Baaghi TV

Category: جرائم و حادثات

  • ٹک ٹاکر ڈولی کے خلاف ایک اور مقدمہ درج

    ٹک ٹاکر ڈولی کے خلاف ایک اور مقدمہ درج

    باغی ٹی وی کی رپورٹ کے مطابق ٹک ٹاکر ڈولی کے خلاف ایک اور مقدمہ درج کر لیا گیا

    پنجاب کے شہر گوجرانوالہ میں ڈولی نے ایک تقریب میں شرکت کی، جس کی ویڈیو سامنے آئی ہے، ویڈیو میں دیکھا جا سکتا ہے کہ ڈولی کے ساتھ پولیس کی وردی میں ملبوس محافظ بھی ہیں، ویڈیو وائرل ہونے کے بعد پولیس نے ڈولی کو سیکورٹی کی فراہمی کے حوالہ سے تحقیقات کیں تو معلوم ہوا کہ ڈولی کے ہمراہ پولیس اہلکار نہیں تھے بلکہ کچھ لوگوں کو پولیس وردی پہنا کر صرف دکھایا گیا ہے، جس پر پولیس حرکت میں آ گئی اور تھانہ باغبانپورہ نے مقدمہ درج کر لیا، مقدمہ میں لکھا گیا ہے کہ جعلی پولیس اہلکاروں نے ڈولی کو پروٹوکول دیا. راشد نذیر ایک پولیس اہلکار ہے وہ ڈولی کے ساتھ ویڈیو بھی بنواتا رہا، باقی سب وردیوں میں عام شہری تھے، پولیس نے واقعہ کا مقدمہ درج کر لیا ہے

    اس سے قبل پولیس نے مارگلہ ہلز پر آگ لگا کر ٹک ٹاک بنانے پر بھی ٹک ٹاکر ڈولی کیخلاف مقدمہ درج کیا تھا بعد ازاں اسلام آباد ہائی کورٹ نے خاتون ٹک ٹاکر کی ضمانت منظور کرلی تھی

    قبل ازیں مارگلہ ہلز پر آگ کے قریب ویڈیو بنانے والی خاتون ٹک ٹاکر کے خلاف مقدمہ درج کر لیا گیا ،مقدمہ تھانہ کوہسار میں اسسٹنٹ ڈائریکٹر شعبہ ماحولیات سی ڈی اے کی مدعیت میں درج کیا گیا ،درج ایف آئی آر میں کہا گیا کہ سوشل میڈیا پر ڈولی نامی ٹک ٹاکر کی ویڈیو گردش کررہی ہے خاتون جنگل میں آگ لگا کر ویڈیو شوٹ کروارہی تھی، مبینہ طور پر مارگلہ ہلز نیشنل پارک کا علاقہ ہے جہاں آتشزدگی کے متعددواقعات ہوئے ہیں،آگ سے چرند پرند پودوں اور درختوں وسیع پیمانے پر نقصان پہنچا ہے ،

    دو خواجہ سراؤں کا قتل،پولیس نے خواجہ سراؤں کو دھکے مار کر تھانے سے نکال دیا

    پشاور میں پہلی بار خواجہ سراء کو منتخب کر لیا گیا، آخر کس عہدے کیلئے؟

    خواجہ سرا کے ساتھ گھناؤنا کام کر کے ویڈیو بنانیوالے ملزمان گرفتار

    دوستی نہ کرنے کا جرم، خواجہ سراؤں پر گولیاں چلا دی گئیں

    مردان میں خواجہ سرا کے ساتھ گھناؤنا کام کرنیوالے ملزما ن گرفتار

    مارگلہ ہلز میں آگ لگا کر ویڈیو بنانے والی خاتون ٹک ٹاکر کے 3 ساتھی گرفتار کر لئے گئے ہیں

  • کراچی میں جوابی فائرنگ کےنتیجے میں 3 ملزمان جان کی بازی ہار گے۔

    کراچی میں جوابی فائرنگ کےنتیجے میں 3 ملزمان جان کی بازی ہار گے۔

    کراچی میں جوابی فائرنگ کے نتیجے میں 3 ملزمان جان کی بازی ہار گے۔

    باغی ٹی وی کی رپورٹ کے مطابق کراچی کے علاقے اسٹیل ٹاؤن میں سی آئی اے پولیس نے مقابلے کے دوران 3 ملزمان کو ہلاک کر دیا اور اس کے بعد ان سے اسلحہ اور کار برآمد کی جو کہ ان ملزمان کے قبضے میں تھی۔

