Category: کرونا اپڈیٹس

پشاور:عدم برداشت:قرنطینہ سینٹر میں تعینات پولیس اہلکاروں میں جھگڑا، 2 اہلکار ہلاک ،اطلاعات کے مطابق پشاور میں قائم ایک قرنطینہ سینٹر میں تعینات 2 پولیس اہلکار آپس میں ہونے والے جھگڑے کے باعث فائرنگ سے ہلاک ہو گئے۔

پولیس حکام کا بتانا ہے کہ قرنطینہ سینٹر میں تعینات پولیس اہلکاورں کا آپس میں کسی بات پر جھگڑا ہوا تھا جس پر اہلکاروں نے ایک دوسرے پر فائرنگ کر دی۔

حکام کا بتانا ہے کہ فائرنگ سے دو پولیس اہلکار موقع پر ہی ہلاک جب کہ پولیس اہلکار عباس کو گرفتارکر لیا گیا ہے۔

پولیس ذرائع کے مطابق لاشوں کی شناخت اے ایس آئی گل رحمان اور عمران عرف ڈاکٹر کے نام سے ہوئی ہے جنہیں پوسٹ مارٹم کے لیے اسپتال منتقل کر دیا گیا ہے۔

اسلام آباد : 2 اضلاع میں کورونا کیسز کی یومیہ شرح 20 فیصد سے زائد ہوگئی:حالات بگڑنے لگے ،اطلاعات کے مطابق عالمی وباء کورونا وائرس کی چوتھی لہر میں شدت آگئی اور ملک کے 2 اضلاع میں کورونا کیسز کی یومیہ شرح 20 فیصد سے زائد ہوگئی۔

تفصیلات کے مطابق ملک کے مختلف شہروں میں عالمی وباء کے پھیلاؤ کی شرح میں اضافہ ہوچکا ہے اور 2 اضلاع میں کورونا کیسز کی یومیہ شرح 20 فیصد سے زائد ہوگئی اور ملک میں اس وقت کورونا کی یومیہ بلند ترین 35 فیصد شرح گلگت میں ہے جب کہ کراچی میں عالمی وباء کی شرح 23 اعشاریہ 32 فیصد ہوگئی۔

ادھر ذرائع کے مطابق ملک کے چاروں صوبوں کے 22 اضلاع کورونا سے متعلق اہم ہیں ، اس وقت مظفر آباد میں کورونا کیسز کی شرح 17.12 ہے، پشاور میں کورونا کیسز کی شرح 13.16 اور راولپنڈی میں کورونا کیسز کی شرح 11.32 فیصد ہوچکی ہے جب کہ وفاقی دارالحکومت میں مثبت کیسزکی یومیہ شرح 8.45 فیصد ریکارڈ کی گئی۔

ذرائع کے مطابق دیامر میں کورونا کیسز کی یومیہ شرح 5.19 فیصد ہے، ملک کے 5اضلاع میں کورونا کیسز کی یومیہ شرح ایک فیصد ہے ، حیدرآباد میں5.58 اور میرپور میں6.45 فیصد ، نوشہرہ میں 6 فیصد ہے ،

ذرائع کے مطابق ایبٹ آباد میں کوروناکیسز کی شرح 1.95، چارسدہ میں1.47فیصد، صوابی میں 3.3 فیصد، سوات میں0.34، ملتان میں 1.26 فیصد، بہاولپورمیں 0.28 فیصد اور کورونا کے پھیلاؤ کی شرح لاہور میں2.65فیصد، گوجرانوالہ میں 0.48 فیصد اور گجرات میں0.33 فیصد ہے۔

اسی سورتحال کے پیش نظر وفاقی وزیر برائے منصوبہ بندی اور سربراہ نیشنل کمانڈ اینڈ آپریشن سینٹر اسد عمر نے شہریوں سے جلد ازجلد کورونا ویکسین لگوانے کی اپیل کرتے ہوئے کہا ہے کہ ویکسین کی ایک ڈوز سے بھی آپ محفوظ ہیں

لاہور:سپرنٹنڈنٹ سے انٹرمیڈیٹ کے حل شدہ پرچے چھین کر آگ لگادی گئی،اطلاعات کے مطابق لاہور کے علاقے کاہنہ نو میں کچھ شرپسندوں نے سپرنٹنڈنٹ سے انٹرمیڈیٹ سے پرچھے چھین کر ان کو آگ لگا دی ہے ،

