اسلام آباد: ای الیون ٹو میں واقع گھر میں کھڑی گاڑی سے 11 کلوگرام سے زائد ہیروئن برآمد ہوئی۔
باغی ٹی وی: اے این ایف حکام کے مطابق خفیہ اداروں کی اطلاع پر اینٹی نارکوٹکس فورس نے اسلام آباد کےعلاقے ای الیون ٹو میں واقع گھر میں کارروائی کرتے ہوئے بھاری مقدار میں منشیات برآمد کرلی۔
اے این ایف حکام کے مطابق پکڑی جانے والی ہیروئن گاڑی کے اندر پڑی جیکٹس میں چھپائی گئی تھی، جس کا وزن 11 اعشاریہ 94 کلوگرام ہے اور عالمی منڈی میں اسی کی قیمت کروڑوں روپے بنتی ہے۔
کارروائی میں دو ملزمان کو بھی گرفتار کیا گیا ہے، جن کی شناخت غلام رسول اور امان اللہ کے نام سے ہوئی ہے، غلام رسول افغان باشندہ ہے جب کہ دوسرا پشاور کا رہائشی ہے۔ دونوں ملزمان کے خلاف مقدمہ درج کر کے مزید تحقیقات کا آغاز کر دیا گیا ہے۔
دوسری جانب اسلام آباد ایئرپورٹ سول ایوی ایشن اتھارٹی کا ملازم منی لانڈرنگ میں سہولت کار نکلا اسلام آباد ائیر پورٹ ( سی اے اے ) کے فائر اسسٹنٹ سے 1کروڑ 72لاکھ روپے سے زائد مالیت کی غیر ملکی کرنسی برآمد کر لی گئی برآمد شدہ کرنسی میں 70ہزار یورو، 56ہزار500 سعودی ریال اور 8ہزار یو اے ای درہم شامل ہیں گل نواز عباسی نے دبئی جانے والے دو مسافروں کا ریپڈ پی سی آرکروایا سی اے اے اہلکار کو انٹرنیشنل ایرائیول سے ڈیپارچر، جاتے ہوئے اے ایس ایف اہلکاروں نے گرفتار کیا-
سی اے اے اہلکار دبئی جانے والے مسافروں کو غیر ملکی کرنسی پہنچانا چاہتا تھا ترجمان سول ایوی ایشن سیف اللہ خان نے واقع کی تصدیق کرتے ہوئے بتایا کہ گل نواز عباسی سی اے اے کا کنٹریکٹ ملازم ہے جسے معطل کردیا ہے-
آن لائن گیم "پب جی” پر پابندی کے لئے لاہور ہائی کوڑت یں درخواست جمع کرا دی گئی-
باغی ٹی وی : تفصیلات کے مطابق شہری تنویر احمد نے ندیم سرور کے ذریعے لاہور ہائی کورٹ ،یں درخواست جمع کرائی درخواست گذار نے موقف اپنایا کہ کہ پاکستان میں "پب جی” گیم کے منفی اثرات کی وجہ سے کئی ہلاکتیں ہو چکی ہیں لاہور میں پب جی کے استعمال سے 14 سالہ لڑکے نے ماں بہن اور بھائیوں کو قتل کر دیا ہے-
درخواست گزار کا یہ بھی کہنا ہے کہ پب جی کے استعمال سے نوجوان نسل کی ذہنی صحت اور زندگی کو شدید خطرات لاحق ہو چکے ہیں انڈیا میں آن لائین گیمز کو ریگولیٹ کیا گیا ہے جبکہ پاکستان میں آن لائن گیمز کو ریگولیٹ کرنے کے لئے کو قوانین وضع نہیں کئے گئے-
درخواست گزار نے لاہور ہائی کورٹ سے استدعا کی ہے کہ "پب جی ” گیم پر فوری پابندی عائد کی جائے اس درخواست پر پیر کے روز سماعت کا امکان ہے-
دوسری جانب محکمہ پنجاب پولیس نے وفاقی اور صوبائی حکومت کو ایسی خطرناک وڈیو گیمز پر پابندی عائد کرنے کی سفارش کرنے کا فیصلہ کیا ہے جو نوجوانوں میں تشدد کے رجحانات کو فروغ رہی ہیں اور ان پر پابندی سے نوجوان نسل کو ان کے نقصان دہ اثرات سے محفوظ رہا جاسکے گا۔
