Category: کرونا اپڈیٹس

لاہور: پہلی سےآٹھویں جماعت تک امتحانات سےمتعلق اہم خبر نےطالبعلموں کوغمگین کردیا،اطلاعات کے مطابق سکولوں میں پہلی سے آٹھویں جماعت کے امتحان سات جون سے لینے کی تجویر زیر غور،امتحانات کاسلسلہ پچیس جون تک جاری رہے گا، نتائج کا اعلان 30 جون کو کیا جائے گا۔

تفصیلات کے مطابق لاہورسمیت صوبہ بھر کے سرکاری ونجی سکولوں میں پہلی سے آٹھویں جماعت تک امتحانات سات جون سے لینے کی تجویر زیر غور ہے۔سکولوں میں 25 جون تک امتحانات مکمل کرلیے جائیں گے جبکہ بچوں کے نتائج 30 جون کو جاری کیے جائیں گے۔سکولوں میں امتحانات لینے کی اجازت آئندہ این سی او سی کے اجلاس میں لی جائے گی۔واضح رہے کہ این سی او سی کا آئندہ اجلاس 3 جون کو متوقع ہے۔

دوسری جانب محکمہ ہائر ایجوکیشن نے امتحانات کا شیڈول فائنل کرلیا، 26 جون سے بارہویں جماعت کے امتحانات کا آغاز ہوگا۔ کورونا وباء کے پیش نظر جہاں تعلیمی سرگرمیاں متاثر ہیں وہیں میٹرک اور انٹرمیڈیٹ کے 40 لاکھ طلبا کے امتحانات بھی التوا کا شکار تھے، محکمہ ہائر ایجوکیشن نے میٹرک اور انٹرمیڈیٹ امتحانات کا شیڈول فائنل کرلیا، پنجاب بھر کے تعلیمی بورڈز 26 جون سے بارہویں جماعت کے امتحانات منعقد کریں گے۔

لاہور: پنجاب کے تعلیمی اداروں میں گرمیوں کی چھٹیوں اورامتحانات کا شیڈول پیش کردیا گیا ،اطلاعات کے مطابق محکمہ تعلیم پنجاب نے نجی وسرکاری تعلیمی اداروں میں گرمیوں کی چھٹیاں ایک ماہ کرنے کی تجویز دے دی،

تفصیلات کے مطابق محکمہ تعلیم پنجاب نے آئندہ بین الصوبائی وزرائے تعلیم کانفرنس کیلئے تجاویز تیار کی ہیں،

جس کے تحت پنجاب میں جون میں امتحانات کا انعقاد کیا جائے گا، جبکہ تعلیمی اداروں میں جولائی میں موسم گرما کی چھٹیاں اور یکم اگست سے نئے تعلیمی سال کا آغاز کردیا جائے گا۔

لاہور سمیت صوبے بھر کے سرکاری ونجی سکولوں میں آئندہ ماہ جون میں مرحلہ وار کلاسز کا آغاز کیا جائے گا جبکہ جون میں ہی دسویں تا بارہویں جماعت کے سالانہ امتحانات منعقد کیے جائیں۔

اسی طرح یکم جولائی سے 31 جولائی تک تعلیمی اداروں میں گرمیوں کی چھٹیاں دی جائیں گی۔ یکم اگست سے سکولوں میں نئے تعلیمی سیشن کا آغاز کیا جائے۔ 3 جون کو بین الصوبائی وزرا تعلیم کانفرنس ہوگی حتمی فیصلے کیے جائیں گے

لندن: سابق سینیٹرمشاہد اللہ خان زندگی کی جنگ توہارگئےمگرہتک عزت کی جنگ جیت گئے:لندن سے اہم خبرآگئی ،اطلاعات کے مطابق مرحوم سینیٹر مشاہد اللہ خان نے ایک پروگرام پر نجی ٹی وی چینل کے خلاف برطانیہ میں ہتک عزت کی شکایت جیت لی ہے جس میں چینل کے تجزیہ کار نے پی ایم ایل این کے مرحوم سینیٹر پر جھوٹے الزامات عائد کیے تھے انہوں نے پاکستان انٹرنیشنل ایئر لائن کے پیسے کو لندن میں رہنے اور علاج معالجے کے لئے استعمال کیا۔ .

تفصیلات کے مطابق لندن میں مرحوم سینیٹرمشاہداللہ خان کے خلاف یہ آوازیں بلند ہونا شروع ہوگئی تھیں جب کراچی میں طیارہ حادثہ ہوا تھا اوراس موقع پرایک نجی ٹی وی میں اس حوالے سے یہ بحث زورپکڑرہی تھی کہ مشاہداللہ خان نے لندن میں قیام کے دوران پی آئی اے کے فنڈزسے اپنا علاج کروایا تھا اورقیام وطعام کے اخراجات بھی پی آئی اے سے لیے گئے تھے

یہ بھی اس میں کہا گیا پی آئی اے کی تباہی کے ذمہ دار بھی مشاہداللہ خان ہی تھے جن کے اثرورسوخ نے پی آئی اے کوتباہ کردیا تھا

آف کام نے اس معاملے پر سابق سینیٹرمشاہداللہ خان کو بے گناہ قراردیتے ہوئے کہا کہ اس معاملے پر ہم سے غلطی ہوئی اورہمیں یہ باتیں نہیں کہنی چاہیے تھیں‌

نجی ٹی وی نے اپنے دفاع میں کہا ہے کہ یہ پروگرام وفاقی وزیر ہوا بازی کی ایک پریس کانفرنس کے بعد نشر کیا گیا تھا ، جس میں پائلٹوں کو جعلی لائسنس دینے اور مبینہ طور پر سابقہ ​​حکومتی نمائندوں کے ذریعہ پی آئی اے کے اندر "من مانی تقرریوں” سمیت دیگر امور کو اجاگر کیا گیا تھا۔

چینل نے وفاقی وزیر اطلاعات فواد چوہدری کی تقریروں کے ساتھ ساتھ مشاہد اللہ کے خلاف ویب سائٹوں پر شائع ہونے والی بدعنوانی کے الزامات کا بھی حوالہ دیا لیکن آف کام نے اس دفاع کو مسترد کردیا اور کہا کہ اس دعوے کی پشت پناہی کرنے کے پاس کوئی ثبوت نہیں ہے۔