ضلع جہلم کی تحصیل دینہ میں پولیس نے لکھ پتی بھکاری کو گرفتار کر لیا-

باغی ٹی وی : پولیس کے مطابق بشیر احمد ساکن سرائے عالمگیر منگلا روڈ پہ بھیک مانگ رہا تھا، جہاں پولیس نے مشکوک جان کر تلاشی لی تو بھکاری سے تین لاکھ 59ہزار روپے برآمد ہوئے۔

پولیس نے رقم قبضے میں لے کر بھکاری کے خلاف مقدمہ درج کر لیا اور تحقیقات شروع کر دیں۔

کھلے پیسے نہیں ہیں توکیا ہوا،بھارت کے ڈیجیٹل بھکاری نےآن لائن بھیک ٹرانسفرکیلئےاکاؤنٹ کھول لیا

واضح رہے کہ دوسری جانب بھارت میں ایک بھکاری نے کھلے پیسے نہ ہونے کا بہانہ کرنے والوں کے جواب میں ڈیجیٹل ٹرانسفرکی شکل میں بھیک مانگنا شروع کردی ہے بھکاری راجو پرساد جب لوگوں سے کھلے پیسے نہ ہونے کا بہانہ سن کرتھک گیا تھا تواس نے بھیک مانگنے کا ایک انوکھا طریقہ سوچا اوراس پرعمل کرڈالا راجو پرساد اب ڈیجیٹل ٹرانسفر کے ذریعے بھیک مانگ رہا ہے اوراس مقصد کے لئے وہ اپنے گلے میں کیوآرکوڈ ڈال کرگھومتا ہے۔

راجو نے اسٹیٹ بینک آف انڈیا میں اپنا اکاؤنٹ کھول رکھا ہے جو ایک ملٹی نیشنل پبلک سیکٹر بینک ہے راجو کا کہنا تھا کہ اسے اکاؤنٹ کھولنے اوروالٹس بنانے میں سخت مشکلات کا سامنا کرنا پڑا جھے کھاتہ کھولنے کے لیے آدھر کارڈ (Aadhar card) اور پین کارڈ ( PAN card) جمع کرنے کو کہا گیا میرے پاس آدھر کارڈ تھا لیکن پین کارڈ نہیں تھا مجھے ایک کا بندوبست کرنے کے لیے سخت جدوجہد کرنی پڑی اس کے بینک اکاؤنٹ ہونے کے بعد ہی اس نے ای والٹس بنائے۔

نئےکپڑوں کی خواہش پر شوہر نے بیوی کو بڑی سزا دے دی

راجو اپنے گلے میں ڈیجیٹل ادائیگی کا نظام پہنتا ہے تاکہ لوگوں کو اپنے بینک اکاؤنٹ میں رقم منتقل کرنے کے لیے QR کوڈ اسکین کرنے کی اجازت دی جا سکے سمارٹ فون کی گہری رسائی اور ڈیجیٹل ادائیگی کی ایپلی کیشنز جیسے گوگل پے، فون پے اور پے ٹی ایم کے غلبے نے اس بھکاری کے لیے چیزوں کو آسان بنا دیا ہے۔

سابق سینیٹر و (ن) لیگی ایم این اے چودھری تنویر کیخلاف مقدمہ درج

لاہور: اینٹی کرپشن کی ٹیم نے مسلم لیگ (ن) کے سابق سینیٹر چوہدری تنویر کی رہائش گاہ پر چھاپہ مارروائی کی ہے۔

اینٹی کرپشن حکام کے مطابق چھاپہ چوہدری تنویر کی گرفتاری کے لیے مارا گیا، چھاپہ چوہدری تنویر کی راولپنڈی رہائش گاہ پر مارا گیا، چوہدری تنویر پر 45 کنال سرکاری اراضی پر قبضے کا الزام ہے۔

حکام کے مطابق سابق سینیٹر چوہدری تنویر نے قبضے کی زمین پر غیر قانونی گھر اور پلازہ تعمیر کیا۔ مسلم لیگ (ن) کے رہنما چوہدری تنویر پر اینٹی کرپشن میں مقدمہ درج ہے۔ چھاپے کے وقت گھر پر چوہدری تنویر کے بیٹے کا ولیمہ جاری ہے۔  چوہدری تنویر گھر کے اندر موجود ہیں اور چھاپہ مار ٹیم باہر ہے۔

خیال رہے کہ 2019 میں ایف بی آر کے بے نامی زون نے سینیٹر چوہدری تنویر کے خلاف ایجوکیٹنگ اتھارٹی میں ریفرنس دائر کر دیا تھا۔ ایف بی آر کا کہنا تھا کہ سینیٹر چوہدری تنویر 7 ہزار 125 کنال زمین کے مالک ہیں، جائیداد کی مالیت 15 ارب روپے سے زائد ہے جب کہ اراضی چوکیدار، سیکورٹی گارڈ اور گن مین کے نام ہے۔

