Category: کرونا اپڈیٹس

ٕلاہور:برخوردار:کورونا پرسیاست نہ کریں‌:انسانیت کی زندگی کاسوال ہے:اسد عمرکی بلاول کونصیحت،اطلاعات کے مطابق این سی او سی کے سربراہ اور وفاقی وزیر اسد عمر نے کہا ہے کہ بلاول بھٹو صاحب کورونا وائرس کی صورتحال پر سیاست نہ کریں۔

پاکستان پیپلز پارٹی کے چیئر مین بلاول بھٹو زرداری کی طرف سے لاک ڈاؤن کے حوالے سے بیان پر رد عمل دیتے ہوئے وفاقی وزیر برائے منصوبہ بندی اسد عمر نے ٹویٹر پر لکھا کہ بلاول بھٹو صاحب آپ نے گزشتہ سال مجھے ایک میٹنگ میں بتایا تھا کہ ملک میں ایک دن میں 78 ہزار اموات ہوئی ہیں۔ یہ ایک ایسا موضوع ہے جسے آپ بالکل نہیں سمجھتے۔ برائے مہربانی کورونا وائرس پر سیاست نہ کریں۔انسانیت کی زندگی کا سوال ہے ،

Remember Mr zardari last year you told me in a meeting that you believed in the Imperial study which had predicted 78 thousand deaths in Pakistan in a single day. This is obviously a subject that you do not understand very well. Please do not politicize the covid response

— Asad Umar (@Asad_Umar) July 31, 2021

ان کا کہنا تھا کہ بلاول بھٹو زرداری کہتے ہیں کہ کورونا وائرس کے باعث اگر کراچی میں بھارت جیسی صورتحال ہوتی ہے تو اس کے ذمے دار عمران خان ہوں گے۔

اپنے ٹویٹر پر وفاقی وزیر اسد عمر نے متواتر بار لکھا کہ بلاول صاحب آپ لاک ڈاؤن چاہتے ہیں، لیکن ایسا کرنے پر بھارت کو بھاری نقصان برداشت کرنا پڑا، ساری دنیا نے بھارت میں ہونے والی تباہی دیکھی۔ لاک ڈاون کے اثرات سے ابھی تک بھارت کی معیشت نہیں سنبھل سکی اور 7 فیصد تک سکڑ گئی۔کروڑوں لوگ غربت میں چلے گئے۔

Bilawal zardari says if what happened in India happens in karachi PM responsible. Mr zardari what you wanted.. Lock down lock down lockdown..Was done in India & the world saw the devastation . Crores thrown into poverty from which they have still not recovered. Economy shrank 7%

— Asad Umar (@Asad_Umar) July 31, 2021

انہوں نے کہا کہ وزیراعظم کی پالیسی انسانی جانیں اور روزگار دونوں بچانا ہے، عمران خان کی پالیسی کے انتہائی مثبت نتائج سامنے آئے ہیں۔کورونا سے بھارت میں اموات پاکستان سے 3 گنا زیادہ ہیں لیکن پاکستان کی معیشت میں 4 فیصد بہتری آئی ہے۔

ایک اور ٹویٹ میں اسد عمر نے کہا ہے کہ امید ہے کل این سی او سی کے اجلاس میں سندھ حکومت لاک ڈاؤن سے متعلق معاملات پر تفصیل میں مشاورت کرے گی۔

سماجی رابطے کی ویب سائٹ ٹویٹر پر وفاقی وزیر برائے منصوبہ بندی نے لکھا کہ جو سندھ میں صنعت اور ٹرانسپورٹ کی بندش کے بارے میں فیصلے کے گئے ہیں ان پر نظر ثانی کی ضرورت ہے۔

اسدعمر نے کہا کہ ہم نے کل بھی اور اج بھی اپنے نکتہ نظر سے آگاہ کیا تھا، جس کی بنیاد پر جزوی تبدیلی کی گئ ہے، جو خوش آئند ہے لیکن ابھی بھی مزید ترمیم کی ضرورت ہے۔

Strategy based on PMIK vision of protecting both lives and livelihoods, produced dramatically superior results. Indian economy had the worst year since independence and pak econ grew 4%. At the same time Indian per capita covid mortality is 3 times higher than Pakistan