    مزید تفصیلات سے آگاہ کیا جاتا ہے کہ جن ملزمان کو پولیس نے ہلاک کیا ان کا تعلق اغوا کاروں کے بین الصوبائی گروہ سے تھا۔اور ان ملزمان کے علاوہ اور بھی ملزمان تھے۔ لیکن یہ دو سے تین ملزمان فرار ہونے میں کامیاب ہو گئے تھے۔مزید یہ کہ گزشتہ کچھ دن قبل ایک شخص جس کا نام عدنان تھا اس کو اغوا کیا گیا۔ لیکن اس کو بازياب کروانے کیلیے 25 لاکھ روپے تاوان وصول کیا گیا تھا۔ مزید برآں یہ کہ اینٹی وائلنٹ کرائم سیل اور اینٹی وہیکل لفٹنگ سیل نےاسٹیل ٹاؤن کے علاقے لنک روڈ یوسف جوکھیو گوٹھ میں مشترکہ آپریشن کیا۔ اسی دوران ہی 2 طرف سے فائرنگ شروع کی گئی۔ اسی فائرنگ کے نتیجے میں ہی 3 ملزمان ہلاک ہوۓ۔

    مزید یہ کہ اس واقعے کے حوالے سے امجد حیات جو کہ ایس ایس پی ہیں۔ ان کا کہنا ہے کہ اسٹیل ٹاؤن کے علاقے میں اغوا کار موجود ہیں اور کسی تاجر کو اغوا کرنے کے بارے میں سوچ رہے ہیں۔اس کی اطلاع سی آئی اے پولیس کو مل گئی تھی۔جس پر اے وی سی سی اور اے وی ایل سی کی مشترکہ ٹیم نے چھاپہ مارا تھا۔اسی واقعے کے بعد ہی ملزمان نے پولیس کو دیکھتے ساتھ ہی فائرنگ شروع کر دی۔ اسی فائرنگ کے نتیجے میں پولیس کی طرف سے بھی فائرنگ ہوئی۔ اسی فائرنگ کو دیکھتے ہوۓ دو سے تین ملزمان مارے گئے۔ جبکہ 3 ملزمان موقع پر ہی جان کی بازی ہار گئے۔ان ہلاک ہونے والے افراد کی لاشوں کو ہسپتال میں منتقل کیا گیا۔پولیس کی طرف سے مزید تفتیش جاری ہے۔

  • نور مقدم قتل کیس، اپیلوں پر نوٹسز جاری،سماعت ملتوی

    نور مقدم قتل کیس، اپیلوں پر نوٹسز جاری،سماعت ملتوی

    نور مقدم قتل کیس، اپیلوں پر نوٹسز جاری،سماعت ملتوی

    اسلام آباد ہائیکورٹ میں نور مقدم قتل کے سزا یافتہ مجرموں کی اپیلوں پر سماعت ہوئی

    اسلام آباد ہائی کورٹ نے نور مقدم قتل کیس میں مدعی مقدمہ شوکت مقدم کی اپیلوں پر ظاہر جعفر و دیگر ملزمان کو جبکہ ملزمان کی اپیلوں پر وفاق اور مدعی مقدمہ کو نوٹسسز جاری کر دیئے، عدالت نے کیس کی سماعت اگست تک ملتوی کر دی،دوران سماعت عدالت نے کہا کہ کیس میں مختلف اپیلیں فائل کی گئیں اس لیے ایک ایک کرکے دیکھیں گے ،ظاہر جعفر کی جیل اپیل ہے جس میں ہمیں کوئی سرکاری وکیل تعینات کرنا پڑے گا،عدالت کی جانب سے ظاہر جعفر کی جیل اپیل پر مدعی مقدمہ اور اسٹیٹ کو نوٹسز جاری کر دیئے گئے ،اسلام آباد ہائیکورٹ نے ہدایت کی کہ رجسٹرار آفس کے پاس ریکارڈ آ گیا وہ پیپر بک بنائیں، شوکت مقدم اور اسٹیٹ کی مجرموں کو سزا بڑھانے کی اپیلوں پر آئندہ سماعت پر دلائل طلب کر لئے گئے ہیں،

    سزا یافتہ مجرم ظاہر جعفر، افتخار اور جان محمد نے سزائے کے خلاف اپیل دائر کر رکھی ہے مدعی مقدمہ نے ظاہر جعفر، افتخار اور جان محمد کی سزا بڑھانے کی اپیل بھی دائر رکھی ہے

