Category: کرونا اپڈیٹس

آزاد میڈیا کو جمہوریت میں چوتھا ستون مانا جاتا ہے۔ اس سے کسی کو کوئی انکار نہیں۔ عوام تک بروقت اور حقیقی خبریں پہنچنا اور ریاست کے معاملات سے آگاہی بلاشبہ ضروری عنصر ہے لیکن آج کل کی "بریکنگ نیوز” کی دوڈ نے ایسے ایسے بگاڑ پیدا کر دئیے ہیں جو نہ صرف صحافتی اقدار کے خلاف ہیں بلکہ بعض معاملات میں ریاست کو ناقابل تلافی نقصان بھی پہنچاتے ہیں۔
اسی دوڑ میں سوشل میڈیا صارفین نے تو حد کر دی ہے، کسی بھی شخص کو کسی بھی پلیٹ فارم پہ کوئی ویڈیو ملے وہ اسے وائرل کرنے کے چکر میں یہ بھول جاتے ہیں کہ اس سے معاشرے میں خوف و ہراس پھیلنے کے علاوہ رسیاستی سطح پر بھی اس کے خطرناک اثرات مرتب ہو سکتے ہیں۔
جب سے کرونا وائرس جیسی عالمی وبا آئی ہے تب سے اسے لے کے سوشل میڈیا پر ایسی ایسی خبریں پھیلائی جا رہی ہیں کہ خدا کی پناہ۔ کوئی بتا رہا ہے کہ ویکسین کے دو سال بعد آدمی مر جائے گا تو کوئی کہتا ہے اس کے ذریعے مردوں میں "چِپ” ڈالی جا رہی ہے جو انہیں بچے پیدا کرنے کی صلاحیت سے محروم کر دے گی۔ کوئی انجیکشن والی جگہ پر بلب روشن کر کے دکھا رہا ہے تو کوئی وہاں مقناطیس بنا کے دکھا رہا ہے۔ اگرچہ یہ تمام چیزیں اپنی مشہوری کے لئے ہی کی جا رہی ہیں لیکن لوگوں میں اس قدر خوف پیدا ہو گیا کہ انہوں نے نا صرف خود ویکسین نہیں لگوائی بلکہ اپنے خاندان میں کسی کو بھی لگوانے سے گریزاں ہیں۔
اس سے زیادہ خطرنا بات ہمارے مین سٹریم میڈیا کی غیر ذمہ دار رپورٹنگ ہے۔
کبھی سوچا ہے کہ دنیا میں کرونا وائرس کے سب سے زیادہ شکار یورپی ممالک میں سفری پابندیاں پاکستان سے کم کیوں ہیں حالانکہ ہمارے ہاں اللہ کے کرم سے کرونا کافی حد تک کنٹرول میں رہا؟
وہ ہے صرف اور صرف میڈیا کا کردار۔
ہمارا میڈیا بریکنک نیوز کے چکر میں کبھی کہہ رہا ہوتا ہے کہ پاکستان میں "افریقی ویرینٹ” آ گیا تو کبھی ہسپتال کے ایمرجینسی میں لگی آگ سے بچائے گئے لوگوں کو جب باہر نکالا گیا تو یہ پراپیگنڈا کر دیا گیا کہ کرونا کے مریضوں سے پاکستانی ہسپتال بھر چکے ہیں اور مریضوں کو جگہ نہیں مل رہی۔ اور ابھی ابھی ہمارا میڈیا یہ خبریں بھی چلا رہا ہے کہ پاکستان میں "انڈین ویرینٹ” بھی داخل ہو گیا ہے۔ انڈیا جس پر پوری دنیا میں براہ راست داخلے پر پابندی ہے جب اس کے ساتھ پاکستان کا نام پاکستانی میڈیا ہی جوڑ دے گا تو اس کے بین الاقوامی اثرات کیا ہونگے کیا اس بات کا ادراک اس نام نہاد "آزاد صحافت” کے داعیوں کو نہیں ہے۔
بے شک آپ آزاد صحافت کریں لیکن جہاں ریاست کی بے وجہ بدنامی یا نقصان کا احتمال ہو وہاں اپنے بریکنک نیوز کے لالچ میں پاکستان کو نقصان نہ پہنچائیں۔ اپنا مثبت کردار ادا کریں اور لوگوں کی زندگیاں بچائیں۔
میرا پیغام محبت ہے جہاں تک پہنچے۔

@Being_Faani

ایس او پیز پر عمل نہ کرنے کی وجہ سے جان لیوا کرونا وائرس تیزی سے پھیلنے لگا ہے عید سے پہلے ہی سندھ حکومت نے ایس او پیز پر سختی سے عمل کرنے اور احکامات جاری کرنے کے باوجود عوام نے سنجیدگی کا مظاہرہ نہیں کیا جس کے نتیجے میں سندھ کے شہر کراچی میں مثبت نتائج آنے والوں کی شرح 21.58 اور باقی ضلعوں مجموعی طور پر شرح 10.3 تک پہنچ گئی ہے. جس کے بعد سندھ حکومت نے پیر 26 جولائی سے مزارات , شادی ھال اور تعلیمی ادارے بند کرنے کا اعلان کردیا ہے. کراچی کی تاجر برادری نے ہفتے میں دو دن کاروبار بند رکھنے والی حکومتی پابندیوں کو رد کرتے ہوئے احتجاج کا اعلان کیا ہے.