پب جی گیم سے فائرنگ کے بڑھتے ہوئے رجحان کے باعث لاہور کے علاقے کاہنہ میں بیٹے نے اپنی ماں، بھائی اور دو بہنوں کی جان لے لی ترجمان پنجاب پولیس کے مطابق والدہ اور تین بچوں کے قتل کا معمہ حل ہوچکا ہے، پب جی گیم کا عادی بیٹا ہی قاتل نکلا۔
لاہور تھانہ کاہنہ کے علاقہ میں والدہ سمیت تین بہن بھائیوں کے قتل کی تفتیش میں تہلکہ خیز انکشافات، بیٹا ہی قاتل نکلا۔ ملزم پب جی (PUBG) گیم کا عادی ہے، جس نے یہ جانتے ہوئے قتل کیا کہ سب گیم کی طرح دوبارہ زندہ ہو جائیں گے۔ 1/2 pic.twitter.com/UMJU3LclHj
محکمہ پولیس کے ترجمان نے کہا کہ حالیہ دنوں میں ’پب جی‘ جیسی گیموں کی وجہ سے فائرنگ کے کئی واقعات رپورٹ ہوچکے ہیں، اسی لیے محکمہ پولیس نے اس طرح کی گیمز پر پابندی کے لیے حکومت سے مدد لینے کا فیصلہ کیا ہے۔
ان کا مزید کہنا تھا کہ پابندی سے متعلق سفارشات دینے کا فیصلہ گزشتہ ہفتے لاہور کے علاقے کاہنہ میں ہونے والے واقعے کے تناظر میں کیا گیا ہے، افسوسناک واقعے میں 14 سالہ لڑکے نے گیم سے بُری طرح سے متاثر ہوکر اپنے خاندان کے چار افراد کو فائرنگ کرکے قتل کردیا تھا، مقتولین میں لڑکے کی ماں اور 3 بہن بھائی شامل تھے، لڑکے کی ماں ناہید مبارک لیڈی ہیلتھ ورکر تھیں۔
لاہور پولیس کا خطرناک گیم (PUBG)پر پابندی لگانے کیلئے صوبائی و وفاقی حکومت سے سفارش کا فیصلہ۔ 2/2 pic.twitter.com/t6qICbMIU0
ترجمان پنجاب پولیس کے مطابق ابتدائی تحقیقات کے مطابق 18 سالہ علی زین پب جی گیم کا عادی تھا، ملزم نے گھر میں موجود والدہ کے پسٹل سے ماں، بہنوں اور بھائی کو قتل کیا، خونی کھیل کوانجام دینے کے بعد قاتل ٹاسک مکمل ہونے کے نشہ میں گھر کے نچلے حصہ میں آکر چین کی نیند سوگیا اور پولیس تحفظ کی یقین دہانی کے باوجود علی زین منظر سے غائب ہوگیا تھا، اسے مقتولین کی تدفین کے بعد سے حقیقی خالہ نے فیصل آباد کے قریب گاؤں میں چھپا کر رکھا ہوا تھا زین علی کو پب جی کی لت ہوسٹل میں رہنے والے طلبہ سے لگی۔
کاہنہ لاہور میں والدہ اور تین بچوں کے قتل کا معمہ حل, پب جی (PUBG) گیم کا عادی بیٹا ہی قاتل نکلا۔ ملزم نے گھر میں موجود والدہ کے پسٹل سے ماں، بہنوں اور بھائی کو قتل کیا. پنجاب پولیس کا خطرناک گیم (PUBG)پر پابندی لگانے کیلئے صوبائی و وفاقی حکومت سے سفارش کا فیصلہ۔ pic.twitter.com/akudvru59S
ترجمان پولیس نے بتایا کہ علی زین کو پولیس نے ماہمونوالی گاؤں سے تلاش کیا، دوران تفتیش ملزم نے اعتراف کیا کہ پب جی گیم میں بار بار شکست کی وجہ سے ذہنی دباؤ میں اضافہ ہوا، ملزم نے یہ سوچ کر گولیاں چلائیں کہ گیم کی طرح سب دوبارہ زندہ ہوجائیں گے۔