    چند روز قبل نور مقدم کے والدین نے عدالت سے استدعا کی کہ اسلام آباد ہائیکورٹ بھی نورمقدم کیس کا فیصلہ کرے ،نور مقدم کے والد شوکت مقدم اور والدہ نے اسلام آباد ہائی کورٹ کے باہر میڈیا گفتگو کی ہے ،جس میں نور مقدم کے والد شوکت مقدم کا کہنا تھا کہ نورمقدم چلی گئی، ہم نے بہت تکلیف برداشت کی نور مقدم کے جانے سے جو تکلیف اٹھائی بیان نہیں کر سکتا ہماری درخواست ہے کہ ہائی کورٹ بھی نور مقدم کیس کا فیصلہ جلد کرے،

    قبل ازیں نور مقدم قتل کیس کے مرکزی مجرم ظاہر جعفر کی سزا بڑھانے کیلئے اسلام آباد ہائیکورٹ میں بھی اپیل دائر کردی گئی ہے مدعی مقدمہ شوکت مقدم نے اسلام آباد ہائی کورٹ میں موقف اپنایا کہ مجرم جان محمد اور افتخار کی سزا بھی بڑھانے کی اپیل کی جبکہ شوکت مقدم کے وکیل شاہ خاور نے تین اپیلیں دائر کیں اپیل میں استدعا کی گئی کہ مجرم ظاہر جعفر کے خلاف ڈیجیٹل شواہد موجود ہیں، ٹرائل کورٹ نے کم سزا دی، مجرموں کی سزا قانون کے مطابق بڑھائی جائے

    اسلام آباد ہائیکورٹ میں گیارہ ملزمان کے خلاف اپیل دائر کی گئی،گیارہ ملزمان میں سے نو ملزمان کو بری کیا گیا جبکہ دو ملزمان کوکچھ دفعات کے تحت سزا نہیں دی گئی جان محمد اور افتخار کی اپیل الگ ہے،جن دفعات میں انکو سزا نہیں دی گئی انکو مزید سزا دینے کی اپیل کی گئی ہے ،

    نور مقدم کیس اور مبشر لقمان کو دھمکیاں، امریکہ کا پاکستان سے بڑا مطالبہ، ایک اور مشیر فارغ ہونے والا ہے

    جب تک مظلوم کوانصاف نہیں مل جاتا:میں پیچھے نہیں ہٹوں‌ گا:مبشرلقمان بھی نورمقدم کے وکیل بن گئے

    آج ہمیں انصاف مل گیا،نور مقدم کے والد کی فیصلے کے بعد گفتگو

    انسانیت کے ضمیرپرلگے زخم شاید کبھی مندمل نہ ہوں،مریم نواز

    مبارک ہو، نور مقدم کی روح کو سکون مل گیا، مبشر لقمان جذباتی ہو گئے

    نور مقدم کیس میں سیشن کورٹ کا فیصلہ خوش آئند ہے ،اسلامی نظریاتی کونسل

  • اردن کی عقبہ بندرگاہ میں زہریلی گیس کا سلنڈرپھٹنے سے 13 افراد ہلاک ،200 سے زائد زخمی

    اردن کی عقبہ بندرگاہ میں زہریلی گیس کا سلنڈرپھٹنے سے 13 افراد ہلاک ،200 سے زائد زخمی

    اردن کی عقبہ بندرگاہ میں پیر کے روز زہریلی گیس کا ایک سلنڈرپھٹنے سے 13 افراد ہلاک اور200 سے زیادہ زخمی ہو گئے ہیں۔

    باغی ٹی وی : حکام اور سرکاری میڈیا نے پیر کو بتایا کہ اردن کی عقبہ بندرگاہ پر اسٹوریج ٹینک سے کلورین گیس کے اخراج سے کم از کم 12 افراد ہلاک اور 251 زخمی ہو گئے جبوتی کو برآمد کی جانے والی 25 ٹن کلورین گیس سے بھرا ہوا ٹینک لے جانے کے دوران گرنے کے بعد یہ رساو ہوا۔

    امریکا میں ٹرک سے 46 افراد کی لاشیں برآمد


    سرکاری ٹی وی سے نشر کی گئی فوٹیج کے مطابق ایک بڑا سلنڈر کرین کے ذریعے ٹرک پر اتارتے ہوئے ایک بندرگاہ پر لنگرانداز ایک جہاز پر گرا تھا جس کے نتیجے میں زوردار دھماکا ہوا تھا اور پیلے رنگ کی زہریلی گیس تیزی سے ہر طرف پھیل گئی۔

