزا نے حکومت سے کہا کہ پہلے حکومت اپنی ذمہ داری تو پوری کرے ،کاشف مرزا کہتے ہیں کہ پہلے حکومت 15لاکھ پرائیویٹ اور 10لاکھ سرکاری‏اساتذہ کو ویکسی نیٹڈ کرنے کے لیے حکومت ترجیح بنیادوں پراقدامات کرے۔

کاشف مرزا کہتے ہیں‌کہ 25لاکھ اساتذہ کی یکم اگست تک لازمی ویکسی نیشن ناممکن ہے، سکولزمیں نہ پڑھا سکنے کی پابندی انصاف کے منافی اور تعلیم دشمنی ہے۔

ان کا کہنا تھا کہ 5 کروڑ ‏طالب علموں کیلئے ویکسی نیشن سہولیات کی عدم دستیابی صورت میں 31 اگست تک لازمی ویکسی نیشن ڈیڈ لائن ناممکن اور تعلیم سے مذاق ہے۔

صدرآل پاکستان پرائیویٹ سکولز فیڈریشن کاشف مرزا کہتے ہیں کہ پرائیویٹ و پبلک طلبا،اساتذہ واسٹاف کو بلا امتیاز ویکسین ترجیح بنیادوں پرکی جائے۔ بند تعلیمی اداروں سے تعلیم اورویکسی نیشن کاعمل متاثر ہوگا۔

صدرآل پاکستان پرائیویٹ سکولز فیڈریشن کاشف مرزا کا کہنا تھا کہ تعلیم ادارے ملک بھر کھلے رکھ کر سکولزڈورٹو ڈور ویکسی نیشن کی جائے۔
‏

ابھی عید کو گزرے چنددن ہی ہوئے ہیں اور ایک نئی بلا نے سر اٹھا لیا ہے – آج کورونا کے کیسز میں انتہائی تیزی سے اضافہ دیکھنے میں آیا ہے کراچی میں اس کی شرح تیس فیصد کے قریب پہنچ چکی ہے این سی او سی نے اس بات کے خدشے کا اظہار کیا ہے کہ ڈیلٹا ویرینٹ پاکستان میں اضافے کا سبب بن رہا ہے جبکہ اس بات کا مکمل ثبوت موجود ہے کہ کافی عرصے سے یہ ویرینٹ پاکستان میں موجود ہے ۔سندھ حکومت نے اس حوالے سے تشویش کا اظہار کیا تھا اور بدقسمتی سے سندھ میں کرونا کے تمام پازٹیو ٹیسٹ ڈیلٹا ویرینٹ کے ہی ہیں اب تک پائے جانے والے تمام ویرینٹ میں سے اسے سب سے زیادہ تباہ کن مانا جاتا ہے کیونکہ اس نے انڈیا میں جو تباہی مچاہی ہے اس کے بارے میں سن کر ہی رونگٹے کھڑے کو جاتے ہیں انڈیا میں ایک دن کے اندر لاکھوں کی تعداد میں لوگ ااس میں مبتلا ہونے لگے تھے اور ہسپتالوں کے اندر جگہ نہ تھی بلکہ اس کی تباہی کا اندازہ اس سے بھی لگایا جا سکتا ہے کہ لوگوں کو جلانے کے لیے شمشان گھاٹ میں بھی جگہ تنگ پڑ گئی تھی اور شمشان گھاٹوں کے باہر کوگوں کی لمبی لائن ہوتی تھی جو اس بات کا انتظار کر رہے ہوتے تھے کہ باری آنے پر اپنے پیاروں کی نعش کو جلا سکیں سندھ حکومت نے اس حوالے سے عملی اقدامات اٹھانے کا اعلان بھی کر دیا ہے اس سلسلے کی پہلی کڑی کے طور پر سندھ حکومت نے سوموار سے تمام سکولوں کو بند کرنے کیا ہے صرف جن طلبا کے امتحانات ہو رہے وہ معمول کے مطابق کھلے ہیں اس کی علاوہ ایک اور احسن کام یہ کیا ہے کہ پی ٹی اے اور این سی او سی کو ایک مراسلہ بھیجنے کی تیاری مکمل ہو چکی ہے جس میں یہ سفارش کی گئی ہے کہ جن افراد نے ویکسین نہیں لگوائی ان کے سم کارڈ بند کر دئیے جائیں اس کے علاوہ سرکاری ملازمین کی تنخواہوں کو بھی اس بات سے مشروط کیا ہی کہ ویکسین کروانے والے افراد ہی وصول کر سکیں گے-عید کے اجتماعات کے علاوہ مویشی منڈیوں میں شدید رش دیکھنے کو ملا جس کی وجہ سے اس بات کا اندیشہ ہے کہ چوتھی ویو آ سکتی ہے کیونکہ ان جگہوں کوئی ایک بھی فرد ایسا نہیں دیکھا گیا جس نے ایس او پیز کی پابندی کر رکھی ہو اور مویشی بیچنے والے زیادہ تر ایسے افراد ہی ہوتے ہیں جو کم پڑھے لکھے ہوں اور ان کا دیہاتوں سے تعلق ہوتا ہے اس لیے انہیں اس حوالے سے آگاہی نہیں ہوتی اور وہ نہیں سمجھتے کہ وہ وبا کے پھلاؤ میں حصہ ڈال رہے ہیں مگر اصل حیرت کی بات تو یہ تھی کہ پڑھا لکھا طبقہ بھی وائرس کے پھیلاو میں بڑھ چڑھ کر حصہ ڈال رہا تھا کیونکہ عید کی نماز کے بعد کئی ایسے افراد کو بھی دیکھا جو دوایتی طریقے سے تین بار گلے مل کر عید کی مبارک پیش کر رہے تھے اور اس بات سے ہی منکر تھے کہ کورونا اصل میں موجود ہے بلکہ اس کو امریکا اور بل گیٹس کی ملی بھگت قرار دے رہے تھے پنجاب حکومت اس حوالے سے بالکل خاموش ہے کسی قسم کے اقدامات کے بارے میں نہیں سوچا گیا-بزدار حکومت بے ابھی تک ایسے کوئی اقدامات نہیں کئے جن سے ان کی سنجیدگی کا اندازہ لگایا جا سکے بلکہ اس کو زیادہ تر سیاسی پوائنٹ سکورننگ کرت ہی دیکھا گیا ہے اس کے علاوہ کشمیر الیکشن میں بھی حکومت اور اپوزیشن دونوں نے کورونا کو نظر انداز کیا ہے بلکہ مجھے پیپلز پارٹی پر اور ان کے دوہرے معیار پر اس سے بھی زیادہ حیرت ہوئی کیونکہ سندھ میں تو انہوں نے کورونا کو قابو کرنے کے اقدامات کیے مگر یہاں پر ایسا لحاظ نہیں رکھا گیا بلکہ بقول حلیم عادل شیخ کے پیسوں سے بھرے جہاز کشمیر کو فتح کرنے کے لیے روانہ کیے گئے اگر خدانخواستہ ڈیلٹا ویرینٹ انڈیا کی طرح تباہی مچاتا ہے تو ہمارے پاس اس کے علاوہ کوئی راستہ نہیں ہو گا کہ اپنے پیاروں کو اپنے سامنے ایڑیاں رگڑتے ہوئے دیکھیں اس لیے ضروری ہے کہ اپنے تمام رشتہ داروں کو آمادہ کرئیں کہ وہ ویکسین لگوائیں اور حکومت سے بھی اپیل ہے کہ اس ویرینٹ کو روکنے کے لیے خاطر خواہ اقدامات کئے جائیں تاکہ اس عفریت سے بچا جا سکے