— Asad Umar (@Asad_Umar) July 31, 2021

اسد عمر نے اپنے ٹویٹ میں لکھا کہ امید ہے کہ کل این سی او سی کے اجلاس میں سندھ حکومت ان تمام معاملات پر مزید تفصیل میں مشاورت کرے گی اور مشاورت سے ایسی حکمت عملی وضع ہو گی جس میں ریاست کے سب ستون مل کر سندھ کے عوام کی صحت اور روزگار دونوں کا دفاع کریں۔

دوسری طرف این سی او سی کا کہنا ہے کہ حکومت سندھ نے کورونا پھیلاؤ کےمدنظر31 جولائی سے8 اگست تک پابندیوں کا نفاذ کیا، وفاق کے زیر انتظام بعض سیکٹرز بھی ایس او پیز کے تحت کام کرتے رہیں گے۔

اسلام آباد: سندھ میں حکومت ہماری:کرونا کی وجہ سے بھارت والی صورتحال ہوئی تو عمران خان ذمہ دارہونگے: اطلاعات کے مطابق پاکستان پیپلز پارٹی کے چیئر مین بلاول بھٹو زرداری کا کہنا ہے کہ اس بات میں کوئی شک نہیں کہ سندھ میں‌ ہماری حکومت ہے ،اگرکورونا وائرس کے باعث خدانخواستہ کراچی میں بھارت والی صورتحال ہوئی توعمران خان، وفاقی وزرا ذمہ دارہونگے ۔ ان کوپکڑیں گے۔

میڈیا سے گفتگو کرتے ہوئے بلاول بھٹو زرداری نے کہا ہے کہ ڈیلٹا ویرینٹ تیزی سے کراچی میں پھیل رہا ہے، ان کوپتا تھا کہ سندھ حکومت لاک ڈاؤن کرے گی، جانتے ہوئے بھی مخالفت کررہے ہیں، کراچی میں کیسزکی شرح30فیصد سے زائد ہوچکی ہے۔ ڈیلٹا ویرینٹ بہت خطرناک ہے، وفاقی حکومت ہمارا خیال کرنے کے بجائے ہمیں جاہل کہہ رہی ہے۔

ان کا کہنا تھا کہ سندھ میں لاک ڈاؤن،حکومت ہرچیزپرسیاست کرنا چاہتی ہے۔ وفاقی حکومت کچھ کرتی ہے نہ کسی اورکوکچھ کرنے دیتی ہے، حکومت کولاک ڈاؤن پر اگر مدد نہیں کرنا تھی تو چپ رہتے، سندھ حکومت عوام کو بچانے کے لیے اقدامات کررہی ہے، اگربھارت کی طرح وائرس پھیل گیا توعمران خان، وزرا ذمہ دارہونگے، جب لاہورمیں کرفیو،لاک ڈاؤن کیا گیا توکوئی نہیں بولا تھا، یہ ایک نہیں دوپاکستان ہے۔

اسلام آباد:جسٹس قاضی فائزعیسیٰ کی طبیعت بگڑگئی:سانس اکھڑنے لگا،ہسپتال منتقل،اطلاعات کے مطابق سپریم کورٹ آف پاکستان کے سنیئر جج جسٹس قاضی فائز عیسیٰ کی طبیعت بگڑگئی ہے اوراطلاعات ہیں کہ ان کوفوری طورپرہسپتال منتقل کیا جارہا ہے

اس حوالے سے معروف صحافی سنیئر تجزیہ نگارمبشرلقمان نے جسٹس قاضی فائز عیسیٰ کی صحت کے حوالے سے تازہ ترین صورت حال سے آگاہ کرتے ہوئے کہاہےکہ ان کی سانس اکھڑرہی ہے

Justice Qazi Faiz Esa is having issues due to Covid 19 and his Oxygen saturation is gettimg low, he will be shifted to a hospital in a shortwhile

— Mubasher Lucman (@mubasherlucman) July 31, 2021

مبشرلقمان نے اس حوالے سے کہا ہےکہ جسٹس قاضی فائز عیسیٰ جو کہ کورونا وائرس کا شکارہوگئے تھے ، اب ان کوآکسیجن کی ہنگامی بنیادوں پر ضرورت ہے ،

ان کا کہنا تھا کہ طبیعت کے پیش نظرقاضی فائز عیسیٰ کو ہسپتال منتقل کیا جارہا ہے ،

یاد رہے کہ چند دن پہلے جسٹس قاضی فائزعیسیٰ اوران کی اہلیہ کو کورونا ہوگیا تھا تب سے لیکراب تک جسٹس قاضی فائز عیسیٰ اوراہلیہ نے اپنے آپ کو گھر پرقرنطینہ کررکھا تھا

