Category: جرائم و حادثات

لڑکی کو تنگ کرنے سے منع کرنے پر شہری کو قتل کرنیوالا ملزم گرفتار
باغی ٹی وی کی رپورٹ کے مطابق راولپنڈی میں صدر بیرونی پولیس نے کاروائی کی ہے اور، لڑکی کو تنگ کرنے سے منع کرنے اور لڑائی جھگڑے سے روکنے پر شہری کو قتل کرنے والا ملزم 72 گھنٹے میں گرفتارکر لیا

مدعی مقدمہ کے مطابق ثمر زار چوک کے نزدیک دو لڑکے لڑائی جھگڑا کر رہے تھے جس کی وجہ سے راستہ بلاک ہو گیا،مقتول عبد الرشید نے روڈ بلاک ہونے اور لڑکی کو تنگ کرنے سے منع کرتے ہوئے ملزم منصر سمجھانے کی کوشش کی، جس پر منصر عباس نے فائرنگ کرکے عبدالرشید کو قتل کردیا،

ایس پی صدر ڈویژن ضیاء الدین احمد نے نے واقعے کا نوٹس لیتے ہوئے مقدمہ درج کر کے فوری طور پر ملزم کی گرفتاری کے لیے خصوصی ٹیم تشکیل دی، اے ایس پی صدر سرکل کی سربراہی میں ایس ایچ او صدر بیرونی اور تفتیشی ٹیم نے جدید تفتیش اور ہیومن انٹیلی جنس کے ذریعے ملزم کو منصر عباس کو ٹریس کر کےگرفتار کر لیا،

قتل کے سنگین مقدمہ میں ملوث مرکزی ملزم کو ٹریس کرنے اور گرفتاری پر سی پی او محمد احسن یونس کی جانب سے ایس پی صدراور پولیس ٹیم کو شاباش دی گئی،ملزم کو ٹھوس شواہد کے ساتھ چالان کرکے عدالت سے قرار واقعی سزا دلوانے کی ہدایت کی گئی

اسلام آباد میں پولیس کی کاروائیاں جاری تاہم بری امام چوکی کی حدود میں جرائم پیشہ افراد کو کھلی "چھٹی”

باغی ٹی وی کی رپورٹ کے مطابق ایس پی صدر زون محمد سرفراز ورک کی ہدایت پر تھانہ گولڈہ شریف اور کراچی کمپنی پولیس نے کارروائیاں کی ہیں

گھریلو چوری کی واردتوں میں ملوث رخسار احمد نامی ملزم سمیت منشیات ڈیلر و دو ناجائز اسلحہ رکھنے والے 5 ملزمان گرفتار کر لئے،ملزمان کے قبضہ سے ہزاروں روپے مالیت کا چوری شدہ گھریلو سامان 1050 گرام چرس 500 گرام ہیروئن اور پسٹل معہ روند بر آمد کر لی گئی

ملزمان میں محمد عمران ،شبیر حسین ،مصدق اور عابد شامل ہیں ۔ملزمان کے خلاف الگ الگ مقدمات درج کر کے مزید تفتیش شروع کردی گئی۔کارروائیاں ایس ڈی پی اوز کی نگرانی میں ایس ایچ اوز معہ جوانوں نے کی ،آ ئی جی اسلام آباد و ڈی آئی جی آپریشنز نے صدر زون پولیس کی کارکردگی کو سراہا۔

دوسری جانب وفاقی دارالحکومت کے تھانہ سیکرٹریٹ کی پولیس چوکی بری امام میں تعینات سب انسپکٹر خر م اسلم نے افسران بالا کے احکامات کو ہوا میں اڑا تے ہوئے بری امام چوکی کی حدود میں پیشہ وار بھکاریوں کو گرفتار کرنے کی بجائے کھلی چھٹی دے رکھی ہے جو بری سرکار دربار پر حاضری کیلئے آنے والے عقیدت مندوں کو انتہائی تنگ کرتے ہیں

پیشہ ور بھکاریوں کا کہنا ہے کہ پولیس کے ساتھ تعاون کے بغیر ہم ایک منٹ بھی یہاں پربھیک نہیں مانگ سکتے،دوسری جانب پولیس چوکی کی چند میٹر کی دوری پر واقع بری امام اڈا میں پرچی جوا ہو رہا ہے پولیس ذرائع کے مطابق چوکی بری امام کی حدو دڈھکی محلہ میں انس نامی محلہ نوری باغ میں حفیظ،برشوپٹھان،لوئی داندی راستے میں چرس فروخت کرتے ہیں جسکی وجہ سے نوجوان نسل تباہ ہو رہی ہے مذکورہ افراد کیخلاف قبل ازیں تھانہ سیکرٹریٹ میں ناجائز فروشی کے مقدمات درج ہیں