ترجمان کا مزید کہنا تھا کہ ’پب جی‘ نوجوانوں کی ذہنی صحت کے لیے بہت خطرناک گیم ہے کیونکہ اس گیم کو زیادہ کھیلنے والے اس میں دیے گئے اہداف اور ٹاسک کو مکمل کرتے کرتے بہت زیادہ جارح مزاج ہوجاتے ہیں انسپکٹر جنرل پولیس کی طرف سے والدین سے درخواست کرتے ہوئے ترجمان محکمہ پولیس پنجاب کا کہنا تھا والدین اپنے بچوں کی نگرانی کریں اور ان کو کسی بھی منفی سرگرمی میں مشغول ہونے سے روکیں۔
واقعے کی تفصیلات بتاتے ہوئے ترجمان پولیس کا کہنا تھا کہ وزیر اعلیٰ پنجاب عثمان بزدار اور آئی جی پنجاب پولیس راو سردار علی احمد خان نے خاندان کو قتل کرنے کے واقعے کا نوٹس لیا ہے اور لاہور پولیس کو کیس کو حل کرنے کی ہدایت کی ہے۔
واضح رہے کہ رواں برس 19 جنوری کو لاہور کے علاقے کاہنہ گجومتہ میں واقع ایک گھر سے خاتون اور اس کے تین بچوں کی لاشیں برآمد ہوئی تھی، جاں بحق ہونے والوں میں ماں، دو بیٹیاں اور ایک بیٹا شامل ہے، چاروں کو فائرنگ کر کے قتل کیا گیا۔
بعد ازاں انکشاف ہوا کہ واردات میں بچ جانے والا بیٹا ہی اپنے بہن بھائی اور ماں کا قاتل تھا، پولیس نے ملزم کو گرفتار کرکے اس سے آلہ قتل بھی برآمد کر لیا اور ملزم نے اعتراف جرم بھی کرلیا۔
واضح رہے کہ آن لائن گیمز سے متعلق یہ اس طرح کا چوتھا واقعہ ہے جب اس طرح کا پہلا واقعہ 2020 میں سامنے آیا تھا تو اس وقت کے کیپیٹل سٹی پولیس چیف ذوالفقار حمید نے لوگوں کی زندگیاں، وقت اور لاکھوں نوجوانوں کا مستقبل بچانے کے لیے اس طرح کی گیمز پر پابندی کی سفارش کی تھی۔
گزشتہ دو سالوں کے دوران ’پب جی‘ گیم کھیلنے والے تین نوجوان خودکشیاں کر چکے ہیں اور پولیس نے اپنی رپورٹ میں اموات کی وجہ گیم کو قرار دیا تھا۔
واشنگٹن: امریکا میں پل ٹوٹنے سے 10 افراد زخمی ہوگئے۔
باغی ٹی وی : غیرملکی خبرایجنسی کے مطابق امریکی شہرپٹس برگ میں پل ٹوٹنے سے 10 افراد زخمی ہوگئے حادثے کے وقت پل پرایک بس اور6 گاڑیاں موجود تھیں پل ٹوٹنے سے کچھ گھنٹے قبل امریکی صدرجوبائیڈن نے علاقے کا دورہ کیا تھا اورمقامی انتظامیہ سے انفرااسٹرکچر اورپلوں کی مرمت پربات کی تھی۔
حکام کے مطابق پل ٹوٹنے کے بعد پل کے نیچے سے گزرنے والی گیس کی لائن بھی لیک ہوگئی جس سے پورے علاقے میں گیس پھیل گئی۔متاثرہ علاقے میں لوگوں کی آمد ورفت کو بند کردیا گیا ہے اورلوگوں کواحتیاط برتنے کی ہدایت کی گئی ہے۔
نیشنل ٹرانسپورٹیشن سیفٹی بورڈ کے ترجمان نے جمعہ کو کہا کہ ایجنسی تقریباً 10 افراد پر مشتمل ایک ٹیم کو تحقیقات کے لیے بھیج رہی ہے کہ "کہ کیوں اور کیسے ہوا؟-