ادھر اس حوالے سے جب صوبائی وزیرہائیرایجوکیشن راجہ یاسر ہمایوں کو اس واقعہ کا علم ہوا تو انہوں نے پولیس کو مجرموں کی گرفتاری کی ہدایات جاری کرتے ہوئے چیئرمین لاہور بورڈ کو جلد رپورٹ پیش کرنے کا حکم دیا

یہ بھی معلوم ہوا ہے کہ اس واقعہ میں ملوث نامعلوم افراد کے خلاف متعلقہ تھانے میں رپورٹ درج کرلی ہے

یہ بھی معلوم ہوا ہے کہ ملزمان نے سینٹر سپرنٹنڈنٹ کی موٹر سائیکل کو بھی آگ لگا دی،

پولیس کا کہنا ہے کہ سینٹر سپرنٹنڈنٹ حل شدہ پرچے واپس بینک جمع کروانے جارہے تھے کہ یہ واقعہ پیش آیا

عید کی چھٹیوں میں کرونا ویکسی نیشن مراکز بند ہوں گے یا کھلے؟ فیصلہ ہو گیا

باغی ٹی وی کی رپورٹ کے مطابق این سی اوسی نے عید کی چھٹیوں میں ویکسی نیشن سینٹر صرف ایک دن بند رکھنے کا فیصلہ کیا ہے

حکام وزارت صحت کے مطابق صرف عید کے روز ویکسی نیشن بند رہیں گے، عید کی تعطیلات کے دیگر دنوں ویکسی نیشن کا عمل جاری رہے گا،این سی اوسی نے ویکسین کی دوسری ڈوز لگانے کے دنوں کا شیڈول بھی تبدیل کردیادوسری خوارک اب مقررہ مدت کی تکمیل پر واک ان کردیا گیا ہے،ویکسین کی دوسری خوراک کے دن میں کمی کر دی گئی،سائنو فارم کی دوسری خوارک اب 21 دنوں کے بعد لی جاسکتی ہے،سائنو ویک کی دوسری خوارک اب 28 دنوں کے بعد دی جاسکتی ہے،آسٹرازنیکا کی دوسری ڈوز اب 28 دنوں کے بعد لگا سکیں گے،

عید کے دوسرے دن ملک بھر کے ویکسینیشن سینٹرزکھل جائیں گے ویکسینیشن کی حوصلہ افزا شرح کے پیش نظر ایک چھٹی کا فیصلہ کیا گیا ہے وفاقی حکومت کی جانب سے عیدالاضحیٰ پر 3 چھٹیوں کا اعلان کیا گیا تھا 21،20 اور 22 جولائی کو عید کی تعطیلات ہوں گی تا ہم ویکسی نیشن مراکز عید کے دوسرے روز کھل جائیں گے

وزیراعظم کے معاون خصوصی برائے صحت ڈاکٹر فیصل سلطان نے کہا کہ کورونا مثبت کیسز کی شرح میں اضافہ ہواہے روزانہ ڈھائی ہزار کے قریب نئے کیسز سامنے آرہے ہیں قومی سطح پر کورونا پھیلنے کی شرح 6فیصد سے بڑھ گئی ہے، کراچی میں کورونا پھیلنے کی شرح 20فیصد ہوگئی ہے،ملک بھر میں 1900افراد کی حالت تشویشناک ہےبھارتی ڈیلٹا پھیلنے کی شرح تیزی سے بڑھ رہی ہے، ویکسین نہ لگوانے والوں میں کورونا کے حملے کا خطرہ 7گنا زیادہ ہے،

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

دہلی میں ہیلتھ ورکر کرونا کا شکار ہوئی تو بیڈ ملا نہ شمشان گھاٹ میں آخری رسومات کیلئے جگہ

بھارت میں کرونا بحران کا مودی ذمہ دار،عالمی میڈیا بھی برس پڑا

بھارت میں کرونا سے سڑکوں پر اموات، پاکستان نے بھی بڑا اعلان کر دیا

بھارت میں کرونا کیسز ، بھارتی سائنسدانوں نے ہی بھارتی قوم کو ڈرانا شروع کر دیا

کرونا کیسز، بھارت میں نیا ریکارڈ بن گیا،شمشان گھاٹ میں طویل قطاریں

ویکسین لگوانے کے باوجود، رکن اسمبلی خاندان کے 4 افراد سمیت کرونا کا شکار