    اردن کے ایک عہدے دار فیصل الشبول نے واقعے میں دس ہلاکتوں کی تصدیق کی ہے۔اس سے پہلے ہلاکتوں کی تعداد پانچ بتائی گئی تھی۔

    سرکاری ذرائع ابلاغ کے مطابق وزیر اعظم بشرالخصاونہ اور وزیر داخلہ مازن الفرایا حادثے کی جگہ پر پہنچ گئےہیں شہری دفاع کے ترجمان عمرو السرطاوی نے اس سے قبل بتایا تھا کہ زہریلی گیس سے بھرا ٹینک گرنے سے 234 افراد زخمی ہوئے ہیں

    سرکاری ٹی وی نے وزیر اطلاعات کا حوالہ دیتے ہوئے کہا کہ الخصاونہ نے وزیر داخلہ کی سربراہی میں واقعے کی تحقیقاتی ٹیم بھی تشکیل دی۔

    کولمبیا:بل فائٹنگ کے دوران اسٹینڈ گرنے سے 5 افراد ہلاک ،500 زخمی

    سرطاوی نے مزید کہا کہ واقعے کے بعد ماہرین اور شہری دفاع کی ٹیمیں خطرناک مواد سے نمٹ رہی ہے۔زہریلی گیس کے اخراج کے بعد عقبہ کے جنوبی ساحل کو خالی کرا لیا گیا ہے۔

    وزارت صحت کے عہدیداروں نے کہا کہ انہیں توقع ہے کہ منگل تک صرف مٹھی بھر لوگ ہی اسپتال میں داخل رہیں گے۔

    کلورین ایک وسیع پیمانے پر استعمال ہونے والا جراثیم کش اور پانی صاف کرنے والا ایجنٹ ہے، لیکن اگر سانس لیا جائے تو گیس ہائیڈرو کلورک ایسڈ میں بدل جاتی ہے، جو پھیپھڑوں میں پانی کے رجعتی اخراج سے اندرونی جلنے اور ڈوبنے کا باعث بن سکتی ہے۔

    حکام نے بتایا کہ اردن کے عقبہ اناج کے سائلوز نے اپنے اناج کے معائنے اور آلودگی کے آثار کے لیے کام روک دیا، لیکن عقبہ بندرگاہوں پر سمندری ٹریفک جاری ہے واقعے کے وقت اناج کے سامان کو اتارنے والا کوئی جہاز نہیں تھا۔

    واضح رہے کہ بحیرہ احمر کے شمالی سرے پر واقع اردن کی عقبہ بندرگاہ ملک کا واحد سمندری ٹرمینل ہے اور اس کی بیشتر درآمدات اور برآمدات اسی کے ذریعے ہوتی ہیں۔

    کراچی :گلستان کالونی میں دھماکا،موذن سمیت 9 افراد جھلس گئے

  • امریکا میں ٹرک سے 46 افراد کی لاشیں برآمد

    امریکا میں ٹرک سے 46 افراد کی لاشیں برآمد

    امریکی ریاست ٹیکساس کے شہر سان انتونیو میں ایک لاوارث ٹرک سے کم از کم 46 افراد کی لاشیں برآمد ہوئی ہیں –

    باغی ٹی وی:خبر رساں ایجنسی ایسوسی ایٹڈ پریس کے مطابق یہ غیرقانونی پناہ گزین تھے جن کو ٹیکساس کے جنوب میں سمگل کیا جا رہا تھا حکام نے دیگر 16 افراد کو ٹرک سے مقامی ہسپتال بھی منتقل کیا ہے۔

    سان انتونیو کے فائر کنٹرول کے محکمے کے مطابق ان افراد کی موت ہیٹ سٹروک اور گھٹن کے باعث ہوئی تاہم مرنے والوں میں بچے شامل نہیں۔

    امریکی صدر نےفیڈرل گن ریفارمز بل پر دستخط کر دیئے

    فائر چیف چارلس ہُڈ نے نیوز کانفرنس میں بتایا کہ ’جن متاثرین کو ہسپتال پہنچایا وہ ہیٹ سٹروک اور گھٹن کا شکار تھے یہ ریفریجیریٹڈ ٹریکٹر ٹرالر تھا لیکن بظاہر اس کا کوئی اے سی کام نہیں کر رہا تھا۔

    سان انتونیو کے مقامی نیوز چینل ووائے کی رپورٹ میں بتایا گیا کہ ٹرک ریاست کے جنوب مغربی علاقے میں ریل کی پٹڑی کے قریب سے کھڑا ملا ہے۔