عینی شاہدین کین ڈوینو نے بتایا کہ”پہلی آواز بہت زیادہ شدید تھی، اور ایک قسم کی گڑگڑاہٹ جیسے کے زلزلہ آگیا ہو یعنی اس وقت پورا گھر ہل گیا اور گیس کی بو آ رہی تھی-
پٹسبرگ پبلک سیفٹی کے مطابق، سرچ اور ریسکیو ٹیمیں پل کے نیچے تلاش کر رہی تھیں تاکہ یہ یقینی بنایا جا سکے کہ لوگ پھنس نہیں گئے ہیں فضائی ڈرون فوٹیج میں برف سے ڈھکی چار گاڑیاں دکھائی گئیں اور بس منہدم ہونے والے پل پر موجود تھی۔ ایک اور کار پل کے ایک طرف الٹ گئی۔
پنسلوانیا کے گورنر ٹام وولف نے کہا کہ ان کی ٹیم پٹسبرگ میں صورتحال پر نظر رکھے ہوئے ہے اور ضرورت کے مطابق مدد فراہم کرنے کے لیے تیار ہے۔
حکام کا کہنا ہے کہ امریکا میں 45000 پل خستہ حالت میں ہیں جن پرکسی بھی وقت کوئی حادثہ پیش آسکتا ہے مخدوش پلوں میں سے 3000 ریاست پینسلوانیا میں واقع ہیں۔
وائٹ ہاؤس کے پریس سکریٹری جین ساکی نے کہا کہ بائیڈنپٹسبرگ سے 10 میل دور ویسٹ مِفلن کا دورہ کریں گے، "اور وہ اضافی مدد کے بارے میں مقامی حکام سے رابطے میں رہیں گے جو ہم فراہم کر سکتے ہیں۔”
انہوں نے کہا کہ صدر "پہلے جواب دہندگان کی شکر گزار ہیں جو اس وقت پل پر موجود ڈرائیوروں کی مدد کے لیے پہنچ گئے۔”
بائیڈن اپنے 1 ٹریلین ڈالر کے بنیادی ڈھانچے کے قانون کو فروغ دینے کے لیے ایک تقریر کریں گے،انہوں نے پنسلوانیا پل کی دیکھ بھال کے لیے تقریباً 1.6 بلین ڈالر مختص کیے ہیں اس سے پہلے انہوں نے پل گرنے کی جگہ کا دورہ کیا۔
انہوں نے کہا، "مجھے نہیں معلوم تھا کہ پٹسبرگ میں دنیا کے کسی بھی شہر سے زیادہ پل ہیں، وینس سے زیادہ،” انہوں نے کہا۔ "اور ہم ان سب کو ٹھیک کرنے جا رہے ہیں۔ یہ کوئی مذاق نہیں ہے۔ یہ ایک بہت بڑی تبدیلی ہونے جا رہی ہے۔”
پنسلوانیا کے لیفٹیننٹ گورنمنٹ جان فیٹرمین نے اسے "صرف ایک خوفناک، غیر حقیقی منظر” قرار دیا کہا "میں امید کرتا ہوں کہ یہ قوم کے لیے ایک جاگ اپ کال ہے کہ ہمیں بنیادی ڈھانچے کی سرمایہ کاری کرنے کی ضرورت ہے،” فیٹرمین نے کہا پل ایک اہم شہہ رگ ہے جو اسکوائرل ہل اور آکلینڈ کو ملاتا ہےے اور شہر کے مرکز پٹسبرگ کی طرف ایک مقبول راستہ ہے اس کا حال ہی میں ستمبر میں معائنہ کیا گیا تھا، لیکن رپورٹ فوری طور پر دستیاب نہیں تھی۔
واضح رہے کہ امریکی صدرجوبائیڈن نے گزشتہ سال نومبرمیں سڑکوں اورپلوں کی مرمت کے لئے 110 بلین ڈالرفراہم کرنے کے بل پردستخط کئے تھے۔
سیالکوٹ کی تحصیل ڈسکہ کے سول ہسپتال میں ڈاکٹروں کے بجائے آپریشن تھیٹر (او ٹی) اسسٹنٹ ہی آپریشن کرنے لگا جس پر 6 ڈاکٹروں کو شوکاز نوٹس جاری کردیئے گئے او ٹی اسسٹنٹ سمیت پیرا میڈیکل اسٹاف کے 4 ارکان کو معطل کردیا گیا۔