پولیس چوکی میں سیکورٹی کیمروں کی مانیٹرنگ کا سسٹم نصب کیا گیا تھا جن کو چوکی انچارج یا چوکی پر تعینات جوان ان کی مانیٹرنگ کرتے تھے وہ سسٹم بھی خراب ہے چوکی بری امام میں منشیات فروشی عروج پر جسکی وجہ سے نوجوان نسل تباہ ہو رہی ہے آئی جی اسلام آباد محمد عامر ذوالفقارخان،ڈی آئی جی آپریشنر وقارالدین سید نوٹس لیں اور چوکی بری امام پر تعینات تمام عملے کو تبدیل کر کے فرض شناس سب انسپکٹر کی تعیناتی کو یقینی بنائے تاکہ علاقہ کو امن کا گہوارہ بنایا جائے

سونیا نامی عیسائی لڑکی کے قاتل پولیس نے کیے گرفتار
باغی ٹی وی کی رپورٹ کے مطابق تھانہ کورال پولیس نے فضائیہ سٹاپ پر سونیا نامی عیسائی لڑکی کو قتل کرنے والے دوسرا ملزم شہزاد عرف شانی کو گرفتار کرلیا

شہزاد نامی لڑکا مقتولہ سے شادی کرنا چاہتا تھا ،شہزاد عرف شانی نے فضائیہ سٹاپ کے نزدیک فائرنگ کرکے سونیا بی بی نامی لڑکی کو موت کے گھاٹ اتار دیا ،تھانہ کورال پولیس فیضان نامی ملزم کو پہلے ہی گرفتار کرلیا تھا

کارروائی ایس ایچ او تھانہ کورال ملک بشیر معہ جوانوں نے کی ،پولیس کے مطابق شہزاد عرف شانی نامی لڑکا مقتولہ سے شادی کرنا چاہتا تھا،شہزاد کی والدہ نے لڑکی کے گھر رشتہ بھی بھیجا تھا لیکن لڑکی کے والدین نے رشتے سے انکار کردیا تھا .مقتولہ کی فیضان نامی لڑکے کے ساتھ دوستی بن گئی

فیضان لڑکی کو موٹرسائیکل پر لے کر ہائی وے پر جا رہا تھا،شہزاد نے فضائیہ سٹاپ کے نزدیک فائرنگ کردی جس سے لڑکی کی موت واقع ہوگئی ،تھانہ کورال پولیس نے وقوعہ کا فوری طور پر مقدمہ درج کرکے فیضان نامی ملزم کو گرفتار کرلیا تھا

پاک کالونی میں پیسوں کے تنازعے پر چھری کے وار سے مالک زخمی.

سوزوکی ڈرائیور آزاد نے نے اپنے مالک فضل ربی کو گلے پر وار کر کے زخمی کر دیا.

پولیس موبائل معمول پر گشت کر رہی تھی کہ موقع واردات پر ملزم آزاد کو پولیس نے گرفتار کرلیا.

ملزم کے قبضے سے عالیہ چورہ برآمد کرلیا.

زخمی فضل ربی کو طبی امداد کے لیے ہسپتال منتقل کر دیا.

ایس ایچ او پاک کالونی نے ملزم کے خلاف مقدمہ درج کر کے قانونی کاروائی شروع کر دی.

بن قاسم سے اسٹریٹ کرمنل گرفتار۔

پولیس نے ملزم کو خفیہ اطلاع پر مری گوٹھ کے قریب سے گرفتار کیا۔ ملزم بلاول عادی مجرم ہے اور پولیس پر فائرنگ سمیت اقدام قتل اور ڈکیتی نیچے سنگین جرائم میں ملوث تھا۔گرفتار ملزم سے وارداتوں میں استعمال ہونے والا اسلحہ بمعہ ایمونیشن برآمد۔ملزم بلاول نے ڈکیتی اور شہریوں سے چھینا جھپٹی کی وارداتوں کا اعتراف کیا۔
گرفتار ملزم نے زیادہ تر وارداتیں بن قاسم، اسٹیل ٹاؤن اور شاہ لطیف کے علاقے میں کرنے کا انکشاف کیا۔

گرفتار ملزم کا کرمنل ریکارڈ حاصل کی جا رہا ہے۔ایک اور کارروائی میں پولیس نے گٹکا/ ماوا کی فروخت میں ملوثلزم کو گرفتار کیا۔
گرفتار ملزم سے بڑی مقدار میں گٹکا/ماوا برآمد۔ملزم ثاقب علی پابندی کے باوجود علاقے میں گٹکا فروخت کر رہا تھا۔گرفتار ملزمان کیخلاف مقدمات درج، تفتیش جاری۔
ملزم ۔ بلاول سے برآمد اسلحہ فارنزک کیلئے روانہ کر دیا گیا۔

چار سو تولے سونا لوٹنے والے ملزمان کون نکلے؟ اہم انکشاف

باغی ٹی وی کی رپورٹ کے مطابق اسلام آباد سپر مارکیٹ بنی جیولر کی شاپ پر ڈکیتی کا معاملہ، تھانہ کوہسار پولیس نے ڈکیتی کی واردات میں ملوث دو ملزمان صداقت شاہ اور محمد عدیل کو گرفتار کر لیا،