سندھ میں کرونا کے کیسز میں خطرناک حد تک بڑھ جانے سے اندازہ لگایا جاسکتا ہے کہ عوام ایس او پیز پر سختی سے عمل نہیں کر رہی. اور یہ بات بھی سامنے آئی ہے کہ عید والے دن کرونا ایس او پیز کو مکمل طور پر نظرانداز کیا گیا. جس کی وجہ سے اس قاتل وائرس کو پھیلنے کے لئے سازگار ماحول مل گیا ۔ سندھ میں کرونا کے مثبت کیسز کی شرح 10.3 ہے جو کہ بہت بڑی ہے. کراچی میں تو اس سے بھی زیادہ ہے اور وہاں پر کرونا وائرس کی خطرناک قسم "ڈیلٹا ویریئنٹ” کے سبب متاثرین کی بہت بڑی تعداد ہے. سوچنے کی بات یہ ہے کہ جب چین کے شہر ووہان میں کرونا وائرس کا پھیلاؤ ہوا تو اس وقت چین جیسا جدید ٹیکنالوجی والا ملک بھی اس وائرس کے سامنے بےبس نظر آیا اور وہاں پر وائرس کی وجہ سے بہت زیادہ جانی نقصان ہوا. پر کراچی کی آبادی ووہان سے دوگنی ہے. کرونا کی خطرناک قسم "ڈیلٹا ویریئنٹ ” کا سندھ بشمول کراچی میں پھیلنے کے خطرات زیادہ ہیں اگر اس پھیلاؤ میں تیزی آ جاتی ہے تو اس کو قابو میں لانا مشکل ہوجائے گا. سندھ میں پہلے ہی محکمہ صحت کی کارکردگی اچھی نہیں اس لئے سختی سے کام نہ لیا گیا تو بہت نقصان ہوگا اس وقت شہروں میں صفائی کے انتظامات بھی اچھے نہیں عید پر قربانی کرنے کی وجہ سے جانوروں کی آلائشیں بھی گلی محلوں میں پڑی ہیں جس کی وجہ سے گندگی میں اضافہ ہوا ہے. کرونا وائرس کے تیزی سے پھیلاؤ نے صورتحال کو پیچیدہ بنا دیا ہے اس لئے ضروری ہے سخت اقدامات اٹھائے جائیں. کراچی کی تاجر برادری نے حکومتی احکامات پر اعتراض کرتے ہوئے سخت احتجاج کرنے کی دھمکی دی ہے. پر سمجھنے کی بات یہ ہے کہ کاروبار سے انسانی جانیں زیادہ ضروری ہیں. اگر پہلے ہی ایس او پیز پر سختی سے عمل کیا جاتا تو یہ صورتحال کبھی نہیں آتی. عید سے تھوڑا عرصہ پہلے اور عید کے دنوں میں جس طرح بازاروں, شاپنگ مالز, اور جس طرح ایس او پیز ( قربانی کے جانوروں کی منڈیوں میں) نظر انداز کیا گیا یہی نتیجہ تو نکلنا تھا. کیوں کہ لوگوں کی اکثریت نے نہ ماسک پہننا ضروری سمجھا اور نہ ہی سماجی مفاصلہ برقرار رکھا گیا. اس دوران سندھ انتظامیہ کا ایس او پیز پر عمل والا کردار انتہائی لا تعلقی والا رہا جو صورتحال کو مزید خراب کا سبب بنا.

سندھ میں کرونا وائرس کے پھیلاؤ والی صورتحال انتہائی خطرناک ہوتی جا رہی ہے خاص طور پر کراچی کی صورتحال بہت پریشان کن ہے. یہ صورتحال اس بات کی تقاضا کرتی ہے کہ کرونا وائرس کے پھیلاؤ کو روکنے کے لئے سخت اقدامات اٹھائے جائیں. کراچی کی تاجر برادری کو بھی معاملے کو سنجیدگی سے سمجھنا چاہیے. یہی تاجر برادری, شاپنگ مالز اور ریسٹورنٹ والے اگر ایس او پیز پر عمل کو یقینی بنواتے تو صورتحال اس خطرناک حد تک نہ پہنچتی. مانتے ہیں کاروبار اہم ہے پر جب بات لوگوں کی زندگی پر آئے تو اس صورتحال میں لوگوں کی زندگیاں ضرور ہیں

@Nadir0fficial