Category: جرائم و حادثات

سی ٹی ڈی کی کاروائی،چار دہشت گرد گرفتار
باغی ٹی وی کی رپورٹ کے مطابق سیکورٹی اداروں کی ملک دشمن عناصر کے خلاف کاروائیاں جاری ہیں،

سی ٹی ڈی نے پنجاب کے مختلف شہروں میں آپریشن کئے ہیں اور چار دہشت گردوں کو گرفتار کیا ہے، ترجمان سی ٹی ڈی کے مطابق گرفتار دہشت گردوں کا تعلق کالعدم تنظیم سے ہے، گرفتار دہشت گردوں کی شناخت فضل الہیٰ، محمد یاسر، عبداللہ اور بلال قاسم کے طور پر ہوئی ہے، گرفتار دہشت گردوں کو تحقیقات کے لئے نا معلوم مقام پر منتقل کر دیا گیا ہے، گرفتار دہشت گردوں کے قبضے سے بارودی مواد،نقدی برآمد ہوئی ہے، سی ٹی ڈی ترجمان کا کہنا ہے کہ تحقیقات کے بعد مزید انکشافات سامنے آئیں گے،

سی ٹی ڈی ترجمان کا کہنا ہے کہ گرفتار چار دہشت گردوں کے علاوہ مزید 18 سے زائد مشکوک افراد کو بھی حراست میں لیا گیا ہے جن سے تحقیقات جاری ہیں

دوسری جانب ‏تربت میں سی ٹی ڈی اور وومن پولیس نے ہوشاب میں کارروائی کی اور خاتون دہشت گرد گرفتار کرنے کا دعویٰ کیا، سی ٹی ڈی حکام کا کہنا ہے کہ ‏دہشت گردخاتون کا تعلق کالعدم تنظیم سے ہے، دھماکہ خیز مواد ڈیٹونیٹرز بھی برآمد کیا گیا ہے، ‏گرفتار خاتون دہشت گرد سی پیک روٹ پرغیر ملکی قافلے پر حملہ کرنا چاہتی تھی،‏خاتون کا تعلق اسی گروپ سے ہے جس نے کراچی یونیورسٹی میں خودکش حملہ کیا تھا،

علاؤہ ازیں محکمہ انسداد دہشتگردی مردان ریجن نے اہم کاروائی کی اور دہشت گردی کا بڑا منصوبہ ناکام بنا دیا اور
تحریک طالبان پاکستان کے 09 اہم دہشتگرد گرفتار کر لیے محکمہ انسداد دہسشتگردی مردان ریجن کو خفیہ ذرائع سے اطلاع ملی کی 8/9 دہشت گرد تخریب کاری کی غرض سے ضلع مہمند میں تشکیل کی صورت میں موجود ہے ۔
خفیہ اطلاع پر کامیاب کاروائی کرتے ہوئے 9دھشتگردوں کو قابو کرکے جن میں مجرمان اشتہاری محب اللہ ،احسان اللہ پسران سیف الرحمن ساکنان مہمند جو کہ سی ٹی ڈی مردان ریجن کو دہشت گردی کےمقدمات میں مطلوب تھے جبکہ دہشت گرد افتخار ، سمیع اللہ ، عرفان ، عصمت اللہ پسران سیف الرحمن ،فرہاد علی ولد عربستان ،اشتیاق ولد افتخار اور عبدالرازق ولد لعل رحمان ساکنان راول کور یکہ غونڈ ضلع مہمند سے گرفتارکرکے جن کے قبضہ سے2عدد خود کش جیکٹ ،ایک عد د کلاشنکوف بمعہ 3 عدد ،میگزین ،ایک ضرب پستول 9MM , دو عدد ہینڈ گرینڈ ،4 عدد راکٹ لانچر کےگولے اور بارودی مواد برآمد کئے گئےجن کے خلاف مقدمہ درج رجسٹر ہوکر ملزمان کی انٹاروگیشن جاری ہے جن سےمزید اہم انکشافات متوقع ہے۔