    دوسری جانب بی بی سی کی رپورٹ کے مطابق آگ بجھانے والے سرکاری اہلکار نے مقامی میڈیا کو بتایا کہ 4 بچوں سمیت 16 افراد زندہ تھے جنہیں طبی امداد کے لیے اسپتال لے جایا گیا وہ افراد ہیٹ اسٹروک کا شکار تھے اور گرمی کے باعث نڈھال تھے،ان کے جسم بھی آگ کی طرح گرم تھے تاہم شہر کے فائر ڈپارٹمنٹ کے مطابق یہ واقعہ میکسیکو اور امریکا کی سرحد پر انسانی اسمگلنگ کا واقعہ لگتا ہے۔

    سان انتونیو، جو کہ امریکہ-میکسیکو کی سرحد سے 250 کلومیٹر (150 میل) کے فاصلے پر ہے، لوگوں کے سمگلروں کے لیے ایک بڑا ٹرانزٹ راستہ ہے انسانی اسمگلر اکثر غیر دستاویزی تارکین وطن کو دور دراز علاقوں میں ملنے کے بعد انہیں منتقل کرنے کے لیے بڑی گاڑیوں کا استعمال کرتے ہیں جب وہ امریکہ میں داخل ہونے میں کامیاب ہو جاتے ہیں۔

    سپین:سرحد عبور کرنے کے دوران بھگدڑ؛ 30 افراد کچل کر ہلاک

    شہرکے میئر رون نیرنبرگ نے اس واقعے پر شدید دکھ کا اظہار کرتے ہوئے اسے بھیانک انسانی المیہ قرار دیا، انہوں نے تصدیق کی کہ مرنے والوں میں پورے پورے خاندان تھے، ممکن ہے کہ یہ سب بہتر زندگی کے لیے یہاں ہجرت کرکے آئے ہوں۔

    آگ بجھانے والے سرکاری اہلکار کے مطابق ہنگامی امداد فراہم کرنے والے اہلکار ایک لاش ملنےکی اطلاع کے بعد اس جگہ پہنچے،انہوں نے وہاں کھڑے مشکوک ٹرک کو کھولا تو اس میں لاشیں دیکھ کر خوفزدہ ہوگئے۔

    سان انتونیو کے فائر چیف چارلس ہوڈ نے نامہ نگاروں کو بتایا کہ ہنگامی جواب دہندگان ابتدائی طور پر مقامی وقت کے مطابق 18:00 بجے (23:00 GMT) ایک لاش کی اطلاع کے بعد جائے وقوعہ پر پہنچے۔

    انہوں نے کہا کہ ہمیں ایک ٹرک کھول کر وہاں لاشوں کے ڈھیر نہیں دیکھنا چاہیے انہوں نے مزید کہا کہ گاڑی، جسے اس کے ڈرائیور نے چھوڑ دیا تھا، اس میں کام کرنے والا ایئرکنڈیشن نہیں تھا اور اس کے اندر پینے کا پانی نہیں تھا۔

    میکسیکو کے وزیر خارجہ مارسیلو ایبرارڈ نے کہا کہ ہسپتال لے جانے والوں میں دو گوئٹے مالا بھی شامل ہیں۔ دیگر متاثرین کی قومیتیں فوری طور پر واضح نہیں ہو سکیں تین افراد کو حراست میں لے کر تفتیش وفاقی ایجنٹس کے حوالے کر دی گئی ہے۔

    دس دنوں سے گمشدہ بچے کو گٹر سے برآمد کیا گیا۔

  • کراچی: شہریوں نے ڈاکو کو پکڑ کر زندہ جلا دیا

    کراچی: شہریوں نے ڈاکو کو پکڑ کر زندہ جلا دیا

    کراچی کے علاقے اورنگی ٹاؤن میں واردات کے دوران شہریوں کے ہتھے چڑھنے والے ڈاکو کو انہوں نے زندہ جلا دیا-

    باغی ٹی وی: تفصیلات کے مطابق اورنگی ٹاؤن الطاف نگر میں عوام نے واردات کرتے ڈاکو کو پکڑ لیا اور تشدد کا نشانہ بنا کر زندہ جلا دیا جس کے بعد ملزم کو تشویش ناک حالت میں اسپتال منتقل کیا گیا ہے۔

    ملتان میں جرائم کی تعداد میں دن بدن اضافہ قصور وار کون ؟

    ڈاکو کو انتہائی تشویشناک حالت میں ایدھی کے رضا کاروں نے رات گئے فوری طبی امداد کے لیے عباسی شہید اسپتال پہنچایا، ریسکیو حکام کا کہنا ہے کہ پکڑا گیا ڈاکو عوام کے تشدد اور فائرنگ سے بھی زخمی بتایا جاتا ہے-

