Category: جرائم و حادثات

باغی ٹی وی – پیرمحل (وقاص شریف )پیرمحل پانچ روز قبل لاپتہ ہونے والا موضع جوسہ کا رہائشی نوجوان بے دردی سے قتل، اروتی پولیس نے لاش عبد الحکیم کے قریب کھیتوں سے برامد کر لی،برکت نامی نوجوان کو غیرت کے نام پر قتل کیا گیا پولیس ،مقتول پانچ روز قبل گھر سے کام کے لیے گیا تھا ورثہ،برکت عبد الحکیم کے رہائشی دو ست خاتون کو ملنے گیا تھا پولیس ،برکت کو خاتون کے خاوند نے دیگر اہلے خانہ اور ساتھیوں سے ملکر قتل کیا ورثہ ،مقتول کا قتل کے بعد سر تن سے جدا کر کے لاش قریبی کھیتوں میں چھپا دی گئی پولیس،جدید ٹیکنالوجی کی مدد اور تفتیش کا دائرہ کار بڑھایا تو حقیقت سامنے آئی پولیس، اروتی پولیس نے قتل میں ملوث مبینہ طور پر چار مرد و خواتین کو گرفتار کر لیا ،پولیس نے لاش کو پوسٹ مارٹم کے بعد ورثہ کے حوالے کرتے ہوئے مزید کاروائی شروع کردی

باغی ٹی وی – محمدپور دیوان (جنید خان احمدانی سے ) محمد پور دیوان میں گھریلو گیس ایل پی جی کے خود ساختہ نرخ مقرر کر کے شہریوں کو لوٹنے کا سلسلہ عرصہ سے جاری انتظامیہ غائب تفصیل کے مطابق محمد پور دیوان میں ایل پی جی مافیا لوٹنے کے لیے سرگرم، ایل پی جی فی کلو دو سو بیس روپے کے بجائے تین سو ساٹھ روپے فی کلو کے حساب سے فروخت کیجا رہی ہے،عوام کا کہنا ہے کہ مہنگائی، بیروزگاری لوڈشیڈنگ اور پٹرول کے مہنگا ہونے کے بعد اب ایل پی جی کی بلیک میں فروخت نے ہمارا جینا محال کر دیا ہے، علاوہ ازیں شہریوں کاکہنا ہے کہ سول ڈیفنس کی مبینہ ملی بھگت سے شہر و گردونواح میں جگہ جگہ غیر قانونی گیس ریفلنگ سے شدید خطرات لاحق ہو گئے ہیں جبکہ انتظامیہ اس خود ساختہ مہنگی ایل پی جی فروخت کرنے والے ڈیلرز کے خلاف سخت کارروائی کرتے ہوئے عوام کو ریلیف فراہم کرے،عوامی سماجی علاقائی و شہری حلقوں میں فہد رضا ۔ محمد سلیم ۔ مبشر نذیر ۔ آفتاب احمد ۔ محمد نواز و دیگر نے وزیر اعلی پنجاب ۔ کمشنر ڈیرہ غازی خان ۔ ڈپٹی کمشنر راجن پور سے مطالبہ کیا ہے کہ سرکاری نرخ سے زائد ریٹ پر ایل پی جی فروخت کرنے اور کھلے عام گیس ریفلنگ کرنیوالے ڈیلرز کے لائسنس منسوخ کر کے دکانیں سیل کی جائیں