قبل ازیں گزشتہ روز روہڑی کے قریب سی ٹی ڈی نے کامیاب کاروائی کی، اور کالعدم تنظیم داعش کا اہم دہشتگرد عابد گرگیج گرفتار کر لیا گیا، ترجمان سی ٹی ڈی کے مطابق دہشتگرد کے قبضے سے 4 عدد لوکل ہینڈ میڈ بم ،ڈیٹو نیٹر اور تار برآمد کئے گئے ہیں، گرفتار ملزم علاقے میں کسی بھی خطرناک واردات کرنے کی تاک میں تھا ،دہشتگرد چار ماہ قبل اوباڑو میں مارے جانے والے دہشتگردوں عبدالحمید اور امام الدین پتافی کا قریبی ساتھی ہے ،گرفتار دہشتگرد علاقے میں ساتھیوں کے ساتھ مل کر چندہ جمع کرتا رہاہے گرفتار دہشتگرد کے کچے کے بدنام ڈاکو اسنر شر کے ساتھ بھی قریبی تعلقات ہیں ،دہشتگرد نے اوباڑو دہماکے کے دن پولیس کی ریکی کی ذمہ داری سنبھال رکھی تھی ،دھماکے کے دن موبائل سگنل ڈراپ ہونے کی وجہ سے وہ ساتھیوں کو پولیس چیکنگ کی بروقت اطلاع نہ دے سکا تھا ملزم نے خودکش جیکٹ بنانے ،آئی ڈی لگانے اور بنانے ،اینٹی کرافٹ گن ودیگر جدید اسلحہ چلانے کی تربیت حاصل کررکھی تھی

پشاور دھماکہ،وزیراعظم کو بریفنگ، ملزمان کی شناخت ہو چکی، شیخ رشید

پشاور دوسرے روز بھی شہر کی فضا سوگوار، دھماکے کا مقدمہ درج،دو مشتبہ افراد گرفتار

پشاور دھماکہ،اموات 56 ہو گئیں،امام مسجد بھی شہید

گورنر خیبر پختونخوا، وزیر اعلیٰ اور کور کمانڈر پشاور کی کوہاٹی گیٹ امام بارگاہ آمد

سی ٹی ڈی کی کاروائی، کوچہ رسالدار خودکش دھماکے کا ملزم ہلاک

باغی ٹی وی کی رپورٹ کے مطابق خیبر پختونخواہ کے صوبائی دارالحکومت پشاور میں سی ٹی ڈی نے دہشت گردوں کے خلاف کاروائی کی ہے

سی ٹی ڈی نے پشتخرہ میں کارروائی کی اور کوچہ رسالدار خودکش دھماکے کا ملزم ہلاک ہو گیا ،سی ٹی ڈی ترجمان کا کہنا ہے کہ چھاپے کے دوران دہشت گردوں نے سیکیورٹی ٹیم پر حملہ کیا مقابلے میں ملزم سمیت 2دہشت گرد ہلاک ہو گئے، 4ملزمان فرار ہو گئے ،دوسرے ہلاک دہشت گرد کی شناخت تاحال نہیں ہوئی ،ہلاک دہشت گرد 3 مارچ کوچہ رسالدار دھماکے میں ملوث تھا ہلاک دہشت گردوں سے دو دستی بم، دو پستول اور خود کش جیکٹ برآمد ہوئی ہیں

قبل ازیں گزشتہ ماہ تین مئی کو پشاور دھماکے کے سہولت کار پولیس مقابلے میں مارے جانے کا دعویٰ کیا گیا ہے پشاور کی جامع مسجد کوچہ رسالدار میں ہونیوالے خود کش دھماکے کے سہولت کاروں کے بارے میں دعویٰ کیا گیا ہے کہ 3 سہولت کار مارے گئے ہیں،وزیراعلیٰ خیبرپختونخوا کے معاون خصوصی برائے اطلاعات بیرسٹر محمد علی سیف نے میڈیا کو بتایا کہ سہولت کار عبدالواجد ، مظفر شاہ اور محمد طارق پولیس مقابلے میں مارے جا چکے ہیں جن کا تعلق ایک کالعدم تنظیم سے تھا تینوں سہولت کار دہشتگرد تاجر ستنام سنگھ، مذہبی اسکالر قاضی شیخ عبدالحمید اور دیگر افرادکے قتل میں ملوث تھے دو سہولت کاروں کا تعلق پشاور سے تھا جبکہ ایک کا تعلق جمرود ضلع خیبر سے تھا، کاؤنٹر ٹیرارزم ڈیپارٹمنٹ اور پولیس کی مشترکہ کاروائی میں تینوں کو ہلاک کیا گیا