ایف بی آر کے مطابق سینیٹر چوہدری تنویر کے خلاف ایجوکیٹنگ اتھارٹی میں ریفرنس دائر کر دیا گیا، چوہدری تنویر کی زمین اسلام آباد نیو ایئر پورٹ کے قریب واقع ہے، 6 بے نامی افراد نے کبھی انکم ٹیکس گوشوارے جمع نہیں کرائے۔

لاہور: خانیوال کے ضلع میاں چنوں میں بائی پاس کے قریب جنگی تربیتی طیارہ گر کر تباہ ہوگیا۔

باغی ٹی وی : تفصیلات کے مطابق میاں چنوں میں بائی پاس کے کولڈ اسٹوریج کے گوادم کے قریب جنگی تربیتی طیارہ گر کر تباہ ہوگیا۔ ریسکیو 1122 اور قانون نافذ کرنے والے اداروں کی ٹیمیں موقع کیجانب روانہ ہوگئیں ہیں۔

A PAF training aircraft crashes near Mian Channu city.
A hotel and cold storage is completely damaged.
Thankfully no casualty reports. #MianChanuCrash@BaaghiTV @RaoAwaisMehtab1 @Taahaa_ @naveedsheikh123 pic.twitter.com/ly3Fk2dkVa

— M@A@Tahir (@PakFirst_) March 9, 2022

عینی شاہدین کا کہنا ہے کہ آسمان سے گرنے والی چیز سے دھماکہ ہوا کچھ پتہ نہیں چل رہا ہے کہ کیا گرا ہے۔ آخری اطلاعات آنے تک کوئی جانی نقصان کی اطلاع موصول نہیں ہوئی تھی تاہم ہلاکتوں کا خدشہ ظاہر کیا جارہا ہے۔

اسلام آباد:رانا شمیم کے کارہائےنمایاں:نیب میں پیش کردیئےگئے:پیش کرنے والے بھی اپنے ہی نکلے،اطلاعات کے مطابق عدلیہ پر حملہ کرنے والی اہم شخصیت جن کو اہل پاکستان رانا شمیم کے نام سے جانتے ہیں اس وقت ان کے کارہائے نمایاں کے حوالے سے ایک کیس نیب کے سپرد کردیا گیا ہے جس میں‌ کہا گیا ہے کہ انہوں نے جس صفائی سے 60 کروڑ روپے کے ساتھ کھلوآڑ کیا ہے اس سے پہلے شاید کوئی ایسے عہدے پر بیٹھا افسر نہ کرسکا

ادھر اس حوالے سے یہ بھی معلوم ہواہے کہ نیب میں‌ یہ درخواست فروری کے تیسرے ہفتے دائر کی گئی تھی لیکن اس کو میڈیا پرآنے سے روکنے کے لیے ن لیگ کے کچھ بڑوں کی کوششیں کارگر ہوئیں اور انہوں نے اس کرپشن سکینڈل کو میڈیا پرآنے سے روکا رکھا تاہم باغی ٹی وی کو یہ دستایزات مل چکی ہیں‌

رانا شمیم کہ جن کو نوازشریف کی خصوصی شفقت حاصل تھی اور اسی شفقت کی وجہ سے نوازشریف نے رانا شمیم کو چیف جسٹس گلگت بلتستان لگا کرعدلیہ کے ذریعے اپنی سیاست کو تقویت دینے کی کوشش کی

ان دستایزات سے ظاہر ہوتا ہے کہ رانا شمیم نے شہید ذوالفقار علی بھٹو یونیورسٹی لا کالج کے سربراہ کی حیثیت سے جہاں ماہانہ لاکھوں روے تنخواہ اور لاکھوں ہی مراعات کے ذریعے حاصل کئے اس کے علاوہ بھی مال بنانے میں کامیاب رہے ، دستاویزات میں کہا گیا ہےکہ رانا شمیم نے شہید ذوالفقار علی بھٹو لا کالج کراچی میں‌ جس طرح لوٹ مار کا بازار گرم رکھا اس کی مثال پاکستان میں اس سے قبل کسی تعلیمی ادارے میں نہیں ملتی

[wp-embedder-pack width=”100%” height=”400px” download=”all” download-text=”” attachment_id=”470929″ /]

اس درخواست میں یہ بھی کہا گیا ہے کہ رانا شمیم نے بیرون ممالک بھی جائیدادیں بنا رکھی ہیں ، ان میں ملائیشیا کا نام بھی سامنے آیا ہے ، اس کے ساتھ ساتھ رانا شمیم نے کیٹل فارمز اور دیگر جائدادیں بھی بنا رکھی ہیں