    اطلاعات کے مطابق ڈاکوؤں نے لوٹ مار کے دوران مزاحمت پر 18 سالہ اظہر نامی نوجوان کو زخمی بھی کیا جسے ایدھی ایمبولینس کے ذریعے عباسی شہید اسپتال منتقل کیا گیا-

    شہر قائد میں کلہاڑی لگنے سے ایک شخص جان کی بازی ہار گیا۔

    قبل ازیں کراچی کے علاقے اورنگی ٹاؤن میں لوٹ مار کرنےوالے 3 ڈاکو شہریوں کے ہتھے چڑھ گئے، ایک ڈاکو عوام کے تشدد سے ہلاک ہوگیاتھا جبکہ 2 کو گرفتار کرلیا گیا تھاپولیس کا کہنا تھا کہ قصبہ کالونی ڈھائی نمبر کے قریب تین ڈاکو شہریوں سے لوٹ مار کر رہے تھے کہ مزاحمت کرنے پر ذیشان نامی شخص کو فائرنگ کر کے زخمی کردیا۔

    پہلی بیوی سے اجازت کے بغیر دوسری شادی کرنے والے ہو جائیں ہوشیار

    واقعے کے وقت لوڈشیڈنگ کی وجہ سے شہری گھروں سے باہر بیٹھے تھے،فائرنگ کی آواز سن کر شہری ڈاکوؤں کے پیچھے لگے اور تینوں ڈاکوؤں کو پکڑ کر شدید تشدد کا نشانہ بنایا، جس میں سے ایک ڈاکو اسپتال پہنچنے سے قبل دم توڑ گیادوسرے ڈاکو کو تشویشناک حالت میں عباسی شہید اسپتال منتقل کیا گیا جبکہ تیسرے ڈاکو کو پولیس نے پہنچ کر عوام سے چھڑایا اور تھانے منتقل کردیا تھا-

    کراچی میں فائرنگ کے دوران ایک فرد زخمی جبکہ 2 افراد جان کی بازی ہار گے۔

  • کراچی میں فائرنگ کے دوران ایک فرد زخمی جبکہ 2 افراد جان کی بازی ہار گے۔

    کراچی میں فائرنگ کے دوران ایک فرد زخمی جبکہ 2 افراد جان کی بازی ہار گے۔

    کراچی میں فائرنگ کے دوران ایک فرد زخمی جبکہ 2 افراد جان کی بازی ہار گے۔

    باغی ٹی وی کی رپورٹ کے مطابق کراچی میں پھر سے ایک اور جرم کی واردات سامنے آئی ہے ۔ کراچی میں یہ جرم اس طرح پیش آیا کہ کراچی میں قصبہ روڈ کے قریب فائرنگ ہو رہی تھی۔ اسی فائرنگ کے دوران ہی 2 افراد گولی لگنے سے جان کی بازی ہار گے۔ جبکہ 1 فرد اس حادثے کے دوران شدید زخمی ہو گیا۔

    مزید تفصیلات سے آگاہ کیا جاتا ہے کہ اس حادثے کے دوران زخمی ہونے والے فرد کو فوری طور پر ہسپتال منتقل کیا گیا۔ اور جن 2 افراد نے فائرنگ کے دوران ہی جان کی بازی ہار گے ان کی لاشوں کو بھی ہسپتال میں ہی منتقل کیا گیا۔ ان افراد کے جب گھر والوں کو اطلاع کی گئی تو ان کا کہنا تھا کہ یہ لوگ بے قصور مارے گے ہیں۔ان کا کچھ بھی قصور نہیں تھا۔

    مزید برآں یہ کہ اس سارے واقعے کے حوالے سے پولیس چیف جاوید اوڈھو کا کہنا ہے۔پولیس اس تمام صورتحال پر تفتیش کر رہی ہے۔اور مزید یہ کہ اس واقعے پر تفتیش کے حوالے سے ڈی آئی جی سی آئی اے کمیٹی کے سربراہ ہوں گے۔پولیس کا کہنا تھا کہ عوامی کے تشدد سے ہلاک ہونے والے شخص کو گزشتہ دن لوگوں نے ڈاکو قرار دیا تھا۔ اور پولیس موقع پر ہی پہنچ گئی اور ایک فرد کی جان بچ گئی۔

  • ملتان میں جرائم کی تعداد میں دن بدن اضافہ قصور وار کون ؟

    ملتان میں جرائم کی تعداد میں دن بدن اضافہ قصور وار کون ؟

    ملتان میں جرائم کی تعداد میں دن بدن اضافہ قصور وار کون ہے!