کو چہ رسالدار جا مع مسجد کے خود کش حملے 66نمازی شہید اور 130 نمازی زخمی ہوئے تھے پشاور دھماکے میں سوشل میڈیا ایکٹوسٹ علی حیدر کے خاندان کے سات افراد بھی شہید ہو گئے تھے،

فیصل واوڈا کی نااہلی،شیخ رشید کا اعلان،اپوزیشن کو بھی چیلنج دے دیا

پشاور دھماکہ،وزیراعظم کو بریفنگ، ملزمان کی شناخت ہو چکی، شیخ رشید

پشاور دوسرے روز بھی شہر کی فضا سوگوار، دھماکے کا مقدمہ درج،دو مشتبہ افراد گرفتار

پشاور دھماکہ،اموات 56 ہو گئیں،امام مسجد بھی شہید

گورنر خیبر پختونخوا، وزیر اعلیٰ اور کور کمانڈر پشاور کی کوہاٹی گیٹ امام بارگاہ آمد

اے ٹی سی اسلام آباد میں اسامہ ستی قتل کیس کا ٹرائل التوا کا شکار ہو گیا

اسامہ ستی کے والد ندیم ستی نے چیف جسٹس اور وزیر اعظم سے انصاف کی اپیل کی ہے ،ندیم ستی کا کہنا تھا کہ میرے بیٹے اسامہ ستی کو 2 جنوری 2021 کو نا حق قتل کیا گیا، رات 2بجے بیٹے کو پولیس اہلکاروں نے شہید کیا جس سے شہر میں خوف وہراس پھیلا ،واقعے کے بعد اس وقت کے وزیر اعظم عمران خان نے مجھے ملاقات کے لیے بلایا عمران خان سے ملاقات کے بعد واقعے کی جوڈیشل انکوائری، اور جے آئی ٹی بنائی گئی،جوڈیشل انکوائری اور جے آئی ٹی کی رپورٹس عدالت میں پیش ہوئیں انسداد دہشت گردی عدالت میں ملزمان پر فرد جرم عائد ہو چکی ،کئی گواہوں کے بیانات بھی قلمبند ہو چکے لیکن کیس سست روی کا شکار ہے، اسامہ کیس کے بعد نور مقدم، عثمان مرزا اور سری لنکن شہری کے کیس سامنے آئے، تینوں کیسوں کے فیصلے آ چکے لیکن ہم اب بھی انتظار کر رہے ہیں، چیف جسٹس اور وزیر اعظم سے اپیل ہے کہ انصاف کیا جائے اسامہ ستی کیس کا فیصلہ بھی جلد سنایا جائے ،

پولیس فائرنگ سے جاں بحق اسامہ سٹی کی پوسٹ مارٹم رپورٹ آ گئی،کتنی گولیاں لگیں؟

اسامہ ستی قتل کیس، وفاقی کابینہ کا اہم فیصلہ، وزیراعظم کا دبنگ اعلان

اسامہ ستی قتل کیس ، پولیس افسران ملزمان کو بچانے کے لیے سرگرم

جس طرح تحقیقات کروانا چاہیں حکومت تیار ہے، شیخ رشید کا اسامہ ستی کے والد کو فون

پولیس اہلکاروں کو بچانے کی کوشش کی جارہی ہے،مقتول اسامہ ستی کے والد کی درخواست

واضح رہے 2 جنوری کو اسلام آباد جی ٹین میں اے ٹی ایس اہل کاروں کی فائرنگ سے کار سوار نوجوان 21 سالہ اسامہ ستی جاں بحق ہوگیا تھا۔ والد اسامہ ستی نے کہا کہ میرے بیٹے کو جان بوجھ کر گولیاں ماری گئیں، وفاقی پولیس نے قتل میں ملوث 5 اہل کاروں سب انسپکٹر افتخار، کانسٹیبل مصطفیٰ، شکیل، مدثر اور سعید کو قصور وار ثابت ہونے پر پولیس سروس سے برطرف کر دیا ہے،