Category: کرونا اپڈیٹس

غزہ :غزہ میں کورونا مریضوں کے لیے لیبارٹری اسرائیلی فوجیوں نے تباہ کردی،طلاعات کے مطابق صہیونی فورسز نے مسلسل نويں دن بھی فلسطينی آبادی پر بمباری کی، جس میں مزيد 24 فلسطينی شہید ہوگئے۔ محکمہ صحت کا مرکز اور غزہ ميں کووڈ 19 کی واحد ليبارٹری بھی تباہ ہوگئی،

ذرائع کے مطابق ان حملوں میں اس کے علاوہ بھی بہت زیادہ نقصان ہوا ہے جس میں‌ اسکول، يونيورسٹياں اور يتيم خانہ بھی ملبے کا ڈھير بن گئے، امدادی ادارے ہلال احمر کا دفتر بھی متاثر ہوا۔ 61 بچوں اور 36 خواتين سميت شہداء کی تعداد 271 تک پہنچ گئی، 1500 سے زائد زخمی ہيں۔ اقوام متحدہ کے مطابق غزہ پر حملوں کے بعد سے اب تک 52 ہزار فلسطينی بے گھر ہوچکے ہيں۔

امریکا کی حمایت کے بعد اسرائیل کی بربریت میں مزید اضافہ ہوگیا، منگل کی علی الصبح ایک بار پھر غزہ پر شدید بمباری کی گئی، اسرائيلی جنگی طياروں نے شمالی غزہ ميں بيتِ لاحيہ اور مغربی غزہ ميں النصر کے علاقوں ميں سرکاری و رہائشی عمارتوں کو نشانہ بنايا۔

اسرائیلی حملے ميں غزہ کی محکمہ صحت کی عمارت تباہ ہوگئی، جو 20 لاکھ فلسطينيوں کو صحت کی فراہمی اور کرونا ٹيسٹنگ کا واحد مرکز بھی تھی،

دوسری طرف یہ بھی اطلاعات ہیں کہ ایک طرف اسرائیلی حملوں کی وجہ سے فلسطینی زندگی موت کی کشمکش میں مبتلا ہیں تودوسری طرف کورونا کی تباہ کاریوں میں پھنسے ہوئے ہیں ، ان حالات میں لیب کا تباہ ہونا ان پریشان حال لوگوں‌سے ان کی زندگیوں‌کوزبردستی چھیننے کے مترادف ہے

ریاض : تم ہی میرے بیٹے اوربیٹیاں ہو۔میرے لیےرحمت کی دعا کرنا۔ مجھےفراموش نہ کرنا:سعودی معلمہ کی وصیت وائرل ،اطلاعات کےمطابق سعودی عرب میں حال ہی میں کرونا وبا کے نتیجے میں فوت ہونے والی ایک معلمہ سوزان عبدالقادر المصری کی وفات کے بعد ایک وصیت سامنے آئی ہے جس پر شہریوں‌نے صدمے سے بھرپور تاثرات اور تبصرے کیے ہیں۔

کرونا سے وفات پانے والی ‘سوزان المصری’ نے بسترعلالت پر زندگی کے آخری لمحات میں اپنی وصیت تحریر کی۔ وصیت لکھنے کے بعد وہ وبا کو شکست نہ دے سکیں اور چل بسیں۔
سوزان عبدالقادرالمصری مکہ معظمہ کے انٹرمیڈیٹ اسکول 12 کی معلمہ تھیں اور وہ کئی روز سے ایک اسپتال میں کرونا وبا سے لڑ رہی تھیں۔

اپنے وصیت نما پیغام میں معلمہ سوزان المصری نے لکھا کہ ‘السلام علیکم ورحمۃ اللہ وبرکاتہ، الحمد اللہ علی کل حال، میں کرونا وبا کا شکار ہوچکی ہوں۔ میرا جسم تھکاوٹ اور بیماری سے چور ہوچکا ہے۔ میں آکسیجن کی مدد سے سانس لے رہی ہوں۔ اگر میں اس مصیبت سے بچ گئی تو یہ میرے رب کا فضل ہوگا۔

