Category: جرائم و حادثات

ملتان : چنددن قبل بیٹی کوقتل کرکے خودکشی کرنے والے ڈاکٹرکے بھائی ڈاکٹر نے بھی خودکشی کرلی ،اطلاعات کے مطابق ملتان کی سخی سلطان کالونی میں ایک شخص اپنے گھر میں جھلس کر جاں بحق ہوگیا،

ریسکیو کے مطابق جھلسنے والے شخص کی شناخت ڈاکٹر سلیم محب کے نام سے ہوئی، ڈاکٹر سلیم محب چند روز قبل اپنی بیٹی کو مار کر خودکشی کرنے والے ڈاکٹر اظہر حسین کے بھائی ہیں،

ان کے بھائی اشرف ضیا کے مطابق ڈاکٹر سلیم گھر میں اکیلے تھے، ہمسائیوں نے گھر میں دھماکے کی آواز سنی اور ریسیکو کو اطلاع دی، پولیس نے گھر سے شواہد اکھٹے کرکے قانونی کاروائی شروع کردی،

پولیس ذرائع کے مطابق واقعہ خودکشی لگتا ہے مزید تحقیقات جاری ہیں حتمی وجہ پوسٹ مارٹم کے بعد واضح کی جائے گی۔

اسلام آباد:وفاقی دارلحکومت کے تھانہ گولڑہ کی حدود سے ایک نوجوان دوشیزہ کی جلی ہوئی لاش برآمد ہوئی ہے ،پولیس نے لاش قبضہ میں لیکر تفتیش شروع کر دی ہے ،معلومات کے مطابق ہومیو سائیڈ نے ابتدائی تفتیش میں لاش کی شناخت نہ کر سکی جس کے نتیجہ میں پولیس کی مدعیت میں مقدمہ درج کر لیا گیا ہے ،آئی جی قاضی جمیل الرحمن کی ہدایت پر نامعلوم قاتل کی تلاش شروع کر دی گئی ہے

ذرائع کے مطابق ہفتے کو جنگل کے قریب آس پاس گھوٹی موڑ کے قریب نامعلوم خاتون کی لاش برآمد ہوئی تھی جسے آگ لگا دی گئی تھی۔ پولیس نے تفتیش کے لئے کچھ مشتبہ افراد کو پکڑ لیا ہے۔ شاہ اللہ دتہ کے قریبی جنگل کے ایک سرکاری ملازم چوکیدارہمایوں کبیرنےگولڑہ پولیس اسٹیشن میں شکایت درج کرائی کہ وہ ڈیوٹی پر تھا جب اس کے ساتھی حامد خان نے اسے اس کے بارے میں اپنے موبائل فون پر مطلع کیا۔

تفصیلات کے مطابق تھانہ (پی ایس) گولڑہ شریف کی حدود شاہ اللہ دتہ کے قریب نامعلوم ملزمان 21 سالہ خاتون کو کنسلا کے پہاڑی علاقے میں لے گئے۔ انھوں نے مبینہ طور پر بچی کو تشدد کا نشانہ بنایا اوراس پرپٹرول چھڑک کراسے جلا دیا۔

ذرائع کے مطابق بعد میں ملزمان نے بچی کی لاش کو گھسیٹا اور پہاڑی کی چوٹی سے گہری کھائی میں پھینک دیا۔ انہوں نے بتایا کہ کچھ مقامی افراد نے لاش کی موجودگی سے پولیس کو آگاہ کیا۔

اطلاع کے بعد ، ڈپٹی سپرنٹنڈنٹ پولیس (ڈی ایس پی) صدر زون سجاد بخاری کی سربراہی میں پولیس کی ٹیم فارنسک کے ماہرین اور ہومائیڈ انویسٹی گیشن یونٹ کے تفتیش کاروں کے ساتھ جائے وقوعہ پر پہنچ گئی۔ پولیس اہلکار شواہد اکٹھے کیں اور پوسٹ مارٹم کے لئے جسم کو پمز منتقل کردیا۔

ڈی ایس پی سجاد بخاری نے میڈیا سے گفتگو کرتے ہوئے کہا "ابھی تک پولیس بچی کی شناخت نہیں کر سکی۔ انہوں نے بتایا کہ ایچ آئی یو کے تفتیش کاروں اور فرانزک ماہرین نے جسم سے نمونے لئے ہیں اور مزید کارروائی کے لئے فرانزک لیب لاہور روانہ کردیئے گئے ہیں۔