کراچی: ویکسی نیشن کیلئے رش،احتجاج،دھکم پیل،سیکیورٹی گارڈ زخمی:پولیس طلب کرلی گئی،اطلاعات کے مطابق کراچی میں ویکسی نیشن کیلئے شہریوں کا ایکسپو سنٹر کے باہر شدید رش دیکھا گیا، طویل قطاروں میں لگے افراد کے صبر کا پیمانہ لبریز ہو گیا، ہال کے شیشے توڑ دیئے اور سکیورٹی پر تعینات سکاؤٹ اہلکار زخمی ہو گیا۔

خیال رہےکہ سندھ حکومت کی جانب سے ویکسین نہ لگوانے والوں کی موبائل سِم بلاک کرنے کی تجویز پر کراچی کے ویکسین مراکز پر شہریوں کا رش لگ گیا ہے اور صبح سویرے سے لےکر رات گئے تک ان مراکز پر شہریوں کی بڑی تعداد موجود رہتی ہے۔

پولیس کا کہنا ہےکہ ایکسپو سینٹرکے ہال نمبر3 میں ویکسینیٹرز نے 2 گھنٹے کے لیےکام چھوڑ دیا تھا، ویکسینیٹرز کو تنخواہ نہیں ملی تھی جس پر انہوں نے کام بند کیا تھا۔

پولیس کے مطابق ہال نمبر4 میں کارٹیجز ختم ہوگئے تھے جس کے باعث وہاں بھی ویکسینیشن رک گئی تھی، ویکسینیشن کا عمل کئی گھنٹے بند رہا جس پر شہری مشتعل ہوگئے تھے۔

لاہور: لاہور کے 13 علاقوں میں اسمارٹ لاک ڈاؤن نافذ محکمہ صحت پنجاب نے لاہور کے 13 علاقوں میں اسمارٹ لاک ڈاؤن نافذ کردیا ہے، سیکرٹری ہیلتھ سارہ اسلم نے کہا کہ لاک ڈاؤن والے علاقوں میں مارکیٹس، دفاترز، ریسٹورانٹس بند رہیں گے، لاک ڈاؤن 12 اگست تک نافذ رہے گا۔

تفصیلات کے مطابق محکمہ صحت پنجاب نے لاہور کے تیرہ علاقوں میں اسمارٹ لاک ڈاؤن نافذ کردیا ہے، ان علاقوں میں علامہ اقبال ٹاؤن، عزیز بھٹی ٹاؤن،شالیمار ٹاؤن، گلبرگ، سمن آباد سمیت کینٹ کے کچھ علاقے شامل ہیں۔

سیکرٹری ہیلتھ سارہ اسلم نے کہا کہ لاک ڈاؤن کے ذریعے 12 اگست تک آمدورفت کنٹرول کرنے کا فیصلہ کیا گیا ہے، ڈی سی لاہور کی درخواست پر محکمہ صحت نے اسمارٹ لاک ڈاؤن کا نوٹیفکیشن جاری کردیا ہے۔ نوٹیفکیشن میں ہدایت کی گئی ہے کہ اسمارٹ لاک ڈاؤن والے علاقوں میں مارکیٹس، دفاترز، ریسٹورانٹس بند رہیں گے۔

اسمارٹ لاک ڈاؤن والے علاقوں میں تمام مذہبی ، سیاسی ، ثقافتی اور پرائیویٹ اجتماعات پر پابندی عائد ہوگی۔

سیکرٹری ہیلتھ سارہ اسلم نے کہا کہ لاک ڈاؤن والے علاقوں میں میں صرف اشیائے ضروریہ سے متعلق کاروبار کھل سکیں گے۔ بڑے ڈیپارٹمنٹل اسٹورز میں گروسری اور فارمیسیز کھل سکیں گی۔

لاک ڈاؤن کے دوران ہسپتالوں، کلینکس ، لیبارٹریز کے اہلکاروں کو استثنیٰ حاصل ہوگی۔ دوسری جانب حکومت کورونا کیسز میں اضافے کے پیش نظر 18 سال سے کم عمرافراد کی کورونا ویکسی نیشن شروع کرنے پر غور کررہی ہے تاہم ویکسی نیشن سے متعلق حتمی فیصلہ آئندہ ہفتے ہوگا۔