اپنے وصیت نما پیغام میں معلمہ سوزان المصری لکھتی ہیں‌ کہ اگر میری زندگی نے وفا نہ کی۔ میری کوئی اولاد نہیں کہ جو میرے مرنے کے بعد میرے لیے دعا کرے۔ میرے چاہنے والے اور میرے طلبا ہی میری امید ہیں۔ میں تمہیں وصیت کرتی ہوں کہ تم ہی میرے بیٹے اور بیٹیاں ہو۔میرے لیےرحمت کی دعا کرنا۔ مجھے فراموش نہ کرنا۔ میری آپ لوگوں سے گذارش ہے۔ اللہ کی قسم میں بہت تھک چکی ہوں’۔

اس کی اس وصیت کے سوشل میڈیا پر سامنے آنے کے بعد شہریوں نے فوت ہونے والی معلمہ کی خدمات کو خراج عقیدت پیش کرتے ہوئے اس کے لیے مغرفت کی دعا کی ہے۔

نئی دہلی :کورونا سے بچنے کے لیے”ہندووں کی بھارت میں ’گائے کا پیشاب‘ پینے کی پارٹی،اطلاعات کے مطابق بھارت کی ہندو انتہاپسند جماعتوں میں سے ایک ہندو مہاسبھا جس کا اصل نام ’اکھل بھارت ہندو مہاسبھا‘ تھا کی جانب سے انڈین دارالحکومت نئی دہلی میں ’کورونا وائرس‘ سے بچنے کیلئے ’گائے کا پیشاب پینے‘ کی پارٹی کا انعقاد کیا گیا۔

ہندو مہا سبھا کے سربراہ سوامی چکرپانی مہاراج نے رواں ماہ 4 مارچ کو دعویٰ کیا تھا کہ ’گائے کا پیشاب پینے اور گوبر کھانے‘ سے ’کورونا وائرس‘ ختم ہوجاتا ہے اور انہوں نے اس ضمن میں ہولی کے بعد ملک بھر میں ’گائے کے پیشاب‘ پینے کی پارٹیوں کے انعقاد کا اعلان بھی کیا تھا

اور اب انہوں نے اپنے وعدے پر عمل کرتے ہوئے دارالحکومت نئی دہلی میں پہلی ’گائے موتر (گائے کا پیشاب پینے کی پارٹی انعقاد کرکے بھارت میں ’کورونا وائرس‘ کے علاج کے حوالے سے خود ساختہ راہ اپنالی ہے۔غیر ملکی میڈیا کے مطابق ہندو مہاسبھا کی جانب سے دارالحکومت نئی دہلی میں موجود تنظیم کے ہیڈ کوارٹر میں ’گائے موتر‘ پارٹی کا انعقاد کیاجس میں 200 مرد و خواتین نے شرکت کی

نئی دہلی :بھارت دنیا میں جان بوجھ کر کورونا پھیلارہاہے :ملکوں نےسرجوڑلیئے،اطلاعات کے مطابق بھارت دنیا میں کورونا وائرس کے پھیلاؤ کا نیا مرکز بن گیا ہے جہاں وبا سے اب تک ڈھائی کروڑ کے قریب افراد متاثر ہو چکے ہیں۔

غیر ملکی میڈیا کے مطابق بھارت میں کورونا سے متاثرہ مریضوں کی مجموعی تعداد 2 کروڑ 43 لاکھ سے زائد جبکہ کورونا سےاموات 2 لاکھ 66 ہزار ہو چکی ہیں۔

دوسری جانب دریا ئے گنگا میں تیرتی لاشوں کی تلاش میں پولیس نے سرچ آپریشن شروع کر دیا ہے جبکہ کئی شہروں میں لوگ اپنے عزیزوں کے لیے آکسیجن اور وینٹی لیٹر زکا انتظام کرنے کے لیے بھاگ دوڑ کر رہے ہیں۔

میڈیا رپورٹس کے مطابق چنئی میں دواؤں کی فراہمی کے لیے لوگوں نے احتجاج کیا جبکہ دہلی میں مودی مخالف پوسٹرز لگانے پر 15 افراد کو گرفتارکر لیا گیا