باغی ٹی وی : میڈیا رپورٹس کے مطابق واقعہ سے متعلق متعدد ویڈیوز وائرل ہوئیں جس میں سے ایک ویڈیو میں او ٹی اسسٹنٹ کوخاتون کا آپریشن کرتے دیکھا جا سکتا ہے اس حوالے سے ایم ایس سول ہسپتال نے بتایا کہ ہسپتال کے قواعد و ضوابط کی خلاف ورزی پر او ٹی اے عاصم اور تین نرس اسٹاف کو معطل کردیا گیا ہے۔
سی ای اوی ہیلتھ ڈاکٹر اسلم چوہدری نے کہا کہ شیٹ ڈال کر ڈھانپے بغیر مریضہ کے آپریشن کی اجازت نہیں ہوتی، وہ اس معاملے کی انکواٸری کرائیں گے۔
انہوں نے کہا کہ ذمہ داران کے خلاف کارروائی کی جائے گی دوسری جانب سرکاری ہسپتال میں مریضوں کے ساتھ انتہائی شرمناک سلوک پر شہریوں میں تشویش کی لہرپھیل گئی ہے-
واضح رہے کہ گزشتہ سال لاہور کے سب سے بڑے سرکاری میو ہسپتال میں دو سال پہلے نوکری سے برطرف سکیورٹی گارڈ وحید بٹ نے مبینہ طور پر پیسوں کے لالچ میں ایک ضعیف مریضہ کا آپریشن کردیا تھا لاہور کے علاقہ مدینہ کالونی شالیمار کے رہائشی شفاقت علی کے مطابق ان کی والدہ شمیم بی بی کی کمر میں ایک زخم تھا جس کا علاج کرانے وہ انہیں گزشتہ سال 17 مئی کو میو ہسپتال ایمرجنسی لائے تھے ملزم نے مریض کو بتایا تھا کہ وہ ڈاکٹر ہیں اور یہ کہ ان کی والدہ کے زخم کا آپریشن ہوگا۔
اس کے بعد وحید نے ان کی والدہ کو سرجیکل ٹاور آپریشن تھیٹر منتقل کر دیا، جہاں آپریشن تھیٹر اٹینڈنٹ محمد ندیم بھی موجود تھے وحید نے آپریشن کر کے زخم پر پٹی کر دی اور مریضہ کو واپس گھر لے جانے کا کہا تھا انہوں نے پٹیوں کے 500 روپے لیے اور روزانہ گھر آکر بھی پٹیاں بدلنے کے پیسے لیتے رہے لیکن جب پانچ دن بعد بھی زخم نہ بھرا بلکہ مزید خون بہنے لگا تو وحید نے کہا کہ انہیں دوبارہ ہسپتال لے جانا پڑے گا بعد ازاں مریض کے اہلخانہ کو پتہ چلا کہ وحید بٹ ڈاکٹر نہیں بلکہ نوکری سے نکالے گئے ایک سکیورٹی گارڈ ہیں اور ان کے غلط آپریشن کی وجہ سے زخم خراب ہو گیا پولیس کے ذریعے وحید اور ندیم کو گرفتار کرایا اور شمیم بی بی کا باقاعدہ علاج شروع ہوا۔
کوئٹہ :کوئٹہ میں کار پر فائرنگ سے4 افراد جاں بحق،اطلاعات کے مطابق بلوچستان کے دارالحکومت کوئٹہ میں کار پر فائرنگ کے نتیجے میں 4 افراد جاں بحق ہوگئے۔
پولیس کے مطابق واقعہ سریاب کے علاقے میں پیش آیا جہاں نامعلوم مسلح افراد نے کار کو نشانہ بنایا، ملزمان نے گاڑی پر اندھا دھند فائرنگ کی جس کے نتیجے میں 4 افراد موقع پر ہی جاں بحق ہو گئے۔
گاڑی میں سوار ایک اور شخص شدید زخمی ہوا ہے جسے تشویشناک حالت میں سول اسپتال منتقل کر دیا گیا ہے جہاں ڈاکٹرز اس کی جان بچانے کی کوشش کر رہے ہیں۔
پولیس کا کہنا ہے کہ ابتدائی طور پر واقعہ پرانی دشمنی کا نتیجہ ہے تاہم اس حوالے سے تفتیش شروع کر دی گئی ہے۔
پولیس نے جائے وقوعہ سے ابتدائی شواہد اکٹھے کر لیے ہیں اور گولیوں کا نشانہ بننے والی گاڑی کو تحویل میں لے لیا ہے۔ فوری طور پر جاں بحق افراد کی شناخت نہیں ہو سکی۔