    باغی ٹی وی کی رپورٹ کے مطابق ملتان میں ڈولفن فورس اور محافظ سکواڈ کی کارکردگی کو صفر تصور کیا گیا۔اس کے علاوہ آس پاس کے تھانوں میں بھی کارکردگی کچھ خاص اچھی نہیں۔اسی وجہ سے ملتان میں بہت سی جرم کی وارداتیں سامنے آ رہی ہیں۔گزشتہ کئی دنوں سے جرائم کی تعداد میں خاطر خواہ اضافہ ہوا ہے۔

    جب پولیس اور ڈولفن ہی اپنا کام احسن طریقے سے انجام نہیں دیں گے۔ اور مجرموں کو سزائیں نہیں ملے گی تو جرائم تو خود ہی زیادہ ہوں گے۔
    مزید برآں یہ کہ ملتان کے رہائشیوں نے انہی جرائم اور ڈولفن کی کارکردگی صفر ہونے کی وجہ سے ہی حکومت سے نوٹس لینے کا مطالبہ کیا۔

    اس حوالے سے پولیس حکام کا کہنا ہے کہ آبادی کے تناسب سے نفری کی کمی کا مسئلہ ہے۔ اور ان کا مزید کہنا تھا کہ بہت کم وسائل کے باوجود جرائم پر قابو پانے کیلئے ہماری طرف سے کوشیش کی جا رہی ہیں۔پولیس کی رپورٹ کے مطابق اب تک چوری کی 3537، ڈکیتی کی 1794، راہزنی کی 4239 اور قتل کی 19 وارداتیں ہو چکی ہیں۔ اس کے علاوہ اور بھی بہت سے جرائم ہو رہے ہیں۔
    لہذا پولیس اور ڈولفن کی کارکردگی بلکل صفر ہے۔ جس کی وجہ سے ملتان میں بہت سے جرائم کی واردات سامنے آئی ہیں۔ اور مزید اور بھی بہت سے جرائم سامنے آ رہے ہیں۔

  • شہر قائد میں کلہاڑی لگنے سے ایک شخص جان کی بازی ہار گیا۔

    شہر قائد میں کلہاڑی لگنے سے ایک شخص جان کی بازی ہار گیا۔

    شہر قائد میں کلہاڑی لگنے سے ایک شخص جان کی بازی ہار گیا۔

    باغی ٹی وی کی رپورٹ کے مطابق کراچی میں شہر قائد کے علاقے میں پیچلھے کئی دنوں سے جرم کی بہت سی واردات سامنے آ رہی ہیں۔ ابھی حال ہی میں اس شہر میں پھر سے ایک اور جرم کی واردات سامنے آئی ہے۔یہ جرم اس طرح سےہوا کہ شہر قائد کے ایک علاقے گڈاپ میں ایک نوجوان جاں بحق ہو گیا۔ یہ نوجوان کلہاڑی کے لگنے کی وجہ سے جان کی بازی ہار گیا۔اور ساتھ ممیں موجود بہن زخمی ہو گئی۔

    مزید تفصیلات سے آگاہ کرتے ہوۓ بتایا جاتا ہے کہ جب پولیس کو اس واقعے سے مطلق آگاہ کیا گیا تو پولیس نے فوری طور پر تفتیش کی۔ پولیس کا بھی یہ ہی کہنا تھا کہ یہ نوجوان کلہاڑی لگنے سے جان کی بازی ہار گیا۔ اور اس کی بہن بھی اسی وجہ سے ہی گرفتار ہوئی تھی۔ مزید یہ کہ یہ کلہاڑی جس نے ماری اس ملزم کا نام ہدایت ہے۔اور حیرت انگیز بات یہ ہے کہ یہ کوئی ڈاکو یا چور نہیں تھا ۔بلکے یہ ملزم مقتول کا قریبی رشتہ دار تھا۔ جو انہی کے گھر میں پیچھلے کئی روز سے رہ رہا تھا۔ملزم انہی کے گھر میں موجود تھا۔