باغی ٹی وی – پیرمحل (وقاص شریف )سندھیلیانوالی ڈکیتی کے ملزم گرفتار، لوٹی گئی رقم واپس کروائی جائے، پی ایم اے کے اجلاس میں ڈاکٹروں کا مطالبہ
تفصیلات کے مطابق: سندھیلیانوالی پاکستان میڈیکل ایسوسی ایشن کا اجلاس پیرمحل کے ہوٹل میں منعقد ہوا، جسمیں سندھیلیانوالی، پیرمحل، کمالیہ، ٹوبہ ٹیک سنگھ کے ڈاکٹروں نے شرکت کی، پریس کانفرنس کرتے ہوئے ڈاکٹر غلام مصطفی چوہدری نے مطالبہ کیا، میرے گھر میں ڈاکوؤں نے اہل خانہ کو یرغمال بنا کر 45 لاکھ مالیت سے زید نقدی اور زیورات لوٹ لئیے تھے، پولیس نے 6 ڈاکو گرفتار کر لئیے ہیں، اور دو ابھی تک مفرور ہیں،پولیس گرفتار ڈاکوؤں سے رقم اور زیورات برآمد نہیں کروا سکی ہے، جسکے بعد پولیس کی کارگردگی اور تحقیقات پر سوالات جنم لے رہے ہیں، دو ڈاکو مفرور ہیں، پولیس تاحال انکو گرفتار کرنے میں ناکام ہے، ہم آئی جی پنجاب سے لوٹی گئی رقم ڈاکوؤں سے برآمد کروانے کا مطالبہ کرتے ہیں ،تحصیل صدر ڈاکٹر رمضان چوہدری نے کہا ڈاکٹر عدم تحفظ کا شکار ہیں، ڈکیتی کے دوران لوٹا گیا مال اگر پولیس برآمد نہیں کروا سکتی، تو ہم ضلع لیول پر ہڑتال اور احتجاج کا حق محفوظ رکھتے ہیں، اور تمام ضلع کے ڈاکٹروں نے اظہار یکجہتی کیا ہے، وزیر اعلیٰ پنجاب، آئی جی پنجاب آر پی او فیصل آباد، ڈی پی او ٹوبہ ٹیک سنگھ سندھیلیانوالی کی تاریخ کی سب سے بڑی ڈکیتی میں لوٹے گئے پیسے اور زیورات فوری طور پر برآمد کروا کے ڈاکوؤں کو نشان عبرت بنایا جائے

پیرمحل – سند یلیا نوالی میں روٹی، نان اور سموسے، پکوڑے شاہی غریب کی پہنچ سے دور ہوگئے ، قیمتیں آ سمان پرجا پہنچیں
باغی ٹی وی -پیر محل ( وقاص شریف کی رپورٹ)پیرمحل سند یلیا نوالی میں روٹی نان اور سموسے پکوڑے شاہی خوراک بن گئے ۔۔ قیمتیں آ سمانوں پر چڑھ گئیں ۔ روٹی نان سموسے پکوڑے جو کہ خالصتاً غریب پرور ڈشیں مانی جاتی تھیں ان دنوں ان کی قیمتیں آ سمان پر اور کوالٹی زمین پر آ چکی ہے ۔۔ حکومت پنجاب کی پالیسی کے بر عکس سند یلیا نوالی میں 90/ فیصد تندوروں پر 60 سے 70 گرام روٹی 10 روپے میں فروخت ہو رہی ہے نان جس کی سرکاری قیمت 10 روپے ہے بڑے دھڑلے سے 20 روپے میں فروخت ہو رہا ہے اور اُس کی کوالٹی اور وزن بھی معیار کے مطابق نہیں ہے ۔۔ پکوڑے جس کو کوئی مڑ کے نہیں دیکھتا اس کی قیمت 600 روپے فی کلو ہو چکی ہے اور سموسہ جس کی لاگت بمشکل 10 سے 12 روپے کے درمیان ہے پورے 30 روپے میں فروخت کیا جا رہا ہے ،سند یلیا نوالی اس وقت مہنگائی کے اعتبار سے دوسرا دوبئی بن چکا ہے پھل سبزی کے ریٹ پہنچ سے باہر ہو چکے ہیں،دکاندار کے بتائے گئے ریٹ سرکاری لسٹ سے کوسوں آ گے ہوتے ہیں گاہک احتجاج کرے تو دکاندار بدتمیزی اوپر سے کرتا ہے ۔۔ کوئی چیک اینڈ بیلنس نہیں ہے ۔۔ انتظامیہ کے کبھی کبھار کے دورے اس نظام کو ٹھیک کرنے میں بُری طرح ناکام نظر آ تے ہیں مطلب یہاں غریبوں کا کوئی پرسان حال نہیں ہے