اس سے پہلےڈیرہ بگٹی میں موندرانی مٹ کے قریب دھماکے میں لیویز کے 4 اہلکار شہید ہوگئے جبکہ لیویز اہلکاروں سمیت 9 افراد زخمی بھی ہوئے۔
لیویز حکام کے مطابق گزشتہ رات موندرانی کے علاقے میں سولر سسٹم پر نامعلوم افراد نے فائرنگ کی تھی، لیویز اہلکار تحقیقات کیلئے پہنچے تو دھماکا ہوگیا۔
سینیٹر سرفراز بگٹی کا کہنا ہے کہ شہید افراد میں ان کا کزن بھی شامل ہے، بلوچ ری پبلکن آرمی کے دہشت گرد حملے میں ملوث ہیں ۔انہوں نے بتایا کہ حملے میں میرے کزن سمیت 4 افراد شہید ہوئے، حکومت مذاکرات کے نام پر ہم سے مذاق کر رہی ہے۔
سرفراز بگٹی کا کہنا تھا کہ صوبائی حکومت سے پوچھتا ہوں کہ کیوں ہمیں دہشت گردوں کے آگے پھینک دیا ہے، لوگوں کی مدد کرنا ریاست کی ذمہ داری ہے۔
اسلام آباد ایئرپورٹ سول ایوی ایشن اتھارٹی کا ملازم منی لانڈرنگ میں سہولت کار نکلا-
باغی ٹی وی : تفصیلات کے مطابق اسلام آباد ائیر پورٹ ( سی اے اے ) کے فائر اسسٹنٹ سے 1کروڑ 72لاکھ روپے سے زائد مالیت کی غیر ملکی کرنسی برآمد کر لی گئی برآمد شدہ کرنسی میں 70ہزار یورو، 56ہزار500 سعودی ریال اور 8ہزار یو اے ای درہم شامل ہیں گل نواز عباسی نے دبئی جانے والے دو مسافروں کا ریپڈ پی سی آرکروایا سی اے اے اہلکار کو انٹرنیشنل ایرائیول سے ڈیپارچر، جاتے ہوئے اے ایس ایف اہلکاروں نے گرفتار کیا-
سی اے اے اہلکار دبئی جانے والے مسافروں کو غیر ملکی کرنسی پہنچانا چاہتا تھا ترجمان سول ایوی ایشن سیف اللہ خان نے واقع کی تصدیق کرتے ہوئے بتایا کہ گل نواز عباسی سی اے اے کا کنٹریکٹ ملازم ہے جسے معطل کردیا ہے-
دوسری جانب ا ے ایس ایف نے سی اے اے کے اہلکار کی نشاندہی پر دبئی جانے والے دو مسافروں کو بھی آف لوڈ کردیا سی اے اے اہلکار دبئی جانے والوں دونوں مسافروں کو منی لانڈرنگ میں بطور سہولت کار مدد دے رہا تھا
نئی دہلی: بھارت میں سفاک ملزمان نے پہلے دوسالہ بچے کی ماں کو نہ صرف اجتماعی زیادتی کا نشانہ بنایا گیا بلکہ منہ پر کالک مل کر سڑکوں پر گھمایا گیا جس پر 11 افراد کو حراست میں لے لیا گیا۔
باغی ٹی وی : بھارتی میڈیا کے مطابق سوشل میڈیا پر ایک ویڈیو وائرل ہوئی ہے جس میں خواتین کے جتھے کو ایک خاتون کو مارپیٹ کرتے ہوئے گلیوں میں گھماتے ہوئے دیکھا جا سکتا ہے متاثرہ خاتون کے بال کاٹ دیئے گئے ہیں اور ان کے چہرے پر کالک مل دی گئی ہے جب کہ کئی خواتین انھیں دھکا دیتیں اور تشدد بھی کر رہی ہیں۔ دیگر خواتین ویڈیوز بنارہی ہیں۔