ٹویٹر-mohsenwrites@

لاہور:سکول کھلیں ہیں:اب بند کرنے کی پوزیشن میں نہیں:یہ اہم بات کس نے کی؟تفصیلات آگئیں ،اطلاعات کے مطابق کاشف مرزا صدر آل پاکستان پرائیویٹ سکولز فیڈریشن کہتے ہیں کہ سکولز کھلے رہیں گے،

کاشف مرزا صدر آل پاکستان پرائیویٹ سکولز فیڈریشن کہتے ہیں‌ کہ رواں سال ملک بھرپرائیویٹ سکولز میں مزید تعطیلات نہیں ہونگی۔

کاشف مرزا صدر آل پاکستان پرائیویٹ سکولز فیڈریشن نے مزید کہا کہ مسلسل تعلیمی ادارے بند کرکےپانچ کروڑ طلبا کاگذشتہ 18 ماہ سےتعلیمی نقصان کا ازالہ ناممکن ہے۔

کاشف مرزا صدر آل پاکستان پرائیویٹ سکولز فیڈریشن نے مزید کہا کہ آن لائن تعلیم کی سہولت رکھنے وال سکولز آن لائن کلاسز کا انعقاد کریں گے۔

کاشف مرزا صدر آل پاکستان پرائیویٹ سکولز فیڈریشن کا کہنا تھا کہ سکولز بند اورامتحانات ملتوی کرنے کی تجویز مستردکرتے ہیں۔ 50لاکھ طلباکے مستقبل کے لیےامتحانات شیڈول کےتحت ہرصورت لیے جائیں۔

کاشف مرزا کہتے ہیں کہ سیاستدانوں کو اگربچوں کےمستقبل کااحساس ہے تواپنی سیاسی جلسے جلوس ملتوی کر دیں۔

سندھ بلوچستان میٹرک اوراےواو لیول کے امتحانات ہوئے ہیں،اگر صوبوں کے 50 لاکھ طلبا کاامتحان ملتوی ہواتو یہ امتیازی سلوک ہوگا۔

جو بچے ابھی امتحان نہیں دے سکتے ہیں انکے لیے ستمبر یا اکتوبر میں امتحان دینے کی آپشن موجود ہے۔وزیراعظم، چیف جسٹس،آرمی چیف اورNCOC الیکشن سرگرمیاں اورغیر قانونی سیاسی اجتماعات رکوائیں۔