    ملزم اور مقتول کی کسی بات پر آپس میں بحث ہوئی۔جس نے لڑائی کی شکل اختیار کر لی تھی۔ جس کی وجہ سے ملزم طیش میں آ گیا تو اس نے کلہاڑی پکڑی اور مقتول کو ماری جس کی وجہ سے وہ جان کی بازی ہار گیا۔ اس وقت مقتول کی بہن بھی وہاں موجود تھی کلہاڑی اس کو بھی لگی اور وہ زخمی حالت میں مبتلا ہو گئی۔ اور اس واقعے کا جب قریبی لوگوں کو علم ہوا تو وہ اس کو طبی امداد کیلئے ہسپتال لے گئے۔

    مزید برآں یہ کہ پولیس مزید تفتیش کر رہی ہے۔ ملزم کو جیسے ہی دیکھا جائے گا فوری طور پر گرفتار کر لیا جائے گا۔ پولیس کی رپورٹ کے مطابق اس لڑائی کسی خاندانی تنازع کی وجہ سے ہوئی۔

  • پہلی بیوی سے اجازت کے بغیر دوسری شادی کرنے والے ہو جائیں ہوشیار

    پہلی بیوی سے اجازت کے بغیر دوسری شادی کرنے والے ہو جائیں ہوشیار

    باغٰی ٹی وی کی رپورٹ کے مطابق پہلی بیوی سے اجازت کے بغیر دوسری شادی کرنے والے ہو جائیں ہوشیار، عدالت نے سزا اور جرمانے کی سزا رکھی برقرار

    تفصیلات کے مطابق لاہور ہائیکورٹ نے پہلی بیوی کی اجازت کے بغیر دوسری شادی کرنے والے کو عدالت کی جانب سے سنائی گئی سزا چھ ماہ قید اور پانچ لاکھ روپے جرمانے کو درست قرار دے دیا ہے، پنجاب کے شہر میانوالی کے غلام حسین نے پہلی بیوی کو بتائے بغیر دوسری شادی کی تھی جس کے بعد اسکی پہلی بیوی نے اپنے شوہر پر مقدمہ درج کروا دیا تھا اور مقامی عدالت میں کیس کی سماعت ہوئی تھی، عدالت نے ملزم غلام حسین کو قصور وار ثابت ہونے پر چھ ماہ قید اور 5 لاکھ روپے جرمانے کی سزا سنائی تھی،

    سزا کے خلاف ملزم غلام حسین نے لاہور ہائیکورٹ میں اپیل دائر کی، لاہور ہائیکورٹ میں ملزم کے وکیل پیش ہوتے رہے، عدالت نے فریقین کے وکلاء کی بحث کے بعد سزا کو برقرار رکھا اور جرمانے کو بھی برقرار رکھا ،لاہور ہائیکورٹ کی جسٹس عالیہ نیلم نے ملزم کی درخواست پر فیصلہ سنایا اور ملزم کی اپیل خارج کر دی،

    دوسری شادی کے خواہش مند شوہر نے پہلی بیوی کے ساتھ کیا گھناؤنا کام

    خواجہ سرا کا یہ کام دوسروں کیلئے مشعل راہ ہے،لاہور ہائیکورٹ

    سگی بیٹی کو فحش ویڈیو دکھا کر سفاک باپ سمیت 28 افراد نے کیا ریپ

    موبائل میں فحش مواد ڈال کر دینے والا دکاندار گرفتار

    فحش ویڈیوز کا دھندہ کرنیوالے 20 ملزمان گرفتار

    لاہور سے چار بہنیں اغوا،ماں کی مدعیت میں مقدمہ درج

    مدرسہ کے تدریسی کمرہ میں 11 سالہ بچی سے فحش حرکات کرنے والا قاری گرفتار

    نکاح کا جھانسہ دیکربیوہ خاتون کے ساتھ گھناؤنا کام کرنیوالا گرفتار

    قبل ازیں رواں برس ماہ فروری میں بھی ایسا ہی ایک فیصلہ عدالت نے سنایا تھا، عدالت نے پہلی بیوی سے اجازت نہ لینے پر دولہا کو سزا سنا دی عدالت نے سزا سنائی تو پولیس نے گرفتار کرنے سے دیر نہیں کی، فوری ہتھکڑیاں لگائیں اور حوالات منتقل کر دیا،ملزم غلام رسول کی پہلی بیوی نے اپنے شوہر کے خلاف کیس کیا تھا جس میں کہا گیا تھا کہ میرے شوہر نے دوسری شادی کی ہے اور مجھ سے اجازت نہیں لی، لاہور کی ٹرائل کورٹ نے ملزم کو 6 ماہ قید کی سزا سنائی تھی جب کہ 5 لاکھ 60 ہزار روپے جرمانہ بھی کیا تھا