لاہور:ایف آئی اے اینٹی ہیومن ٹریفکنگ سرکل لاھور نے زبردست کارروائی کی ہے اور جعل سازی کرنے والا جعل ساز پکڑا گیا ہے- ایف آئی اے کا جعلی انسپکٹر ظاہر کرکے لوگوں سے فراڈ کرنیوالا گینگ گرفتار کرلیا گیا ہے
اینٹی ہیومن ٹریفکنگ سرکل لاھور نے کامیاب کارروائی کرتے ہوئے گینگ کے 3 ملزمان کو گرفتار کر لیا۔ گرفتار ملزمان میں ملک ساجد، عندلیب ساجد اور محمد شہباز شامل ہیں۔
ملزم ملک ساجد خود کو ایف آئی اے کا انسپکٹر ظاہر کرتے ہوئے فراڈ کرنے میں ملوث تھا۔ ملزم ملک ساجد نے شکایت کنندہ کو کویت بھیجنے کا جھانسہ دے کر 12 لاکھ روپے سے زائد کی رقم بٹوری۔ ابتدائی تفتیش کے مطابق ملزم ملک ساجد نے مختلف سرکاری افسران کو فون کالز کر کے دھمکیاں بھی دی۔
ملزم مختلف سرکاری نوکریوں کا لالچ دے کر عوام سے لاکھوں روپے بٹورنے میں بھی ملوث تھا۔ ملزم نے قیمتی نان کسٹم موبائل فون پی ٹی اے سے کلیئر کروانے کے بہانے بھی عوام سے پیسے بٹورے۔واپڈا اور سوئی گیس کے میڑ لگوانے کے لیے بھی لوگوں سے پیسے بٹورے,اس کے علاؤہ اسلحہ لائسنس بنوانے کے لیے بھی لوگوں سے پیسے بٹورے
فراڈ سے حاصل کی گئی رقوم ملزم ملک ساجد کے بیٹے عندلیب ساجد اور محمد شہباز کے ایزی پیسہ اور جاز کیش اکاؤنٹس میں ٹرانسفر ہو رہی تھی۔ گرفتار ملزمان کے خلاف مقدمہ درج کر لیا گیا۔ مزید تفتیش جاری ہے۔
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