نیب سے درخواست کی گئی ہے کہ رانا شمیم کے خلاف کارروائی کی جائے اور ان سے لوٹی گئی دولت کا حساب مانگا جائے

یاد رہے کہ اس سے پہلے اس حوالے سے بہت اہم انکشافات ہوچکے ہیں جن کے مطابق سابق چیف جج گلگت بلتستان و سابق چیف جسٹس سپریم کورٹ ثاقب نثارکےخلاف بیان حلفی دینے والے جسٹس ریٹائرڈ ڈاکٹر رانامحمد شمیم کراچی میں دو سال قبل2 ستمبر 2019ءسے شہید ذوالفقار علی بھٹو یونیورسٹی آف لا کے وائس چانسلر تعینات ہیں۔ یونیورسٹی ذرائع کا کہنا ہے کہ جسٹس ریٹائرڈ ڈاکٹر رانا محمد شمیم، صدر، وزیراعظم اور سرکاری جامعات کے وائس چانسلرز سے زیادہ تنخواہ وصول کررہے ہیں جو تقریباً 30 لاکھ روپے ماہانہ ہے۔

یونیورسٹی ذرائع کا کہناہے کہ وائس چانسلرکی دیگر مراعات کو اگر شامل کرلیا جائے تو یہ رقم ماہانہ 50 لاکھ روپے تک پہنچ جاتی ہے۔ یونیورسٹی ذرائع کا یہ بھی کہنا ہے کہ شہید ذوالفقار علی بھٹو یونیورسٹی آف لا کا مین کیمپس کراچی میں واقع ہے اور تدریسی عمل کراچی میں جاری ہے مگر شہید ذوالفقار علی بھٹو یونیورسٹی آف لاکراچی کے وائس چانسلر جسٹس ریٹائرڈ ڈاکٹر رانا محمد شمیم گزشتہ20ماہ کے دوران ایک ماہ سے بھی کم عرصہ دفتر میں حاضر رہے ہیں۔ یونیورسٹی ذرائع کا کہناہے کہ وائس چانسلر نے اسلام آباد میں اپنی رہائش گاہ ہاﺅس نمبر390، اسٹریٹ نمبر75،E- 11/3میں ایک دفتر قائم کیا ہوا ہے جس کا وہ کرایہ نہیں لیتے۔ اس دفتر کےلئے یونیورسٹی کا ایک ڈرائیور، باورچی، مالی اور ایک افسر ( کیئر ٹیکر) تعینات ہے جبکہ وائس چانسلرکےلئے کراچی کے علاقے کلفٹن میں ایک لگژری فلیٹ کرائے پر لیا گیا ہے جس کا کرایہ تقریباً ایک لاکھ روپے ماہانہ ہے جبکہ یہاں پر بھی عملہ موجود ہے۔

یونیورسٹی ذرائع کاکہناہے کہ یونیورسٹی کے اہم امور آن لائن نمٹائے جارہے ہیں۔ یونیورسٹی ذرائع کے مطابق سندھ حکومت کے زیرانتظام چلنے والی شہید ذوالفقار علی بھٹو یونیورسٹی آف لا کراچی میں بڑے پیمانے پر بے قاعدگیاں سامنے آچکی ہے جس کی وجہ سے یونیورسٹی کا خزانہ تقریباً خالی ہو چکاہے۔ یونیورسٹی میں وزٹینگ فیکلٹی کے نام پر اقربا پروری کا مظاہرہ کرتے ہوئے متعدد افراد کو نوازا جاچکاہے۔ یاد رہے کہ وزیراعلیٰ سندھ سید مراد علی شاہ کی منظوری کے بعد جسٹس ریٹائرڈ ڈاکٹر رانا محمد شمیم کو مورخہ2ستمبر2019 کو محکمہ بورڈز اینڈ نیورسٹیز نے شہید ذوالفقار علی بھٹو یونیورسٹی آف لا ( زابل) کراچی کا وائس چانسلر تعینات کرنے کا نوٹیفکیشن جاری کیا تھا۔ شہید ذوالفقار علی بھٹو یونیورسٹی آف لا(زابل) میں وائس چانسلرکی اسامی کےلئے تین نام فائنل کئے گئے تھے جن میں دوسرا نام سابق جج حسن فیروز کا تھا جبکہ تیسرا نام پروفیسر ڈاکٹر رخسار احمد کا تھا۔

باوثوق ذرائع کا کہناہے کہ پاکستان پیپلز پارٹی کی اہم ترین شخصیت کی کہنے پر انکا نام وائس چانسلر کےلئے فائنل کیا گیا۔ یونیورسٹی ذرائع کا کہنا ہے کہ یونیورسٹی سے طویل عرصے غائب رہنے کی وجہ سے یونیورسٹی کے انتظامی معاملات شدید متاثر ہورہے ہیں