عمران خان کے پولیس اور جج سے متعلق بیانات پر تھانہ رمنا میں مقدمہ درج کرنے کے لیے درخواست دائر کر دی گئی ہے
عمران خان کے خلاف دائر درخواست ایک وکیل کی جانب سے دی گئی ہے جس مین کہا گیا ہے کہ عمران خان نے غداری کے ملزم شہباز گل کی رہائی کے لیے ریلی نکالی عمران خان نے اپنی تقریر میں اسلام آباد پولیس کے افسران کو دھمکیاں دیں عمران خان نے شہباز گل کیس سننے والی جوڈیشیل مجسٹریٹ کو بھی دھمکی دی عمران خان نے ملکی سلامتی کے اداروں پر بھی تنقید کی عمران خان نے عوام کو بغاوت پر اکسایا عمران خان کے خلاف مقدمہ درج کیا جائے
واضح رہے کہ غداری کے مقدمہ میں گرفتار ملزم پی ٹی آئی چیئرمین اور سابق وزیراعظم عمران خان کے چیف آف سٹاف شہباز گل کی حمایت میں نکالی جانے والی ریلی کو عوام نے مسترد کر دیا.پی ٹی ائی کا ملک سے غداری کے مقدمہ میں پکڑے جانے والے ملزم کے حق میں کیا جانے والا شو فلاپ ہو گیا، عمران خان حسب معمول ایوزیشن اور انتظامی افسروں کو دھمکیاں دینے کے بعد گھر کو لوٹ گئے.
پی ٹی آئی کے چیئرمین عمران خان نے غداری کے مقدمہ میں گرفتار اپنے ساتھی ،ملزم شہباز گل سے اظہار یکجہتی کیلئے ریلی کی کال دے کر ثابت کر دیا کہ وہ ملک سے غداری کے مقدمہ میں گرفتار ہونے والے کے حمایتی ہیں.
سابق وزیراعظم عمران خان نے اپنے خطاب میں کہا کہ اس وقت پاکستان میں لوگوں میں دہشت پھیلائی جا رہی ہے، لوگوں کو غلام بنانے کیلئے ڈرایا جاتا ہے، باکل عمران خان صاحب قوم کو یہ بھی بتایئے کہ ملک میں دہشت کون پھیلا رہا ہے ؟،آپ کا خطاب سن کر ہی معلوم ہو جاتا ہے کہ ملک میں آپ کے علاوہ دہشت پھیلانے کا کوئی اور محب وطن سوچ بھی نہیں سکتا، اور وہ آپ ہی ہیں جو ملک اور قوم کے محب وطن پاکستانیوں اور خاص طور پر نوجوانون کو ڈرا رہے ہیں ،خان صاحب وہ آپ ہی ہیں جو ملک کے عوام کو بار بار غلامی کے بھاشن دیتے ہیں اور خود غلام بن کر قیمتی تحائف وصول کرتے ہیں.
عمران خان نے اپنے خطاب میں آج کھلے عام انتظامی افسروں کو دھمکیاں دیں ،انہوں نے کہا کہ آئی جی اسلام آباد اور ڈی آئی جی کو نہیں چھوڑیں گے،آئی جی اور ڈی آئی جی پر کیس کریں گے،مجسٹریٹ صاحبہ آپ بھی تیار ہوجائیں آپ کیخلاف بھی ایکشن لیا جائے گا، پی ٹی آئی چیئرمین کی کھلے عام انتظامی افسروں کو دھمکیوں کا نوٹس کون لے گا؟.کیا عمران خان کو فری ہینڈ دیا گیا ہے کہ وہ جب چاہیں اور جس کو چاہیں دھمکیاں دیں ؟
عمران خان کا کہنا تھا کہ سپریم کورٹ کی ذمہ داری ہے کہ قانون اور آئین پر عمل کروائے ،بالکل ملک کی قابل احترام عدلیہ نے ہمیشہ قانون اور آئین پر عملدرآمد کرایا ہے. کیا ملک کے خلاف اور ملک کے اداروں کے خلاف باتیں کرنے والے پر غداری کا مقدمہ قانون کے خلاف ہے؟ کیا غداری کے مقدمی مین گرفتار شخص کے حق میں ریلی نکالنا قانوں کے مطابق ہے ؟کیا ایک خاتون مجسٹریٹ کو سر عام دھمکیاں دینا قانون کے مطابق ہے؟.
عمران خان اپنی ہی بات پر بضد ہیں کہ غداری کے مقدمہ میں گرفتار شہباز گل پر تشدد کیا گیا ہے جبکہ میڈیکل رپورت میں کہا گیا ہے کہ شہباز گل پر تشدد نہیں کیا گیا ،عمران خان کا اپنا وزیر قانون اس بات کی شہباز گل سے ملاقات کے بعد وضاحت کر چکا ہے کہ شہباز گل پر تشدد نہیں کیا گیا مگر عمران خان کو صرف اپنی منوانے کی عادت ہے اور ایک ضدی بچے کی طرح اپنی ہی غلط بات پر اڑے ہوئے ہیں.