بھارتی میڈیا کے مطابق یہ ویڈیو وائرل ہونے پر دہلی پولیس حرکت میں آئی، متاثرہ خاتون اور ان کے بیٹے کو بے ہوشی کے عالم میں ویرانے سے ایک محفوظ مقام پر منتقل کیا ویڈیو کی مدد سے پولیس نے خواتین سمیت 11 افراد کو گرفتار کرلیا ہے۔ ابتدائی تفتیش سے پتہ چلتا ہے کہ واقعہ ذاتی دشمنی میں انتقاماً کیا گیا۔
متاثرہ خاتون نے پولیس کو بتایا کہ اسے پڑوسیوں نے اغوا کیا جہاں مردوں اور نوعمر لڑکوں نے اجتماعی زیادتی کی اور پھر پڑوسیوں کی خواتین نے بال منڈھ کر منہ پر کالک ملی اور گلی گلی پھرایا۔
مقامی میڈیا کے مطابق ملزمان کے ایک 16 سالہ نوجوان رشتے دار نے متاثرہ خاتون کی جانب سے شادی کی پیشکش ٹھکرانے پر ٹرین کے سامنے کود کر خودکشی کرلی تھی۔
نئی دہلی: بھارتی ریاست بہار میں بھارتی فوج کا طیارہ گر کر تباہ ہو گیا۔
باغی ٹی وی : بھارتی میڈیا کے مطابق انڈین آرمی آفیسرز کی ٹریننگ اکیڈمی کا طیارہ تربیتی پرواز کے لیے اڑان بھرنے کے کچھ دیر بعد ہی گر کر تباہ ہو گیا طیارے میں 2 پائلٹس موجود تھے تاہم پائلٹس ایمرجنسی چھلانگ لگا کر اپنی جانیں بچانے میں کامیاب ہو گئے تاہم انہیں کچھ معمولی چوٹیں آئیں۔
عینی شاہدین کا کہنا ہے کہ طیارے کو ہچکولے کھاتے ہوئے تیزی سے زمین کی طرف آتے دیکھ کر خوف زدہ ہو گئے تھے۔ طیارہ دیکھتے ہی دیکھتے کھیتوں میں آ گرا اور اس میں آگ بھڑک اُٹھی۔
https://www.youtube.com/watch?v=nN98lgrcguM
عینی شاہدین نے بھی میڈیا کو بتایا کہ پہلے طیارہ کھیتوں میں گر کر تباہ ہوگیا اس کے دو دو پائلٹس پیراشوٹس کی مدد سے نیچے اترے جنھیں معمولی چوٹیں آئیں۔
بھارتی فوج کے ترجمان کا کہنا تھا کہ طیارے کے اڑان بھرتے ہی تیکنیکی مسائل کے باعث دونوں پائلٹس نے ہنگامی لینڈنگ کی کوشش کی اور ناکامی پر جہاز سے کود کر جان بچائی۔
بھارتی فوج نے طیارہ حادثے کی تحقیقات کے لیے انکوائری کمیٹی تشکیل دے دی ہے تاہم بھارتی فوج کے طیاروں کے گرنے کا یہ پہلا واقعہ نہیں۔ ناقص اور پرانے طیاروں کے استعمال پر بھارتی فوج کے افسران حکومت سے واویلا کرتے آئے ہیں۔
قبل ازیں گزشتہ برس 24 دسمبر کو بھارتی ریاست راجھستان میں مِگ 21 طیارہ تربیتی مشق کے دوران گر کر تباہ ہو گیا اور پائلٹ ہلاک ہو گیا تھا یہ واقعہ سن 2021 میں پیش آنے والے کئی فضائی حادثوں کا تسلسل تھا اورگزشتہ سال بھارتی فوجی ہوا بازی کے لیے مہلک ترین ثابت ہوا-
جبکہ اس سے قبل ایک ہیلی کاپٹر حادثے میں بھارت کے پہلے چیف آف ڈیفنس اسٹاف جنرل بپن راوت بھی ہلاک ہو گئے تھے ان واقعات کے باعث بھارت میں پرانے عسکری ساز و سامان اور بھارتی فوج کو جدید بنانے کے بارے میں پھر سے بحث شروع ہو گئی۔
نئی دہلی: بھارت میں مسلمانوں کی زندگیاں اجیرن ،طالبات پولیس کیڈٹ کے حجاب کرنے پرپابندی ،اطلاعات کے مطابق بھارت میں ایک اورمسلمان دشمن فیصلہ کرتے ہوئے مسلمان پولیس کیڈٹ پرحجاب کرنے پرپابندی عائد کردی گئی۔