ملزمان سے واردات میں استعمال ہونے والا اسلحہ و ایمونیشن بھی برآمد کر لیا،آئی جی اسلام آباد محمد عامر ذوالفقار نے وقوعہ کا نوٹس لیتے ہوئے فوری طور وقوعہ میں ملوث ملزمان کو گرفتار کرنے کے احکامات جاری کیے تھے ،ڈی آئی جی آپریشنز نے ملزمان کی فوری گرفتاری کے لئے پولیس ٹیمیں تشکیل دی تھی،

پولیس ٹیموں نے قلیل وقت میں جدید ٹیکنالوجی استعمال کرتے ہوئے نامعلوم ملزمان کو ٹریس کیا،ملزم عدیل طابا جیولرز میں جبکہ اس کا والد ہنی جیولرز کا سپر مارکیٹ کا ہی چوکیدار ہے،ملزمان کی نشاندہی پر دیگر ساتھیوں کی گرفتاری کیلئے چھاپے مارے جا رہے ہیں،گروہ نے سپر مارکیٹ ہنی جیولر سےاسلحہ کی نوک پرتقریباً 400 تولہ سونا اور 40,لاکھ روپے لوٹ لیے تھے

کارروائی ایس پی سٹی محمد عمر خان کی زیرنگرانی اے ایس پی میڈم عائشہ گل اور ایس ایچ او اسجد محمود اور ٹیموں نے کی،آئی جی اسلام آباد اور ڈی ائی جی آپریشنز نے پولیس ٹیموں کو تعریفی اسناد اور نقد انعام کا اعلان کیا

قبل ازیں ایس پی انوسٹی گیشن ملک نعیم اقبال کی ہدایت پر سی آئی اے پولیس کی بڑی کارروائی سامنے آئی ہے،منشیات سمگلنگ کی بڑی کھیپ پکڑ لی، تین منشیات کے بڑے سمگلرز گرفتارکر لئے گئے،منشیات سمگلرز کے قبضے سے 24 کلوگرام چرس، 1060گرام آئس برآمد کرلی گئی،منشیات سمگلرز میں خرم مسیح، محمد سلیم اور امیر رحمان شامل ہیں ،منشیات اسمگلنگ کرنے والی گاڑی بھی قبضہ پولیس میں لے لی گئی

ملزمان منشیات جڑواں شہروں میں سپلائی کرتے تھے ،منشیات سمگلرز کے خلاف تھانہ ترنول اور شالیمار میں منشیات کے مقدمات درج ہیں،کارروائی ڈی ایس پی سی آئی اے حاکم خان کی زیرنگرانی، اشتیاق شاہ سب انسپکٹر، ظفر اقبال سب انسپکٹر، سدھیر اے ایس آئی معہ پولیس ٹیم نے کی

باغی ٹی وی کی رپورٹ کے مطابق پنجاب کے دارالحکومت لاہور میں گھریلو ملازم کو گرفتار کیا گیا ہے

ایس پی کینٹ انویسٹی گیشن ڈاکٹر انوش مسعود چوہدری کی سربراہی میں جنوبی چھاؤنی پولیس نے کارروائی کی ہے،چو ری کی واردات میں ملوث گھریلو ملازم احمد یار کو پولیس نے گرفتارکیا ہے،گرفتار ملزم احمد یار شہری حسن ممتاز کے گھر میں عرصہ8/10 سال سے ملازم ہے۔

ملزم احمد یار نے مالک کی سیف کی ڈپلیکیٹ چابی بنوا کر سیف میں موجود 1700 ڈالرز اور پاکستانی نقدی چرا لی تھی۔گرفتار ملزم احمد یار سے چوری کی گئی غیر ملکی و ملکی کرنسی برآمد کر لی گئی

انچارج انویسٹی گیشن جنوبی چھاؤنی طلحہٰ ناصر نے پولیس ٹیم کے ہمراہ کارروائی کرتے ہوئے ملزم کو گرفتار کیا۔ ڈی آئی جی انویسٹی گیشن لاہور کی طرف سے رقم کی برآمدگی اور ملزم کی گرفتاری پر پولیس ٹیم کو شاباش دی گئی

قبل ازیں کاہنہ پولیس نے جھیڈو گاؤں میں جرائم پیشہ عناصر کیخلاف گرینڈ آپریشن کیا،اے ایس پی کاہنہ سرکل شاہ زیب نے آپریشن کی قیادت کی،آپریشن میں ریکارڈ یافتہ منشیات فروشوں سمیت مختلف جرائم میں ملوث 06 ملزمان گرفتارکرلئے گئے

ریکارڈ یافتہ ملزم اللہ رکھا سے 1370 گرام ہیروئین برآمد کی گئی،عمر نامی منشیات فروش گرفتار کر کے 1325 گرام ہیروئین برآمد کی گئی،رضوان سے شراب کی 210 بوتلوں جبکہ فریاد سے 20 لیٹردیسی شراب برآمد کی گئی ،انور اور ضیاء اللہ سے 02 پسٹل اور گولیاں برآمد کی گئیں