انہوں نے کہا کہ "تفتیش کاروں نے پہلو کی چوٹی پر لڑکی کو لانے والے مردوں کی شناخت کے لئے قریبی علاقوں سے سی سی ٹی وی فوٹیج حاصل کی ہیں۔” انہوں نے بتایا کہ نامعلوم قاتلوں کے خلاف بھی مقدمہ درج کرلیا گیا ہے جبکہ مزید تفتیش جاری ہے۔

لاہور: مریم کوہسپتال کون لایا،اسقاط حمل کے دوران جاں بحق لڑکی کیس میں دوسرا ملزم بھی گرفتار،اطلاعات کے مطابق نواب ٹاؤن کے علاقے میں ٹیچنگ اسپتال میں لڑکی کی لاش چھوڑنے کے معاملے میں نئے انکشافات سامنے آگئے۔

پولیس نے لڑکی کو ہسپتال لانے والا دوسرا ملزم بھی گرفتار کرلیا۔ پولیس کے مطابق دوسرے نوجوان کی شناخت اویس کے نام سے ہوئی اور لڑکی کا اسقاط حمل کرائے جانے کا انکشاف ہوا ہے، شبہ ہے کہ اسی وجہ سے لڑکی جاں بحق ہوئی۔

پولیس ذرائع کے مطابق لڑکی کا اسقاط حمل جھنگ سے کرایا گیا اور پولیس نے اسقاط حمل کرنے والی خاتون سمیت دو افراد کو بھی حراست میں لے لیا ہے۔ گرفتار کئے گئے دونوں ملزمان کے بیانات لئے جارہے ہیں۔

اویس لڑکی کو اسپتال لانے والی گاڑی میں موجود رہا۔ لاش اسپتال میں لے جانے والے ملزم اسامہ منیر کو پہلے ہی گرفتار کیا جا چکا ہے جو لڑکی کا کلاس فیلو ہے اور دونوں کے تعلقات تھے۔

گزشتہ روز لاہور کے علاقے نواب ٹاؤن کے ایک نجی میڈیکل کالج میں ایک طالبہ کی لاش ملی تھی، لڑکی کی شناخت مریم کے نام سے ہوئی، اور اس کا تعلق پنجاب کے ضلع گجرات سے ہے۔

واقعے کی سی سی ٹی فوٹیج منظرعام پر آنے کے بعد پتہ چلا کہ لڑکی کی لاش دو نامعلوم افراد چھوڑ کر گئے تھے، فوٹیج میں واضح طور پر دیکھا جا سکتا ہے کہ ایک نوجوان لڑکی کو اٹھا کر کالج کے ایمرجنسی وارڈ میں داخل ہورہا ہے، جب کہ اس کا دوسرا ساتھی گاڑی میں بیٹھا انتظار کررہا ہے

کراچی: میری بیٹی کو گولی نہ ماریں :کراچی میں ڈاکووں نے بیٹی کے سامنے باپ کو گولی مار دی گئی ،اطلاعات کے مطابق شہر قائد کے علاقے کورنگی میں موٹر سائیکل سوار ملزمان نے ڈکیتی کے دوران مزاحمت کرنے پر بیٹی کے سامنے باپ کو گولی ماردی۔

ذرائع کے مطابق کراچی کے علاقے کورنگی اللہ والا ٹاؤن میں ڈکیتی مزاحمت پر موٹر سائیکل سوار ملزمان نے بیٹی کے سامنے باپ کو گولی ماردی، واقعے کی سی سی ٹی وی فوٹیج منظر عام پر آگئی۔

سی سی ٹی وی فوٹیج میں دیکھا جاسکتا ہے کہ شہری نے موٹر سائیکل روک کر اترنے کی کوشش کی تو ملزمان نے گولی ماری، پولیس کی جانب سے تاحال ملزمان کو گرفتار نہیں کیا جاسکا ہے۔ذرائع کے مطابق طاہر نامی شخص کو فوری طبی امداد دی گئی جس کی حالت اب خطرے سے باہر بتائی جارہی ہے۔

ذرائع کا کہنا ہے کہ کراچی میں اسٹریٹ کرائمز کے سینکڑوں واردات رونما ہوتے ہیں جس میں شہریوں کو قیمتی اشیا سے محروم کردیا جاتا ہے، جبکہ ڈکیتی کے دوران مزاحمت کرنے پر شہریوں کو فائرنگ کرکے قتل کردیا جاتا ہے۔