بھارتی میڈیا کے مطابق کیرالہ کی حکومت نے مسلمان پولیس کیڈٹ کے حجاب کرنے اورپوری آستین کی قمیض پہننے پرپابندی لگادی۔کیرالہ کی حکومت کا کہنا ہے کہ ریاستی اسکولوں کے طلبا کے لئے شروع کئے گئے اسٹوڈنٹ پولیس کیڈٹ پروجیکٹ میں شریک طالبات کے حجاب پہننے اورپوری آستین کی قمیض پہننے پرپابندی عائد کردی۔
کیرالہ کے ریاستی حکام کے مطابق یونیفارم میں مذہبی علامات کو استعمال کرنے کی کوئی گنجائش نہیں اورنہ ہی اس کی اجازت دی جاسکتی ہے۔حجاب پرپابندی کیخلاف ایک مسلمان طالبہ نے کیرالہ کے ہائیکورٹ میں درخواست دائرکی تھی۔عدالت نے درخواست فیصلے کے لئے ریاستی حکومت کو بھیج دی تھی۔
ممبئی کے ملاڈ میں ہندوانتہا پسندوں نے ایک مسلمان رکشہ ڈرائیور پر چور ہونے کا الزام لگا کر اس کو مار مار کرجان سے مار دیا ہے۔ پولس کے ایک افسر نے بتایاکہ شاہ رخ شیخ نامی شخص کو دامو نگر کے لوگوں نے دس دن پہلے اس وقت پکڑ لیا تھا جب وہ وہاں پہلے سے کھڑے اپنے آٹو رکشہ کی دیکھ بھال کرنے پہنچا تھا۔
پولیس افسر کا کہنا ہے کہ ان انتہا پسندوں نے قتل کرنے کے بعد شیخ کو پاس کے ایک مقام پر پھینک دیا۔ اب مہلوک کے اہل خانہ نے احتجاج کرکے واقعے میں شامل لوگوں کے خلاف کارروائی کا مطالبہ کیا ہے۔
کراچی: ذہنی معذور لڑکی سے زیادتی کرنے والے سندھ پولیس کے اہلکار کا جسمانی ریمانڈ ،اطلاعات کے مطابق شہریوں کی عزت و ناموس اور جان و مال کا محافظ ہی لٹیرا بن گیا، جناح اسپتال کالونی میں ذہنی معذور لڑکی پولیس اہلکار کی حوس کا نشانہ بن گئی۔
تفصیلات کے مطابق پولیس اہلکار نے ذہنی طور پر معذور لڑکی کو مبینہ طور پر جنسی زیادتی کا نشانہ بنایا ہے، جسے گرفتار کرکے مجسٹریٹ کی عدالت میں پیش کردیا گیا۔
عدالت نے گرفتار ملزم مختیار عرف رانا کو 31 جنوری تک جسمانی ریمانڈ پر پولیس کے حوالے کردیا اور آئندہ سماعت پر تفتیشی افسر سے پیشرفت رپورٹ طلب کرلی۔
مقدمے کے متن میں کہا گیا ہے کہ مبینہ زیادتی کا واقعہ مبینہ طور پر 28 جولائی 2021 کو پیش آیا لیکن واقعے کا علم اس وقت ہوا جب لڑکی کی طبیعت خراب ہوئی اور والدین نے چیک اپ کرایا۔
مقدمے میں کہا گیا ہے کہ ذہنی معذور لڑکی سے پڑوس میں مقیم پولیس اہلکار نے اسلحے کے زور پر زیادتی کی اور زیادتی سے متعلق کسی کو بھی بتانے پر قتل کرنے کی دھمکی دی تھی۔
پولیس کا اس کیس کہنا ہے کہ ذہنی معذور لڑکی سے مبینہ زیادتی کا واقعے کا مقدمہ ویمن ساؤتھ پولیس اسٹیشن میں درج ہے۔دوسری طرف لڑکی کے ورثاکا کہنا ہے کہ سندھ میںپولیس کوسیاسی سرپرستی حاصل ہے کون ہے جو پولیس کی کالی بھیڑوں سے ان مظالم کا حساب لے ، ان کا کہنا تھا کہ بس یہ آنکھوں اور کانوں کو دھوکا ہے کچھ نہیں بنے گا
